紅茶冰室

營業中

休息中

一講紅茶自然諗起沙嗲牛肉公仔麵，今日行經專登入去食返個早餐沙嗲牛肉公仔麵 +滑蛋丹麥包早餐價錢$42 沙嗲牛肉.. 感覺退步咗，醬料偏鹹，牛肉都唔夠滑… 炒蛋夠滑好食整體性價比可以接受，早餐價錢正常，但如果要用常餐價錢去食呢個餐就會唔抵了早晨維持到11:30，平日人流唔多，但一到中午餐廳出面總會有一條長長既排隊，質素就正常茶記質素。曾經因為佢既沙嗲牛肉公仔麵，而專登去觀塘到，而家就唔會專登排隊去食。但作為茶記質素黎講，係Ok 的

好多人話佢地態度唔好，我去食曾經某些員工態度非常惡劣，唔知係咪俾人炒咗，最近都見唔到佢。但係食咗幾次員工態度都ok食得太開心，有啲口乾加多杯紅豆冰👌出面好多紅豆冰啲紅豆係腍啤啤，又好稀😓牛角包新鮮出爐，熱辣辣，口感十足，唔會食空氣，好食過普通超市/便利店蛋好滑擺盤都吾錯，唔會散修修食咗幾次都保持咁嘅水準👍🏻

我哋一行七人其中一個小童食其他嘢都唔得要我地出門口食其實只係一間茶餐廳唔知以為佢係五星級酒店餐廳咁巴閉嘢食不過不失咪又係普通茶餐廳味道大圍咁多茶餐廳真係唔洗揀佢

今日晏晝要食飯，行吓行吓就嚟咗紅茶食返個午餐，眾所周知紅茶茶餐廳係小红書入邊極力推介嘅網紅茶餐廳，所以其實入邊都有好多國內嘅人士喺入邊食飯。真係國內人士同香港人嘅比例國內人士係佔足80%。入邊有好多唔同嘅食物，今日我揀咗常餐嚟食常餐係有一個多士，多士烘得非常好食，仲有煎蛋都唔錯，重點嚟了，豬扒公仔麵，塊豬扒勁大塊，煎得好香口好好食，仲有佢而家可以加$9 ，就飲一杯特飲，我揀咗紅豆冰，紅豆冰甜度啱啱好非常好飲。

嗌咗一個麻辣嫩雞拌麵 點知啲雞好鹹直程係黑色 鹹到苦 個員工自己食都頂唔順 話幫我哋換 點知又叫我哋轉其他嘢食 轉下午茶又唔得 又話要收返一半錢 咁咪叫佢攞返嗰個面出嚟俾我哋 點知佢員工重要掉頭話返我哋嘥嘢 語氣極差 冇下次

紅茶這間餐廳雖然保留了香港飲食文化，且食物質素確實有一定的水準。然而，今天我遇到了一個讓我感到這間餐廳缺乏人性化的事件。我看到隔壁坐了一位懷孕的女士作為獨自用餐的客人。雖然大多數的懷孕客人都不介意與陌生人共用一張桌子，但從人性化的角度來看，我覺得餐廳應該避免安排陌生人坐在對面與她共用桌子。更不幸的是，坐在她對面的第二位客人不停咳嗽，甚至還拿出藥物來服用。因此，這位懷孕客人提出了要求，希望能換到其他位置。我分享這個經歷只是為了表達對於業務經營的一些想法，這樣的情況下，少讓一位客人坐在這樣的環境裡，真的會對生意產生如此大的影響嗎？我只是想分享我個人的感受，因為在我去過的大多數餐廳，如果碰巧遇到懷孕的客人，他們通常會盡力為他們安排一個合適的座位，而不會出現這樣難以理解的情況。

