米線陣 (Citylink)

營業中

休息中

成日見到呢間野，因為唔係太鍾意米線所以都係第一次食。朋友推介蕃茄湯底，而我又想食佢個雞扒，所以叫咗呢碗湯底一般，唔係用新鮮蕃茄打勝的。味道尚可。斷雞扒反而有驚喜，有一啲麻辣粉 炸得唔干！已朋友大贊番茄麻辣湯底好食，下次可以試吓

經常都會因為上去樓上做運動經過連城廣場，今日見有啲餓就入左去呢間米線陣，估唔到有麻辣蕃茄湯，身為蕃茄控既我又要出動喇。因為時間係下午茶時段，一碗米線都唔算貴，叫左個麻辣蕃茄豬扒米線，上菜速度都算快。一上到黎已經急不及待試下個湯先，蕃茄味就唔算好濃，都幾夠麻，但啲蕃茄就好夠味，睇個款應該係罐頭🥫蕃茄黎，湯底整體ok唔差，連埋米線食都幾夠味。豬扒正常無特別，唔特別講。加左個雞絲粉皮都幾好食但分量唔多。仲有個青瓜豆漿我自己就覺得唔好飲既，因為我自己麻麻地青瓜，但我女朋友就好中意話陣味好新鮮，好青新咁話wo

二人晚餐$179，有兩碗兩餸米線，二款自選餸同一款菜加兩杯野飲。米線可以㨂兩款小食，都幾多選擇，豬軟骨要另外加錢，其他唔使。我地㨂左雲吞，豬頸肉，魚腐同牛𦟌，全部味道都正常，唔難食嘅。湯底原味豬骨湯唔使加錢，其他都要加。成碗米線味道一般，我個人覺得譚x好食好多。小食就㨂左：口水雞：比其他舖食到嘅辣少少，唔食得辣唔好試，份量唔算好多，肉都算滑，味道都唔錯。大汗豬扒（連骨）：有啲油膩，唔香脆，唔算辣，味道好普通，無特別。上湯雜菇時蔬：正正常常。飲品：可以㨂特飲，青瓜豆漿幾fresh，幾特別，飲品唔會太甜，唔錯。講真$179有咁多野食，已經算好。

夜晚做完facial就係連城廣場搵嘢吃，見到米線陣唔洗排隊就試下啦，其實大埔分店都吃過，感覺還可以。首先入到去仲有大把卡位，但就要我們兩個坐係一張已經有一人坐的四人位，過了一陣又安排一位客人坐係隔離(明明有好多位）點解要坐到咁迫😏。跟住我發現地下有一塊肉(應該是隔離檯個位跌落地的)，我就叫侍應清潔一下，點知個阿姐拿塊紙巾撿起塊肉就算，地下仲有好多汁，我再問她有沒有紙巾抹一下，因為怕跣親，不過個阿姐唔理我，俾咗一疊紙巾我就算了(是叫我自己抹嗎？)講下嘢吃，招牌五寶米線，5分鐘唔到就拿出來了，因為全部都係煮好的，無味道不但止，米線好硬，吃完成晚個胃唔舒服。😓😓嘢飲賣相認真唔吸引，個杯邊同外面都濕了，感覺好差😪😪。大漢雞排味道還可以，不過有點炸過龍了。總結，唔會再去，希望有改善！

推薦指數：🤩下午茶時間，兩個人有少少餓，經過連城廣場見到米線陣新開就試下啦。下午茶餐蜜糖檸檬汁炸雞扒配肉燥米線+熱檸水 HK$48雞扒新鮮炸起，但可惜炸得太乾😶而且炸粉同雞皮偏厚，無咩雞扒肉，亦無juicy的感覺。肉燥米線一般。😐另外加點左一個小食，醉雞翼三隻HK$25呢個完全無味，一啲醉雞都無🥴雞翼雪得太凍，完全唔好食😫但見其他人點麻辣同蕃茄湯底好似唔錯，但今次點的呢兩樣野食都好一般，只能夠話普普通通。未必會再食米線陣，因為坊間太多更高水準的米線鋪啦😬

I remember now why I don't like going to Shatin on  weekend. There are incredibly long queues at every single restaurant. EVERY SINGLE RESTAURANT! So, you're stuck with places you normally would choose. Such as Mixian Sense.Mixian Sense is a huge chain restaurant serving rice vermicelli noodles or what they call Mixian. Menu is in English and Chiense. There is no 10% service charge.At night they have dinner sets that include an appetizer, main and drink.The drink I ordered was the mango oolong.

