紅橋

今日嗌咗B餐BBQ醬豬肋骨配意粉，同埋C餐香煎海蝦伴墨魚汁意粉，再加咗杯百香果特飲。B餐轉作炸蝦豬排，醬汁夠濃郁帶少少甜，肉質夠腍，咬落仲有肉汁，意粉彈牙夠掛汁海蝦炸得脆卜卜，內裡鮮嫩，唔會太油～C餐嘅墨魚汁飯都味道OK套餐仲送湯同熱飲，中湯西湯都有，我哋換咗特飲只係加6蚊，性價比幾高！環境係街坊茶餐廳feel，坐得都舒服，出餐速度都幾快。整體嚟講，係太子區性價比唔錯嘅西餐茶餐廳，想食住家feel西餐可以試試～…查看更多

紅橋太子花園街230號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：香煎西冷牛扒(沙律菜)(黑椒汁)(白飯) $85，粟米忌廉湯 +$0粟米忌廉湯 +$0，經典紅豆冰 +$10，海苔魷魚鬚 +$22香煎西冷牛扒：西冷肉質紮實且帶有恰到好處的嚼勁，經過香煎後邊緣微焦，鎖住了肉汁。黑椒汁味道濃郁，其辛辣和香氣成功提升了牛扒的風味，非常下飯，隨餐附送的沙律菜帶來清爽風味，搭配晶瑩的白飯，豐盛且飽足！😄😄😄粟米忌廉湯：湯底以忌廉為基底，口感呈現出無比的柔滑與細膩，沒有顆粒感。新鮮的粟米粒（玉米粒）為湯品增添了天然的清甜味道和豐富的口感層次！👍👍👍經典紅豆冰：主角是煮得軟糯起沙的紅豆，帶有濃郁的甜味和豆香。紅豆與冰鎮的淡奶或花奶混合，再加上碎冰的點綴，使得整杯飲品口感冰涼解渴！😍😍😍海苔魷魚鬚：魷魚鬚處理得乾淨，裹上薄漿後炸至外皮酥脆，內裡的魷魚肉則保持了彈牙的韌性。最大的特色是加入了海苔的元素，海苔的鹹香和獨特的海洋風味融入麵衣，使其香氣層次更豐富，非常惹味！😋😋😋…查看更多

最近走咗去太子食呢一間紅橋，環境乾淨，清靜舒服。然後點咗兩個晚餐配湯同嘢飲。南瓜忌廉湯嘅香味十足，南瓜同粟米味道濃郁，應該係將南瓜打碎再加入忌廉煮成，味道和諧。牛扒沙律配薯角，沙律新鮮，仲加咗啲水果一齊食，酸酸甜甜。薯角炸得外脆內軟，咸香十足；牛扒嫩滑，加埋黑椒一齊食，咸咸辣辣，唔錯。黑椒汁唔算特別辣，但夠香夠味，提升咗整體層次。忌廉蟹子意大利飯有驚喜，米飯口感貼近香港人口味，唔會似一般意大利飯咁硬，反而有嚼口又唔過硬。蟹子配忌廉飯一齊食，黏口之餘又有卜卜脆嘅口感。蟹肉唔似冰鮮貨，食落有香濃嘅蟹香；再加埋爽甜大蝦，整體味道非常唔錯。整體而言，價格親民，食物雖然平，但絕對唔係求其，反而夠精緻新鮮，有機會會再去食。…查看更多

行過來太子呢邊逛花墟，附近就開左好多好似網紅餐廳。見到呢間，人唔係好多又唔網紅嘅餐廳，睇佐menu係行日常平價西餐同港式融合餐廳，幾貼地。兩個人一人點一個set，均價80蚊，幾抵食，有送湯同熱飲。香煎西冷牛扒沙律菜：80幾蚊食牛扒，仲幾大塊扒，加埋薯格同沙律，真係鋪滿成個碟。香煎帆立貝龍蝦汁忌廉汁燴意大利飯：兩只大大只帆立貝，意大利飯嗦曬啲龍蝦汁同忌廉汁，更加香濃可口。兩個人一齊可以share，咁就80蚊享用兩款西餐，開心。食完覺得食物質素都值回票價，但係見到人唔多，應該係地理位置加周邊競爭激烈嘅原因。希望店鋪長做長有，呢啲性價比咁高嘅西餐廳真係唔多啦。…查看更多

六點去到，間餐廳已經幾乎坐滿晒，好在仲有張二人枱。晚市套餐都係$70至$80，包餐湯同熱飲，而家呢個時勢真係算好合理。我地叫咗**西冷牛扒配意粉**同**蜜糖雞扒蛋包飯**。塊西冷牛扒比想像中大塊，叫咗七成熟，切開仲有少少粉紅色，肉質唔算好韌，以呢個價錢來講交足功課。個黑椒汁夠濃味，同意粉撈埋一齊食幾夾。至於個蜜糖雞扒蛋包飯就幾有驚喜！雞扒煎得香口，蜜糖味唔會太甜，恰到好處。最正係塊雞扒幾厚身，咬落去仲有肉汁。蛋包飯嘅蛋煮得啱啱好，滑溜溜咁包住啲飯，雖然只係普通白飯，但撈埋啲蜜糖汁一齊食都幾開胃。$80有找食到個有水準嘅晚餐，份量十足，難怪咁多街坊捧場。如果唔想煮飯，呢度絕對係個唔錯嘅選擇！…查看更多