紅星餐廳

營業中

休息中

5點幾仲諗緊邊度有下午茶食，見到呢間靚靚地就去睇下，見佢話6點半前都有下午茶。臨近聖誕餐廳好靚，打咭一流。食物方面又好食喎。埋單兩個人$88好抵。真係飽到晚飯都唔駛食。

紅星餐廳餐廳細細，但裝潢佈置非常懷舊，好似80年代懷舊餐廳一樣😛而且門口位置已經放左聖誕樹🎄又有好多外國客人，好似去左外國咁😂-🍴 焗酥皮餐湯焗酥皮餐湯湯底可以揀意大利菜湯/忌廉南瓜湯(餐湯每日唔同)，南瓜湯好creamy，酥皮焗到好酥脆🤩餐包亦都熱辣辣，配埋牛油好正😝-🍴美國安格斯牛肉眼扒（約八安士）黑松露醬燒汁安格斯肉眼扒超大塊💕肉質好鮮嫩，一d都唔嚡口👍黑松露醬配牛扒🥩增添口感，薯蓉亦都好幼細，只係略嫌牛油味唔夠🤣-🍴寶雲酥挪威鮮三文魚•山葵芥末籽蜜糖忌廉汁 跟薯菜煎三文魚扒好juicy，魚皮加咗麵包糠焗到好脆，但三文魚柳仲keep 到好嫩滑😆-🍴西班牙巴斯克焦香芝士蛋糕蛋糕擺盤好靚，巴斯克焦香芝士蛋糕非常濃厚滑溜💕

今日過到嚟北角食晚餐，經過見到呢間餐廳好有聖誕氣氛，而且價錢非常親民，入咗嚟試吓🤩餐廳裝修以復古西餐廳為主，加埋聖誕裝飾，非常有氣氛🥳特別一提，店員非常之親切有禮！鐵板羊扒：羊扒可以揀鐵板上，熱辣辣，啱晒呢個天氣食🤩羊扒燒得好香，肉質非常鮮嫩，而且份量十足，有三個羊架咁多！美國安格斯牛肉眼扒：牛扒煎得又係好香，配埋黑松露汁，非常之夾🥩🤩以百幾蚊黎講，真係超高質🤩巴斯克芝士蛋糕: 呢個蛋糕只要加$20就有一件，雖然咁平，但芝士味好香濃，蛋糕好好食！

臨近聖誕節, 想搵一間懷舊及好有聖誕氣氛的餐廳去食食聖誕大餐, 紅星餐廳一定係最好嘅選擇, 性價比極高, 鄰近鰂魚涌地鐵站行行四分鐘就到,一入餐廳就見到一棵聖誕樹, 餐廳內裝有懷舊嘅大水晶燈, 啡黃色的燈光,每一張台的上方都有一盞別緻的小水晶掛燈,整個氛圍好適合食聖誕大餐, 好有氣氛. 廳店員熱情嘅款待, 重點性價比極高,一百多元就有一個扒餐, 唔係抵食咁簡單, 仲要係好味, 食物質數高. 叫了一個主食後可以追加沙律, 湯, 飲料, 自由配搭, -寶雲酥挪威鮮三文魚, 山葵芥末籽蜜糖忌廉汁 $110.0三文魚鮮味濃郁富甘香；烤煮後，三文魚的油更香更惹味，魚肉煎得外脆內軟, 層次分明, 配埋山葵芥末籽蜜糖忌廉汁, 更能增添口感。-鐵板法式羊扒.腰果芥末醬.迷迭香蒜蓉汁$120.0有三大塊羊架咁多, 在鐵板上淋上迭香蒜蓉汁，微微焦香的羊架肥瘦均匀, 咬落去好juicy肉質軟腍，非常有驚喜。而且沒有羊臊味, 值得推介-傳統的羅宋湯配熱辣辣的餐包, 熱湯酸中帶甜、甜中帶香, 好開胃 +$20.0--燈籠椒酥皮忌廉湯, 即叫即焗, 酥皮香脆不油膩, 飲湯時大家小心辣到咀仔, 呢個忌廉湯一d都唔普

