糖坊

營業中

休息中

難得嚟到天水圍，當然要一訪呢間隱世甜品小店。睇見餐牌，見有好多創意甜品，有港式經典、西式甜品、特色牛角包窩夫和小食，好似好吸引。最後由朋友點咗焦糖香蕉石板街配朱古力雪糕（$72）牛角包窩夫係即叫即做，需時要15分鐘。牛角包窩夫外皮鬆脆，外脆內軟，配上焦糖香蕉和朱古力雪糕，很好味，真係完美組合。仙草1號（$42）呢個係新出品，好大碗，仙草口感爽滑，裏面仲有三色芋圓，小丸子，蜂蜜啫哩，食起來軟軟糯糯，涼透入心，真係食唔停口。芝士奶蓋紫薯珍珠鮮奶（$36）顏色好靚，珍珠咬口Q彈煙韌，裡面有紫薯蓉，面層有鹹香芝士味同紫薯粒，用飲管攪勻，口感順滑。芝士奶蓋開心果鮮奶（$45）同樣整得好靚，開心果濃度剛好，芝士奶蓋鹹香濃郁，甜度適中，好夾。環境舒適，座位寬敞。食品款式多，份量十足，價錢合理，我哋要留港消費，支持小店。📍糖坊天水圍天湖路2號天耀廣場LG1樓LG14號舖

天水圍親民糖水舖鋪頭細細 但夜晚都好多人呀～雙重牛角包窩夫特濃Oreo配曲奇雪糕 $76即叫即整需時大概15分鐘 有兩嚿牛角包咁就可以同朋友一人一嚿份量都算幾大仲有好多配料例如麻糬曲奇脆脆等 賣相好靚 咬落都好酥脆外脆內軟～芒果世界（糖坊四號） $52入面有芒果雪糕 芒果果肉 雖然未係芒果當造嘅季節但係依舊好甜 用料都非常足 仲有啲芒果脆脆喺上面增加返口感～飲品系列：超多芒西米露 $36椰汁味偏重 每飲一啖都有西米露 正！芝士奶蓋牛油果鮮奶 $36芝士奶蓋好滑身再帶微微既鹹香～牛油果味再鮮奶味完美融合 入口好滿足呀糖坊 (天水圍)天水圍天湖路2號天耀廣場LG1樓LG14號舖

聽講天水圍有間出名食牛角窩夫嘅甜品店，是晚同朋友黎試下先。時間尚早未多人食甜品，睇下餐牌點咩先，有多款口味嘅牛角窩夫，仲有炸物、滷水等小食，飲品選擇亦不少🤤⭐花枝丸鹽酥雞拼盤點左份花枝丸拼鹽酥雞過下口引，份量唔少喎，炸得好香脆，而且唔油，食到底嘅墊底紙都唔多油積㗎👍⭐焦糖咖啡牛角窩夫主角牛角窩夫選了咖啡口味，貪佢甜中帶苦無咁膩，仲好有咖啡香添，上面一層香滑嘅咖啡味忌廉，入口即溶好好味，牛角窩夫又香又脆，仲有彈牙珍珠伴碟，勁好食😍⭐芝士奶蓋開心果鮮奶 & ⭐西瓜汁仲點左飲品添，朋友揀左近期大熱嘅開心果奶😍入口絲滑仲好有開心果香，好好飲！自己就揀左西瓜汁，天氣咁熱消下暑嘛。窩夫真心正，唔怪得出名啦。

平時夜晚排哂長隊...一於早d去左個early dessert 🙆🏻‍♀️-🪄芒果世界（糖坊四號）$52裡面有芒果雪糕 芒果肉 芒果凍干 芒果干🥭全芒果又唔會好膩wo而且 d芒果仲好甜 又有不同的口味層次 好得意-🪄台式奶茶雪花冰 $58首先個雪花冰口感好綿密 奶茶味幾香加入鍊奶食 好鬼邪惡😂我揀左紅豆🫘三色芋圓同埋雲尼拿雪糕爆哂料~ 仲同個雪花冰好夾-🪄桃膠芋圓雪燕西米露 $51呢個一睇個組合就知道係養生好名貴既桃膠同雪燕都多 一d唔唔手軟👍🏻-🪄花枝丸鹽酥雞拼盤$43拼盤都係大份量 炸到剛剛好咸甜都有得食既糖水鋪係一個好好既發明因為咸甜咸甜夾雜住食其實會食到更多🤓餐廳裝潢簡單舒服🐾貓奴最愛 好多貓貓足跡-📌糖坊📍天水圍天湖路2號天耀廣場LG1樓LG14號舖