入去食個早餐 唔駛半個鐘出番黎。。。首先入去一坐低就吹你落單啲野食黎到 正常食下炒蛋又食個麵食食下個碟炒蛋未食曬，差一啖個女侍應一邊問你要唔要，一邊隻手已經收走左個碟但我個叉仲準備叉緊果舊蛋🫢我即話我叉緊個喎、佢走番轉頭問「駛唔駛整過碟比你」一句唔好意思都無 仲咁串🫠點敢要啊 唔驚你加料咩當然之後當然繼續無改善地係咁收碟。。。收碟。。。趕到你坐多一秒都覺得錯咁杯野飲未飲完，只要你放低左佢就收走🫨 仲未飲曬喎費事出聲，走人🫠唉😮‍💨你話坐左好耐就話啫入去到走都唔夠半小時啊 駛唔駛急咁

大圍呢排多咗啲餐廳可供選擇，呢一間近大圍A出口嘅紅茶館, 經常人山人海。佢啲快餐、常餐、燒味都好好食。 基本上叫咩野食都保持到水準。服務OK，上菜快，速食都唔係咩問題。

除非你真的很喜歡被人鬧，否則真的不建議。餐廳上的侍應全部的態度十分惡劣，往往對每一個客人要求都感到不耐煩。食物質素也是一般，真是貼錢買難受。常餐的多士是燶的，常餐的牛肉麵也是一般。

話說今日收工去大圍紅茶食晚飯，叫咗個四寶飯，咁就冇芥末醬，問個阿叔(大約60歲)問佢拎包芥末醬，黑口黑面去拎，拎到過黎發晒爛渣呼喝我：下次你問返落單嗰個拎！講真我都算好好態度唔該前唔該後，拎包醬使唔使咁大反應呀？定係我係後生好好恰？想問下紅茶依啲連鎖餐廳有冇投訴熱線？真係要反映吓

今日去咗紅茶冰室食下午茶，叫咗兩個下午茶餐。不過有一個唔記得咗影相，哈哈！第一個餐叫咗芝士流心西多士，超級超級超級勁肥膩。。。食到好滯。。。下次唔會再叫，所以相都冇影第二個餐叫咗叉燒燒肉雙拼，下午茶嚟講份量都算大，都幾好食！最最最鍾意食紅茶冰室嘅紅豆冰佢哋嘅紅豆冰超級多豆，多豆得黎又夠曬甜，同埋佢哋絕對唔容許你走冰😂用特色嘅玻璃杯裝，好有風味！推薦大家去試吓，全港好似都有好多分店，價錢也算合理。

港式茶餐廳，地理位置優越，喺火車站附近十分方便。港式嘅蕃茄焗豬扒飯，芝士嘅份量鋪滿整個飯，但望落去就焗燶咗少少。豬扒份量正常，成個飯嘅味道同埋質素就普普通通，算係合格。港式牛油西多士，蜜糖另上，可以自行調校份量。西多士上枱嘅時候唔算太熱，麵包偏淋，食落去令到口感一般。再叫多個炸雞翼配薯條，雞翼同埋薯條同樣炸過龍，令到雞翼同薯條都偏向深色。雞翼因為炸得太耐嘅關係，已經冇晒肉汁偏乾身。薯條比較粗身，但係同樣炸得太耐，令到薯條嘅口感過硬。

晚上叫咗dinner set（羊排、白湯同薯菜） 。啲湯同薯菜都還好嘅，但個主角竟然係燶嘅，切咗燶嗰啲後得30%嘅肉係食得。最後餓住個肚咁離開呢間餐廳，埋單時個收銀就咁掉啲錢出嚟，真係冇下次。

短髮戴眼鏡女收銀好似欠佢錢咁、講也惡死到！！而且出面冇人等位，個d阿姐急急急要收檯，要你去埋單。食也越黎越貴，態度一直咁差無變過。好似差唔多間間茶記都係咁。唔改善，又難怪個個上深圳消費喇

坐未到一分鍾,同伙計講想轉枱 ,伙計話不可以轉枱因為已經入咗單?! staff needs training! 剛剛食完飯，D夥記急急快手執清枱上餐具，然後就同我地講要埋單，因為外面好多人等枱？！ staff is rude