紅螞蟻

營業中

休息中

買外賣番去食，睇到佢個餐牌見到啲食物名好似幾吸引甘，甘諗住算啦，雖然價錢有少少貴，但係買番去試下。俾錢個陣，因為我比較大食，飯通常都唔夠我食，所以禮貌地問左個個收銀，可唔可以多飯，點知佢一面不屑又帶啲鄙視，好串甘話：我［幫］你打多飯。感覺到佢態度差，帶輕視感。食物方面，賣相都唔好架啦，但係都算，但係條魚竟然未熟就俾人食，唔係呀麻😑一督落去，硬到.....督唔入...啲肉好似刺身甘既色...未見過啲餐廳魚都蒸唔熟。啲黑豚肉賣到成80幾蚊，但係份量少到一個點....同埋啲蜜糖咸豬手，又唔脆，肉又un😑唔會再食...一次收檔

1/5這一家真的算得上難吃了，魚塊飯，魚有微腥，雪味很重。煎蘿蔔餅，非常咸，餡料濕漉漉，一套嘔吐物的質咸。炸雞又油，粉漿也不脆。(Google translate) This one is really unpalatable, the fish fillet rice, the fish is slightly fishy, ​​and the smell of snow is heavy. The fried turnip cake is very salty, the filling is soggy, and the vomit is salty. The fried chicken is oily and the paste is not crispy.#queenbeoly_comdine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly

半個月前去買外賣，個收銀態度好似有d好五耐煩禁樣，無咩笑容，反客為主，禮貌問題，我五知係未對每個客都係禁，反正我遇哩d態度五好的問題，不過環境五錯，幾乾淨，食物OK

星期六晚上7 時許入座, 依然好多位, 之前星期日晚光顧過, 則很 full,  見很多一家有老有幼十人都安排到長桌共餐, 好不熱鬧。其實真係好過去酒樓食, 起碼多選擇, 各自選自己喜歡的吃, 不知幾開心, 而且價錢相宜, 單叫很多選擇, 加HK $33 便升級變餐, 包湯啦, 包啦及飲品, 另外亦有set dinner , 真係睇餐牌都有排睇。 十多年前, 我都有光顧「紅螞蟻」,  當時覺得是比較貴的, 但現在似乎行大眾化路線了, 平了很多, 而且選擇多了很多, 不斷改革是好事。 講番我的諾曼第豬排, 賣相唔錯, 有萍果及提子汁, 豬排口感又很軟熟, 都算有點特別, 幾開胃,  另外田鴨薄餅, 我都很喜歡, 很有吃片皮鴨的味道, 甜甜地的片皮鴨漿汁加蔥在厚薄適中的餅面, 味道很夾,  另外牛排則只是一般, 無咩特別。 要講下服務, 見服務員都很勤力, 而且都很主動, 我同老公先到, 入了內角卡位, 囝囡後到又在出面另開一桌坐下, 一位姐姐服務員聽見我們講電話, 主動幫我帶囝囡入嚟搵我,  很nice。 不過我唔喜歡服務員的制服, 手袖會掂到我們的食物, 我建議他們穿短袖。

【食物】1. 香煎雞扒肉操飯雞扒煎得幾香， 肉操份量也很多，但是有時會混合少少豬皮粒，感覺上有點肥， 不過味道很好OK啦！ 配菜有蘿蔔和青脆皮瓜，好過無啦！分量很夠就算是大吃的人有會覺得飽！2. 香茅豬扒麵朋友叫了豬扒麵我吃了一小件豬扒試試，還可以啦，正常。 由於食了一半才影相， 影得不靚【服務】因為經常在附近出入， 所以間中也會來食。 男服務員很細心醒目， so far 也沒試過落錯單。 【環境】入邊有很多位置，地方也很寬敞裝修，雖然沒有什麼特別，但是也挺舒適適合和朋友來坐；不會趕人走。

环境：在VWALK商場的二樓。擔心人多還是按了取票等位。原來呢個時間段都無人餐廳西式風味有不同的口味東南亞菜式。|铁板牛杂^不同牛類的肉鐵板而上，所以亦都無幾成熟分別。由於我地係五點左右就坐，還可以試一試下午茶餐牌或者午餐餐牌。意粉的香蒜橄欖油色味齊全，|香蒜炒乾番茄^不過就是幹番茄太鹹。下午茶抵食，不過無扒。薄餅呢度有牛油果風味試一試也可以，只不過薄餅裡面有蔥油，有別於普通pizza。都算是一種嘗試。

