粵茶館

每逢春秋二祭，總會有一次要去港島區登山。完事後，眾親朋就會來到銅鑼灣一起飲茶。這一次，我們要找新的聚腳點了。原因就是大家去慣的酒樓突然結業了。大家都慨嘆，今時今日，飲食生意真是難做。於是，我們就周圍找，最後選中這一間位於銅鑼灣廣場的《粵茶館》，飲茶。週末在銅鑼灣，本以為要等好耐才有位飲菜。誰知我們一行10人，不一會就安排到一張大檯給我們，而且更可以讓我們先坐下，等待下午茶的優惠時段來臨。表面看來，是服務好，但實際上，算是生意越來越難做。之不過，酒樓都算是坐滿的啊。下午茶時間一到，幾乎每一檯都在同一時間落點心。雖然店方一次過收了海量的點心紙，但出來的點心，沒有錯，沒有漏，絕對是值得一讚。然而，先來的，是香脆可口的春卷。這是傳統厚身的春卷，夾雜著幾層的脆皮同厚厚的豬肉餡。蘿蔔糕，是老少咸宜的廣式點心。煎得香的蘿蔔糕，更是人見人愛。所以，我們一點就點了兩份。因為夠香口，而且由老人家到小朋友，都啱食同容易食。再來，是一份非常香脆的芋角。這一個芋角更可以用酥香來形容。因為那酥脆的皮早已經配合了內心的芋香味。之不過，我成日覺得，這是眾炸點中，最為熱氣的一種。然後，就是類似沙翁的一個甜點。原來是卷成條狀的甜簿撐。味道夠甜，當然，也是夠薄。只是，卷成條狀之後，有失其 "薄" 之原意。雖好味，但美中有不足。那天，我們不叫炒炒麵飯了，因為，下午茶的小點粥粉麵，更家經濟實惠。雲吞麵就是其中一個大家都啱食的東西。雖然，沒正宗雲吞麵的來得好。而下午茶的燒味麵食，就是正宗酒樓味道的高水準了。叉燒香而腍，燒腩也是皮脆香口的。只是湯麵做得太一般而已。那天，我是帶病出席的，再加上同行有老人家的牙齒不好，於是，點了三碗粥。(豬骨粥，艇仔粥同皮蛋瘦肉粥)我吃的是皮蛋瘦肉粥。粥雖然是夠綿，但水份似乎太多了。而且皮蛋是實心的皮蛋。似乎是將價就貸的旌品。反而，豬骨粥同什麼都有的艇仔粥，就很好食。腸粉，也是帶老人同帶小孩去酒樓飲茶必點的點心。叉燒腸同牛肉腸都是夠晒香滑可口的。當然，豉油夠香甜，亦幫助這兩碟腸粉加分。然後，蒸點開始來了。其中一樣是咖喱魷魚。咖喱味香濃，土魷入口爽脆，喜歡的，一定吃不停。排骨陳村粉。陳村粉，是一個比腸粉同河粉更煙韌的米粉類食品。陳村粉吸收了甜豉油同掛骨的肉汁，就是一種超級的好味道。以前食過，淨陳村粉是不好食的，但一加入了排骨或其他的肉汁，就寧舍不同了。而燒賣，永遠都是必點同人見人愛的回心。這酒樓的燒賣，有肉香，有蝦香，而且又大大隻。食燒賣，越夠份量，食得亦越開心。最後，就是香甜的泡沙奶皇包。這一個包，絕對是由內甜到外。雖然，我對一籠三隻的包子有少少偏見，但若來的是一個甜包點，今時今日會覺得，細細隻原來攻能甜入心。感覺上，由服務，炸點，味部小點，同蒸點都是令人滿意的。也許，明年的春祭家庭會，我們不用煩惱，到處去搵酒樓了。…查看更多

