紅橋夜市

營業中

休息中

好味，價錢得，服務好，態度好。地點好就腳，好味既串燒，人手足夠，手腳快，吾駛排好耐，食過好多次，會長期買，正，想約多的朋友去買同試，夜晚消夜一流。回味再回味，想見多間鋪幾面。

話說呢個夜市同龍門居嗰間狗仔粉應該同一個老闆，平時喺開龍門居嗰間食，龍門居個間阿姨服務態度都好好，咁我覺得呢間應該都ok，今次就喺呢度買咗豆腐花豆腐花其實都係好普通嘅嘢桂花冰糖加黃糖就係咁，我只不過係想要多一包黃糖，同個店員講比多包糖，然後個肥肥地白白地嘅女店員好大聲咁同我講我哋公司規定咗一盒豆腐花只可以一包黃糖，我未試過買盒豆腐花要多包糖都俾人鬧，好可惜我已經俾咗八達通冇得退貨個店員好似唔係做嘢，咁樣真係超嬲。

之前係狗仔粉麻甩佬到食過豆花都ok，今次經過想飲杯芒椰奶西，見佢無寫價錢出黎，心諗呢間鋪d野咁平，杯野都係30蚊內啦，點知原來要41蚊，唔怪得唔寫出黎啦。。。算，反正真係好耐無飲過有芒果既野好想飲下，點知。。。。。一見到我真係o晒咀，得啖笑。。。同張相差好遠喎大佬！！！杯野芒果部分佔左十分一都唔知有無，差咁遠都好意思比個客，成杯都得西米咁濟，d芒果又少又酸，用41蚊買左杯難飲既椰汁西米，勁伏！！！！！！

成日想起台灣夜市，沒有旅遊既日子，都四圍找餐廳，發，屯門紅橋有一間夜市。 夜市內有不同小食店。多款美食可供選擇。三色芋圓豆腐花芋圓充滿芋香，地瓜富番薯香，紫薯圓帶紫薯香，口感煙韌，豆花滑溜有豆香。

買完香蕉煎餅 咖喱魷魚 同茶葉蛋 即刻去旁邊公園坐低食 但真係超難食 完全明白點解呢間舖頭可以營業啲價錢又好貴 完全唔值呢一個質素 黐線舖頭竟然仲有好多人嚟排隊 實在太差 應該係虹橋最難食嘅舖頭

食物既點其實唔係好清楚，因為見佢好少開門。因為佢叫得夜市通常日頭都唔會開，但又奇怪既喺佢夜晚開，星期三唔開，星期六日仲會早收添。有次假日見佢一點開門諗住叫個手抓餅，店員話四點先有，四點去到，佢哋叫五點先有。禁諗住夜少少十一點再去，但已經閂咗門。當然我知道食店開唔開門，做唔做你生意，係佢哋既自由，但見你哋既員工，多次因為開咗門但冇野買呢問題比人鬧，不斷同客人道歉。自己都覺得好奇怪

尋晚買咗一份鐵板雙拼，豬大腸拼雞軟骨，5分鐘路程返上樓打開食，完全係唔熱嘅，食到中途竟然有一嚿有陣酸味，即刻成包掉咗落垃圾桶，最後我同男朋友都一齊肚屙咗2至3次$50，唔熱又壞咗嘅食材，一定唔會再幫襯