紅火鮮料火鍋專門店

營業中

休息中

踏入十二月，冷鋒真正殺到🌬 除左躲在暖笠笠的被窩內冬眠，另一樣必做的一定是吃火鍋吧🔥今次同朋友去食的是在滿滿食肆林立，競爭激烈的兆萬中心，位於17樓的「紅火鮮料火鍋專門店」不得不提的是，原來紅火有三間分店，我想它能愈做愈大，成功之處應是做到其宗旨: 賣新鮮、賣靚料紅火雖是火鍋專門店，但只要每位加$30即可以刺身料理任食，可以滿足埋想食日本刺身的人，為免眼闊肚窄，今次我同朋友都無加刺身任食，實行留肚吃火鍋🍲醬料區都是自助的，客人可以根據自己的口味「混醬」，旁邊仲有任食前菜如手拍青瓜、豬紅韭菜提供，趁未起動前不妨一試小食，挺開胃除左一般的火鍋湯底，仲有鮮雞煲同蘿蔔崩沙牛腩煲，最特別是有秋冬系列-古法羊腩煲、湘川酸菜魚煲、暖胃的秘製薑母鵝煲、火辣辣的麻辣重慶雞煲及甜粟鮮菌皇煲等等，每款煲都吸引，若果喜歡食海鮮的朋友仔更可用$238的價錢升級海鮮雞煲加任食火鍋，有四款時令海鮮，實行用成本價滿足一眾海鮮迷，光是挑湯底都會讓人頭大了🧠飲品都是自助任飲～～除了常見的汽水，仲有不少韓式飲品提供，種類選擇都非常多，仲有自家煲制的竹庶茅根水，感覺很清涼下火～～～而我們就點左花膠筒鮮雞煲，用左半隻鮮雞，金華

天氣一凍又係食火鍋既季節，一心諗住食雞煲，去到兆萬睇睇～除心搵一間火鍋店發現有酸菜魚煲，就試一試～火鍋配料多種選擇～亦可另加錢升級食埋刺身～酸菜魚煲材料十足，入面有很多酸菜，芽菜，豆卜，亦有很多魚片～味道濃郁，酸酸甜甜非常開胃～自助配料區～也有熟食～飲品選擇多～也有啤酒～朋友點了田雞～第一次火鍋食田雞～我沒有食～但朋友話酸菜田雞都幾夾～我都唔知自己點左幾多轉肥牛，安格斯牛柳粒～甜品選擇唔多，但總有一隻口味岩你～價格合約～估唔到酸菜魚都可以咁好食～

今日約咗寶嘅朋友嚟打邊爐，未到八點兆萬中心樓下已打晒蛇餅排隊搭lift上去，真係誇張，唔係講笑等左成半個鐘咁滯！上到去老闆好好笑容咁問我地幾多位，就安排左我哋坐喺卡位。飲品區同醬料區都幾多選擇，有成jar竹蔗茅根可以任攞仲竟然有啤酒任攞！醬料區唔少得嘅當然有炸蒜同生蒜，芝麻醬變咗做芝麻花生醬，入邊仲有花生粒添喺醬料區上面仲有幾款前菜可以任攞，手拍青瓜好好食！仲有豬紅食添！任食邊爐黎講材料選擇都算好多，啲名仲好盞鬼哈哈湯底選擇非常多（另外仲有一張）但最近天氣變化太勁，所以就算好想食佢嘅雞煲，都決定叫一個清潤啲嘅湯底，唔想咁濃味！銀杏汁菜乾白肺煲，就係我哋嘅選擇啦！嘩撈起啲湯渣發現果然有好多肺喺裏面，真材實料！湯頭幾鮮甜， 仲有好勁嘅菜乾味！先來嘅就係打邊爐又唔少得嘅響鈴！每人比多$7都要叫呢個即炸響鈴嚟食！新鮮熱辣炸起果然唔同啲，浸落湯底1秒即刻食仲可以有脆卜卜嘅感覺！手打墨魚滑同蝦滑都好好食，感覺一啲都唔cheap，好彈牙好足料今日嘅是日海鮮係海蜆，感覺都好鮮甜新鮮推介大家要食佢哋嘅安格斯牛柳粒，非常之有牛味，又唔會痴牙同韌佢哋嘅丸都唔會係平貨，尤其鍾意佢個流心蟹皇丸！大家絕對可以放心

