米線陣 (Citylink)

營業中

休息中

難得米線陣聯乘My Melody, 當然要朝聖一下啦！1. 櫻花蝦招牌番茄湯米線×脆炸雞扒 ＄68番茄湯底配上櫻花蝦，令湯底風味更為香濃出色，加上鹹香味令層次感更為豐富😋。雞扒炸得脆卜卜，香口人士最愛🤭2. 櫻花蝦照燒汁脆炸豆腐磚＄30呢個非常有驚喜！👍🏻滿佈櫻花蝦嘅炸豆腐，不但用料十足而且外脆內軟，必試🥇2. 容易被誤解的粉紅甜心（紅石榴西柚）$18石榴汁飲落清新甜美，漸變粉紅色係各位粉紅控嘅夏日解暑之選🩷

服務態度差到極點，兩個人五點半入到去全場都無人，想坐四人台舒服啲，服務員堅持唔比，逼我地坐二人台。首先成世人都無見過有逼人坐某一個位嘅餐廳，仲要當時有三張四人台都得一個人坐。我地之後問過第二個服務員，佢話好，但係可能要搭台，咁樣咪係正常嘅處理態度囉，個個都知人多嘅時候要搭台同埋盡量預多幾張台，但係依據成間野都無人邊可以唔比人坐？我地坐低左之後，有個經理又行埋嚟逼我地坐二人，態度仲要好惡，即刻無食慾。以前都係買外賣，未試過堂食，估唔到服務可以差成咁。

晚餐試一個二人套餐米線陣，因為早到等位，唔需要太耐，約五至10分鐘。而且位於沙田市中心地段，行完街食野一流。距離港鐵站只需要5分鐘路程非常方便。環境企理乾淨，選用自助點餐app，確保唔會點錯👍🏻。二人套餐，每人一面兩餸，再加一個小食同菜，兩杯野飲。買單每人平均70幾蚊，晚講來講算係抵食👍🏻。服務態度良好，上菜速度亦好快，整體感覺唔錯。

午餐放飯諗唔到食咩，行到沙田市中心米線陣。見到環境乾淨企理，又唔洗等太耐，就試試。等左10分鐘左右就有位。同朋友每人叫左一個米線，價錢方面接受，兩人埋單$100左右。呢個米線自由配，配料係豆卜加滷水金錢肚，四川酸辣湯底。酸辣度恰到好處，金錢肚唔會太韌。擔擔蟹棒雞俾肉米線，擔擔湯好好，唔會太濃。鍾意擔擔面嘅朋友絕對唔會失望。整體服務態度良好，上餐速度比想像中快。鍾意食米線不失為一個好選擇。

工作繁忙，放工夜咗都會食埋飯先翻屋企，有時太攰無咩胃口食飯嘅時候，我就會選擇食米線，而米線陣亦係我首選米線陣最近就推出咗季節限定新餐牌，當然要第一時間去食啦🥢風琴豆腐串 X 風味鹽酥雞 香濃擔擔湯米線 - 季節限定米線，用上人氣湯底 香濃擔擔湯底，以長時間熬製嘅豬骨濃湯，加入花生醬、肉燥、秘方香辛料、榨菜、花生碎等等，每一啖湯都濃郁惹味！其一配料鹽酥雞亦係季節限定新推出，外皮炸至金黃酥脆，食落鮮嫩又夠juicy其二配料風琴豆腐串，盡吸湯底精華，明知會爆湯都忍不住咬落去🥢香蒜茄子 - 茄子微微酥炸後配上蒜蓉和醬料，食落蒜香微辣，我會推介呢款小食🥢雙檸可口可樂 - 在可樂加入檸檬及青檸，雙重清爽感，消膩平衡 (可選正常版或無糖版)🥢肥牛魚腐 麻辣蕃茄湯米線 (轉薯粉) - 呢款亦係我經常食嘅人氣米線，蕃茄嘅清甜搭配四川麻辣湯，酸甜中滲出麻辣香味。而肥牛和魚腐份量都好足夠🥢大汗豬扒 - 厚切豬扒炸得酥脆，沾上麻辣紅油，以蒜香椒香粒墊底，鍾意食辣嘅不能錯過🥢蒜泥白肉 - 食米線經常會叫嘅一款小食，每一口有齊麻、辣、香、爽多重口感，非常醒胃！🌟現凡惠顧任何主餐牌/季節性餐牌米線，即可以25元加配

好耐冇食米線陣啦，同事忽然想話食，所以就黎左啦米線陣我係要等得耐既，係lunch時間黎講，佢唔似譚仔三哥咁可以係app到拎位先，所以等既時間真係會耐d由於耐冇食，真係唔知依家係比個qr code 自己落單，呢點係值得讚既，唔洗舉好耐手先有人落單，同埋自己禁錯冇得賴嘛，呢個不錯喔不過食物真係普普通通，不過不失，唔年話好好食，餸又唔會好多，又唔係特別抵食，但湯底都多選擇既

食到一肚氣！同屋企人諗住係沙田求其搵間嘢食，見米線陣係連鎖店應該質素有返咁上下就入去食。我啊爸叫左碗過橋米線，咁佢冇理咁多第一啖就食舊雞肉啦，點知下秒佢即刻lur出黎話「哇！舊肉凍嘅！」我地一睇就見到舊肉根本完全唔熟，仲有少少血。就即刻叫個侍應黎比佢睇，我地話唔洗你成碗換但至少你整返熟佢啦。好，咁諗住佢見到呢個情況都應該識處理啦，點知佢比返同一舊肉比我地之餘仲要都係未熟透… 個碗麵其他嘢食例如有啲丸都係唔熱嘅。我地都費事同佢拗，啦啦林食完就走其實咁嘅服務質素同態度真係唔得，連最基本啲嘢食要熟都做唔到，仲有由頭到尾一句道歉都冇，以後唔會再黎

