紅雞冰廳 (富峰行)

約左舊同事出黎傾下偈，揀左K11附近的紅雞冰廳，貪佢晚上唔多人好易搵位。餐牌都幾多野揀，基本上飯/麵都跟熱餐飲，凍飲+$3，價錢好親民。⭐羅宋湯丹麥多士叫左份鐵板餐，個餐包埋餐湯同餐包，是晚個羅宋湯幾足料，不過個人就覺得鹹左少少。丹麥多士勁正，暖烘烘又重牛油，好好食😝⭐原條鰻魚蛋包飯同事叫左鰻魚飯，大大碟仲係原條鰻魚黎，上面嘅蛋超嫩滑，再加上甜甜地嘅鰻魚汁好正。⭐紐西蘭羊架鐵板餐自己就點左鐵板羊架，一上枱已經聞到香味，再張個蒜蓉醬倒落去，喳喳聲正呀😍羊架大大塊厚身，邊位有羊脂煎得好甘香，下層嘅薯角同紅蘿蔔仔吸左羊油好好食🤤個餐加$10可配意粉或白飯，勁飽呀。⭐炭燒豬頸肉配冬陰功撈麵仲叫左呢份出前一丁撈麵餐，比佢個冬蔭功吸引住🤤上面份豬頸肉燒得香口，丁麵有冬蔭功醬撈過酸酸辣辣，味道唔錯。仲有碗冬蔭功湯附送，碗湯都幾辣喎😝⭐凍檸檬利賓納 & ⭐奶茶紅豆冰 & ⭐凍檸茶餐飲轉左凍飲同特飲，紅豆奶茶夠香滑，檸茶茶底夠濃味，檸賓就淡左啲都ok嘅。食飽飽又傾下偈，寫意😆…查看更多

新開的一間冰室，全白色的裝潢，有點復古的氣息，主打的都是與蛋有關係的，更有鐵板餐，整體份量都不錯。厚切肉眼扒（１３６元）肉眼扒真的很大塊和厚的，叫了五成熟，切起來肉質柔軟多汁，帶點油脂香味，配上香濃惹味的黑胡椒汁，味道更香濃。不過要注意底下的鐵板在上桌後還會不斷加熱的，要吃快點，以免過熟了！配菜還有炸薯條在下面，還有烘得外脆內軟的牛油丹麥多士，整體不錯。蔥花叉燒炒蛋飯（６６元）份量很足，叉燒大大塊，用的都是半肥瘦叉燒，吃起來肉質嫩滑多汁。蔥花炒蛋滑嫩又有蛋香。加上甜甜的醬油，非常下飯。蔥油雞扒太陽蛋撈麵（６８元）賣相吸引，煎得剛好焦嫩的太陽蛋，吃前將蛋汁跟麵一起拌勻，味道會更濃厚。麵一開始就跟蔥油拌好了，再加上了新鮮的蔥油，味道更清爽，很惹味。雞扒煎得焦香，醃得很入味，肉質嫩滑。特餐—沙嗲牛肉出前一丁（５５元）這直接用上出前一丁不用額外加錢，好評！用的是麻油湯底，加上濃厚的沙嗲牛肉，吃前再加上麻油，令整體味道更濃郁，麵條滑嫩彈牙。而且還配有烘丹麥多汁和火腿奄列，份量不錯。…查看更多

尖沙咀K11出面主街嘅後一條街白蘭軒道，竟然有間紅雞冰室响度，感覺幾別樹一格。店面唔算好大，不過都好企理光猛。餐牌好多食物選擇。最受歡迎有鐵板鋸扒餐，咖喱薯仔配薄餅餐，又有粉麵飯常餐揀。佢哋用嘅出前一丁係小麥粉做嘅，有啲特色。叫咗鐵板什扒餐揀配黑椒汁，白飯，凍檸茶，仲有羅宋湯及丹麥多士。鐵板什扒包括：火腿，腸仔煙肉，肉眼扒，雞扒。份量都真係幾豐富。最期待倒黑椒汁落去聽到炸～嘅聲，好正！肉眼扒肉質鮮嫩，易切開，容易𡁻唔韌。食到牛味。雞扒肉都幾嫩滑。都幾飽。咖喱雞扒配薄餅。咖喱係印度嗰種咖喱，沾薄餅食簡直係絕配。薄餅煎得香脆，沾咖喱食好好食。咖喱係香辣，愈食愈辣，好滋味。炸蝦多士沙律呢個炸蝦多士有驚喜。份量好大份，炸得好靚。蝦多士香脆可口。有沙律食，可以中和返個膩感。整體嚟講，紅雞真係好抵食好豐富，味道就中規中矩。…查看更多

🐱尖沙咀新開茶餐廳🍴經過見到個鐵板餐好吸引就入左去試吓😋鐵板紐西蘭羊架餐：$159🌕🌕🌕🌕/5 有包一個中湯/西湯、多士/丹麥多士+一杯飲品🥣中湯係青紅蘿蔔老火湯，有住家湯既味道🍞多士好香脆，有奶油🧈食落咸咸地🤓🐑羊架有4舊，可以配黑椒汁🤓但本身香草味岩岩好，可以唔洗要黑椒汁都OK。羊架煎到外面好香脆但肉質唔會乾，個羊係冇穌味😍平時冇食開羊既都會接受到😍薯仔好驚喜，好似炸過咁，係外脆內軟🥔備注：冇加一💰…查看更多

呢間餐廳環境光猛，食物即制，我地叫左份鐵板雜扒餐，入面有牛扒同雞扒，雞扒嫩滑配埋椒汁好夾，仲有煙肉同腸仔份量大份岩晒我呢d大食既人，另外仲叫左一份西多士，西多配蜜糖漿加埋入面既花生醬切開黎食外脆內軟好邪惡但好味麵包脆炸好地道港式風味。常餐叫左沙嗲多肉出前一丁配丹麥多士，多士比較鬆脆小編推介呢款包，火腿奄列都係必食推介。加埋一份小編最愛呢度既全日早餐入面有炒蛋，薯餅，煙肉，丹麥多士同手打牛肉漢堡扒同沙律超豐富。奶茶紅豆冰入面好多紅豆幾好味，杏仁霜都好好飲濃郁杏仁味，咖啡香滑。…查看更多