影片
電話號碼
91365886
營業時間
*其餘時間須預約
星期六至日
11:30 - 14:30
以上資料只供參考, 請與餐廳確認詳情
位於元朗爾巒嘅紅豆廚房 係我幾乎每星期都會幫襯一次嘅冰室 通常我都係早餐時間去 每次我都會點同樣嘅食物 因為佢嘅鮮牛肉通粉 係非常之好味 我曾經問過店員點解佢哋嘅鮮牛肉 會咁有牛肉味 佢話佢哋係用新鮮嘅牛肉所以啖啖都有牛肉 肉汁嘅味道 另外佢嘅早餐 仲會配上 漢堡扒 雙蛋同埋多士 而多士可以選擇奶醬多 奶油多 多樣嘢畀你揀 每次我都會叫奶醬多 原來奶醬多 加通粉早餐 真係非常好味㗎 另外好值得一提嘅 係佢嘅咖啡奶茶 都係非常之好飲嘅 而且以咁優美嘅環境 大概40蚊就可以食到呢一個咁豐富嘅早餐 好值得去一次 不過呢個地方唯一嘅缺點 就係交通唔係太方便 通常都要揸車去 如果唔係就要喺元朗站 再轉巴士或者小巴過去啦
繼續閱讀
相關食物：炸雞配冷明太子烏冬，魚香茄子飯，手撕雞雙蛋飯等等呢間係朋友一直食開而帶我去食簡單來講，間餐廳地點都幾偏僻，食物方面喺呢個地點同價錢嚟講算幾好，性價比，lunch set 多選擇，味道唔錯，唔多人，幾chill，雖然唔係靚叫咗幾樣嘢食，有啲無影相，魚香茄子飯好夠味，好濃，非常啱送飯，手撕雞都唔錯，賣相吸引（如圖），炸雞冷明太子烏冬就好一般，不過幾有創意，好少喺茶餐廳見到整體而言，如果經開都可以試吓，服務態度唔錯，算坐得舒服，唔迫，好過一般茶餐廳
繼續閱讀
大年初一食盆菜嘅好日孑，今日一家10個就選擇咗紅豆廚房嘅盆菜，12人份量$1780，價錢唔算貴，但當然亦都有好多平過佢啦⋯但當打開個包裝一睇，D料排得好靚，而且仲好重料，鮑魚、花膠、發菜、豪士、豬手、燒鴨⋯等等⋯味道相當唔錯，特別係佢個汁，老闆話係落咗醋調味，但如果唔大鐘意醋嘅味道，可以各自加白開水調淡⋯最後大家都食得好飽，而且仲有差唔多1/3餘下，的確係值得推介嘅一個✌🏻✌🏻✌🏻
繼續閱讀
侍應態度差不在話下 我叫F餐 蔥油什扒飯餐牌寫住（豬扒，雞扒，腸仔，太陽蛋配白飯）以上餐：餐肉，火腿，腸仔，煎蛋，煙肉，任選兩款咁任選兩款我就揀左蛋同餐肉個餐黎到既時候就係得豬扒，雞扒，餐肉，蛋。上次黎食既時候都係叫同一個餐同一樣既野但係上次上餐就係有豬扒，雞扒，餐肉，腸仔，2隻蛋。問返侍應係咪流左啲餸 一句就同我講「係咁嫁啦」，再拎返個餐牌問佢 佢話係得腸仔同太陽蛋可以轉 而唔係多兩樣餸 問返佢點解上次會有今次無 佢既回答係「我唔知點解你上次有喎」 爭論左一番之後話唔好煩 補返比我，跟住補黎既係火腿同腸仔 但係我任選兩款係蛋同餐肉 點補都係補蛋同腸仔啦😅問佢地其實想點 個侍應西晒口面 其實我係黎食飯唔係黎受氣 餐牌咁寫我上次又係咁食 好正常會問點解 老實唔係西口西面咁對客嫁麻同埋蔥油黎就係得啲蔥係無油嫁 咁又點叫蔥油飯呢
繼續閱讀
因為朋友大力推介而光顧。廢話唔講，只講重點：1）服務好好，對小朋友好親切，換碟上菜都有效率。2）頭盤刺身新鮮。4）螺的酒好味。3）食物一般，唔係唔好味，只係，我覺得個價錢打六折會較容易接受。4）隻雞嘅雪味未退，豉油的濃味都蓋唔過。 注：好矛盾，其實如果要食到真正合乎我口味的，我知市價要多一倍，但因為現在d野太貴，如有要求又不鬆動嘅的，都係自己煮煮。
繼續閱讀