叉燒非常之有水準，肥瘦分明。芝士蝦球伊麵既芝士好多，多到撈起既時候啲伊麵每一條都可唔可以索咗啲芝士汁，伊麵有咬口，蝦球都好彈牙。馬豆糕超級好食，有奶味又唔甜。紫薯飽個個都好圓好鬆軟，裡面啲紫薯好多，好好味。蝦餃皮薄，餡靚。腸粉新鮮，蝦肉又彈牙，感覺很美味。燒賣及鳳爪足料，味道不過不失。綿花雞不論係蝦柳、火腿、雞肉、還是豬皮都煮得非常之夠火候，整體很美味。乳鴿烤得很香脆、多汁，惹味。錦鹵雲吞炸得很香脆，沾上甜酸醬，開胃又好味。紅菜頭腸粉口感豐富，加上沙律醬，都幾好味。…查看更多

雪山叉燒包外脆內軟，叉燒份量足夠，新鮮熱辣又好食。雲吞既蝦肉好彈牙，皮薄。煎薄撐好薄，香口又好味。石鍋炒腸粉每條腸粉都好靚，卷得好分明，成條剛剛掛滿了老抽，味道很不錯。酒樓的公筷有寫明係公筷，以免客人撈亂。酸菜魚片米線非常之高質，魚片很幼滑，酸菜不會太酸，不會太辣，但開胃，米線很有米味，不會斷哂。涼瓜魚餅煎得好香，好彈牙。皮蛋瘦肉粥啲粥好綿，足料好味。星州炒米好出色，整碟都非常之香，蝦球都好彈牙。蝦腸皮薄，蝦好味。黃金糕堅韌，有咬口，不太甜。合桃包好多煉奶，合桃好香，整體好正。…查看更多

今日行開銅鑼灣諗住去試間新嘢，睇吓食物質素及服務。我哋點咗三個餸，清蒸虎杉斑一斤、生炒排骨、豆豉鯪魚油麥菜。虎杉斑話一斤，係晚市優惠。但一上枱，整條魚和鐵羹一樣長，我想問問大家，係咪有一斤重。生炒骨普通。最經典是豆豉鯪魚油麥菜，整碟菜只有一片豆豉鯪魚。我真係冇嘢好講！又貴又差！奉勸大家小心睇路！…查看更多

今次同三位朋友喺銅鑼灣嘅粵茶館食午餐，一坐低就感受到傳統茶樓嘅懷舊氣氛。餐牌選擇豐富，點咗多款點心同小食，整體出品穩定，價錢合理。最驚喜係五味脆豆腐，外層炸得香脆，入面保持嫩滑，配埋酸甜醬汁幾開胃。蟹籽燒賣亦表現唔錯，肉質扎實，唔會有雪味。鮮蝦腐皮卷炸得酥脆，蝦肉彈牙，沾少少甜酸醬一流。中山甜梅係朋友推薦，味道酸酸甜甜，用嚟解膩剛剛好。不過，茶水收費偏貴，每位 $14，有少少唔化算。不過整體埋單 $427，四人平均約 $106，喺銅鑼灣呢個地段嚟講算係中價位，環境又唔嘈吵，適合朋友聚會或家庭午餐。總結：食物質素不俗，服務中規中矩，如果想喺市區搵間安靜又有選擇嘅茶樓，粵茶館都係個唔錯嘅選擇。🥢🫖…查看更多

🔹️早前與家人到銅鑼灣 “粤茶館” 食午飯, 茶館氣氛熱鬧, 幸好不需等位🤭 食物OK, 店員效率高👨‍💼👩🏻‍💼價錢合宜💰 早茶和下午茶會更優惠😜🔸️粵茶館燒賣🧆賣相不算靚, 但餡料充實🤪🔸️富貴鮮蝦腸粉🦐🌯腸粉晶瑩滑溜、鮮蝦新鮮彈牙😬🔸️沙薑雞腳🐔雞腳有肉爽口,加上沙薑, 十分惹味😋🔸️紫薯流沙包🥧除了顏色吸引外, 熱呼呼的流沙流出來🌊 不得了👍🔸️香燒皇子鵨🐣肉質嫩滑, 如外皮再香脆一點, 味道會更理想🤷‍♀️🔸️涼瓜斑頭腩炒河粉🍲甘香涼瓜、厚內斑腩、鑊氣十足炒河Yummy🤤🔸️香芒布甸🥭味道鮮甜、加埋煉奶, 令味道更加昇華😋🔸️陳皮紅豆沙🥣甜度適中、美味起沙👍…查看更多

