米走雞 (太子藍馬之城)

營業中

休息中

見最近嘅天氣涼涼地, 放工就去咗太子打邊爐🍲～ 呢間火鍋店喺太子、觀塘同銅鑼灣都有分店。火鍋湯底選擇多, 佢哋另一主打係芝士雞煲火鍋, 下次再嚟試吓先！我哋揀咗藥膳滋補鍋, 湯底滋潤又養生, 材料有紅棗、杞子、龍眼肉等等, 飲落有紅棗同藥材香氣～ 個人推介澳洲牛舌, 有着濃厚嘅牛肉味, 口感爽彈～豆卜同蜂巢冰豆腐索晒啲湯汁, 非常之入味～ 油麥菜新鮮, 顏色翠綠。最後加咗個出前一丁, 公仔麵配藥膳湯, 個味道好夾, 食完飽晒！

〰️黃金芝士雞煲 （$208）有得揀大細，細雞煲有2-3人份量。芝士碎可以選擇激量，雞件鋪滿哂嘅芝士，滾起後仲可以拉絲，每一啖雞件都帶有芝士嘅濃香。😎👍🏻明知道超級邪惡，但就係停唔到地一啖接一啖🫠。〰️Wasabi鮮墨丸 （半份 $54）貼心地可以選擇半份，啱哂咩都想試下但胃又唔夠大嘅我。彈彈嘅墨丸入面包住流心嘅Wasabi，帶點刺激，外面嘅火鍋雞煲舖好似都比較少見。〰️黑松露蟹籽魚面 （$158）黑松露味道香濃，蟹籽豐富口感，魚面夠爽口。仲可以自己吱，食得又玩得。🤣〰️鮮炸響鈴 （半份 $32）以前同第一次食朋友就已經同我講呢個係必食！食完一次之後每次食親米走雞都會叫！比起平時食到嘅響鈴大，越嚼豆香味愈出。〰️蜂巢冰豆腐 （半份 $28）呢個係另一個必食之一，同響鈴一樣吸哂湯底嘅味道。用嚟打邊爐超夾。〰️翡翠苗 （半份 $28）話就話半份，我覺得份量都唔算少。夠新鮮幼嫰。👍🏻〰️〰️📍 米走雞 (太子藍馬之城) (旺角)旺角彌敦道761號太子藍馬之城2樓

有朋友生日, 成十條友去呢間興祝。打電話時已經同個接線生講左，我地有一個小朋友，可以輕輕減下個總消費額，個時係電話講無問題。一路食，都覺得呢間D野食唔差，待應唔係非常有禮貌，但都做到基本野。間房我估本來係員工房，好多清潔用品係我地隔離， 又有洗手盤之類，我覺得無太大問題，食得開心就得。去到廚房要收前半個鐘，有個著住制服阿叔，講野大大聲(無乜問題)，同我地講消費額未到佢地公司指定額，我地同佢講打電話時已經同意左一個數，佢話公司無D咁   口既  野，又話我地唔係喺度街市講價(大聲又無禮)，又話要搵接線生同我地對質，跟住又話接線生行開左，總言之無人同我地對質，又要我地繼續消費。繼續不停講呢度唔係街市講價......最後我地個壽星仔都開始出聲，真係要多謝阿叔幫我地贈興趣。最後要另一個有禮貎阿叔入黎執手尾，安撫壽星仔。為左呢個街市阿叔，我地會去多D深圳，人地商場大D靚D，有禮貌D，野食平D，選撰多D。段估人地唔會話我地街市講價，講一個你地一開始話無問題 口既 價。

上次同朋友去食雞煲，見幾多人推薦芝士雞煲一試之下 發現頭頂有直升機飛過🙂🙂伏伏伏唔係幾好食 好咸又好膩簡單食材 單價價錢偏貴 ....服務就😂😂😂 幾乎都冇乜服務

