紅葉茶屋 (D2 Place TWO)

營業中

休息中

最近同死黨去D2呢間「紅葉茶屋」試佢個期間限定二人set真係有驚喜！前菜個龍蝦沙律一上枱就知落重本，龍蝦肉撕到幼絲但仲彈牙，沙律醬溝咗柚子醋同山葵籽，辣辣地帶出鮮味，最正係底層墊住冰鎮青瓜絲，好醒胃！紅葉四點盛擺到成幅畫咁靚，炸蝦蝦脆漿薄，咬落「咔嚓」聲仲見到蝦肉透粉紅，個炸衣脆得嚟完全唔油。芝豆綿滑中帶豆香，八爪魚醃到入味，爽口到似食緊蒟蒻。刺身厚切，魚香係會黐住個口腔慢慢散，正到想encore！主食個北海道味噌叉燒野菜拉麵有驚喜！湯底飲落先甜後鹹，非常鮮美。叉燒肥瘦三七分，慢煮到入口即化，程度啱啱好。野菜吸盡味噌精華，煮到透明仲keep到爽脆，夠晒過癮!吉列豬扒&廣島蠔set係邪惡之選！豬扒拍打到鬆軟唔黐牙，麵包糠炸到金黃色，咬落「咔啦」聲之後係爆汁嫩肉。廣島蠔大，炸到外脆內流心，一啖咬落去蠔汁爆出，鮮甜到滿滿精華！甜品環節個期間限定軟雪糕不得了！一點都不會太甜。黑蜜抹茶蕨餅煙韌度滿分，黃豆粉落得夠豪氣，黑蜜甜度啱啱好唔會漏，食完成個set大滿足！絕對係同friend食好西嘅首選！

遠房親戚介紹我荔枝角呢度有非常唔錯嘅日本菜，叫紅葉茶屋，就抱住試嚇嘅心態帶咗女朋友嚟呢度用餐，結果意想不到嘅非常好食。我哋訂咗兩個位，女朋友滿懷期待嘅想要試嚇佢哋嘅特色菜，我覺得呢間餐廳嘅地點都係真心唔錯，好有氛圍。我哋先嚟一款蕃茄胡麻沙律嚟試下，真係唔使講，非常之好食，佢哋特調嘅醬料好特別，淡淡有一股香氣，然後蔬菜番茄都係非常新鮮，仲好脆口，而且食咗好開胃，感覺可以食得更加多女朋友食嘅係佢哋嘅特色茶漬飯，上面佐料有火灸刺身三文魚，經過火燒後嘅三文魚鮮味更加突出，然後肉質更加綿密，口味都比較鮮香，再配上茶漬飯，茶香四射，食咗一啖仲想再嚟一啖。我自己叫嘅係豬扒滑蛋丼，豬扒炸得好酥脆，外皮嘅喀拉喀拉聲音，令人流口水，然後滑蛋嘅口感都係好正，搭配日本米飯，味道同口感都非常絲滑，好好食。 呢度嘅菜品真係都好好食，下次仲要帶女朋友嚟試多啲菜色。

今年嘅週年紀念，我哋都好鍾意食日本餐，所以特意揀咗間以日式拉麵同烏冬聞名嘅餐廳。朋友仲好努力咁推薦畀我哋。我嘅主食點咗溫泉蛋卡邦尼烏冬，烏冬麵條煮得啱啱好，淋上奶香濃郁嘅醬汁，好好食。我將溫泉蛋嘅蛋黃輕輕拌開，拌埋面一齊食，味道更加香。我男朋友就點咗北海道味噌拉麵，味增湯底散發出濃郁香氣，配上厚切叉燒、半熟蛋同玉米粒，簡直一流。我哋嘅配菜係龍蝦沙律。龍蝦肉好新鮮，肉質結實，配埋特調嘅醬汁，味道一級棒。我哋仲點咗四點拼盤，拼盤入面每道小食都有獨特風味。包括外殼酥脆嘅炸蝦、新鮮嘅八爪魚、芝豆香氣濃郁，入口即化嘅新鮮刺身。甜品方面，我就揀咗抹茶提拉米蘇，男朋友就點咗牛奶雪糕，雪糕嘅奶香非常濃郁，甜而不膩。我哋都好鍾意呢間餐廳，下次仲想再嚟試吓其他菜式。

