素年 (汝州街)

營業中

休息中

幾個朋友掃街攝影時偶然經過見到招牌好特別，剛好肚餓就入去試吓點食物，見到相片很難想像是素食，因為圖片上的三文魚片非常逼真，引起了大家的注意，於是我們大家就叫咗有三文魚的套餐，原來是苟蒻

素年一向都多人食，平時去開近黃金嗰間，今次嚟汝洲街呢間相對闊落，裝修亦比較文青風。食物方面叫咗一份沙律，份量夠一個人食有餘。素三文魚食落90%接近真魚生。雖然價錢係較貴，但食物質素同份量都成正比。

可以招呼寵物餐廳店唔多。特別帶小狗🐶去， 以為要坐門外， 店員說可以入內，我們選擇坐最入, 怕影響食客。我家小狗🐶第一次入餐廳， 驚到不停震。1）沙嗲串燒羊肉天貝飯配手抓餅$138。4分羊肉（可能是鷹咀豆泥代）炸到好乾好硬天貝， 豆腐又係炸到又乾又硬只有沙嗲醬好味，才 救番此餸， 否則4分都冇。 玄米茶good.2）墨西哥炸椰菜花鷹咀豆泥漢堡 $138。7分炸椰菜花唔乾， 但球形， 好難用手食到此漢堡。🍔包鬆軟而脆只有用刀叉切來吃。如果改以餅形應該會好些。3）朱古力蛋糕 6分唔太甜， 幾好， 但又唔係話好好味。總評。環境。7分招呼寵物 。 8分服務。 8分食物。 7分

同朋友响深水埗食一個素食午餐，我覺得都幾抵食，因為佢主打係有機新鮮蔬果，套餐包括一個主食同一杯飲品，佢d套餐有新鮮蔬果配飯、意大利粉或喬麥麵，三文魚或芝士漢堡等好多選擇。 夏威夷牛油果三文魚沙律，有好新鮮嘅中華沙律菜，牛油果，非常味美的三文魚粒配上白米飯，無論味道同外貌都同真嘅三文魚好相似👍，加埋自家制的昆布汁😋絕配！ 生酮野梅牛油果三文魚沙律，新鮮車厘茄、大大粒藍梅、牛油果同埋碎果仁、三文魚粒，配上自家制檸檬橄攬油沙津汁，另有一番風味😋

老婆生日飯，最頭痛喺搵啲啱去食嘅餐廳，其實佢對食嘅要求唔太高，唔需要好貴好奢華，但最緊要喺合佢心水、啱佢口味，由於佢喺偏素，所以範圍喺收窄咗少少，不過出面好多素食餐廳水準參差，搵吓搵吓，以前曾經講過話試「素年」，但隔咗數年都未幫襯過「素年」，今晚卒之嚟一試。 穩陣起見，都喺訂咗枱先。深水埗有兩間「素年」，福榮街嗰間經常爆滿，相反，喺汝州街呢間入座率唔高，成晚所見就算唔訂枱，直接嚟到都有枱。對於餐廳嘅環境，感覺幾好，因為裝修簡約，一室淺木色系，樓底夠高，空間感十足。我哋被安排坐晌入面嘅區域，相對較門口嘅會比較好啲，因為，啲凳有得挨，坐落比較舒服。不過，喺嫌枱與枱之間太近，基本上隔離枱講乜，唔想聽都聚到。 咁「素年」打正旗號主打素食，所以，基本上樣樣嘢都啱老婆。睇一睇其實選擇都幾多，揀選主食有指定飲品附送，如果兩款都唔啱飲，可以揀其他飲品，有$12折扣優惠。 日本三文魚照燒豆腐蕎麥麵定食 $158呢個定食貫徹日本菜嘅精緻，睇見成份定食都開心，裏面所包嘅食物好豐富，以12點位順時針講起，有醬燒茄子、蘿蔔漬、素三文魚、照燒豆腐、南瓜煮、西瓜及蕎麥麵配自家製昆布冷麵汁。 每樣嘢都好啱老婆口味，而