凍冰冰 機會黎啦飛雲☁ 又係打邊爐既好時機 約左3個朋友見面圍一圍爐取暖先 今次去食既就係紅火鮮料火鍋專門店 「紅火」有三間分店 我地今次去既就係鬧市旺區既旺角兆萬中心17樓 超方便一坐低當然就要簡簡個鍋啦 有成10個款式既鍋物可以簡 最特別既係有秋冬系列 我就簡左花膠筒鮮雞煲 用半隻雞去煲 每人有一大塊既花膠筒 湯頭好清甜濃郁 用黎打邊爐感覺更養生滋補依到係半自助式 醬料 飲品 前菜同甜品都係自助區拎 除左有常見既手拍青瓜外 仲有少見既豬紅 涼拌韭菜 涼拌銀芽都有 味道辣辣 係一道道開胃既前菜餐廳最特別係用上三層High Tea式既層設放火鍋配料 令成件事更高級精緻 又可以省卻唔少空間 好聰明既做法超過80多款既火鍋配料 我好欣賞佢有「少」同「多」兩個選擇 可以比人先試試 岩食先再叫 唔會令客人浪費太多食物任點任食既配料全部都好高質 最緊要係夠新鮮 美國肥牛唔錯 牛肉脂肪平均 肉質綿綿牛味香濃😋 生猛海蝦🦐大大隻 好彈牙 蔬菜好新鮮 粟米好甜 人家讚賞鮮蝦丸真係不得不讚 出乎意料地有蝦味 唔會係好似出面咁溝粉 好爽彈🤤手打蟹籽新蝦滑亦係我既推介 撈埋面頭的蟹籽粒粒 將鮮蝦滑放落去滾

行過兆萬，三樓以上幾乎全幢係食肆，仲要好似全部都係玩任食咁，行過樓下望下都有人sell我上幾樓幾樓，比個平D時段價錢又得！不過一早約咗上17樓任食邊爐的紅火就照直接搭𨋢上樓!環境夠光猛，位就晤太寬敞，但值得一讚服務唔錯一入去姐姐就介紹咗我哋自己去攞醬料同埋任攞嘢飲。仲即刻催我哋快啲叫個湯底！佢有啲新嘅冬天新加時令的例如酸菜魚等都有得揀。今日我哋竟然唔想食雞煲，想食下佢啲打邊爐食物係咪真係好正，所以我哋帶咗最普通嘅鴛鴦鍋。唔理咁多即先嗌和牛粒再叫埋美國肥牛，食肉獸就係咁㗎喇！和牛粒美味肉嫩，美國肥牛預期三中！見到啲手打墨魚丸都係亞仔最愛，墨魚丸堅正，爽彈得很反而我就揀咗即劏嘅田雞，上枱時仲彈彈下超正，我仔未見過問東問西，比佢食連佢都話甜！另外仲叫咗少有嘅鮮鵝腸同鮮雞腸，堅肥美，淥幾淥就要食啦！其他就咩都叫下，食咗好多皇帝菜～ 最正係有英超睇，所以我地都一致讚好同approve定之後可再來打邊爐加睇波！

係旺角想食晚飯有咩好選擇，梗係要去兆萬中心睇吓，今次揀咗紅火火鍋放題，位於17樓全層地方好大，坐位闊落。九點前入座$178，湯底點了湘川酸菜魚煲，酸菜分量十足，微辣，小朋友都食到，用上鯇魚腩，啖啖魚肉！海鮮份量十足，海蝦好大隻，炸魚皮好脆！雲吞水餃係手包，皮薄料多，仲黑柏葉，蝦滑，墨魚滑任食，都幾重本！估唔到有田雞，豬大腸，老媽子最愛！美國雪花肥牛，不會過多脂肪，可以食多幾碟都不會覺得油膩！多款啤酒、汽水任飲，重本黑啤都有！👍雪糕亦有多款，質素整體不錯，以價錢黎講真係好抵食！

今晚黎到呢間位於兆萬中心嘅火鍋專門店打邊爐｡每張枱都會有個架, 用黎放火鍋食品, 唔怕擺到成枱都係｡可以加錢升級食埋時令海鮮、手切肥牛 & 日式刺身｡湯底選擇超多, 有成十幾款, 仲可以食完雞煲先打邊爐｡季節限定嘅秋冬系列鍋底｡Order 紙上嘅火鍋食品種類超多, 有 D 名仲好搞笑添: 買魚頭搭魚咀、人家讚賞鮮蝦丸、自己滿意墨魚丸、冇得彈午餐肉、學老魚蛋、忘不了年糕餅、一試難忘魚皮餃 …飲料自助區除左有罐裝啤酒、汽水、果汁外, 仲有一 Jar Jar 嘅竹蔗茅根｡甜品自助區有雪糕同兒時回憶嘅冰條添｡醬料自助區全部兜任 “畢”, 慢慢調教自己喜愛嘅醬汁｡小食自助區有豬紅、沙律、青瓜 …今次揀左銀杏菜乾白肺煲做湯底, 湯底用料十足, 有鮮白菜、白菜乾、白肺、豬肉、粉腸, 就咁飲已經好有老火湯嘅味道｡火鍋食品都好新鮮, 推介必食嘅有: 肥牛、魚頭、魚皮餃、韮菜餃、蝦滑 & 墨魚滑｡

