素來素往 (已結業)

我平時都會間唔時食素。以前呢度都係做素食自助餐，轉手之後第一次試。感覺不錯喎！絕對可以再encore！佢既齋菜款式好多！都有好多整得好似葷既齋，整體都好高質素，好好味！🔸️煎釀三寶：有魚既口感，勁好味！忍唔住食左好多件，必食！🔸️辣鳳爪：真係有彈牙口感！ 🔸️蝦片：完全分唔到分別！🤣🔸️柚子涼瓜：本來我唔食苦瓜，見到苦瓜係skip左既😆。但店員極力推介，話好多人鐘意食，盛意拳拳，一試之下...咦喂！真係得喎！用左柚子醬配苦瓜，苦瓜唔太苦，算涼拌菜，又幾清新！🔸️漢堡包、pizza：勁受歡迎！漢堡包拎出黎就極快俾人拎晒，想食既話建議坐附近捕住lol😂唔好諗住食齋會唔飽，仲有紅米飯 、咖哩炒飯、炒意粉、涼拌粉絲、涼拌四川薯粉、麵包、沙律、壽司！湯都有！是日有酸辣湯/粉葛雜豆湯，酸辣湯幾不錯！😋甜品又係勁豐富！芋頭紫米露、南瓜布甸、豆腐花、大菜糕、桂花糕、馬蹄糕、椰汁糕、紅豆糕 、新鮮生果西瓜等等。飲品方面，冰櫃嗰度可以免費攞凍飲，另外仲有自斟普洱/夏枯草/燕麥豆漿。overall環境好寧靜舒服，食物會不斷添，同轉換，做得好用心！真心就算唔食素都會食得好清心滿足！🥰📝餐廳做緊買4送1，湊夠5人最抵食！

首先，令我驚喜的是這家素食餐廳提供的多樣選擇。菜單上的每個菜色都有其獨特的風味和特色，無論你是喜歡中式、西式還是東南亞風味的料理，這裡都能滿足你的需求。我特別喜歡他們的豆製品，豆腐和豆漿在這裡被精心加工成各種口感豐富的菜餚，讓人彷彿置身於一場對於大豆的美食探索之旅。此外，他們的蔬菜菜色也是別具一格，色彩繽紛、新鮮豐盛，絕對能夠滿足健康飲食的追求。其次，這家素食餐廳的廚師們真的是功力非凡，他們將素菜做得惟妙惟肖。不僅菜色看起來美味，更是讓人吃得心滿意足。我點了一道看似炒肉的菜品，卻發現它是用素肉取而代之，質地和味道都非常接近真實的肉類，讓我感到驚艷。另外，他們的調味技巧也非常出色，每一道菜的味道都恰到好處，不過分油膩，保留了食材本身的原味。

素食buffet🍀💚先付款，後飲食HK$75/位可以HK$3x外賣 - 抵不過堂食舒服😌食多幾rounds都得冷盤、熟食、甜品、飲品應有盡有有辣有唔辣食多啲菜💚🍀環境好舒適😌令人心靜個種🫶🏻非常喜歡菊花羅漢果茶☕️甜甜地💛 很滋潤💛食了好幾rounds最後食甜品除了糕點，有豆腐花店員服務態度都很好可以keep住來食都得聽聞啲餸菜間唔中都會有啲轉換自助形式，大家食完都有手尾擺返碗碟🙏🏻

素食都可以好好食！愛朋友突然好想食素，又想食餐好，咁食素食buffet就最好啦～有食過其他素食buffet，但水準麻麻，呢間選擇相對比較少，但樣樣野都唔錯，加上我鍾意食辣，呢到好多辣嘅頭盤，好似係辣嘅涼拌菜、辣嘅炒米粉咁，另外佢地冷盤皮蛋豆腐都好好食好開胃，皮蛋超香，豆腐好滑，我拎左3次！除此之外佢地都有好多特別嘅菜，片皮鴨、漢堡包、口水雞，全部食落塊都好似肉，辣度剛剛好，我最鍾意係魯肉飯，味道同質感都好似，飲品方面仲有菊花菜同豆漿揀，係滿足又健康的一餐～甜品方面南瓜布甸好好食，食落去好香蛋味，好cream，又有南瓜味，好好食～