𓂃𖠚∗ᤲ𑀇· ┈┈┈┈┈┈ · ꕥ · ┈┈┈┈┈┈ ·▸ 生酮野莓牛油果三文魚沙律 ᴋᴇᴛᴏ ᴀᴠᴏᴄᴀᴅᴏ ᴍɪxᴇᴅ ʙᴇʀʀʏ ꜱᴀʟᴍᴏɴ ꜱᴀʟᴀᴅ ┅ HKD  98  / 京都​​宇治玄米茶(熱）ʜᴏᴛ ᴘᴏᴘᴄᴏʀɴ ᴛᴇᴀ /自家製檸檬橄欖油沙律汁 ʜᴏᴍᴇᴍᴀᴅᴇ ʟᴇᴍᴏɴ ᴏʟɪᴠᴇ ᴏɪʟ ᴅʀᴇꜱꜱɪɴɢ ▸ 日式三文魚照燒豆腐蕎麥麵定食 ᴊᴀᴘᴀɴꜱᴇ ꜱᴛʏʟᴇ ꜱᴀʟᴍᴏɴ ᴋᴜꜱʜɪʏᴀᴋɪ ꜱᴏʙᴀ ɴᴏᴏᴅʟᴇ ꜱᴇᴛ ┅ HKD 158  / 斯里蘭卡伯爵茶(凍) ɪᴄᴇᴅ ᴇᴀʀʟ ɢʀᴇʏ ᴛᴇᴀ / 麻香炒本地野菜,時令水果,自家製漬物,自家製昆布冷麵汁 ꜱᴛɪʀ-ꜰʀɪᴇᴅ ʟᴏᴄᴀʟ ᴠᴇɢɢɪᴇ, ꜱᴇᴀꜱᴏɴᴀʟ ꜰʀᴜɪᴛ, ʜᴏᴍᴇᴍᴀᴅᴇ ᴛꜱᴜᴋᴇᴍᴏɴᴏ, ᴋᴏɴʙᴜ ɴᴏᴏᴅʟᴇꜱ ꜱᴀᴜᴄᴇ▸ 台式古早肉燥飯鹽酥菇定食 ᴛᴀɪᴡᴀɴᴇꜱᴇ ꜱᴛʏʟᴇ ᴘᴏᴘᴄᴏʀɴ ᴍᴜꜱʜʀᴏᴏᴍ ʙʀᴀɪꜱᴇᴅ ᴘᴏʀᴋ ʀɪᴄᴇ ꜱᴇᴛ ┅ HKD 158 / 斯里蘭卡伯爵茶(凍) ɪᴄᴇᴅ ᴇᴀʀʟ ɢʀᴇʏ ᴛᴇᴀ / 麻

今日午餐朋友想食健康餐，剛好在深水埗附近有間新派素食的餐廳，餐廳裝潢簡約舒適，坐在其中，很有優閒及文青的感覺。餐廳主打有機本地菜定食套餐，而每個套餐包主食及餐飲，非常健康。生酮野梅牛油果三文魚沙律，新鮮的沙律菜，鮮甜的車厘茄及藍梅，香脆的果仁及美味的牛油果，配自家制生酮檸檬橄欖油沙律汁，非常健康好味。夏威夷牛油果三文魚蓋飯碗，鮮甜三文魚粒原來也是素食，無論外觀，口感及鮮甜味，跟鮮三文魚非常相似，幾可亂真，再加自家制的昆布汁，與一粒粒香甜的米飯及中華沙律等材料一齊混合，非常好味。