旺角兆萬廣場的食肆競爭很激烈，想在這裏吃晚飯，樓下的年輕人很落力介紹他們的餐廳，最後選了這個在17樓的紅火鮮料火鍋專門店。餐廳很舒適很乾淨，每一台都有充足的位置，另外枱面亦有一個三層架，方便你擺放火鍋材料。另外一提，這裡有電視直播球賽，比賽日，約朋友一齊來這裏喝啤酒打邊爐，看球賽簡直是賞心樂事。除了多款特色湯底外，他們的秋冬系列有一系列的煲，可以先吃一個暖身的煲再打邊爐，一個價錢有多種享受。火鍋料實在太多，不過我特別推薦牛肉粒，雪花肥牛，肉是現切的，很有肉味。花枝丸，鮮雞腸，雞雜，過河田雞，這些都是很新鮮的材料。很鮮味，不是一般火鍋店可以吃到的。還有這裡有大量的汽水啤酒和竹蔗茅跟水供選擇。另外食飽千萬不要忘了他還有甜品櫃，內有各式各樣雪糕。這個價錢真心覺得絕對合理，已經把這個餐廳放到我的口袋名單。

冬天打邊爐好正斗，先去醬料吧調醬汁咩中式配料都有，而且豉油好足味夠鹹，冇偷工減料溝淡落咗單，等緊嘅時候食咗啲熱盤：滷水豬紅個汁好香又入味，整到個豬紅夠滑又唔腥第一碟火鍋配料有大大粒生根，雜菇，芋絲，薯粉同埋烏冬魚頭好正，大件，食落滑捋捋魷魚新鮮，爽口彈牙丸類勁多選擇，有自家製嘅鯪魚球，墨魚丸，又有魚蛋，牛丸，芝士包等等，應有盡有肥牛片幾靚，雪花均勻，牛柳粒則好嫩滑有牛味臨尾食咗啲菜，索哂湯汁嘅精華雪櫃有5隻口味雪糕：朱古力，香芋，雲呢拿，芒果等等最有驚喜係有兒時回憶：唧唧冰

熱愛打邊爐嘅同學仔話其實咁多款式嘅火鍋，佢還是覺得地道港式打邊爐最啱feel喎，於是今晚我就同佢嚟呢度來個麻甩打邊爐😝。咦？！點解有個英式high tea架嘅呢，原來呢個都係餐廳嘅貼心位，為免大家點得多火鍋料時張枱唔夠位，餐廳索式按每枱嘅order, 將火鍋料拼碟再分層放好， 咁就又美觀又慳位啦👍。呢個位實在太聰明喇，我第一次兩個人去打邊爐坐二人枱都唔覺迫，仲大把位可以放幾罐飲品加兩款醬料添😁。另一個貼心位就係order紙上每款食物都有「少」同 「多」選擇，啱晒我地呢啲樣樣都想試下，又驚食唔哂或者新野未必啱口味嘅人😏。湯底要滋潤，推介呢個花膠筒鮮雞煲，雞湯鮮味濃郁, 有半邊雞，雞肉都仲好嫩滑。呢度火鍋料非常多元化而且質素都幾高，其中羊肉片、獅頭有膏鵝腸 (堅有肥膏😍)、冇得彈午餐肉(😋👍👍) 、黑毛豬下青同爽口黑柏葉(好爽👍) 都係我嘅心水推介，而同學仔就話脆鯇骨腩(確然係脆) 、安格斯牛柳粒 (好有質感) 、手打蟹籽墨魚滑 (結實得嚟帶點煙韌) 、生猛海蝦(鮮甜) 同我會過河田雞(隻脾好大隻😝) 係必點咁話喎😊。如果習慣打完邊爐要食主食嘅話，真係要試下佢地嘅生麵，好爽口彈牙架！唉呀😱