旺角原來有間專門食芝士🧀️雞煲的火鍋餐廳🍲🐔🧀️———米走雞😜來到米走雞，就一定要試呢個必食雞煲——黃金芝士🧀️雞煲🐔🧀️🍲（$208）好多人都係點呢個招牌雞煲。話咁快芝士🧀️雞煲來啦，點左二人份量都真係好足料，厚厚🧀️芝士又濃郁芝士味，雞肉又夠滑，芝士夠曬creamy，真係岩曬芝士控。食完芝士雞煲，就可以即刻來個華麗變身，成為火鍋啦。有好多客唔怕漏都會繼續encore 芝士，我就揀返清清地清湯，另外都點左一些火鍋配料：鴨肝M5 和牛丸 $58 （半份）M5 和牛餃子🥟 $53 （半份）娃娃菜 $28萵筍 $28鮮榨響鈴 $32好少係外面食到鴨肝和牛丸同和牛餃，都係必食啊，食咁多肉，一定點食蔬菜中和返，本來想點下其他肉食，但芝士雞煲已經好飽，留待下次再來吧🤪😋😛

朋友話想食雞煲 帶咗佢黎呢間食芝士雞煲嘅餐廳 芝士雞煲有大量芝士可以拉絲 雞肉香滑入味份量都好大煲 之後打邊爐叫咗啲牛都幾好食 手打丸都幾有彈性 最特別係竹笙墨魚滑 超好食👍🏻

🔸 黃金芝士雞煲（小） $208可以免費要【激量】芝士 及【多芫荽】芝士係煲裏面受熱之後，會槳住曬啲雞肉，滾熱之後夾起啲雞肉掛滿正在溶化嘅芝士，睇落都想食。芝士雞煲墊底有好多洋蔥，煮淋咗就爽甜可口，雞肉都好入味，主要喺用大塊雞脾，腌好後再經過油炸處理，做得外脆內嫩，包住熱嘅芝士汁一口食，有在瑞士食芝士火煱風味，值得一試。味道：7/10性價比：6/10🔸日本廣島蠔 $88 / 6隻 每隻生蠔都肥嘟嘟夠大隻，好新鮮。因為之前嗰芝士煲已食清咗芝士，可以叫待應加「芝士湯」或「雞湯」，我哋叫咗雞湯做湯底，滾熱嘅濃郁雞湯稍為熠一吓生蠔，半生食落十分鮮味，隨口連雞湯都飲埋。味道：7/10性價比：7/10🔸鳳城水餃 $53 / 4粒應該喺即日自家製嘅水餃，做得 企理四正食落爽口， 餡料有木耳絲、豬肉和鮮蝦粒，蝦肉彈牙。味道：7/10性價比：6/10🔸手打墨魚丸 $48 / 4粒所有手打肉丸都比其他一般肉丸售價高約10元，但手打的肉質口感確實較佳（推薦貴少少都應該要手打的），這個墨丸大大粒咬落仲有好多墨魚肉粒。味道：7/10性價比：6/10🔸手打鯪魚丸 $43 / 4粒都係自家製手打，非一般魚丸，好有

黃金芝士雞煲(2-3人) (208hkd)雞嘅份量都唔少，兩個人食絕對足夠，而且雞件係啖啖肉，唔會得骨多過肉，有部分直程係連骨都無😍叫咗激量芝士🧀️可以拉到絲，非常治癒，芝士唔會太咸，可以簡加芝士湯或者清雞湯，成個湯會變到好creamy，加埋個公仔麵真係perfect池喇😍酸辣無骨鳳爪 (68hkd)呢度嘅鳳爪比起出面偏酸少少，口感爽脆，作為前菜非常開胃，無骨就是爽🤤五香鮮牛肉 (98hkd)份量都唔少，我向來都係鮮牛肉嘅fans，肉質軟淋，無咩筋位，唔難咬😍#foodiblum港式

📍米走雞（太子）之前朋友講起話呢間芝士雞煲好食 性價比高 今日係附近就去左試下🥰太子站行出去1分鐘就到▫️黃金芝士雞煲（大）我地簡左激量芝士🤣 一黎到見到鋪滿好多芝士 好吸引 雞件都夠大件 係用雞髀肉嘅 食落啖啖肉 唔會好多骨 ～肉質都幾嫩滑 芝士都幾濃味同埋好拉絲添！職員仲提我地唔好攪佢 由面頭食到底～食完個雞煲我地兩個已經好飽 但都叫左少少配料打邊爐～呢到邊爐配料好好 可以半份咁簡，兩個人試多啲野都得呀🥰▫手打M5牛丸（半份）牛肉味好足 食落真材實料 口感較實淨▫娃娃菜（半份）點都要食啲菜 好似健康啲😆蔬菜都幾新鮮乾淨