深水埗素年.味道：8.5/10🌟抵食：8/10🌟環境：7/10🌟.今日帶大家黎到深水埗隱世素食小店🌱小編叫咗招牌嘅漢堡同咖哩義大利飯🥰漢堡製作得好用心，咬落去塊扒好多汁，仿肉碎都做得好好👍🏻超驚喜❣️搭配嘅蕃薯條超香，為咗佢黎都值得呀🍠義大利飯份量勁大，其實可能夠兩個人食🤔️入面嘅蘆筍比較清爽，配上本身比較濃厚嘅飯，幾夾😋另外叫咗兩杯Dirty，佢嘅原配係豆奶，都可以轉燕麥奶🥛小編個人平時比較鍾意燕麥奶，但真心推薦呢度嘅豆奶多啲🫘比較清爽得黎咖啡同豆味都飲倒，平衡得好好😍唯一不足係小編真係未食完就俾人趕，因為有入座限時，冇得舒舒服服坐🥹不過都幾推薦大家去試下～.#香港 #食評 #foodie #食好西 #instagram #discoverhongkong #香港好去處 #香港美食 #打卡 #打卡餐廳 #深水埗 #深水埗美食 #深水埗好去處 #香港素食 #素食 #素食餐廳 #dirty #素食漢堡

純素🌱YEARS成日都聽呢間純素cafe!今日經過就食番個tea試下啦(⁎⁍̴̛ᴗ⁍̴̛⁎)薄荷朱古力提拉米蘇🌰第一次食純素甜品！感覺好健康～食落又唔會好甜好濃咖啡口味☕️面層仲有厚厚cream台式甘梅炸番薯條🍟呢個熱辣辣，真係即叫即炸！仲有酸酸甜甜嘅味，好鐘意面層啲粉！超推薦呢度嘅燕麥奶🫶🏻香蕉合桃焙茶燕麥奶🤎啖啖香蕉口味🍌飲落好厚實，又唔會太甜！奇異果羽衣甘藍蘋果燕麥奶💚呢個超fresh！仲飲到奇異果🥝美顏一流🤪📍 素年 (汝州街) (深水埗)深水埗汝州街132號地舖#深水埗美食 #深水埗cafe #香港cafe #hkcafe #純素cafe #純素

呢間餐廳之前係YouTube見到有人介紹過 覺得幾特別 餐廳堅持使用有機本地菜✊🏻餐廳擁有四間分店 分別係深水埗、荃灣 同埋黃埔 而且每一間菜式都係有少少唔同 留意返呢到餐廳份量都幾大🤓 準備定胃口黎食haha泰式炸蝦秘醬冬陰意大利粉🍤 （$118）先講意粉 煮得夠aldante 好彈牙 唔會太淋🍝其次個冬陰功同埋蝦醬都超級開胃🤤 真係每一淡麵都痴到足夠既醬汁🥹 冬陰功唔會太辣 而且香茅同埋香料味好香 個麵仲跟買兩條腐皮卷🫶🏻 同埋茄子🍆+車里茄🍅 真係留意到餐廳每一樣嘢都超級用心 茄子係有微微炸過 面頭脆脆哋 唔會過淋 而且腐皮卷真係100分！我超級滿意 個皮炸的卜卜脆 餡料足夠 裡面有一舊個皮包住白蘿蔔同埋紅蘿蔔🥕+木耳👍🏻 口感非常豐富！香蕉核桃焙茶燕麥奶 ($50) 跟餐-$12呢杯飲品幾特別 真係好多隻味同時間係一杯野飲 我覺得香蕉同埋核桃味係偏出 而燕麥奶同埋配茶味就淡淡地呈現 呢杯野口感都幾特別 久唔久會食到一兩粒核桃 而且核桃令到飲品有沙沙哋既口感😍味道：🌟🌟🌟🌟.75/5 📍 素年 (汝州街) (深水埗)地址：深水埗汝州街132號地舖

