影片
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
食家推介
假日中午時段人流相當少，包場咁濟，午餐選擇算多，價錢由$5×至$7×不等，已包餐湯、餐包及飲品，相當抵食。食物份量足，唯味道及賣相有待改進。白菌汁牛扒 $75大大塊，肉質偏淋，冇牛味，除左薯條仲有粟米、翠玉瓜等蔬菜伴碟。磨菇汁味道唔出，但價錢非常相宜。烤美國安格斯漢堡半炸薯條 $79賣相非常一般，漢堡比想像中細，和圖片好大出入，味道十分平庸，$79有點偏貴。意大利卡邦尼長煙肉通粉 $65味道似忌廉，質感非常水，但好大碟。
繼續閱讀
今日同朋友喺紅磡轉車，有啲肚餓，去咗置富都會下肚先，見到呢間西餐廳都幾多人，試下！是日餐湯：個湯甜甜哋，有啲似粟米湯，裏面打溶咗啲食材，都有咬口，開胃🤤蒜蓉包烘得表面脆，裏面軟，加啲蒜蓉牛油喺面都好香口，但係又唔會燶選擇呢👍🏼黑椒雞扒$62有翠玉瓜、粟米、蕃茄，小配菜炒得好香，好新鮮，意粉好好食！佢唔會好腍、剛剛好，完全恰到好處，好有咬口。雞扒出邊煎到好脆，有黑椒喺面，裏面啲肉好腍，係幾好食！😎蒜蓉牛扒$72配菜都差唔多，唔同嘅係牛扒，切得薄薄的，份量都多，牛扒煎得唔錯，好香口但水份無流失，而且個蒜蓉汁調得剛好，唔會偏鹹或淡😃德國啤酒脆漿炸魚薯條$79炸魚兩條好大條，外面炸到卜卜脆，裏面嘅魚柳肉好香軟又腍肉，咬落去啖啖肉，真係好香！薯條都炸得好香脆，仲份量好多，抵食！🤭熱檸檬草蜜茶+$18這個似檸檬茶，但飲得出檸檬草同蜜糖淡淡的，幾特別！檸檬草氣泡茶+$18這個係草加七喜，配搭都好新鮮！
繼續閱讀
依家係紅磡返工, lunchtime一落雨就會同同事鼠去置富都會逛吓睇吓有咩好食~ 經過見到間連鎖西餐廳:紅蔥頭, 呢間裝修走懷舊風🧱🪑, 即時有d懷緬中學時代曾經風摩一時嘅西餐廳，好中意放學同屋企人一齊去食扒嘅happy感黎食西式午餐, 當然要加配羅宋湯&蒜蓉包, 個湯都幾足料, 酸辣開胃😋唔想咁heavy所以我哋兩個人叫左煙三文魚🥗凱撒沙律SHARE, 份量好大, 生菜脆口同事叫左個classic黑椒汁西冷牛扒🔪配薯菜, 熟度剛剛好唔會血淋淋🩸比較有驚喜嘅喺佢個午餐set竟然幾靚仔唔算頹頹子, 豬扒香口, 雞翼腸仔都好入味配埋煎蛋飯🍳🍚，份量十足特飲叫咗玫瑰熱情果/柚子🍊花茶🍹,飲落唔會太甜幾清爽仲有淡淡花香味🌹紅茶香茅蜂蜜, 紅茶🍵配上香茅同蜂蜜🍯，味道層次幾豐富環境：4/5味道：4/5服務：4/5#CafeMED #紅磡美食 #懷舊西餐廳 #理工人必食
繼續閱讀
紅蔥頭今日同朋友系紅磡聚舊，揀咗間呢區比較出名食西餐既扒房去試下，環境座位寬敞舒適；燈色柔和昏暗，牆上放咗唔同種類既油畫；同時擺設咗好多唔同懷舊歐陸式既裝飾。💫鐵板薄西冷牛扒拼雞扒$120我叫咗七成熟，望落鮮嫩多汁呈粉紅色，口感鬆軟。而雞扒好大塊，咬落去肉質軟淋有肉汁，唔會有雪藏味。牛扒厚薄適中；肉質細嫩鬆軟；仲有適量薯條＆雜菜伴碟點綴襯托，例如：豆角，紅蘿蔔，翠玉瓜，車厘茄＆粟米等。💫蜂蜜味BBQ燒豬仔骨配沙律$148豬仔骨好大件啖啖肉，肉質軟腍且鎖到肉汁。輕鬆切兩下就骨肉分離；燒烤味突出且略甜，個人中意倒埋洋蔥汁會更加惹味。而沙律方面豐富同用料新鮮，有粟米、車厘茄＆多種沙律菜等。💫羅宋湯＆法包 x 2 set (跟餐)蕃茄味色澤上色味道濃郁，都有唔少雜菜系入面，而法包充滿蒜香味，脆卜卜好好食～💫涷奶茶(跟餐)調配比例岩岩好，叫左多奶但都無蓋過茶味💫芒果橙汁(特飲+$16)兩種水果味道突出想味道更清新＆唔想飲太甜既朋友，可以吉埋檸檬片；飲落去甜甜酸酸咁幾好飲～💫鐵板一口牛$48肉質軟腍呈粉紅色，大小同厚度恰到好處。唔會覺得好韌同鞋。而碟中間有口感幼滑既薯蓉＆椰菜絲作襯托～💫心太軟(跟餐+$29)蛋糕厚度＆濕潤度剛好～流心醬質感軟滑，帶有濃郁朱古力味且甜度合適；唔會覺得有甜膩感；整體上口應層次分明。另有芒果粒＆朱古力慕絲醬作伴碟襯托。📍紅磡都會道6號置富都會7樓757-759號舖
繼續閱讀
平時喺紅磡返工 都經常性喺紅蔥頭食晏晝價錢又抵食物又大碟蒜蓉牛扒配薯菜 ｜ 豬扒雞翼腸仔飯套餐仲可以加配$8配蒜蓉包加湯最後點咗佢哋嘅特色飲品 香茅檸檬七喜幾好飲嘅清新 唔會太甜
繼續閱讀