過兩天食晚飯🍚，想試一下素食🥗，於是訂了這間《素來素往》試下，原來前身是走肉朋友，當時已想試，據聞不錯，但未有機會🥹聞說原班人馬再經營這間餐廳，餐廳不算大，我們6點半入座，當時入座率已有超過一半，自助形式$128 一位，用膳90分鐘時間😊食物及飲品種類選擇並不多🥺，有點失望，沒有我喜歡的芋頭魚🐟；味道方面尚可，沒有覺得好好味（偏淡味）🤷‍♀️.口水素鷄偏辣🔥,唯一比較有驚喜的是栗米羹🌽材料豐富、蔬菜卷🥗好味有口感及糕點（馬蹄糕、紅豆糕）比較出色😋此外，餐廳也熱心公益間中也有派飯活動，所以如果你食開素而口味又偏淡的朋友仔，不妨支持一下😊

此店原是走肉朋友原址，當年走肉嘅新派素食放題，加上新潮特式裝修，吸引咗好多文青同附近上班族。後來走肉沒了，新接手將整體硬件頂了手，裝修、菜式一樣，聞說連廚房也聲稱是原班人馬繼續. 想是附近街坊的福祉。今日專誠再去幫襯，文青沒有了，換成一半客人都是長者，想是長者咭優惠所吸引⋯⋯可惜是、景物依舊，菜式、人面也全非。食物質量也今非昔比⋯⋯種類跟以前少了很多，以往有不同類型嘅沙律，現在只有薯仔沙律和生菜，冷盤只得數種，蓮藕、素雞腳和口水雞等，炸物三款。跟以往各種食物舖滿整到bar檯去比較，顯得有點冷清熱盤味道算比較吸引（但不熱），但跟以往嘅精緻菜式比較明顯有落差、加上大量澱粉放題，炒麵，粥，炒飯等，仿如兩餸飯放題。最後，最失望是糖水芋頭西米露。但芋頭發黑，西米極少，整盤糖水就如甜嘅稀粥水一樣，實在難以完成另外茹素者正常是不食蔥蒜芫荽，但好多菜式亦有落，麻辣菜式亦好多。始乎都唔係以吸納素食者為主總結報告是應該只此一次

睇食評相片見到食物好吸引，尤其素菜卷，於是決定一試，book咗母親節lunch ，2:30開始90分鐘，點知由坐低直至走人素菜卷一件都無出現過，問店員幾時出，回覆未包得切，招牌菜都無🤷🏻‍♀️。其間有refil菜，冷盆，炸物等食物。

快樂星期五晚上，相約素有往來的好閨蜜去大角咀的“素來素往”。星期五晚上，$128位，用餐90分鐘，任吃店中擺明的食物和飲品。先付費，後就座。餐廳有落地大玻璃，環境明亮舒服。香港尺土寸金，座位就難免有點擠迫了！鳳爪和素雞，仿真度甚高，連表皮紋理也弄得維妙維肖。鳳爪應該以魔芋為原材料，入口嫩滑Q彈富咬口。另一推介是素滷肉飯，冬菇豆乾切粒，配上醬汁，混入白米飯同吃，惹味非常。更可隨個人口味，自行配上滷蛋和青菜。

晚餐特地來食素食自助餐，地點在奧運站附近，算是很顯眼的餐廳。平日晚上128一位，先付款後入坐，職員都很友善，安排了很方便的坐位給我☺️環境舒適，燈光柔和～入坐後先看食物，冷盤選擇都算多，有沙律，有粉條，有麻辣涼拌的。其中麻辣鳳爪外表幾可亂真🤣，旁邊的外國人都feel confused 🤣麻辣味好香又辣得剛剛好，下次要買返瓶佢自家製的麻辣醬先得！湯羹各一款，有蒸腸粉/蕃薯/粟米，素壽司一款，仲有顏色鮮豔奪目的蔬菜卷～素肉燥可以伴飯，熱食選擇都多，好似有8款，當中的南瓜布丁好好食🤤黑松露炒蛋又香又滑～滷水蛋同埋茶葉蛋都好入味！另外值得一提嘅係豆腐，豆味香濃！一定一定要食嘅，係佢嘅Pizza！真係好出色！要讚吓佢refill嘅速度非常快，每次Pizza出完就會俾人攞晒，但好快又有第二底～甜品方面，所有嘅糕糕都好好食！！一定要試哂佢啊！紅豆糕有驚喜，係有紅棗的～！糖水係芋頭西米露～仲有豆腐花，但實在太飽食唔落🤣