返工食晏唔知食咩好，想食下米線，但之前係沙田已經食過譚仔雲貴香唔少次。所以今次食米線陣，有同事就唔好食，但我朋友話好味。試完發現好正！我好鐘意佢啲魚蛋同魚腐好彈牙！好大粒！米線份量都好夠，仲有莞茜我唔食辣，所以試下我朋友個麻辣，如果接受到，下次可以叫。個麻辣好有麻醬味，好香，唔太辣，幾好味。會員仲有得每消費五十減五蚊。雖然清湯都要$48但包左兩餸，減多五蚊其實同其他都類似。但我㩒飛個陣咁啱無紙，所以有兩個號碼食左，之後叫緊二人枱，我話之前個兩個號碼食左，應該到我地。但佢竟然轉左啲枱做一人枱，有啲嬲。

未食晚餐, 唔太餓但又想食少少野先瞓, 就同朋友試下新開嘅米線陣啦。其實之前喺樂富都成日食米線陣, 但有一次去食見到小強, 之後就唔敢去食啦🙈今次都係叫返我最中意嘅農場蕃茄湯底, 蟹棒, 雞脾肉, 朋友再加左生菜同魚腐。 我哋兩個本身都食得唔多, 加上夜晚唔想食太飽瞓, 所以就叫左一碗米線share。如果平時正餐食兩個餸加米線係會太飽, 少米就啱啱好。今次兩個人share食又加左餸, 就啱啱好。蕃茄好足料, 茄湯係我中意嘅偏甜口味, 好濃郁嘅蕃茄味。雞脾肉啖啖肉, 厚實, 好滑😋😋蟹棒正常, 生菜淥得啱啱好, 顏色保持翠綠色, 口感爽脆👍🏻魚腐有啲似魚蛋嘅口感爽口, 都幾好味, 但同我諗嘅外家香脆內軟滑嘅魚腐唔同。米線軟硬適中👍🏻👍🏻我個人好中意食偏甜蕃茄湯嘅米線, 食開嗰間要三點後先有☹️而家有埋米線陣, 就可以唔洗等到下午茶時間, lunch都食到啦😋😋😍

本身是個米線控，因為好鍾意米線既口感好q彈。所以我成日去冇口音既米線鋪食。但今次想試試新野，就去左米線陣。非常欣賞佢有唔同既湯底，偷魚擔擔麵湯底，蕃茄湯，重慶酸辣等等。因為唔食得辣所以今次冇揀重慶酸辣湯，叫左一個蕃茄湯配鹵水雞翼同魚腐。蕃茄食得出佢落左好多糖去整，但我很喜歡蕃茄配上甜甜既味道。非常開胃。而鹵水雞翼非常入味，連入面既肉都有鹵水汁既味道。而魚腐口感亦好好，好扎實。仲有一人餐，包一碗麵，一杯飲品同一個小食。好推薦大家去試試。

星期六見下午茶少人，有位即入，最平都成五十蚊份量不足，連腐皮一片都沒有連送的熱華田也很淡好失望😩!之後我先生用八達通付款，但竟然後來有收銀亞姐追上女厠話有人比少十蚊問係咪我😡，一來週圍很多人，自己清楚就胡亂去話人🤬我不是付現金張單七十幾蚊一位，我們三位的張單明明不是我😒她自己冇留心收錢仲唔好好限進，可能嗰位人兄真心覺七十幾不知吃了甚麼很不值，大家樂集團完全不知所謂

之前一向不太食米線陣，後來因為在金鐘工作，多吃了後我便愛上了米線陣的麻辣蕃茄湯。難得沙田新開張了，我便決定去試食一次，看看味道如何。下午茶時份過去，撞正平日，不太多顧客，我又再次點了麻辣蕃茄湯，豆卜，金菇和生菜，點了一個紅豆冰喝。紅豆冰沒太多味道，很淡的。而那個米線，米線本身有點太硬，好像煮得不夠久似的，而那個湯底是依然一樣，不過米線的口感很受影響，令我覺得不是好吃，都是金鐘那間比較好。不過沙田同場下，還有其他米線可選，我想下次不會再來了。

係沙田新城市行到攰，見到米線陣開左新分店係連城廣場，就去食下。基本一上連城就會見到，先講地點同時間。店面好易搵，不過都要等下位，但相比其他附近環境食店，叫唔係等好耐，而上菜時間都快叫左一個餐豬大腸金菇雲耳酸辣米線包餐飲（價格$60）味道方面，米線係彈牙，軟硬適中。不過湯底偏酸，辣味不足。豬大腸滷水時間夠，唔會好肥，但豬大腸金菇雲耳既分量都好小，反而隨麭而上酸菜量就好足。總括而言，以係沙田黎講，感覺環境易搵，味道還可以，不過餸就真係小。

呢日我地出左沙田行街，已經係一點幾，四周圍都人山人海。肚都餓啦，就響港鐵站上蓋連城廣場揾食，度度都㩒張飛等位啦，其實就想試下呢間新開嘅米線。雖然出邊有其他分店，但我其實係未食過嘅。當其時，我哋手拎住呢間同上海姥姥分店嘅飛等緊，諗住邊間快就食邊間。間米線都好慢下，企左陣都冇叫過入座。我心諗算啦，應該食上海姥姥㗎啦。忽然，又黎個大逆轉，前面成十幾個no走曬冇人。入到去睇食乜，聽到隔離落單俾人叫用apps order，咁我地咪又apps order囉，好鬼麻煩下！！！最終我地落左兩碗米線加雞翼，一碗蕃茄湯底（蘿蔔、肉丸），一碗酸辣湯底（牛肚、云吞、豬腸）。蕃茄湯淡到呢...完全冇誠意！餸又少！冇下次👋🏻👋🏻👋🏻