相比傳統辣味雞煲 我更愛芝士🧀️一講芝士雞煲 第一時間一定諗起米走雞 太子/銅鑼灣/觀塘都有分店🐓ꕥ 黃金芝士雞煲🐤有兩個size 我哋呢個係普通size 兩個人食絕對夠晒🥢一上枱見到大量金黃芝士已經流口水 仲大量雞件啖啖肉 同芝士係絕配 好滿足☺️食完雞煲就到打邊爐 呢度嘅火鍋配料都可以揀半份 正👍🏻兩個人都可以叫多啲唔同野嚟試ꕥ 哈哈蝦中寶蝦滑煙韌彈牙 中間有好多蝦肉🦐仲留有鮮味 加埋面頭嘅蟹籽 口感豐富ꕥ 霜降Prime牛板腱都係叫咗細份 雪花勁靚❄️肉質好軟稔 而且牛味好突出 唔洗其他醬汁都OKꕥ 手打M5和牛丸ꕥ M5和牛餃因為朋友都好愛食牛 所以和牛系列都叫咗兩款🐂自家手打牛丸 好大粒 質地好實在 真材實料用料足 而餃子都係好大隻 和牛饀勁飽滿ꕥ蘿蔔我鐘意煮耐啲 稔稔地最好食😋而呢度嘅蘿蔔切成條狀 就算稔都唔會無晒口感另外仲有午餐肉同稻庭烏冬😆食到勁飽

芝士雞煲，聽到已經覺得邪惡，不過越邪惡越啱我😂今次去咗太子嘅米走雞，位置方便，喺太子站C1出口行大概2分鐘就到。呢度嘅芝士拉絲雞煲一直好受歡迎，食完真係覺得勁滿足。黃金芝士雞煲可以揀普通或大份量，2至3人就叫普通都夠晒，大份應該夠4至6人食👍🏻煲內有好多雞件，雞肉都好滑，配埋芝士食唔停口。而且我哋都覺得呢度嘅芝士食完都唔會覺得膩。食完之後就可以加湯打邊爐，可以揀芝士湯或者雞湯，我哋就揀咗雞湯🐓配料都叫咗唔少😂最正係大部份配料都可以叫半份。有幾款特別推介俾大家，霜降Prime牛板腱，雪花油脂分布平均，口感十分軟嫩。另外朋友推介我食哈哈蝦中寶，係蝦滑入面釀咗蝦肉，幾特別，而且好有鮮味🦐如果鐘意食和牛嘅，可以叫和牛丸同和牛餃，用M5和牛手打製成，新鮮有口感，牛味濃郁。另外仲叫咗清甜嘅蘿蔔，火鍋良伴午餐肉同稻庭烏冬。最後要一讚店員服務態度都超級良好☺️

想試好耐既芝士雞煲🤤🤤主打黃金芝士雞煲同火焰麻辣雞煲 兩款都好吸引 第一次食就先試招牌既黃金芝士雞煲~叫左呢個2-3人份量既芝士雞煲 ($208) 面頭舖滿激量芝士 配料有洋蔥 西芹等等 雞肉絕大部分都係大大件既雞脾肉 算嫩滑入味 雖然雞味唔濃但啖啖肉好滿足 份量比想像中多 濃滑既芝士同香甜既洋蔥亦非常惹味 兩個人食完呢個煲已經飽左7成🤣食完雞就可以加雞湯或芝士湯打邊爐 食物種類豐富 有d仲可以揀半份 就算少人食都可以試多幾款✨手打五寶拼盤 $63💛粒粒自家手打鮮製丸 有墨丸 蝦丸 M5和牛丸 鯪魚丸 仲有我認為最正既豬肉丸 超juicy 肉味菇味都好突出✨哈哈蝦中寶 $68💛夠大件 蝦肉口感豐富 面頭仲有脆卜卜既蟹籽 ✨鮮炸響鈴 $32💛非常大件香口 吸收曬芝士雞湯精華一流!✨澳洲牛舌 $98牛舌切成薄片 油脂均勻 算彈牙唔韌✨出前一丁 $20呀 最後點少得自製芝士撈丁 夠曬邪惡🥹 其實應該一開頭加定最後加麵先好?