其實原本這間酒樓都唔錯食物質素OK，都企理侍應生有應有嘅態度但最大問題係..門口個阿姐短頭髮，高高地，個樣都好兇….成日揸住雞毛當令箭已經唔止一次，見到佢成日同d客嘈… (最少已經見到三次）冇位，你要我等兩位枱，唔緊要我一早同你講唔搭枱點知後邊有個三位嚟，即刻俾咗張小圓枱人哋但我已經等咗15至20分鐘其實呢啲小圓枱係佢正常中式酒樓嘅最細枱，可能另外佢有三四張超細枱⋯好啦，如果冇人喺你後邊，有小圓枱，佢會同你講…之後要搭枱……大佬，你間餐廳根本冇兩位枱！所以，我奉勸兩位唔好去，因為只會受氣如果你係呢間酒樓嘅老闆，麻煩你跟進一下呢個員工嘅態度！因為佢會趕走你唔少客！最少我都唔係好想再嚟銅鑼灣旁邊大把酒樓，點解要受佢氣？?皇室堡有好幾間，銅鑼灣廣場一期又有幾間。冇一間會咁樣對待啲客！呢個女士自己好好反省吓，嘢係今時今日應有嘅待客之道！人哋嚟消費食飯，唔係你受你氣～…查看更多

铜锣湾c口出来直接上楼就是，装修看着比较新（新过太湖海鲜城），价格也相对较平（相比弘文馆及香馥楼），菜品不算特别丰富，大品类是齐全的，但细分品类没有，比如说，只有一款138的干炒牛河（安格斯牛肉啥的），不想有些酒楼会有很多种牛河可供选择，价格还算公道，味道也蛮不错的，加水速度比较快，中午排长队，不提前预定是没有位置的。有一层全是包间，一层是大厅。…查看更多

行過銅鑼灣廣場1期， 見到好奇怪的茶樓，分開6樓同8樓比唔同人去。 甘就膽粗粗去試下。 中午時間都唔使等位，開始有的擔心會否中伏。 坐低一看，好多不同特色小食，如 懷舊蝦多士，秘製金沙涼瓜，都幾特別。 之後叫左幾款點心是，全部即叫即做，上到台時熱刺刺的，十分好。蝦餃，有驚喜， 蝦新鮮，唔會死死實實。鳳爪 味道可以。雪山差燒包， 即叫即做，味道唔錯，牛腸， 皮薄 都可以。但唯一不足是 叫左點心後要催很多次先上齊的點心，表面睇又不是人手不足，奇。…查看更多

得閒飲茶飲過咁多間茶樓呢間有人蔘烏龍茶提供好特別有淡淡既人蔘甘香既甜味其他點心都好食腸粉晶瑩通透4位，食左10碟野平日11:50前埋單以優惠價大約食左$260總結來講，味道唔差，價錢合理，服務態度接受…查看更多

