紅豆冰室

城門水塘行完山，坐小巴落到荃灣，嚟咗紅豆食午餐，嗌咗一個午餐係咖喱牛肉飯，咖喱都係一般茶餐廳嘅味道，但係都夠香滑有咖喱味，個午餐跟咗一個羅宋湯味道一般啦，下午茶餐叫咗一個乾炒牛河及焗芝士鮮茄豬扒飯，乾牛河炒得好夠透好夠熱，灑了一啲芝麻，賣相好睇好香又好食；個焗豬扒飯焗得好透，炒底飯啲雞蛋都好多，豬扒夠厚；飲品方便兩杯凍檸茶就普通啲，而杯熱茶走就好香滑，整體嚟講都算抵食，憑單買佢個麵包外賣仲可以減兩蚊，可以一試。…查看更多

第一次幫襯呢間紅豆冰室, 下午茶多選擇最後叫咗個咸牛肉漢堡包跟沙律, 凍檸茶少甜少冰真心好難食, 漢堡包好烘, 凍嘅,漢堡包入面塊芝士, 一塊正方形,冇熔, 咸牛肉同個蛋都只係暖, 極度難食, 凍檸茶小冰, 啲冰都有半杯,下次唔會再嚟, 應該話係永遠唔會再嚟…查看更多

入去嘅時候佢話嗰邊卡位，原來要行過一啲碗碟嘅餐車係廚房門口，頓時都已經覺得冇胃口喇。以為正正常常夜晚食一個二人餐168蚊。叫個蔥油雞菜炒牛肉，二維碼裏面搵唔到菜炒牛肉只有青菜，叫個侍應幫我哋落佢都肯落。不過全程好似欠咗佢十萬九千七咁。蔥油雞有雪味雞肉完全冇味，咪就係蔥加油加埋啲冇味嘅雪雞。西蘭花炒牛肉好似浸咗油咁樣。走嘅時候嗰個員工攔住我哋要喺佢嗰度畀錢乜唔係喺門口counter畀咩？咁點解門口又有counter搞到成間舖頭咁複雜，仲要畀錢嘅時候毫無表情真係好似欠咗佢咁樣多謝都冇聲。香港人唔好自己搞死自己啦，唔通真係鍾意你哋茶餐廳惡夥記嘅特色！…查看更多

野食就一般茶餐廳野冇咩特別，特別在早餐記得唔好點菠蘿油餐，我點過4-5次每次都要等20分鐘以上催先有人拎比你，仲耐過叫個麵餐，我通常星期日早上8-9點去，人唔係特別多，剛剛又去完，情況一樣，野飲都飲完都未拎到個麵包黎，叫個阿姐改外賣，佢仲扮哂野問人邊個負責呢區，真係咪玩啦，我見都見到你晌我面前行過6-7次，咪佢負責呢區囉😑…查看更多

外賣咗個瑞士雞翼撈公仔麵 齋睇顏色都已經燶咗問落仲有少少苦味 食落完全唔係瑞士雞翼嘅味 完全冇甜味 剩係得豉油味同埋燶咗嘅苦味 根本上就係豉油雞翼 啲麵上面個汁都有浸苦味 個師傅咁樣都拎出嚟俾人食 靠害啊…查看更多