♡ 太子芝士雞煲火鍋｜ 米走雞 ♡-太子一向有好多火鍋店，而呢間火鍋店有咩特別呢？佢係以邪惡嘅芝士火鍋雞煲🐓最出名‼️而且性價比都幾高✌️佢嘅芝士雞煲係仲做到拉絲嘅感覺😍✨要留意返佢哋嘅醬油費要加 $18 ✨- ♡ (大)黃金芝士雞煲 激量芝士♡ $268兩個人其實可以食細份 ～ 不過作為芝士🧀️迷嘅我，就一定要叫大大份啦😆😆仲要嗌激量芝士😜 每塊雞件都沾滿左濃郁嘅芝士醬🫕食落完全唔膩👍🏻👍🏻👍🏻-♡ 魚皮鮫 （半份）♡ $26魚皮餃皮薄餡靚 餡料新鮮。-♡ 竹笙墨魚滑 （半份）♡ $54 ‼️必食🙆🏻‍♀️將墨魚釀入竹笙度 形成外軟內彈嘅口感點埋醬汁食 真係好正～～-♡ 油麥菜 （半份）♡ $28油麥菜爽口清甜👍-♡ 可樂樽裝 ♡ $19打邊爐真係一定要飲可樂先夠滿足😆❗️❥#⇢店鋪資料：米走雞 (太子藍馬之城) (旺角)旺角彌敦道761號太子藍馬之城2樓#

🇭🇰 旺角- 米走雞整體方面☑️空間唔算太迫，有位置俾我哋擺放袋，用QR code點餐👍🏻不過溫馨提示佢要另外收醬料費的～～🔲 火焰麻辣雞煲(小辣)$198▪蟹籽墨魚滑$98▪️澳洲牛舌$98▪️稻庭烏冬$28▪粉絲$28今次呢個雞煲選擇咗小辣，覺得搞小辣係啱啱好，因為食落會越煲越辣，麻麻辣辣嘅味道真係好正 又唔會太咸🤗而佢有大嘅份量同埋少嘅份量選擇，我哋揀咗少嘅份量係for二至三人食🤤而佢嘅雞件都好滑嫩大件～～個雞煲醬亦都非常惹味，所以之後加咗湯打邊爐，由於佢個湯咁濃郁所以我哋嘅粉絲同埋烏冬超入味 勁好食😍大家一定要加購！！另外佢嘅牛舌都好爽口又薄切，輕輕烚幾下就食得～墨魚滑彈牙爽口，有滿滿嘅墨魚粒係入面，真材實料。⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗🎏地址：米走雞 (太子藍馬之城) (旺角)旺角彌敦道761號太子藍馬之城2樓

📸米走雞相信係芝士雞煲既始祖濃濃厚芝士仲拉埋絲 邪惡度🆙一直都以為得觀塘有朋友介紹原來太子都有架今次揀咗芝士雞煲（小）$208有洋蔥 中芹 莞茜 可因應客人喜好剔走架芝士份量亦都可以揀為食妹咁中意食芝士 當然揀咗激量版一上枱真係見到鋪滿芝士完全見唔到雞既蹤影🤣🤣🤣重點⭐️奇怪地完全唔膩🥰同滑嫩既雞肉相輔相成😍食到咁上下就可以加湯揀芝士湯又得 揀豬骨湯都得➡️為食妹推薦食法食完雞之後加入娃娃菜煮淋黎食中意既話可以加烏冬/公仔麵🍜食完真係翻唔到轉頭好食過市面既芝士撈丁多多聲🤭配料方面有幾款特別推介✅ 手切霜降牛頸脊細份都夠3個人食架牛味濃而且雪花紋路靚✅手打M5和牛丸同平日食既牛丸唔同 口感似牛肉餅多啲但牛味夠 而且咬落唔會太油膩📍 旺角彌敦道761號太子藍馬之城2樓📍 觀塘興業街4號The Wave 3樓📍 銅鑼灣渣甸街50號渣甸中心3樓經Openrice訂座仲有優惠添架✔️#wwh食勻太子 #wwh食勻觀塘 #wwh食勻銅鑼灣#wwh火鍋 #雞煲 #芝士雞煲