糧友パン工房

營業中

休息中

早餐黎個"特濃朱古力軟心餃子" 麵包好好好好軟熟 而且入面滿滿朱古力醬 重要既係朱古力醬香濃不太甜 賣相好可愛 size都差唔多有手掌咁大 下次會想試埋佢既芝士味 ！

日本月島半熟芝士撻 Japan tsukisima soft center cheese tart由日本直送月島芝士乳酪焗製而成的「半熟芝士撻」,入面有1.)日本乳酪 2.)忌廉芝士 同 3.)檸檬 其實佢個味都似Bake果間架（我自已覺得）! 流心程度同佢亦差不多! 如果你唔係著重撻皮的話因為佢個撻皮其實幾鬆散! 一拎上手就會散哂之後再嗌多左個三重芝士味的...1.)日本乳酪 2.)忌廉芝士  3.)檸檬 同埋加多左2樣 4.)車打芝士 5.)巴馬臣芝士嗯,,,都係唔好擔心...去食三重芝士....因為真係好濟....食半個就KO自己同埋其實食唔出巴馬臣芝士同車打芝士味...咁當然佢一定有放到落去個撻到既..但比忌廉芝士蓋過哂陣味...哈哈....

逛完一田, 被旁邊麵包店的半熟芝士撻廣告牌所吸引, 介紹說是運用了來自日本的月島軟心芝士, 可惜芝士撻已賣完。  臨離開之際, 看見麵包櫃裏擺放了一隻隻大餃子, 再細讀膠牌原來它也運用了月島軟心芝士, 哈哈 ... 終於可以嚐嚐了!月島軟心芝士餃子 $12餃子飽滿, 以為是很墜手, 怎知道原來是輕輕的, 吃著是濕潤兼帶軟綿綿, 因為是湯種麵包。月島軟心芝士很奶滑, 芝士味道會似笑牛牌的原味芝士, 濃得來有點甜味, 的確與入口柔軟的餃子包包很夾味。

有日夜晚返完教會幫手後，打算約女友人去食荃灣廣場打宵夜邊爐，由於已經晚上九點鐘，肚子已經餓到難已忍受，在我最需要食物的時候，我們剛巧發現糧友工房還有半熟芝士撻賣，我二話不說即時買了一個來吃，可惜令人失望。日本月島半熟芝士撻 ($16): 可能已經夜了，個半熟芝士撻食落唔太熱，芝士味道帶酸，而撻底就像牛油蛋撻，可惜一拿上手就已經散了，感覺有些失望！

近期對puffs著了迷，見到成日忍唔住買來食。經過一田門口就被烤香的麵包味吸引過去，一見到puffs就好饞。蛋奶沙司，超級濃郁的奶香味，入邊cream滿滿，甜滑可口又不膩，好好食。$17朱古立puff，無蛋奶沙司咁甜，朱古力味弱咗少少，冰涼軟滑忌廉搭上酥脆泡芙，口感有軟有硬，正。$19

芝士撻到到都有, 周圍愈開愈多, 每間都會話用咩咩芝士乜乜芝士.今次我就試下依間既芝士撻究竟係咩味.我見個外形同排成個鐘個間差唔多, 心諗應該都唔錯掛我同男朋友一人一個 行出門口就一齊食.如常掀開個底模打算食, 點知啲芝士重到個餅底都承托唔到, 一掀開佢就冧., 打算成個拎起食, 但一拎個餅邊就碎..咁我唯有就咁咬, 芝士味都幾幾重, 不過就真係好膩,由於我就咁咬, 給果個餅底就痴住哂個底模, 我就淨係食到芝士..

路經此地，見到呢間都有芝士撻買⋯就買一個試試啦。14大元一個，捧上手仲係熱辣辣嘅⋯可惜味道完全係強差人意，佢既撻皮就好似我哋平時食蛋撻既牛油撻皮一樣味道⋯而呢隻佢仲要做得十分鬆散，加上芝士既鹹香味唔夠凸出⋯奶味較重，又唔流心、又黏口⋯食完必須要飲水。而家周圍都係芝士撻嘅熱潮，但係質素就非常參差⋯而呢間我覺得不試也罷。

於糧友パン工房初開時很喜歡食佢哋嘅麵包, 差不多每日都食, 尤其四重芝士米燒, 月見軟心芝士餃子. 後來食食吓覺得四重芝士米燒嘅芝士同開業初比愈來愈少, 就停咗一輪冇食. 剛好逛一田經過, 忍唔住打咗個轉, 見個包咁吸引, 一於買嚟試試. 一開始以為個包係芝士包, 但睇吓個牌先知原來係 黑芝麻蕃薯包 ($32). 麵包用天然酵母發酵所以非常鬆軟, 一粒粒正方形金黃色嘅唔係芝士, 係蕃薯, 香甜嘅蕃薯加上一粒粒嘅黑芝麻混合於鬆軟嘅麵包中, 咬落散發著少少嘅麵包麥味, 都幾好味. 