好耐無幫襯過嘅紅螞蟻, 這可能係剩餘唯一嘅分店, 新場地V walk 算是深水埗? 定係哪一區嘅灰色地帶? 店內光潔明亮, 走青春cafe 路線, 看餐牌亦是備向年青人口味, 出品係好普通嘅外型, 味道走清淡, 就好似呢個牛利燴長通粉咁$62, 牛利係買回來嘅現成貨色, 沒什麼特別調過味, 即係白烚嘅少少咸味, 拿破崙汁即係意式茄醬啦, 如相片所見只係好少咁似有或無咁掛住在麵上面, 煙肉係唯一有味道嘅點子, 上面放些少荳苗, 整個長通粉係超級環保概念產品, 世俗人唔識欣賞, 沙丹有骨豬扒伴薯菜 $72 豬扒係熟嘅, 但就真係好難講佢好食, 只能說飽肚吧。如果覺得這店環境還值的話, 多來幫襯吧～

新商場VWALK入面既餐廳，呢間係較多選擇而價錢偏低的。我叫左黑椒雞排麵配椰香海鮮辣湯，有驚喜完全唔辣，好岩我，因為我唔食辣，好重奶味 有D似喇沙湯，我好中意雞排就正常，軟身有肉味，份量都夠 有4,5件。整體唔錯，都係$50內。

落雨濕濕行商場，腳軟肚餓揾食肆防疫距離要遵從，餐廳距離跟指引西多講明很邪惡，儆惡懲奸最爽心順便加碟炸大腸，可惜乾身太瘦削店內樓底不算低，何解冷風兜頭送食畢埋單見熊罐，三十九蚊唔失禮

今日去了朋友在南昌的新居幫忙打點，之後去了附近新開的商場V Walk，揀了較少人等候的紅螞蟻，但食物水準倒也不會令人感覺中伏。晚市餐牌選擇很多，主要以飯類和肉類為主，亦不乏薄餅之類的輕食。晚市套餐均奉送餐包和餐湯，餐包烘得金黃，內裡軟熟，而紅湯非常足料，小半碗都是蔬菜，味道十分惹味，但白湯略嫌失望，太杰身，亦沒有磨菇味。我點了鐵板經典雜扒套餐配薯菜黑椒汁（$124），份量十足，有豬牛雞及香腸煙肉。上餐時侍應十分貼心，詢問是否需要代淋黑椒汁。豬扒最有驚喜，不會太熟，甚至有點肉汁，牛柳很易入口，雞扒亦頗嫩口。當時少不了香脆的薯條，實在是鐵板餐的精粹。朋友點了美國安格斯板鍵牛扒配飯和燒汁（$124），上餐時見到這個價錢竟有2塊牛扒，有點驚喜。下單時指明5成熟，切開牛扒見到粉紅色，果真沒有過熟。牛味頗濃，肉質軟淋。飽餐一頓後，尚有餐茶奉送，亦可加錢轉其他特色飲品。餐廳環境舒適，座位闊落好坐，食物性價比高，值得日後再幫襯。

有朋友住南昌果頭, 今日約左成班FD去佢屋企玩, 未上去之前就去醫肚先。知道最近開左個新商場V Walk, 所以決定一齊過去食Lunch。行哂成個商場都唔算多餐廳, 揀得落手既就只有呢間紅螞蟻, 所以入左去試下。初頭望入餐廳, 以為面積唔大, 但原來行入去再轉左, 仲有好多座位。當日有2枱客人都帶左小朋友👶🏻, 開左好幾張兒童座位, 令通道比較窄。加上我地坐最入的位置, 呼叫侍應時比較麻煩。另外補充一點就係餐廳Cashier附近的地下有少少痴立立，行既時候感覺麻麻地。日本淡咖哩汁燴牛肉蛋包飯 ($60)上枱時第一印象係覺得好細碟 (又或者係隻碟太大), 有少少擔唔夠食, 但最後係岩岩好, 不過如果男士食就未必夠食。咖哩好稠身所以好香濃, 送飯唔錯。不過個蛋包飯就一般般, 因為蛋皮包完之後有少少老, 外面無哂蛋漿, 加上入面的白飯偏乾, 所以最後有D蛋飯分離。秘製去骨海南雞飯 ($69)2個朋友都叫左海南雞飯, 上枱時佢地都不約而同地表示個碟好大😅😂, 大概佔據左半張枱, 然後所有飲品都要讓路😂 有少少狼狽… 味道就正常, 但飯量好多黑椒雞扒米粉 (酸辣湯底) ($45)男朋友點左呢個餐