發現天耀開咗一間新嘅甜品店，就叫埋朋友一齊嚟試吓。地方唔算大，不過座位闊落，裝潢都簡約舒服。掃QR code落單，選擇非常豐富。唔止甜品，連台式小食都有。價錢合理，份量亦足，誠意推介。每樣嘢都係即叫即整，但整得都好快唔駛等好耐。雙重焦糖香蕉石板街牛角包窩夫$ 72賣相非常美麗，打卡一流。牛角包窩夫外皮鬆脆，內𥚃煙靭，非常好吃！香蕉面頭有燒過的焦糖，非常有心思，一啲都唔馬虎。花枝丸鹽酥雞拼盤$ 43即叫即炸，非常香脆，份量亦都好多！超多芒小丸子$ 36可以揀甜度，揀咗走甜，都會有少少甜，但味道啱啱好，好香芒果味亦唔會酸。芒果粒粒和小丸子份量亦都很足夠，小丸子非常煙靭又有咬口！芝士奶蓋開心果鮮奶$45外表都係超靚，開心果味非常濃郁幼滑，配埋芝士奶蓋簡直天衣無縫。本身我唔係特別好開心果味的人，但呢杯真係非常有驚喜！大推薦必點！

最近 開心果都係流量密碼🙈💚但又真係開心果配乜嘢都好好食😌本身諗住去食糖水 點知俾開心果吸引左😍其實係未夠時間食晚飯 點知食完呢餐已經食唔落晚餐😂開心果雙重牛角包窩夫💚🤎兩個人食 點呢個雙重窩夫真係啱啱好🧇勁多cream 仲有好軟糯嘅糯米糍粒粒配埋雲呢拿雪糕🤍🍨呢個組合真係超級正 大滿足🥰花枝丸鹽酥雞拼盤🧆呢個拼盤真係份量超級多❣️一個人絕對食唔晒鹽酥雞鹹香均勻 配埋甜酸醬 超級夾🤪芝士奶蓋開心果鮮奶🍵🥤層芝士奶蓋好厚 鹹芝士配開心果Super match💕真係覺得飲一杯都唔夠💚開心果黑糖珍珠鮮奶🍵🧋呢個就係甜啲嘅開心果版黑糖珍奶一飲係開心果充斥口腔飲到底部 黑糖味沖上嚟鍾意甜嘅朋友 呢個一定啱你💚🤤兩杯嘢飲都好Creamy🍼仲要價錢好平 抵過出邊茶飲店好多我覺得我之後應該會經過都一定買返一杯走❤️‍🔥發現佢個裝修好多貓貓設計相信店主應該都係好鍾意貓🐱@sugarsquare_tsw #sugarsquare_tsw #天水圍

好耐冇食過糖水了～ 收工獎勵吓自己，甜一下先🤪 呢間糖水舖認真幾骨子，麻雀雖小，但係款式就十分多🤣 中式、西式、飲品、小食，都係樣樣有齊，總有一款啱你心意💓1️⃣ 雙重開心果牛角窩夫🧇嗌咗個即叫即整嘅牛角包窩夫，一份有兩件，除咗有開心果味嘅ᴄʀᴇᴀᴍ係面之前更加舖滿哂開心果碎碎🤪配埋雲呢拿味雪糕同煙煙韌韌嘅麻糬一齊，太正了👏🏻 2️⃣ 台式奶茶雪花冰💠夏日熱辣辣食雪花冰涼浸浸最開心💓 除咗有得自選配料之外，更加有得揀要加奶蓋或者榴槤肉😚我就加咗勁邪惡嘅奶蓋，將唔太甜嘅奶茶雪花冰配上鹹鹹地嘅芝士奶蓋同曲奇餅雪糕，有驚喜🤩3️⃣ 超多芒西米露🥭芒果系列唔可以錯過～ 平時食嘅西米露都係一碗碗，呢到嘅就係一大杯，濃濃嘅芒果味加埋細細粒滑捋捋嘅西米😍芒果份量係超級多😋4️⃣ 芝士奶蓋開心果鮮奶🥛新出必飲，超濃郁嘅開心果味🤪強烈建議要先啜芝士奶蓋同開心果碎碎，勁正🥰呢杯飲到最尾都唔會話味道會變淡咗，抵讚🫶🏻