最近天氣真係好凍，想喺附近搵碗熱麵食啱啱男朋友喺附近，就約咗佢一齊去睇住唔錯嘅 「紅葉茶屋」食烏東麵。我地兩個都叫咗烏東麵，我食嘅係芝士烏東麵肉質鮮甜，仲有淡淡嘅芝士香氣，真係令人難以抗拒，而且冬天食碗熱辣辣又滑溜嘅烏東麵，真係好暖胃。男友就叫咗明太子忌廉口味嘅麵，第一啖就食到濃郁嘅奶香味，但明太子比較清淡，唔會過鹹，所以整體味道啱啱好。睇住男朋友食到津津有味，我都忍唔住多試幾啖。日式料理最出名嘅就係刺身，當然要叫一盤試下。刺身處理得非常乾淨，細膩滑溜，原汁原味，鮮味十足，食起嚟真係爽！仲有令我眼前一亮嘅清酒蜆肉都好香。每個蜆肉都好肥美厚實，仲吸收咗酒香，令成個蜆肉都充滿鮮味，一啖落去，簡直係人間美味。呢間意外發現嘅日式餐廳真係唔錯，可以多啲嚟捧場。

家姐話好耐冇食和牛，就所以帶佢去朋友推介嘅紅葉茶屋食晚餐，滿足下佢個胃。餐廳環境雅緻，坐得舒服，食物選擇幾有特色燒魚一夜干定食好新鮮，魚肉除咗燒得香軟，仲凸顯咗花魚獨特嘅風味，配上一碗白飯，好滿足。仲有家姐心心念念嘅牛肉壽喜鍋，湯底香濃，牛肉亦都吸收咗湯底嘅精華，一啖落肚，鮮嫩鮮嫩的，家姐表示滿意。小食炸南瓜餅都好清甜，外脆內嫩，好有口感。食完壽喜燒，嚟個大大嘅南瓜餅，好飽肚。刺身滑嫩細緻，冇腥味，唔輸熟食，都好唔錯。.飲品就揀咗薄荷紅茶同芒果百香果茶。薄荷紅茶帶有薄荷香氣，飲落幾清爽。而芒果百香果茶就比較酸甜，飲落清新解膩。

前晚同老婆去咗荔枝角嘅紅葉茶屋，揀咗兩人套餐，覺得幾抵食。鹽燒鯖魚煎得好香，魚皮脆脆，魚肉鹹淡啱啱好，唔會太油膩，係個唔錯嘅開胃菜。跟住上嘅北海道味噌拉麵，湯底帶味噌嘅香味，濃淡啱啱好，配埋叉燒同啲野菜，麵條彈牙，食得好滿足。龍蝦沙律啲龍蝦肉鮮甜彈牙，底下嘅沙律菜好清新，配埋特製醬汁，味道幾夹。之後嚟嘅炸物拼盤有炸蝦、八爪魚、芝士條同少量刺身，炸物外層脆口，八爪魚好彈牙，刺身都算新鮮，整體配搭幾豐富。最後嘅甜品有抹茶白玉同抹茶芝士蛋糕，甜度啱啱好，唔會太膩。抹茶白玉煙韌有咬口，芝士蛋糕有濃濃嘅抹茶香，又帶少少芝士味，兩款都幾吸引。無論味道定性價比都好滿意😌，環境舒服，服務又好，下次一定會再嚟試吓其他餐牌嘅選擇！✨