V walk紅螞蟻第一次去 環境好乾淨地方座位好舒適 食物賣相都唔差不過味道就爭少少 唔係難食不過普通冇特別 如果純粹搵個地方坐下食個飯飽肚ok 但係如果要享受美食就普通少少先講過蟹肉茄子意粉 蟹肉唔夠味道略淡 不過賣相唔差 之後叫咗我最鍾意食嘅羊扒 個汁一般 羊扒 又唔算太新鮮 純粹燒熟畀我 跟住再點一個 餐肉滷肉飯 見到佢呢個頹飯收我幾十蚊 好彩原來內有乾坤 不過味道都係一般整體來說 味道有好大進步空間 飯就比較唔夠熱環境唔錯 如果純粹落腳可以

這間紅螞蟻是位於南昌站新開商場v walk 一樓，舖面面積頗大，座位也很舒適。平日午市時間不算多人，不用等位。午市套餐有湯麵，飯和意粉選擇。今天點了兩份午市湯麵套餐。湯麵可選配髮絲麵，雲南米線，米粉和河粉。 湯底可選配雞骨清湯，酸辣湯和椰香海鮮辣湯 ( 想吃辣可以選擇重慶麻辣湯+$3)。南薑牛腩麵 ($47)配髮絲麵雞骨清湯髮絲麵是幼身的，麵質爽口。牛腩不太硬，很重牛肉味，不錯。蜜汁豬軟骨麵 ($47)配河粉椰香海鮮辣湯河粉很滑，湯底椰香很出，沒有什麼辣味，連我這個不吃辣的也感覺不到辣。豬軟骨入味，超腍，正！熱咖啡是即磨咖啡，味道香濃。熱奶茶味道一般，略嫌有點澀，要多加一點淡奶。總結，餐廳的環境舒適，食物不錯，可以shopping 完和朋友坐低傾下偈悠閒一下。

呢日同屋企d細路出街玩知道開左間新商場v walk上網見商場d商戶都幾吸引就黎一黎探個究竟班細路一見到紅螞蟻就話要食（應該係覺得個名攪笑）好彩嘅係紅螞蟻有兒童餐可以比班細路坐定定咁食！兒童餐嘅食物都幾豐富有腸仔、肉醬意粉、薯條仲有啫厘仔添我地大人嗌左兩個小食share芝士焗西蘭花同埋風沙單骨雞翼西蘭花焗到好淋非常易入口單骨雞翼都好貼心食都食得方便過人！新餐廳環境同侍應嘅服務都好好見到有小朋友會主動過黎問需唔需要兒童餐具抵讚！

今晚要照顧一晚我個5歲表弟 出街搵下有咩可以比到小朋友食先 行到黎見到門口餐牌有兒童餐三隻字 我諗都唔諗就入去啦   兒童餐（$60）包左薯條 香腸 老水雞翼 啫喱糖 配肉醬意粉同鮮橙汁一杯 我表弟都食唔曬嫁啦 幫佢食d先 炸薯條用上粗薯 金黃色十分香脆 店員貼上附上茄汁比表弟 唔錯 老水雞翼整得好腍好入味 唔怕表弟咬唔到 香腸更係貼心既整成八瓜魚形狀 十分吸引 另外肉醬意粉方面 意粉唔會太實 同埋肉醬味道唔錯 最後啫喱糖唔會太硬 表弟食得好開心十分滿意我就叫左個老干媽酸菜火鴨絲麵 （$39）老干媽係好出名既辣椒醬 估唔到配上火鴨絲咸香咸香又幾好味 佢既辣食完唔嗆喉 面條有彈性 吸曬辣椒醬既湯汁 十分惹味總結 環境大 食物味道唔錯 可以一試