入冬，係時候大吃大喝，幫身體儲返些少脂肪禦寒嚟到呢間食任食雞煲火鍋，真係好豐富首先飲品吧嘅飲料好多款式，甚至比起某幾間放題有過之而無不及我哋揀咗佢自家製嘅竹蔗茅根，下火加咗$30任食埋刺身，一開始食下啲冷盤係幾開胃嘅有夠靚夠肥美嘅三文魚，希靈魚，八爪魚，鮑片，蟹棒同玉子特別喜愛呢度嘅希靈魚，鮮甜得嚟唔腥，玉子同三文魚質素都高上雞煲(小辣)啦，店員幫我哋炒咗兩炒雞煲好香，嫩滑多汁，又夠足料，足足有成隻雞，好多肉食滿滿嘅一煲雞煲有好多薑，蔥，蒜頭，洋蔥等中式香料味，呢種味道係普通火鍋難以取代嘅所以，耐唔耐口痕都係會揀返食雞煲，個個都啱食雜菜籃有白菜仔，西洋菜，油墨菜，唐生菜等等，洗得乾淨夠新鮮啲菜食落索哂湯汁嘅味道炸魚皮好食香脆，就咁當小食都畀我哋食唔停呢度嘅火鍋配料好豐富，我哋叫咗啲海鮮有游水生蝦，沙白蜆，脆鯇片另外仲叫咗肥腸，午餐肉，廚師腸同蟹柳肥牛幾靚夠薄，同雞煲嘅火鍋味都好夾，唔使好多醬汁已經好好食

今日收早，所以又可以去搵下嘢食，其實一直以來我都冇去過兆萬中心食過嘢，所以今日就去咗兆萬中心嗰邊睇吓有咩食，最後揀咗呢一間火鍋店，入到去地方非常闊落，服務員嘅好好禮貌，湯底嘅款式亦十分之多，最後我選擇左銀杏菜乾白肺湯，湯底非常足料，唔錯，而打邊爐嘅配料亦十分多選擇，平時Order紙可以選擇要幾多份，呢度仲可以俾你揀要多定少，我覺得呢一樣野唔錯，一來可以唔使浪費食物，二來可以選擇多啲嘢食，配料我叫咗美國雪花肥牛、安格斯牛柳粒、是日海鮮、生猛海蝦、羊肉片，人家讚賞鮮蝦丸等等......所有配料都非常新鮮，好好食，個鮮蝦丸真係好爽口彈牙👍🏻👍🏻，確係值得人家讚賞😂，一定要叫呢一個，飲品方面嘅係任飲，非常多的選擇，亦有雪糕🍦，我都有加$30任食刺身👍🏻，其實每次打完邊爐都真係會大滿足😝，整體來講值得一試

天氣凍，唔係打邊爐就bb蕉嫁啦😍所以今次揀左呢間試下，雞煲味道比平時食果d較甜小小，同埋都幾抵食，加20蚊就有手切肥牛，d肥牛都幾好味，同埋個蝦滑都好正嫁😍吃完雞煲再轉過沙嗲湯底打邊爐，個湯底堅濃味，唔洗點豉油都好夠味

呢間火鍋店都唔錯，幾推介大家去試吓，位於旺角兆萬中心。銀杏菜乾白肺煲，味道ok,唔太鹹。叫左好多肉食，啱晒一班食肉獸，包括有西班牙黑豚肉、美國雪花肥牛、羊肉片，都是好有肉地，唔鞋的高質肉！脆鯇魚片口感非常爽脆、豬百肺夠潤、手打蟹籽鮮蝦滑超推介，食得出手打，彈牙至極。我會過河田雞都唔錯，好滑。黃沙豬潤正！炸魚皮、西洋菜，好吃。再encore碟肉，今次加上爽口黑柏葉，好爽口，縮水好勁，但好好食。飲品/醬料全自助。最後食埋雀巢朱古力雪糕就大滿足啦！呢餐都好滿意，店員服務好，價錢亦都唔貴，令我地食到好飽咁離開，非常滿足。打完邊路，肚子滿載而歸，很滿足的一餐呢！

天氣開始凍喇，又係打邊爐既時候喇今日天氣轉冷，又落雨，放工兩口子就異口同聲禁話夜晚去打邊爐！2個人靜靜地就決定去旺角紅火因為上次同一大班朋支去過環境ok，而且唔似平時打邊爐禁每枱都鬥大聲，好嘈禁！我地book左7點，人唔係好多韓式飲品任飲配料係出面自助式，醬料都算多，而且放得好整齊，乾淨！ 全部野都放得整整齊齊胡椒豬肚雞湯底胡椒味剛好，唔會太搶我最鐘意衣個三層架，整整齊齊，唔洗放到成枱都係因為我地2個人，每樣都想試，但又唔食得多但餐廳好好禁，可以點半份每樣大約比2-3舊比我地肥牛顏色鮮豔，肉質都ok!牛柳粒都好正好耐無食過新鮮田雞，義家好似無乜地方有得食，上枱重好生猛係到郁梗肉類我地唔係好得好多，因為本身個雞煲湯底已經好多雞肉