紅日茶餐廳

這裡的油雞飯是好吃的，多次都冇失手，試過你就知。冇餐都會跟碗湯(52元)，另加熱飲就58元。如果當日剛好是跟餐，價錢是差不多，但會多半隻鹹蛋。它的入口位置在開始上斜，ok 便利店後的轉角位，真係行快兩步都會miss 咗。可以的話12點半去到較好，1點開始人會多，需坐得較親密。…查看更多

呢間紅日係我同同事偶然會光顧既飯堂， 同事每次都會叫蕃茄湯底， 今日終於忍吾住， 叫咗一碗鮮茄湯底既茶餐試下。呢個下午茶餐會好抵食。 有一大吉列豬扒， 午餐肉番茄湯底既通粉， 再加一杯熱飲，都只係$43啦。 先講一講塊豬扒， 比想像中大件。 係新鮮炸野， 味道雖然比唔上正式豬扒店，但還算可以接受。 餐肉鮮茄通粉， 味道果然好濃郁，好有蕃茄味， 仲有一啲雜菜喺湯底， 感覺係飲緊濃郁嘅羅宋湯一樣。餐肉就不過不失啦。店鋪都幾大， 侍應嘅服務都算唔錯。 冷氣足夠， 價廉物美， 係一間可以再幫襯既茶記。我想順帶一提， 我本身呢個餐係冇跟蕃茄湯底。 係服務員問我想唔想加， 不需另外加錢。 咁當然多啦。吾洗加錢就可以食到呢個咁濃郁嘅番茄湯，真係超抵呀。#紅日#葵興美食 #茶餐厅 #chilly_hkfoodie …查看更多

諗住喺葵興求其搵間餐廳嚟食個早餐 冇諗過求其撞一撞都食到一間質素咁好嘅餐廳 一開頭入去有兩位阿姐既態度真係好好 盡量唔好坐門口位啦真係有啲熱㗎 嗌咗個轉蕃茄湯底嘅餐蛋水晶粉 冇諗過個蕃茄湯底係紅湯真係好驚喜 再嗌咗個炸雞翼試埋個午餐送嘅例湯樣樣都好唔錯呀 10分推介又有質素價錢又抵 一定再嚟 …查看更多

基本上如果喺葵興返工嘅人都冇可能冇食過呢一間紅日茶餐廳，因為佢嘅價錢非常之相宜，同埋佢嘅食物質素係一般至中水平所以我覺得大家如果喺葵興返工嘅時候都可以去試一試呢間嘅餐廳呢佢有湯飯同埋嘢飲，加埋都唔使$60所以非常推薦大家去試吓…查看更多

今日吃飯時間去試左呢間同事推薦噶茶餐廳，就響樓下，超方便，估唔到工廠大廈都有啲美食，今日都算係中西合璧，外賣叫左蒜茸汁豬扒拼吉列蝦意粉，再配個中式湯，份量都幾多，豬扒都幾大塊下又都唔會太柴，吉列蝦都幾大只幾脆下，配上個蒜茸汁不錯不錯，好過買叮叮飯，中式湯都好好飲，下次唔想走遠可以再響樓下吃，睇返單，原來還有折扣，每日午市都不同餐單，真係有D期待！仲有地方都容易搵到，就在OK附近，不用過馬路，一出ok往右手邊行多幾步就見到了…查看更多