紅茶

諗住同阿媽老竇開開心心嚟食個下午茶, 一坐埋卡位有隻曱甴屍體攝咗喺條凳罅度. 個靚妹侍應竟然用把牛扒刀撩佢出嚟. 佢話啲碗碟會消毒 😅之後我哋叫咗個紅豆冰, 成杯都係花奶嗰浸紅豆小到冇人有. 叫佢加多少少紅豆, 竟然入面水bar嗰條高佬想慳錢唔肯加. 下次一定唔會再嚟. 希望佢哋生意興隆, 早日關門大吉！…查看更多

今次去紅茶冰室食咗個套餐，包括南瓜湯、餐包同「日式蔥燒牛柳伴鹽燒雞髀菇意粉」，整體感覺唔錯。南瓜湯味道順口，質地滑，唔會太甜，飲落舒服。餐包係暖暖地送上，外皮微脆，入面鬆軟，配湯一齊食幾夾。主菜方面，牛柳用咗日式醬汁，味道濃郁但唔會太鹹，蔥香突出，肉質啱啱好，唔韌唔鞋，食落仲有肉汁，幾有驚喜。雞髀菇經鹽燒處理，香口又有咬口，唔會太乾，配埋意粉一齊食幾夾。意粉煮得剛好，唔會過腍，吸到啲醬汁，整體味道融合得幾好。份量唔算少，一個人食完都夠飽。價錢大約 $100，以味道同質素嚟講都算合理。環境方面就一般，座位密啲但乾淨企理。職員態度好，有禮貌，落單同出餐都快，整體服務令人滿意。…查看更多

31/5/2025 我同老婆一行二人諗住試紅茶冰室 一去到有人排隊 唔緊要 照等 當時 13:05 佢門口寫明繁忙時間 人齊先可以入座 心諗 反正我哋都齊 冇影響點知個阿姐冇視我哋 係咁嗌後面的 3-4 位，我哋即時出聲 3-4 坐得落 冇理由唔安排兩位入座 咁排嚟仲乜 佢答 我哋係咁安排 有 3-4 安排入坐先 費事安排搭枱 咩世界 點解唔可以安排兩位 + 兩位入 係要畀 3-4 位。咁排隊嚟仲乜 仲要態度極差 自稱係負責人喎 我哋真係食到一肚氣 冇下次 真的好想知負責人是否真係佢…查看更多

勁低能，淨係收現金、Alipay同埋WeChat Pay，唔L諗住做香港人生意🙄我唔明點解一間咁多分店嘅茶餐廳可以連八達通都冇🙄仲要屯門呢間分店收唔到信號⋯⋯頭先要增值Alipay又要load勁耐，本身啲嘢已經好難食，仲要唔收其他payment真係搞到人都燥燥地🙄啲嘢食難食到痴線，真係唔明點解咁多人食？頭先嗌咗個西冷同埋焗豬扒飯，冇樣嘢係好食！嗰塊牛扒仲難食過我喺惠康求其買一塊返屋企自己煎，柴到呢⋯⋯個焗豬扒飯仲衰過大快活⋯⋯都唔平，兩個餐買單都要二百幾蚊。其實呢間嘢到底有咩出名？點解成日經過都見到咁多人食？🙄真心想知。反正我淨係知試過一次之後冇下次🙄…查看更多

原本想叫個菠蘿包下午茶餐，個職員話冇晒，點知過咗5分鐘就聽到話菠蘿包新鮮出爐😓,改叫炸豬扒烏冬，儍更更坐喺度等咗15分鐘見隔離兩枱都上咗炸豬扒烏冬跟住問職員先至話炸嘢無咁快要等廿幾分鐘，廿幾分鐘之後都係無餐送黎，之後趕時間話唔要啦個烏冬取消餐，個收銀員一句「唔好意思」都冇淨係係度盤問：「你飲咗野係咪？$XX 啦！」好似趕客唔憂做咁, 枱面濕笠笠，地下D垃圾冇人掃👉🏻以後應該唔會再幫襯！😡😡😡…查看更多