影片
唔講以為自己買左十幾廿個餐一個飯等成廿五分鐘企係正門咁耐都冇人問係咪漏左我張單過曬no.，我去問就同我講係另一個師傅整邊個師傅整都唔洗咁耐吧？催完唔洗五分鐘就整好拎出黎一句sorry都冇唔講以為我等呢廿五分鐘係應份如果你唔趕時間，或者覺得人生好多時花可以花費嘅話歡迎你係呢間買外賣
繼續閱讀
少有哋一早去鑽石山，轉車前係附近快快趣食個早餐先，地鐵A2出口一出，入啟鑽商場即刻見到。醒神早餐B（$42）秘製沙爹牛肉公仔麵，沙爹味一般，香濃味唔算好重。牛肉約有五片，正常梳打牛唔韌。公仔麵合格，淥得剛好唔淋。牛油厚多士，已飛邊，香脆度麻麻。火腿奄列，炒蛋唔老仍有少少蛋汁，火腿絲份量適中。紅豆冰（+$3），紅豆唔算好淋，未起沙。早晨包餐：自選雙拼三文治（$35）咸牛肉+雞蛋三文治，咸牛蛋夠厚身，份量適中。熱奶茶，茶味可以，口感亦算滑，合格以上。
繼續閱讀
點了黑椒牛扒腸仔飯。味道比想像中好。首先一入到去不用等，便給我們二人座了一個四人卡位，貼心，居然給我們留起了的位，太好了，座位很舒服，而且服務員很有禮。我們點了一個套餐，也沒有給我們擺面色。套餐熱騰騰上桌。醬汁很夠多，拌，拌飯每一口都有醬汁相拌，容易入口很多，而且辣而不嗆，只有香氣，味道溫和。牛扒肉質很好，有適量脂肪，牛扒又嫩口，沒有渣，很高質，還有三塊，很抵食。還有爽口而有肉味的腸仔，白飯又不會爛爛的，煮得很好。整個套餐好吃又抵食，加上餐湯和凍奶茶，才大約60元，很抵食。
繼續閱讀
下晝四點幾嚟到，見下午茶餐都幾多款式選擇就入咗去。兩個人，叫咗瑞士汁雞髀+沙律+熱華田、沙爹牛肉包+熱奶茶。瑞士汁雞髀個汁嘅味道係幾好食嘅，但係隻雞髀就硬過我條命，啲肉好鞋，我以為自己食緊煲湯嘅瘦肉，懷疑佢哋係咪由朝早開舖煮到下晝四點🙃沙律係雜果沙律嚟，一擺落口有陣酸宿味，所以冇食到。沙爹牛肉包幾正常，牛肉嘅份量都ok。不過杯奶茶就好唔掂，非常非常之澀。最後食完沙爹牛肉包同埋熱奶茶嘅朋友，一晚屙咗幾次。呢間嘢真係冇下次。
繼續閱讀
揾食肥華知道此店嘅下午茶特價時段，有多款碟頭飯餐供應，所以在2O25年6月18日肥華約定靚媽，放工後到此店食下午茶當為晚餐。肥華今餐點咗個，枝竹火腩飯加一杯餐飲熱華田，靚媽就柯打咗一兩客豉汁涼瓜牛肉飯，餐飯係熱檸水。肥華認為此店今日呢兩個下午茶飯餐質素，可以講祇係一般兩餸飯水準，講好食冇佢份，話難食又唔到佢，不過呢餐肥華靚媽，係以長者身份光顧此店，所以有九折優惠以咁嘅價錢，可以坐得舒服又嘆埋一杯餐飲，兼有人服務呢餐值。👍🏻👍🏻👍🏻
繼續閱讀