紅茶冰室

營業中

休息中

之前經開尖沙咀，想食個下午茶，地鐵一出見到紅茶冰室，之前都食過好多次，現在的內地旅客也多了很多看了看餐牌下午餐也ok♥️最後叫咗個芝士🧀️西多士好多醬同牛油，唔健康就一定但就真係幾好味，加埋芝士心食完肥幾磅另外加左個菠蘿油，個包唔熱就差少少如果新鮮熱辣辣應該就好味好多埋單$54🫡

日日都咁多人 雖然等得唔耐 但愈食愈貴 下層又收唔到電話 不過鬼叫佢真係好食咩... 平時就叫炒飯 早日午餐多第一次叫肉碎炒飯 好好食 淨係隻蛋已經夠我+50分! 

平日都會叫番紅茶外賣，因為係厚福街附近翻工，唔知係埋人事調整定係咩啦，味道不能維持同一標準。燒鵝有時好食有時燒鵝皮又好lam，唔夠脆，食油雞肯定係食雞皮，估唔到比埋成個雞胸我，咬到好柴d肉；燒肉脆皮完全唔脆咯，不過因為夠香都會order，but！！！十次有八次唔記得配芥末醬，搞到我而家次次叫外賣都要係鋪頭度check醬料岩唔岩數。今日因為同事想食，埋一齊order，無拉拉又中伏（同事叫燒鵝飯又食到鵝俾）只能講食紅茶要睇運氣

其實我係香港咁耐真係第一次食紅茶，就算未通關前已經聽人講好出名，但因為唔算太近我屋企，想食既時候見到門口又好多人，所以次次都冇食到，但今日可能因為係下晝，經過尖沙咀呢間竟然冇咩人，等左10分鐘就可以入去，我見間店都好大，入到去我就叫左個常餐，沙嗲牛肉公仔麵，佢啲牛肉味好濃個湯都好濃，朋友就叫左個牛扒茄汁意份，朋友話個牛都唔錯，最尾加左2個蛋tart同一個芝士tart，蛋tart都好香好脆，好好味👍👍👍

Lunch 去食紅茶，門口都排左一條長龍，遊客多過係附近打工嘅朋友。今次揀咗個lunch set係咖喱牛腩配薯菜。咖喱唔算好辣，而且都入面。薯菜就係焗一個完整薯仔，中間界十字再淋啲麻醬。不過麻醬偏少，齋食薯仔就有啲無味嘅感覺。另外再加左紅茶出名嘅丹麥酥，新鮮食都熱辣辣，同鬆軟。由於人流太多，職員忙到飛起，想落個order/ 追單都叫左幾次先有人理。尖沙咀紅茶有兩層, 人流又多, 會比較嘈吵, 同台傾計都要講得大聲啲😓

出餐實在太慢，等了二十分鐘有多才到的沙嗲牛肉麵，跟炒蛋多士，牛肉被梳打粉醃到不知道是什麼肉，肉質淋到一個點，個麵質地像皮鞋，一點也不好吃，吃了一點便放棄，不知道為什麼說是招牌麵,差評

今日去咗金鐘睇黃鴨，然後就坐渡輪去尖沙咀上小紅書見到呢間餐廳，呢間冰室我都係第一次去，入面好多遊客，噉為就唔係等咗好耐10分鐘左右，餐廳入邊大部分都係卡位坐落唔算太迫茄汁牛扒西冷意粉配白湯👍63元份量方面非常充足以粉量都很多，性價比較高，質素正常牛扒都唔係平價貨，白湯都係餐廳質素冇乜突出之處火腿庵列西多士配沙爹牛肉麵55元👍呢個有驚喜第一價錢便宜，沙爹牛肉湯亦都濃郁。火腿庵列亦都正常分量唔會太少，西多士焗得好鬆脆外脆內軟然後叫咗個蛋撻同芝士撻蛋撻質素正常之事她有驚喜，衹是它的餡好似平時飲奶茶d奶蓋。然後外面燒咗餐比較脆總括而言餐廳各方面都唔差，可以推薦大家過嚟試一試

I like their baked rice so much!!!This flavour is perfectly made. Curry beef with cheese!!!I have waited for a long time. It is worthwhile because it is well baked enough. You can tell from the colour!!! Golden brown!!! 👍🏻👍🏻👍🏻Even some of the beef is crispy!!! Marvellous!!! 🥳🥳🥳Hope to have this more frequent in set lunch!!!Excellent day!!!

