紅島冰廳

今日下午茶試咗阿華田西多士同XO醬豬扒炒公仔麵。西多士外脆內軟，阿華田醬甜度適中。炒公仔麵鑊氣夠，豬扒入味。凍檸茶同熱奶茶都沖得唔錯。整體味道好，係個滿足嘅下午茶選擇。…查看更多

今朝食早餐留左部iPhone 17pro係檯面，過左個幾鐘先諗返起，即刻返去餐廳問，其實一路我都心諗電話冇架喇（有可能俾下一個客袋走）點知收銀靚女攞出來問係咪呢部，內心超感動多謝晒你哋！！！食物好味，店員又誠實，以後一定會繼續幫襯！…查看更多

有個星期五晚，同事問：「聽日使唔使返工？食早餐？」OMW：「返啊！緊係食啦～」呢個星期六早餐就是如此誕生😂 係茶餐廳嘅歐陸早餐～ 歐陸早餐 $47.5🉑西冷牛扒：偏韌，我覺得好難咬開，少少牛味再外加少少黑椒味點綴吓🉑炒蛋：加咗雞湯，嫩滑，但味道偏咸💯法蘭克福腸：脆皮，不會過鹹⚠️丹麥酥：有明顯烘過嘅顏色，不過嚟到淋咗，好韌，即刻俾我掉咗…..落焗爐，焗返脆，好香，好味。⚠️熱朱古力：爆甜，甜度似全糖嘅黑糖乜乜乜，下次飲其他😢 好又一餐，醜又一餐。有早餐食嘅Morning就係Good Morning❤️ ✨亮點：脆皮腸個咬破口感幾好！丹麥多士畀我再焗過好脆口，好香！ 📍紅島（🉑外賣-佐敦） >佐敦彌敦道192-194號協成行九龍中心地庫至1樓 🙇🏻‍♀️特別嗚謝：勞苦功高、日曬雨淋嘅外賣員！同埋 幫手嗌外賣嘅同事！ 想睇真實食評防伏？請即Follow @omw8110 啦🥗🍹🍱🍤🍮 #omw食早餐 #omw佐敦 #omw尖沙咀 #omw油尖旺 #hkfoodie #尖沙咀早餐 #尖沙咀lunch #hkfoodshare #hktaiwanfood #hkrestaurant #香港美食 #油尖旺美食 #尖沙咀美食…查看更多

第一次到呢間餐廳食午飯. 叫咗個廚師推介嘅焗豬扒飯. 送到嚟嘅豬扒飯見唔到一塊豬扒已經覺得有啲奇怪. 睇真啲原來係有四五條切開嘅豬柳, 重要係好細粒. 問服務員點解冇一塊嘅豬扒, 佢話因為個盤細所以幫你先切開.講真我係第一次食焗豬扒飯冇一塊嘅豬扒. 因為價錢都唔平要73蚊所以好失望. 但啲飯焗得好食仲有幾粒蕃茄. 另外加3蚊杯奶茶都好飲好好茶味, 環境都好坐得舒服.…查看更多

@紅島帶住兩個爸爸下午茶,見到呢茶餐廳,望落環境唔錯,又唔需要等位,就即管試試，特别和侍應要求坐樓下方便兩老上落#王牌鮮茄焗豬飯配菜有蕃茄,甘筍,洋葱醬汁帶少少酸味好開胃炒飯底,乾身帶骨豬扒,夠淋飯面舖上芝士和香草整体味道不错#黑松露忌廉哥雞扒飯有黑松露味,雞扒吾乾炒飯底,乾身#黑松露雞蛋沙律牛角包呢個幾好食,黑松露X滑滑炒蛋一流,配上香脆牛角包非常邪惡#菠蘿包見到一盤權嘅菠蘿包出爐，忍不得叫一個試下，沒有失望大大個，熱辣辣菠蘿包皮鬆脆總結我個人覺得焗豬扒飯比焗雞扒飯出色,牛角包做得唔錯,餐廳位置方便，環境舒服，侍應服務友善，價錢合理…查看更多