發現天水圍有間隱世糖水小店，又幾多人排隊 ，就同朋友一齊黎。估唔到又幾高質！我地揀左兩款甜品同兩款飲品😋$72雙重焦糖香蕉石板街配朱古力雪糕🍌比較特別依間糖水鋪係有牛角包窩夫🧇牛角包窩夫係即叫即製👍🏻所以好香脆，熱辣辣🤤同時配上焦糖香蕉石板街雪糕🍦冷熱交融，甜得黎亦唔會太膩🤤$45白雪世界（糖坊二號）❄️兩個人分份量啱嚟好🍸入面其實係雙層西米配上奶蓋同小丸子🍡仲有椰粒🥥多重口感😋上面再加上椰片，椰片值得一推👍🏻整得好香口而且好脆👍🏻$36超多芒西米露🥭真係同個名一樣，超多芒👍🏻西米露都超多👍🏻芒果好新鮮🤤🤤🤤賣相唔洗講都係一流😍$45芝士奶蓋開心果鮮奶🍼驚喜！😍估唔到有開心果嘅飲品🥤超啱開心果控人士😋開心果味好濃郁但又話唔會太甜，配埋奶蓋雖然好邪惡但好好味🤤

身為開心果控見到糖坊出開心果產品當然要嚟試試佢(ง ˙o˙)ว✧ 芝士奶蓋開心果鮮奶（$45）首先想講真係超大杯！大杯過茶餐廳啲特飲😂杯邊吱滿哂開心果醬鮮奶表面鋪滿芝士奶蓋同開心果碎綠色白色嘅色澤交織超級開胃🤍💚芝士奶蓋鹹香同牛奶嘅微腥好夾Thicky嘅奶蓋同絲滑牛奶有對比冇咁膩！仲有面頭啲開心果碎增添口感✧ 雙重。焦糖咖啡（$72）呢碟甜品真係令人眼前一亮 可以用目不暇給嚟形容佢除咗有croffle做底之外仲有Lotus餅餅、餅碎、咖啡cream、朱古力醬、朱古力雪糕etcetc唔單止用料豐富外觀吸引 而且咖啡香味撲鼻☕️最特別係佢啲黑糖珍珠炒到少少甘苦中和返成個甜品嘅甜(*ෆ´ ˘ `ෆ*)♡✧ 西瓜汁（$24）呢款西瓜汁真係夏日必備清甜可口 消暑解渴透心涼朋友飲第一啖嘅comment就係「冇咩特別 就係blend埋西瓜同冰」對佢純天然西瓜味表示稱讚🍉✧ 芒果世界（糖坊四號，$52）叫甜品點可以唔叫酸酸甜甜嘅芒果🥹芒果肉鮮嫩多汁 搭配香滑椰汁同粒粒西米味道方面芒果香味濃郁 椰汁就清新最重要係仲要有咸香奶蓋！口感非常豐富 酸甜咸平衡而且仲有一大球雪糕冇因為擺喺面求其𢳂半球୧⍢⃝୨呢度仲有

天耀之前嘆甜品個位，同🐷先生研究左好耐，天水圍真係好似冇咩糖水鋪咁😌餐廳保留左猫猫既裝飾，令到猫奴既我表示好高興🫢🔸蜜糖炸燒賣燒賣炸得好出色，外層脆卜卜，內層食到魚肉燒賣既煙un感，而且餐廳比蜜糖一d都唔手軟呀👍🏻🔸芒果雙重Croiffle大熱左一排既牛角窩夫，終於黎到天水圍😍顏性滿分，切開仲見到一層一層既酥皮，配埋係面既芒果奶油🔸超多芒水晶爽🔸超多芒涼粉爽以前係「許x山」好鍾意叫黎飲，宜家餐廳有，而且直頭係神還原添呀👍🏻芒果清甜唔酸，加埋椰汁係絕配，一黑一白好靚🙃

🎀天水圍。街坊商場平價足料甜品🍧🎀🪄店名* #糖坊🔮地址* 天水圍天湖路2號天耀廣場LG1樓LG14號舖🔮🗾分店地區🗾 沒有分店💰價錢$212 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_天水圍剩系食呢一類👉食物類型搜尋🔍🍜#pickyme_港式#pickyme_甜品➖➖➖➖➖➖➖➖➖➖➖➖➖🎵餐廳環境🎵之前去食完佢哋附近嘅櫻花樹下餐廳 咁啱見到呢一度有間幾出色嘅甜品舖 於是就搵咗一日過嚟試下 由於呢一間餐廳主打係街坊生意 所以裝修都會比較平凡 見到有好多學生同埋太太都會過嚟食！ 不過整體環境都幾乾淨企理 餐廳係以長型去做裝修 大概都可以容納到八台左右～🍽️食物質素🍽️除咗有傳統既糖水之外 令人估唔到係竟然會有最近好出名嘅牛角包窩夫系列 而且賣相都幾精緻 另外仲有消暑必備嘅綿綿冰 整體價錢都好抵食 屬於性價比高嘅甜品舖～👀評分💖💖💖💖💖🪄開心果croiffie$72開心果控一定唔可以錯過食呢一個開心果牛角包窩夫😍 賣相方面相當之吸引 首先份量感會極滿足 有兩大舊牛角包窩夫 上面沾滿開心果醬,果仁,朱古力醬 跟住仲有細細粒嘅麻薯 同埋最搞笑係有個小甜筒上