紅葉四點盛🍱各種開胃小食集合喺呢道菜入面，炸蝦蝦肉鮮甜彈牙，枝豆口感爽脆香甜，八爪魚肉質嚼勁十足，生魚片鮮美且魚脂豐富👏🏼簡單配搭豉油同芥末，就能提升風味同層次吉列豬扒🐖&廣島蠔🦪豬扒炸得金黃酥脆，入面嘅豬肉厚實多汁，肉質鮮嫩唔乾柴🤤廣島炸蠔外皮都已經炸得酥脆，蠔肉鮮嫩多汁，咬落去就可以感受到濃郁嘅鮮甜同奶油般嘅順滑口感💯配搭埋檸檬汁可以令味道更加清爽唔油膩～特盛黑麻油濃厚豚骨拉麵🍜湯底已經經過長時間嘅熬煮而呈現出誘人嘅奶白色，湯底味道濃郁順滑，每一啖都可以嚐出充滿豬骨嘅膠質同濃郁嘅鮮香😇黑麻油嘅加入為呢碗拉麵添加咗一層特別嘅焦香味，鹹香四溢🔥抹茶芝士蛋糕🍰我真係好愛佢哋嘅抹茶甜品！呢款芝士蛋糕結合咗濃郁嘅抹茶香氣同奶香味十足嘅芝士，非常特別✨抹茶嘅苦香同芝士嘅奶香味互相平衡，苦甜交錯嘅滋味真係好正啊啊啊抹茶提拉米蘇🍵入口係微苦嘅抹茶苦韻，平衡咗提拉米蘇整體嘅甜度，帶住淡淡嘅茶香同回甘嘅韻味，即清新又順滑😘

前菜【龍蝦沙律】爽脆嘅蔬菜同鮮甜嘅龍蝦肉，配搭特製嘅醬汁，帶出龍蝦嘅天然甘甜，清新美味。【紅葉四點盛】刺身食落鮮味十足；炸蝦口感富有彈性，味道甘甜；芝豆口感綿密，散發住獨特嘅香氣；八爪魚口感Q彈，富有嚼勁，各個小吃都十分美味。主食【溫泉蛋卡邦尼烏冬】濃郁奶香嘅湯底，配上滑溜嘅溫泉蛋，加上好有彈性嘅烏冬，帶來滿滿嘅滿足感。【吉列豬扒&廣島蠔】豬扒外皮酥脆而且唔油膩，入面嘅肉質軟嫩，濃郁嘅豬香味，廣島蠔鮮美飽滿，肉質亦都好柔軟，味道非常新鮮。甜品【黑蜜抹茶蕨餅】抹茶嘅茶香味加上黑蜜嘅甜味，整體口感非常細膩，甜而不膩。【抹茶雲石紋芝士蛋糕】口感爽滑，散發住淡雅嘅茶香同香濃嘅芝士，食完令人念念不忘。

平時，大家做嘢都好忙，難得全家人有空一齊食晚餐，就特意揀咗呢間日本餐廳。餐廳入面嘅佈置簡單又大方，環境好舒適。我點咗燒花魚一夜乾定食，魚肉提前醃咗一晚，之後用炭火烤，魚皮烤得焦香酥脆，魚肉滑嫩多汁，完全冇魚腥味。日本米飯煮得粒粒分明，再配埋醃菜同味噌湯，非常好食。我阿媽就點咗豪華海鮮丼茶泡飯，新鮮嘅海鮮鋪滿晒丼飯，熱茶澆上去之後，魚肉嘅香味散發出嚟，好香好好食。我爸爸點咗一份炸雞拼盤，入面有雞翅同雞塊。雞翅同雞塊炸得金黃酥脆，肉質細嫩多汁，蘸上佢哋嘅特製酱料，味道一流。我父母都覺得呢間日本餐廳嘅食物非常好食，環境亦都好舒適。我覺得呢間餐廳好適合帶埋一家大細嚟食。

我哋嘅結婚紀念日到了，我同老公決定揀間特別嘅餐廳慶祝。啱啱見到呢間日式餐廳，睇住入面環境都好靚，我哋就入去試吓2人套餐。我哋點咗一份牛肉壽喜燒，壽喜燒嘅湯底甜鹹啱啱好，牛肉片厚薄切得啱啱好，涮完試咗一片，好好食，肉吸滿咗湯汁，非常鮮甜。呢個壽喜鍋入面仲有豆腐、金針菇同粉絲，好好食。老公仲點咗香辣燒牛肉，牛肉燒得啱啱好，外酥內嫩，佢哋仲用香辣調味做搭配，配埋白飯，非常下飯。龍蝦醬沙律，野菜非常新鮮，配埋酸甜嘅沙律醬汁，好好食，好開胃。紅葉四點拼盤，入面包括外皮酥脆嘅炸蝦，芝豆酥香可口，口感好好食嘅八爪魚，仲有新鮮嘅刺身，入口即化。我哋嚟嘅時候啱啱有限定嘅冰百香果茶，百香果味道好濃郁，好好飲，我老公嘅冰芒果西柚紅茶，芒果配西柚，好特別又好飲。最後上嘅係牛奶雪糕，雪糕嘅奶香好濃郁，但係食咗唔會膩。呢間日本餐廳嘅食物真係好好食，環境亦都好好，非常推薦，下次仲要帶家人嚟試吓。