一直想去深水埗這間吃素食野，今天需要出深水埗買嘢，所以即興午餐去了這間吃，到達門口，入到去，裝修好有特色，環境有優閒舒適感，坐位寬倘，坐下，看了一會餐牌，就叫了泰式炸蝦秘製冬蔭意大利粉   車厘茄，茄子意大利粉幼身嫩滑，濃香冬蔭味，比平時辣度，冇這麼辣同拱，清清辣味，味道剛好，新的一番口味感，腐皮包住蝦一起炸，腐皮身同蝦身炸得好香，咬一口脆卜卜，好爽滑彈牙，清香鮮蝦鮮味，車厘茄同茄子，茄味各有不同，同樣鮮甜青森蘋果熱情果梳打  少有，梳打面舖上蘋果片，蘋果片清甜，入口唰唰聲，蘋果同熱情果香味更濃郁，獨特清新感，味道好搭配，甜度適中

我地係Share黎食嘅～我地叫左沙拉同意粉。唔知係我地重口味定係真係唔好食嘅原因，還是我地唔適合食素食等等原因，真係覺得難食😭不過我又覺得牛油果出奇地好食😳甜甜地的！而咖啡就係用素奶沖嘅cappuccino，飲得好順口，一啲都唔苦。

素年 - 深水埗汝州街餐廳環境好似一間Cafe咁 環境好有文青Feel 好舒服我地入座時係Lunch Hour 所以有純素午市套餐 包主食及野飲雙層芫茜不可能芝士漢堡 - 漢堡就食得多 但係芫茜味嘅漢堡就真係第一次食 漢堡肉食落去都真係幾似肉嘅質感 而且中間嘅顏色有染紅 睇落去好似半生熟嘅牛肉泰式炸蝦秘製冬陰功意大利粉 - 炸蝦其實係腐皮包住夠蔬果 冬陰功意粉個汁底偏酸斯里蘭卡伯爵茶 - 免費既Drink奇異果血橙汁 - 好Raw好Fresh 餐廳大部分店員都係後生仔 感覺似係佢哋打本夾份開 而家已經難得有Promote素食文化既新派菜 值得支持

#肚波深水埗 #肚波cafe #肚波素食・・・・・・・・・・・・・・・・・・・・主食真係搞唔掂，但嘢飲比我想像中更好飲，對比太大難以評價🥲・・・・・・・・・・・・・・・・・・・・🍔 素年經典不可能芝士漢堡 HK$138・味道：就係茄汁麥包，完🙏！個芝士冇乜芝士味，完全吊唔出植物肉味。其實我唔介意冇肉味，雖然植物肉claim自己有而我唔覺，但at least唔好食到麵粉味吧🤡？成個包就只有茄汁味⋯⋯薯條係KFC薯角味，夠熱夠脆還好的～・口感：植物肉一切就散晒，粒狀四散(눈‸눈)麥包冇烘香，普通。青瓜絲同菜類爽脆嘅但食材原本口感所以冇咩好讚。🍚 夏威夷牛油果三文魚蓋飯碗 HK$108・味道：素三文魚有小小三文魚味嘅，不過個配搭就好奇怪，啲藍莓放喺個飯上面Σ(°Д°; ⋯⋯不要玩食物.jpg🤢味道就係食材原味加淡豉油/和風醬～・口感：三文魚個口感幾真係值得一讚嘅，好怕蒟蒻質感🫥但其他都係食返食材原有口感，廚房係切完放返上碗only，冇咩好點評。🍵 奇異果羽衣甘藍蘋果燕麥奶 HK$38 (套餐升級飲品減$12)・味道：呢個幾好飲👍一入口就係燕麥奶味，之後散發奇異果同蘋果微微甜味，最後就係羽衣甘

食物不錯，但種類太少，環境ok, 但有些椅沒有背板，感覺不是太好，用餐時間（夜晚90分鐘）太趕，好彩當日無咩人，叫左斟水兩次都無反應，可能想我哋早啲走，樓面有大概7、8人，是否太多？