餐廳位於北角，餐廳細小，門口也不顯眼，但一踏進餐廳，恍如返回80年代懷舊餐廳一樣，以暗紅色為主調，每張枱都掛上吊燈，除了餐廳裝潢佈置像80年代之外，就連價錢也回到舊時一樣，經濟實惠，感覺非常懷舊！慢煮牛面珠墩肉 配 意粉🍝牛肉煮得好腍，有些蔬菜配菜，汁料亦都很足夠，肉和意粉分上，意粉份量都好多重量級雜扒青胡椒汁 (白切紐西蘭肉眼扒、豬梅肉扒、雞扒和兵加腸)呢個餐並冇跟飯或意粉或薯菜，只係跟薯蓉，扒嘅份量都好大份，味道唔錯$40配餐 - 餐湯、生果杯、甜品和飲品餐湯：洋蔥湯生果杯：香蕉、火龍果、木瓜、蕃茄仔和秋葵甜品：芝士蛋糕（芝士蛋糕口感比較實，有咬口）除咗晚餐之外，餐廳仲有兩款放題，都好吸引！下次有機會嚟都想試吓歡樂時光。

同同事一行三人行過嚟健康村呢度食西餐lunch set，我上一次嚟應該起碼都兩年前記得係OK嘅，但係今次真係非常失望😩訂咗位中午1:10嚟到，原本想叫豬鞍，男侍應話起碼等半個鐘，咁我呢啲打工仔就決定揀第二樣啦，問咗雜扒餐$140話等15分鐘咁就叫呢個啦，另外兩位同事一個叫羊扒五成熟$170另一個叫封門柳七成熟$170！另外每個餐加咗$20酥皮紫薯忌廉湯，再加$10要餐茶！🥣🥔酥皮紫薯忌廉湯，好杰好杰😓🐷🐮🐔我個雜扒餐要求碟上，雞扒同豬扒唔點汁嘅話裏面完全冇味嘅，牛扒熟到柴咁樣，條香草腸係全碟嘢最好味嘅😫😫😫🐮同事叫嘅封門柳七成熟，大約只有五成熟，仲有血水流出嚟😫🐑另一位同事叫嘅羊扒五成熟，反而變咗十成熟，雖然係用鐵板上，但冇可能切第一下就已經係熟晒😟值得一讚係每個餐都送咗一杯生果杯🍅🍌，裏面有秋葵、火龍果、香蕉、木瓜、蕃茄仔，好豐富👍🏻

鰂魚涌站出模範邨，食肆唔多，選擇少，唯一比我見到呢間餐廳，隱藏喺屋村轉角位內裏裝修雅緻，餐廳細細十幾二十張枱左右，用上木系裝修，加上牆上幾塊大鏡，古舊嘅吊鐘同掛燈，真係回到八十年代地磚紋非常特色，應該係香港買少見少！佢嘅午餐唔係平，不過一試無妨「懷舊鐵板淋汁」重量級雜扒 $ 140薄牛扒、雞扒、豬梅頭扒、牛仔腸、薯蓉，青胡椒汁。份量十足，薄牛扒全熟依然好食，唔係鬆肉粉牛！雞同豬都正常發揮西班牙海鮮飯 $ 130大蝦一隻，綠青口三隻，有睇頭，不過價錢嚟講唔一般，飯底煮得濕啲似意大利飯，但係講味道係唔差煎三文魚，芥末籽忌廉汁 $130三文魚柳煎得好出色，自己都做唔到全熟依家嫩滑魚皮面用寶雲蘇做法加咗麵包糠焗，少少脆。芥末忌廉汁輕微攻鼻，非常正夾埋個魚真係不得了另外每個餐都會跟一杯健康蔬菜杯，有秋葵、木瓜、火龍果同香蕉，所以大家細食的話可以省返唔洗加湯或者沙律仲睇到Happy Hour有任飲任食餐，$98同$198，如果朋友好飲得嘅可以一試