⭐️評分：4/5-✳️雙重。極上榴連 👍👍榴槤香氣撲鼻而來，在略軟身的牛角酥窩夫上抹上榴槤忌廉，再加上濃郁D24榴槤果蓉😍會吃的一定要加上一口冷冰冰的榴槤雪糕，冰火兩重天🔥💨特別過癮，如果Croiffle 更油酥更慾罷不能旁邊更有麻薯及爆谷，增加口感、層次感🤤🤤-✳️芒果世界(糖坊四號)👍👍好喜歡煙煙靭靭的芒果雪糕，質地順滑帶點實淨感😍😍濃烈的芒果味，表面的風乾芒果🥭更是畫龍點睛，在柔滑的甜品上增添！脆口感！中間隔著一層濃厚的奶蓋，底下配有芒果蓉、肉及西米露，層次豐富-✳️超多芒西米露 👍份量多，一層層的餡料，有新鮮芒果的酸香味，有別於芒果世界甜品，表面上加上芒果沙冰🤩但如果冰感更重會更涼快更爽快-✳️超多芒涼粉爽 👍中間配有甘苦香味的涼粉，甜而不膩，軟而爽口，在夏日炎炎更舒暢😍😍--⭐味道 4/5⭐️特色 4/5⭐️環境 3.5/5⭐️性價比 3.5/5 ⭐️服務 3.5/5

最近真係熱到溶，熱到唔想出街，但朋友仔話面係要見嘅😂，咁就近近地見啦🤣。之前去天耀商場買嘢，經過見到間甜品店有牛角包窩夫，所以今次襯住近近哋，就去咗嗰度tea吓，我哋叫咗2杯飲品、2個甜品。特濃Oreo雙重牛角包窩夫 $72牛角包窩夫係即整，需要10-15分鐘，除咗有兩個牛角包窩夫，仲有一球Oreo雪糕，窩夫面有好多Oreo cream同Oreo餅碎，啱晒我個朋友仔，佢勁鍾意 Oreo， 牛角包窩夫好香脆，配搭Oreo cream，味道剛好。榴槤忘返D24 $58勁鍾意食榴槤嘅我，緊係揀咗杯榴槤甜品🤣，甜品內有西米、榴槤肉、榴槤雪糕、丸子及奶蓋。食落去超香，無得輸！感覺啖啖都食到榴槤咁呀👍！而西米用咗中號西米，所以好有口感，雪糕一樣好重榴槤味，食得出成個甜品嘅榴槤都係D24，啱晒榴槤迷嘅我，開心到不得之了！🤣超多芒西米露 / 超多芒涼粉爽 $36夏日炎炎更係要飲番杯冰凍飲品，啲芒果又甜又香，無論配西米露或涼粉爽都無得輸🤗。

鍾意開心果系列💚同埋牛角包🥐朋友真係唔好錯過呢間新+傳統Fusion 嘅糖水店，琴日叫咗佢哋嘅開心果奶蓋，真係做得好出色😍好濃郁嘅開心果味, 而且又唔太甜真係勁好飲🤩🫶🏻✨平時窩夫🧇就食得多佢哋好特別用咗牛角包🥐做底, 牛角包比窩夫更加可以吸收到醬汁, 所以比較濕潤唔會食落口乾爭爭👏🏻👏🏻👏🏻😉賣相仲非常吸引真係打卡📸able , 真係大人同小朋友見到都會好開心而且好好食添🥰食完甜野我哋又想食咸😜見佢哋餐係有鹽酥雞即管叫咗一份, 雖然係小食呀但係份量都好多, 而且熱辣辣外酥脆內嫩🥳雖然係小店但係環境相當舒適， 仲有好多貓貓卜擺設好靚好吸引😉食物環境同服務都好好大家都可以支持下🥰