久不久看到一些網上評論或報導說香港有些服務員的態度很差， 土生土長香港60多年的我今天2023.6.10，16:30 在尖沙咀紅茶餐廳也親身感受到， 不尊重客人的查詢， 自以為是的回應， 更在客人背後大聲說冷諷語， 失望， 香港人的購物天堂以禮待客的精神在那裏， 我希望貴司管理層能好好重視，及對前綫員工作出培訓. 以前聽到或看到相關有些內地遊客在香港旅遊對不禮貌對待遭遇的吐苦水， 覺得會不會是文化差異產生的差異， 今天親身的體會， 感受到了. 這是我60多年本首次對消費過程感到不愉快的投訴， 不希望再遇到， 本來是喜愛香港地道飲食及作出支持， 但竟換來不愉快☹️

尖沙咀著名遊客茶餐廳☕️平日都見到好多人排隊 今次星期日下午12點到達 就可以直接進店用餐✨看到大部分人都推介它們的茶餐廳美食 今次我就來試試他們其他款吧‼️🥢🔹冬蔭功海南雞湯粉 $58冬蔭功湯底香辣濃郁 湯粉里有很多配料10分豐富 海南雞夠滑亦鮮甜👍🏻🔹香葉肉碎煎蛋飯 $58茶餐廳里竟然有泰菜 肉碎炒得很香也蠻辣的肉碎很好下飯 十分推薦✨🔹凍奶茶+$6 熱茶走+$3奶味較淡 比較適合喜歡茶味更重的朋友☕️

真心講，佢哋啲食物同性價比真係唔錯，但態度真的太惡劣，所以我都係俾要俾負評。另外一間「龍X冰室」同佢哋啲嘢食差唔多，但起碼唔會郁啲就兇人。其實我好好奇，係油尖旺呢啲地區做生意都咁寸咀，啲員工唔怕俾人問候甚至打架咩？

鐵板炒公仔麵超好食😋日日都要排隊，今日排左20分鐘左右，都好快。今次終於試到鐵板炒豬扒公仔麵🍜上枱個陣仲有炸炸聲，豬扒多過麵，好香好有獲氣。個底仲有小小燶，啲麵變得好小小脆，真係好正，好好食，仲有大量葱同芽菜，咸左小小，食完都嫌唔夠。餐蛋通粉至鐘意佢個金寶湯，好好味，小朋友食好啱，隻蛋煎得好靚。雞扒咖哩飯鐘意食，有點辣，個汁撈飯好正，雞扒有點乾，不過都唔影響食慾。餐茶熱檸蜜，好好飲，套餐唔洗加錢。

之前我都黎過一二次，係封關個陣，5知係咪冇咁忙，服務態度還可以接受的，是次是晚上去的，丫叔一副不屑的態度跟你落單，丫姐雖然好忙碌咁，但5係大哂嫁丫，丫姐一副我地係咁嫁喇，你鍾意食就食，5鍾意咪5好黎咁既態度。詳細情況我都廢事講咁多，越講越氣。5信既人可以去感受下佢地既服務質素，野食質素不過不失，但我真心不想再幫襯咁既鋪頭。我自問都去過好多茶記，大間細間，環境冇咁好d都有，伙記態度都冇佢地咁衰。食物固然重要，但服務都不能忽略吧。有點後悔冇睇留言入左去食。。#用餐具前一定要用熱水好好清洗乾淨

门口嗰个阿姐态度好鬼差，你又唔系米之林！巴闭咩啫！一早问咗两位有冇位，佢喺门口同其他客讲咗10分钟先同我讲冇位！大晒咩 放心绝对唔会再去！门口个阿姐唔该你读吓书啰，态度太差啦 ！！

今日去堂食，門口幾個啊姐好似黑面神咁，咁唔歡迎客人做咩要出黎幫人打工？再好生意請左D咁既人才返黎都係唸住提早執笠姐～正常茶記既水準，開關之後多左遊客生意，所以態度可以咁9屎？希望大家都唔好去尖沙咀尼間分鋪，比錢食野仲要睇人面色，真係極品