下午茶68,品種較少,麻辣雞,粉絲,炸番薯,都好味,甜品只得芋頭紫米露（欠香濃）涼粉（算差）中式小糕兩款,其他味道一般且食材單一,菜芯炒菜心,豆腐蒸梅菜,整体不算很抵食,若然晚餐百多元,而沒有多些食材,菜式配搭和優質甜點,就真沒多大競爭力！

價錢平，但食物質素佳，💖是真心的，不是為了大賺錢的良心食店。地方算是很好，員工也很有禮貌。樂悠咭長者又有平D，對長者咁好👨‍🦳👵🏼🧓🏻值得讚👍不過我暫未可享受此優惠😂。食物水準唔錯架，超素燥肉飯好好味👍👍👍素雞腳也特別👍👍👍口水雞唔辣適合大眾食，👏🎈🎉😃😋😋😋😋夏枯草唔覺有糖，食得健康。自制豆腐花也不要錯過，食物方面無得彈。。如果廁所的燈光返D就更好啦😄

呢個舖位既上一手素食餐廳我都食左幾次轉手之後第一次黎食覺得唔係太啱口味我係星期六夜晚去 人數唔多但係食物refill速度有待改善同埋啲嘢食唔係太吸引我媽咪就期望會多少少蔬菜因為嗰晚得一盤炒西蘭花&椰菜花全場最好食係滷肉飯但係有蔥蒜！所以食得好清既媽咪唔食得披薩一出就比人攞晒 我覺得普通食物比較多素肉 我地就唔太啱食啦最驚嚇係有一碟冷盤係雞腳因為外型真係好似 所以我地懷疑係咪真係素食問左員工就話真係素食不過我地覺得太似真既雞腳 所以都唔會想食😩睇黎餐廳定位係想吸引非素食人士黎食素對於原本就係素食既人士 未必會好鍾意不過睇instagram我地都好欣賞餐廳會贈送飯盒既👍🏻

呢排食得太多肉，都想食吓素，平衡返😂朋友話想食呢間，一於試下！素來素往係位於大角咀嘅素食自助餐，晚市有兩個時段，限時90分鐘。 食物自助區喺餐廳中間，食物種類唔少，中式、西式、冷盤、熱食都有。其中最好味要encore嘅就係pizza，香濃芝士配脆口薄批，好食👍🏻 蔬菜卷係熱門菜式，好受歡迎，好快就冇晒要等refill。手拍青瓜酸辣開胃，皮蛋豆腐亦都唔錯，口水雞香辣惹味，素雞爪勁似真嘅，咬落去爽口彈牙，好似食緊真雞爪皮咁😂 熱食方面，炸物都唔錯，有炸豆腐、炸蕃薯、炸南瓜等，有椒鹽口味。楊州炒飯同炒麵都正常好食。煎釀三寶做得好十分出色。 總括嚟講，呢間素食餐廳食物質素都唔錯，不過有啲熱食唔太熱係有少少可惜，refill亦要等好一段時間先有，略嫌有啲耐。

pizza好薄脆,勁香口,滷肉飯一流水準,好似真肉口感！黎到一定要試食！晚餐158元一位,90分鐘用餐時間,入去個陣比錢先.菜式有15-20款左右吧！好多係家常便飯,唔算好有特色,保溫做得好！值得贊！當晚就無西瓜蜜瓜呢類飯後水果,只有桔仔吃！建議用一個當吃普通晚餐的心態去,反而幾有驚喜！如果用酒店成千蚊一位的自助餐比較,你就會失望！時間到自行走,無人吹趕我地走.我同家人,二人坐4人枱,空間闊！下次會再吃！

1. 食物種類很少：不會轉款，食90分鐘都是一模一樣的食物，比無肉食差很多 2. 不熱：剛剛上盤的豆腐花是凍的3. 轉盤慢：食物有10分鐘有多都是空盤的，補食物十分慢4. 員工態度一般：電話上答應有芋頭魚，但來到又沒有5. 餐廳不太衛生，廁所在後巷