好朋友喺網上見到紅葉茶屋有季節限定嘅雙人套餐，話想同我一齊去試下，我哋就book咗個周末嘅晚餐時段去試。喺網上睇嘅賣相真係幾唔錯，而且餐廳環境都好好，超鍾意呢度！套餐既前菜睇落已經值返票價，有佢哋嘅特色小食拼盤，仲有龍蝦沙律，而且拼盤裏面嘅小吃都係上等食材！特別鍾意裏面嘅刺身，甘甜無比，魚肉都唔會有腥味，超級好食，主要仲係新鮮又衛生！龍蝦沙律就食得到蔬菜嘅爽口同龍蝦嘅鮮，真係冇諗到兩種食材可以咁搭！好朋友嘅主食叫咗香辣燒牛肉，鍾意食辣嘅可以叫，因為真係好好食，牛肉質地好鮮嫩，香辣味都烤得啱啱好，配湯飯好正！我自己就食豚骨拉麵，裏面配咗黑麻油提味，味道非常香濃好食，尤其係豬骨湯嘅味道非常鮮美，好好飲！甜品就我哋各自叫咗蛋糕，有抹茶芝士蛋糕同提拉米蘇，味道都係非常啱，香甜，抹茶味道都唔會苦澀，真心推薦鍾意食蛋糕嘅朋友都嚟叫呢兩樣甜品！

我時常光顧紅葉茶屋，可算是忠實 Fans，無論環境設計或餐單都走日式店風格，深得我心。今日同朋友叫了超抵食的二人套餐，真係食到停唔到口！頭盤嘅龍蝦沙律賣相已經吸引，上面淋嘅蟹籽醬香滑濃郁，同爽脆嘅生菜完美配合，好開胃！紅葉四點盛就更加精彩，每樣都係師傅嘅心思傑作 - 隻蝦飽滿多肉，咬落去甜味充滿成個口腔；毛豆清新可口，食完解膩；八爪魚爽滑有嚼勁，一啲都唔會韌！溫泉蛋卡邦尼烏冬真係好正，啲烏冬咬落去有韌性又唔會太硬，溫泉蛋打開嗰陣流心完美，蛋黃香濃，同卡邦尼醬汁混埋一齊，香滑得嚟唔會太漏，食落就係一個字：滑！照燒三文魚就更加係大師級水準，魚肉鮮嫩多汁，外皮燒到香香脆脆，裡面仲係半熟狀態，肉質嫩滑到一戳就散，照燒醬調味恰到好處，甜中帶鹹，魚香同醬汁完美融合！最後上場嘅甜品都係水準之作，抹茶提拉米蘇做到層次分明，抹茶香氣十足又唔會苦澀，cream香滑幼滑。黑蜜抹茶蕨餅就更加係驚喜，蕨餅軟糯滑溜，入口即溶，抹茶粉同黑蜜嘅甜香令成個甜品提升到另一個層次，回味無窮！整體嚟講，呢個套餐真係無得頂，樣樣都係精品，份量十足！最欣賞廚師對每道菜嘅用心，食材新鮮，做工精細。餐廳環境舒適寫意，日式裝修好有氣氛

