影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
一向都喜歡這間冰室雖然長期都好多人排隊，近期觀塘舖結業，估唔到在我公司附近開新舖，對於我嚟講真係一大喜訊🎊。估計舖頭係星期六開業嘅，因為門口啲花牌都仲全部完整喺度，今日雖然係星期日行過路過都唔好錯過，即刻就走咗入去下午茶喇。入坐後，侍應好快招呼落單，十分親切。店舖在街的轉角位，環境舒適，座位寬敞。星期日下午茶時段都超多人，全場爆滿，生意很好。E 咸牛肉炒蛋脆豬伴薯皇; 熱檸茶 $42豬仔🐖包烘得啱啱好，皮簿夠脆麵包新鮮，餡料唔少，滑滑既炒蛋配上咸牛肉仲要有炒過嘅洋蔥， 唔會一咬散晒，超。可選配薯皇或沙律，我當然係配薯皇🥔啦，炸得脆卜卜嘅薯皇好好食，配上大大兜茄汁，任點唔嬲。L 星洲炒米粉配凍檸茶 $48 (凍飲加$3) 朋友點他的至愛星洲炒米粉，大大碟，用料好新鮮，調味啱啱好，他說咖哩味唔會太淡，啱曬佢鐘意食濃味嘅人。呢幾年餐廳酒樓嘅生意真係好恐怖，COVID19之後，起碼少咗四五成，有啲移民啦，有啲去旅行，有啲返去大灣區消費。能夠由朝做到晚都係全場爆滿嘅真係少之又少。#香港#美食#九龍灣#茶餐廳#紅茶#支持小店#支持留港消費#foodie
繼續閱讀
紅茶冰室一直都係好出名嘅茶餐廳，點咗幾款招牌，特別係菠蘿油真係超絕🍍🍍番茄芝士焗雞扒飯🍅🍅雞扒煎嘚金黃焦香用芝士鋪滿係面上，再搭配上酸甜嘅番茄醬，濃郁嘅芝士味聞到都食慾大開🧀🧀雞扒切開肉質嫩滑多隻，飯粒吸收曬精華，口感非常豐富😋雙拼厚多士🍞🍞厚切嘅方包夾住香濃花生醬同甜蜜煉奶，外層酥脆、內層綿軟，花生醬同煉奶嘅味道融合非常誘人，分量十足☺️菠蘿油✨✨一直都係我心心念念嘅脆皮菠蘿油一上檯非常吸引😍😍菠蘿包外皮酥脆似糖衣，夾住冰涼嘅牛油，牛油同熱辣辣嘅包形成反差感，一啖落口牛油就係靈魂!!每一啖都令人陶醉🤩🤩經典紅豆冰🍧🍧一大杯冰涼嘅冰沙上鋪滿軟綿紅豆，用吸管攪勻，紅豆、同冰沙融合，口感冰爽香甜，紅豆綿密、冰沙清涼❣️❣️
繼續閱讀
紅茶冰室，位於九龍灣常悅道21號Eastmark地下G01號舖。 星期日下午茶時段，招牌沙爹牛肉麵+ 丹麥蘇+火腿奄列+茶走$54 、 豬扒包伴沙律+熱齋啡$43。 ▫️招牌沙爹牛肉麵+ 丹麥蘇+火腿奄列 ～ 沙爹牛肉麵湯底夠濃，丹麥蘇+火腿奄列水準正常。 ▫️豬扒包伴沙律 ～ 豬扒幾大塊， 大麵包皮好乾又硬。 ▫️茶走 & 熱齋啡 ～ 飲品跟餐，味道一般。 九龍灣常悅道比較少餐廳， 有紅茶冰室做選擇都是不錯的。🏷️溫馨提示～ 整個用餐體驗均屬個人分享意見， 只作參考😊。
繼續閱讀
我遇到了一位服务态度极差的男生。他的态度极其恶劣，让人难以忍受。无论是询问问题还是提出需求，他都显得极不耐烦，仿佛我们是来给他添麻烦的。这种不尊重顾客的行为，实在令人不悦。希望相关方面能够重视此事，提升服务质量，让顾客得到应有的尊重和关怀。
繼續閱讀
今日去咗食紅茶冰室，佢哋嘅午餐都算抵食，每日午餐都會有兩至三個嘅選擇，而今日我哋就揀咗一個比較抵食，價值港幣$67嘅牛扒套餐。首先講返佢嘅食物先，呢個午市套餐，佢係有一碗餐湯，有羅宋湯，或者係忌廉湯。羅宋湯嘅味道酸酸辣辣非常好飲。之後仲有牛扒嘅份量都非常之大塊，配合薯菜，薯菜有沙律兩者嘅配搭非常合適。不過如果係配合意粉的話，意粉嘅味道就非常之淡，如果可以加多少少汁嘅話就美味好多。總括而言，呢個價錢嚟講係抵食嘅。
繼續閱讀