🦞性價比🦑：🟢🟢🟢🟢🟢🥞美食體驗🧇：下午茶時間超平。係附近的不二之選。不過佢地用香料的方式好特別，我食過幾次，都有好重的羅勒味。可能係風格掛📸打咭體驗📸：裝修得非常歐式，下午的光線好好，陽光穿過落地玻璃入黎非常好睇。係附近黎講，環璄我比滿分。佢地的串燒餐好好食，黎到一定要試試。不過我唔太推薦凍咖啡。飲其他會好d，最好飲熱飲。

在紅星餐廳的午餐菜單中，香煎魚柳配蕃茄醬是一道令人驚艷的料理。魚柳經過精心煎製，外層煎至金黃酥脆，內部保持著鮮嫩多汁的口感。每一口咬下去，都能感受到魚肉的鮮美和細膩的質地。這道菜的亮點在於配搭的蕃茄醬，它為整道菜品增添了獨特的風味。蕃茄醬的口感柔滑，酸甜度適中，能夠與魚肉的鮮味相互融合。醬汁中的蕃茄香氣濃郁，為整個菜品帶來了新鮮和清爽的感覺。此外，菜品的配菜也值得一讚。新鮮的蔬菜提供了清脆的口感，為菜品增添了色彩和營養價值。香草的加入則為菜品帶來了一絲清新的香氣，令整道菜更加豐富多元。整體而言，紅星餐廳的香煎魚柳配蕃茄醬是一道令人滿意的午餐選擇。魚柳的煎製技巧使其保持了鮮嫩多汁的口感，而蕃茄醬的獨特風味為菜品增添了層次感。搭配的蔬菜和香草提供了清爽的口感和營養均衡。如果你想要品嚐一道精緻且美味的午餐，這道香煎魚柳配蕃茄醬絕對是一個不容錯過的選擇。

香港是一個美食天堂，因為你可以在這裡找不各國的美食。很少人會注意到香港的英國菜。這次我向大家介紹的是位於鰂魚涌的紅星餐廳。若果你有看我的推介，對的，又是我於工作日的午餐。我在紅星餐廳品嚐了英式獵人雞，這是一道傳統英國菜，不容易在香港找到。香煎雞胸外面香脆，但內裡保持嫩滑口感，而且不會太乾。再配上餐廳的獵人醬和香口的煙肉相得香港是一個美食天堂，因為你可以在這裡找不各國的美食。很少人會注意到香港的英國菜。這次我向大家介紹的是位於鰂魚涌的紅星餐廳。若果你有看我的推介，對的，又是我於工作日的午餐。我在紅星餐廳品嚐了英式獵人雞，這是一道傳統英國菜，不容易在香港找到。香煎雞胸外面香脆，但內裡保持嫩滑口感，而且不會太乾。再配上餐廳的獵人醬和香口的煙肉相得益彰。除了英式獵人雞，紅星餐廳還提供其他美味的英國菜，請容許我日後向大家一一介紹。餐廳的裝潢融合了英式復古風格和一絲華麗感，給我留下深刻的印象。因為餐廳滿座，我無法拍照，希望大家親自到紅星餐廳感受及品嚐美食。Hong Kong is a culinary paradise where you can find a variety of cuisine

今次要同大家分享一間冇套餐嘅平價西餐廳，令你可以自由配搭心水嘅餐點，同時享受物超所值嘅美味西餐。喺呢度，**Lunch 冇 Set**，即係唔需要一定要選擇包含湯、包同飲品嘅套餐。呢個係好多人嘅共同困擾，因為有時候我哋只想單點一道主菜，唔想飲湯或者食包。而喺這裡，無論你想點咩，都可以隨心所欲咁選擇。除此之外，價錢都好公道，正宗西餐大大份只需$70起，實在物超所值。我嘗試咗**煎豬梅肉扒**，豬扒上面淋上嘅係正宗意大利茄蓉醬，再撒上兩種唔同嘅芝士，然後烤至芝士溶化。呢道菜嘅豬梅肉扒質感煙韌，意大利茄蓉醬酸甜適中，拉絲芝士香氣濃郁。而且只需$70，仲可以配埋香脆嘅薯角同埋有益健康嘅蕃茄同秋葵，真係**性價比滿分**！總之，如果你想要享受一頓隨心搭配嘅平價西餐，又唔想受制於套餐嘅限制，呢間餐廳絕對係你嘅好選擇。無論係口味、份量定係價錢，都係一個滿意嘅選擇。下次有機會，我都會再去試試其他嘅菜式。