前陣子公司忙完單大嘢，老闆請客話想食日料，就揀咗間公司附近嘅日式店慶功。之前聽朋友講紅葉茶屋啲食物唔錯，價錢又抵。今次就幫老闆訂位，試我想試好耐嘅餐廳。餐廳位於荔枝角，位置非常方便！- 吉列豬扒滑蛋丼吃炸豬扒，必定大大塊，厚得很，豬扒肥厚肉嫩，最為上乘。外脆不在話下，炸物亦不油膩。一口豬扒，一口滑蛋，耐人回味。因為有滑蛋，所以味道又軟又香，豬扒依然鬆軟，帶脂肪很好吃。蛋滑，下飯最佳！- 牛肉壽喜燒定食壽喜燒分量多，鍋面鋪滿晒牛肉，入面有豆腐、金菇、冬菇，蘿蔔，整鍋都係蔬菜及肉原汁，最後仲有吸盡甜甜湯底打底的牛肉，搭上珍珠白米飯，好正- 黑蜜抹茶蕨餅滿滿的抹茶粉，蕨餅一口一塊，口感軟糯，不會太甜又不會黏牙齒，可以加入自家製黑蜜，淡淡抹茶味，微微的苦味的抹茶和黑糖的甜搭配在一起，恰到好處！！qq 彈彈的，很濃鬱，糯嘰嘰整體餐廳評分很高。餐廳環境闊落舒適，枱與枱距離充足，卡位很多好適合朋友飯聚。店員服務態度好又夠細心，食材新鮮，款式又夠多樣化，唔止有主餐仲有小吃，甜點，刺身等等，價錢非常經濟。係一間好值得推介嘅日本餐廳！

上個周末同屋企人去咗紅葉茶屋食lunch，見選擇幾多，有飯、有麵、仲有炸物同飲品，價錢合理，環境唔算迫，坐得幾鬆動。🔥火灸三文魚茶漬飯三文魚面頭輕輕燒過，帶少少焦香，魚肉油脂豐富，食落滑溜唔乾，配埋茶湯一齊食，有種淡淡茶香，加埋紫菜同芥末攪埋，味道幾夾，口感清爽唔膩，午餐食啱晒！🍜 柚子蜆肉烏冬烏冬煙韌彈牙，吸滿湯底，入口有淡淡柚子香，帶微微酸香味，蜆肉份量算足，食落夠鮮甜，整體味道清新，飲埋湯好舒服。🍗 日式炸雞拼盤有炸雞件同雞翼，炸得香脆，唔會炸到太乾或者太厚粉，雞肉仲保持嫩滑，食落唔會太鹹，配埋少少沙律菜，中和返炸物嘅油膩感！🍹 冰百香果茶 / 奇異果雜莓茶兩款水果茶都幾開胃，百香果茶果味濃，酸酸甜甜幾醒神，奇異果雜莓茶就比較清爽，莓果味唔會太重，幾順口，天氣熱飲落一流，食完炸物再飲返啖都幾解膩。呢間茶屋lunch set選擇多，價錢唔算貴，食物水準唔錯，份量剛剛好，環境都坐得幾舒服，適合同屋企人或者朋友嚟食個簡單又滿足嘅午餐，下次會再嚟試下其他嘢食！

上個周末晚上，我去【紅葉茶屋】食晚餐。呢間餐廳之前已經嚟過幾次，每次嘅感覺都好好，環境安靜，燈光柔和，特別適合一個人放鬆下。我點咗三樣菜式～🍴第一道係和牛茶漬飯，飯底用柴魚湯淋上去，一端上枱就聞到陣陣香氣。飯面鋪咗薄切嘅和牛，肉質好嫩滑，配埋紫菜同少少芥末，味道清淡但好有層次👍之後試咗明太子忌廉烏冬，烏冬嘅口感彈牙，酱汁有淡淡嘅咸香同奶香，唔會太濃或者太膩，啱啱好～ 明太子嘅粒粒感亦為整體口感加分，幾順口，適合鍾意奶油味嘅朋友～最後一道係清酒煮大蜆，呢碟真係今晚嘅亮點✨。蜆肉鮮甜嫩滑，湯底有輕輕嘅清酒香，唔會過濃，但飲落去好解膩，幾啱配埋其他菜一齊食。今晚真係好滿足💯。紅葉茶屋嘅出品一直穩定，氣氛舒服，價錢又合理，呢間餐廳真係值得再嚟！如果你鍾意清淡又精緻嘅日式料理，真係可以試下呢度～👍