粵茶館😘😘😘超驚喜晚宴銅鑼灣廣場一期八樓、廣東飲茶晚飯、地方寛敞、環境舒適、侍應服務一流！細心貼地、食物質數高、留港消費主要原因！是日晚市套餐12人$2688(全包宴）啤酒汽水共12罐每碟份量超大、有質素、有驚喜😊😊金豬五福臨門肉腍蜜糖甜味义燒、肉滑白切雞、超脆皮乳豬、煙薰鴨胸、帶辛辣雲耳、五福齊來😃芝士海蝦燴伊麵熱辣辣、濃濃芝士🧀、味道出色、伊麵爽口腍度剛好、海蝦大大隻、鮮甜味美、夠彈牙😛Xo醬彩椒花姿珊瑚蚌色彩繽紛、花姿、珊瑚蚌、爽口彈牙、味道一流😋香酥排骨炸至金黃酥脆、添上香茅味、滋味又惹味😛紅燒肉絲翅材料豐富、淋醋、更惹味清蒸海上鮮好大條、－尺長、鮮甜美味、yummy yummy、夠嫩滑😁粵茶舘脆皮燒鷄皮脆金黃香口、賣相吸睛、雞肉鮮嫩夠juice、蘸埋自家的調味汁、提升味蕾口感😁鵪鶉蛋上湯時蔬時曰新鮮蔬菜🥬配可愛鵪鶉蛋點綴、創意新颖😛瑤柱蛋白炒飯粒粒爽脆彈牙、瑤柱蛋白、配搭一流😊鴛鴦糕點😆燕麥糕、健康燕麥、清甜、有嚼口疆汁紅棗糕、香濃疆汁、紅棗糕、色彩艷麗、煙煙韌韌夠彈牙👍🏻當晚員工服務非常優質、抵讚加許！超值優惠、仲有八五折👏🏻👏🏻粵茶館銅鑼灣軒尼詩道489號銅鑼灣廣場一期8樓港鐵銅鑼灣站c出口、步行約1分鐘…查看更多

等位等到天方地老，等幾張枱要等一個鐘，痴線 體諒2人搭枱可以快啲， 但無可能4位要等， 先叫5位， 10位， 仲要有人book枱。 建議有理無理都打去book枱， 唔知公司咩制度…查看更多

樓下等𨋢勁多人，好彩上到去都唔使等位，不過就要搭枱，兩搭兩，張枱都算幾大次次飲親茶都唔理咁多狂叫嘢食🤣叫咗兩個燒味飯，燒鵝一般，燒腩仔偏瘦🥲馬豆糕，媽咪話好食好多豆甜簿撐，花生椰絲餡（外賣）虎皮椒，有辣有唔辣，次次食親都似抽獎咁帶子盒，唔夠熱鳳眼餃，好睇又好食，特價$19.8蝦餃，正常腐皮卷，熱辣辣，又多蝦，有驚喜，要讚埋單$430，打個突😳不過飲星期日中午正價茶其實都差唔多仲要叫咗咁多嘢…查看更多

星期五落雨天，成班同事都係想出街食午飯，唔去得遠，又想坐埋一齊，又想唔好太嘈，唔想太趕。雖然呢間茶樓價位唔算低，都照去試試啦。起初都驚服務差，上到去客仔唔算多，可能服務員唔太忙，服務周到，驚你仲有時間問我哋夠唔夠食，執頭執尾快手，乾淨利落，坦白講香港地，呢個服務質素係標準以上。講返嘢食，上菜都算快，可能客人不多。有返咁嘅價錢都提供到服務質素。蝦餃燒賣，原隻蝦大大隻、加入少少fusion，外皮淺綠色。以為嚟錯菜肉包，原來係叉燒包，外殼鬆軟唔濕，餡料都足夠；燒賣外型幾討好無over。同事們最like 炸物，鬆脆冇硬，好食嘅。整體食物好新鮮，大贊。:)…查看更多

食物中規中矩，可以選擇的種類唔多。比較出色的係人參烏龍茶。中午飯、下午茶以及晚飯都試過，食物出品唔太穩定。好似下午茶的雪山叉燒包，有時可以，但係有時凍曬都拿來俾客人。中午飯試過酸菜魚湯米線，唔太新鮮，魚帶有腥味，湯亦做得唔好。晚上的燒鵝都算可以，不過同等價格的燒鵝其他地方都有。最大的問題係收銀員服務態度真係非常差。對埋單客人咁差態度的收銀員老闆應該多做培訓，唔得就考慮換人，收錢位都咁差，真係倒老闆米。…查看更多