如果唔係同事推介亦不會留意到在後街有這一間好味食店今次的食評是關於一道德國式炆咸豬手配意大利粉的菜式。這道菜在香港並不常見，但是這家店家的炆咸豬手卻給我留下了深刻的印象。首先，我要讚揚店家對食材的用心。炆咸豬手是需要花費時間和精力去處理的，但是店家對這道菜的認真程度可以從味道上感受得到。他們使用胡椒雜菜雞湯炆豬手，讓豬肉的鹹味減弱，同時加入蔬菜，讓整道菜式更加健康和清爽。豬手經過炆製後，不但腍軟，連肥肉皮也炆得入口即溶，充滿骨膠原的感覺，讓人愛不釋手。另外，店家的意大利粉也是非常出色的。他們將用的意大利粉好明顯不是一般快餐質素的意大利粉，這是彈牙的。將意大利粉浸泡在炆豬手的湯汁中，使其吸盡精華。讓意大利粉的口感更加彈牙，同時也讓整道菜式的味道更加豐富。我也注意到，不僅我自己，就連隔離檯的OL也點了這道菜。她們不但吃得津津有味，也完全沒有覺得這道菜有絲毫罪惡感。這證明了店家的炆咸豬手確實是做得好。最後，我要說這道德國式炆咸豬手配意大利粉的菜式在香港並不常見，但是這家店家的做法絕對值得一試。如果你喜歡豬肉和意大利粉，又想嚐試一下不同的菜式，那麼這道菜式絕對是你不能錯過的。總的來說，這家店家

鰂魚涌食隱世好味西餐廳最近和同事一起去了一家隱世西餐廳，非常讚揚這裡的美食。這家餐廳位於後街，非常隱蔽，但是一進去就會被裝修和氛圍所吸引。整個餐廳的裝修風格非常典雅，有些藝術氛圍，掛著高貴水晶燈飾，讓人感到非常舒適和愉悅。店內的服務員非常有禮貌，穿著整齊，專業的服務態度讓人印象深刻。我點了一份意大利飯燴去骨牛尾肉，這美食都讓我們驚艷不已。首先是意大利飯和去骨牛尾肉，這道菜的配搭非常巧妙，意大利飯煮得夠生，夠正宗，使用了優質的意大利米，和去骨牛尾肉完美結合，啖啖肉，是考功夫表現。而牛尾肉味道濃稠滑順，非常難得，煮意大利米的時候使用了白酒，炆牛尾的時候使用了紅酒，一次過享受到了兩種溶匯的香甜果味，非常美味。而且，這道菜的價格只有$120，非常超值。在市面上正宗的西餐廳，一道牛尾已經不止$120了，但是這裡的去骨牛尾肉再配上意大利飯，性價比極高。除了這些菜品外，這家餐廳的甜點也非常出色。我們點了西班牙巴斯克芝士蛋糕，口感奶香濃郁，甜度適中，非常好吃。總之，這家隱世西餐廳的美食真的非常讚，值得一試。如果你想要品嚐正宗的意大利飯和牛尾肉，那麼這裡是一定要來的。不僅美食好吃，價格也非常合理，裝修和

中午同同事去試，叫左個燴牛肉飯意大利飯，超難食，好鹹，d飯又煮得好差，太生價錢都吾算平，120，加一，又冇服務，叫左湯過左好耐先黎，水都冇杯，試過就算了，可一不可再。。。。。。。。。。。。。。。。。。。。。。。。。。。。。。

夜晚o個時餐廳唔太顯眼，留意一睇門面，裝修靚，有高級餐廳ge感覺。內部地方雖小，仍設有洗手間，裝修精緻，似係懷舊美式風格。可惜食物同上菜速度要改善……個生酮漢堡，牛ge口感係好乾同無味。個豬鞍味道好普通，只有已煎熟ge感覺，等得都幾耐。環境係好，其他方面希望做好d……