自從新世紀廣場大翻身後，更名為MOKO，似乎是有意取「MONG」「KOK」的首2個英文字母。據地産商解釋，「新名字MOKO有全新演繹旺角的意思，兩個O猶如一雙滿有好奇心的眼睛，為顧客探索及搜羅不同非凡新體驗。」對於新名字，大家接受程度不一，有人覺得舊名沿用已久，深入民心，改名就有如抹去一份集體回憶；有人認為新名字落於俗套，跟集團旗下另一商場MIKIKI一樣聽似靚模名字；有人覺得新名字夠潮，帶點日式風格，有新鮮感。不過，再好的名字也只是一種襯托，多元化的商戶、嚴謹的管理及配套、加上便利的地理位置，才是令商場客似雲來的成功因素。每次行商場，總要忍不住到商場的超市逛逛，瀏覽美食之餘，也順便碰碰運氣看看有沒有試食的機會。這天來到MOKO也一樣，一抵埗就要去一田逛逛。來到門口，已經被這間糧友工房的面包所吸引，賣相很有特色，而且很熱鬧，門口更有一個大公仔作招徠，女仕們應該很受落。每次到面包店買面包，總會問有什麼新鮮出爐的，而這家面包店每次有新鮮面包出爐時都會響起搖鈴聲，吸引附近的顧客聞聲而至。這家面包店是九州最大型的面包連鎖店，已經有超過60年的歷史，原來，20年前曾經來香港開店，可惜當時未有掀起

朝早最中意食麵包做早餐，因為好飽肚琴日經過喱間包鋪梗係買反個至愛既芝士包喇！入面包住2種唔同既芝士粒同cream cheese，出面又煙煙un un咁。食完十分滿足！

跟FD子逛街逛到很累了,可是還只是5點!訂了8點的位子還有很久呢,路經"糧友"被他們的パンパン的鐘聲召喚了入內,沒有買新鮮的包包,反而就買了2個巧克力包包2個十多塊的巧克力軟心包包十分鬆軟啊,可惜味道很甜,包包本身已經很甜,加上巧克力CREAM簡直是會漏!雖然口感很好,雖然好評如潮, 但小妹覺得還好吧,而且也不算很便宜啊日本人果然是愛甜民族啊,不只草餅, 連麵包也那麼甜...

飯後經過糧友パン工房，聞到香香的麵包味，忍唔住又入去買幾件啦！實在是香氣撲鼻！件件都想食，一不小心，就買了一大袋啦~~特濃朱古力軟心餃子，餃子造型可愛，跟軟心芝士餃子的造型一樣，只是多了一條黑邊以作分別~白色包包軟綿綿的，一咬䦕，甜美的朱古力源源不絕地流出來，濃郁甜蜜！月見軟心芝士餃子，又是胖嘟嘟的餃子型，軟熟的包子，一咬開，奶白色軟心芝士餡除除流出，芝士味淡淡的，軟滑可口~紫薯一丁目，胖嘟嘟圓滾滾的，鬆軟的包包包著豐沃的紫薯，薯香撲鼻，又不會過甜~ 好味!黑豆包是白白胖胖圓滾滾的，除了包身有不少大大粒粉糯的黑豆外，更包有大量綿滑的黑豆蓉，甜蜜美味！連不喜歡豆蓉的小妹，都食了不少呢~紅莓穀物包大大個的，無論面層還是內𥚃，都是滿佈榖麥跟紅莓，以為麵包是硬身的，誰知麵包很鬆軟，健康又美味！

最近又有新款包包出, 好想試檸檬名物, 但甘岩當日店員話今日冇出呢款包, 平時有的. 好吧, 下次再試試啦. 所以揀左另一款新包黎試.一辣芝士炸 ($13) :由一辣味粉+ 芝士醬, 少少辣好惹味, 有好多濃郁芝士醬, 好creamy 好正.包既外層有麵包糠, 炸得又白又脆. 麵包有彈性又鬆軟. 好好味.

上次尼時買左紅黑達人同紫薯一丁目，味道唔錯，今日經過又買番個包做早餐揀左賣相好吸引既軟心芝士餃子，麵包外型造到好似一隻餃子咁好特別，中間個餡係有少少流心質地既芝士餡，麵包軟熟，同個芝心好夾，不過份量真係少左啲

之前無意中經過新世紀間分店已經覺得啲麵包好吸引，今日經過荃灣衣間店終於引唔住買番去做早餐。啲包都幾細個，大食既我一個又點夠呢所以就買左兩個。身為紅豆迷既我又點可以錯過紅黑達人呢:-)個包好軟熟，餡料係用紅豆同黑豆整既豆沙餡，甜甜地又香豆味，好正！第二個就揀左紫薯一丁目，紫薯餡好多，個就冇乜味，比起紅黑達人就較為遜色。整體尼講啲麵包好好食，但對我尼講份量就細左啲，如果可以大番啲就好。