夜晚行完街同朋友搵野食，見到附近有間米線陣就入左去。餐牌上有個二人餐，有兩個小食、兩碗兩送米線同兩杯野飲，分量相當足金錢肚、雞脾肉麻辣米線：金錢肚同雞脾肉都唔錯魚蛋、豬大腸重慶酸辣米線：魚蛋無咩特別，豬大腸幾入味，重慶酸辣湯底都ok，可惜無曬薯粉，如果唔係都想試下不過我地都略嫌米線太淋小食一：口水雞小食二：蠔油生菜兩個小食都不過不失啦，不過有菜有肉都照顧到都市人飲食均衡青檸薏米水：落單果陣無得要求少甜，本身都有驚會太甜，結果飲落甜度剛好，只係微甜另外一杯我地叫左檸茶，就無特別影啦。總括而言都不過不失啦，都係飽肚抵食之選。

收工同朋友去米線陣食，都要拎飛排一陣隊。我見佢期間限定有豆花米線 就想試吓～～我哋見隔籬枱有一碟大豬扒好似好正，我哋都忍唔住嗌咗大汗豬扒🌸湯底夠味唔夠辣🥹所以我會叫員工比辣椒油我，我再倒超多落去😹😹😹豆花米線還好，配料多，有酸菜花生腐竹，好搞笑啲豆花係甜嘅，但我覺得都滑嘅幾好味，連米線食一流～同埋好難得有豆腐串😻佢仲要成條上，非常高興🙈🌸最有驚喜係呢個大汗豬扒！！豬扒炸得啱啱好，一啲都唔油膩，份量都好足(⁎⁍̴̛ᴗ⁍̴̛⁎)個辣椒粉係精粹，食到我同朋友不停點頭話好味好味😋總括嚟講，本人覺得米線都算正常發揮，反而呢個豬扒就非常有驚喜，如果再嚟食嘅話我諗都係因為比呢個豬扒吸引！🫶🏽

呢間沙田米線陣新開時已想去試，因為自己好鐘意湯米線，在餐牌上的選擇又很多，由其“黑醋豬軟骨”是我一直很愛的配料之一。每次一個人去新城市買野的時候，我都會走去幫襯😁，而每次點餐都是相同不變的，因為好食，所以值得推介👍：自由配： HKD54鹵水金錢肚黑醋豬軟骨＊轉農場蕃茄湯底＊吾辣的加飲品凍檸檬水 HKD9今次初試小食： 胡麻雞絲 HKD19有驚喜，雞絲肉份量都不少

位置方便，一出地鐵口上樓轉一圈就係，午市客唔多，餐廳人員頗多，安心出行針卡做齊，座位間有隔板，坐低桌面掃碼自助落單，午餐肉+炸醬，炸醬唔啱口味，另湯底無味再見了

尤其無頭髮果條麻甩佬，講野九唔搭八，又橋口，好似同d 食客有仇咁，最怕搵佢落單。野食方面可以，份量ok,食得飽，個人推介大汗豬扒，炸得夠香唔算太乾身，如果食得辣可以一試

（9/1）入去食咗個早餐，叫咗個魚腐牛肉米線。個豬骨湯味精好多，啲米線煮唔淋好難食，啲牛肉鞋過我塊面，成碗麵得魚腐係正常。簡直嘥晒我成個朝早，食碗咁X難食嘅麵，全日心情都唔靚。另外，我朋友叫咗沙嗲牛肉麵，啲牛肉將注啲汁一餅餅。真係好難唔比負評！

較早之前去沙田行街， 想食個份量不太多但又飽肚的下午茶。發現原來新城市廣場有好多選擇，最後給米線陣的餐牌吸引了，就入去坐啦！之前我於大埔的米線陣吃過早餐， 價錢算經濟及實惠。 這次有機會可以一嘗這裏的下午茶，一試都給大汗豬排嚇到了。原本想食酸辣麵，但原來已經售罄，所以改做香濃擔擔湯米線+豆腐串+大汗豬排！大汗豬排似乎是這裡比較美味的食品，我見很多人都點。大汗豬扒的確香口，外表脆脆的，豬排內不算好多肉汁，但口感豐富！米線都是不過不失，正常發揮，反之我覺得飲品比較甜。男友點的牛肉麵都不錯，餸都多，下午茶來說已經是足夠。整體上不過不失，說很美味都只能說大汗豬排是唯一可以留著人胃口的，還有，價錢還是實惠！另外，環境唯一不滿的地方就是坐位比較狹窄，感覺坐著就迫了。哈哈！米線陣：沙田沙田車站圍1號Citylink1樓102-103號舖

沙田新城市呢邊真係慘到無倫，幾時去米線陣，午市時間都是攞到飛，然之後等了5至10分鐘沒有怎郁動，於是都要放棄。這天早一點去政府合署搞工程，然之後多了10多20分鐘才能夠來到進食。主要是因為新城市附近都沒有什麼好吃，近期覺得譚仔或者譚仔三哥的米線份量都偏小，於是都想去之前在東涌的時候，米線陣都算是與友人或是前上司經常到的地方。另外就是看到期間限定的推介，即是鹽酥雞擔擔湯豆卜串米線。現在都是用手機自己掃碼落單，又要用手機真麻煩，明明請了不少員工，落埋單其實都沒有問題，可能這是由於店方想慳時間，或是落錯單都可以將責任推卸到客人吧。因為我最近發覺到運用電子支付的問題，例如信用卡有一個號碼，將它連接到手機又有另一個號碼，跟住在西班牙時裝品牌zara購物後，因為發覺大小以及款式都不對，然之後退款的時候，即使你拿着同一張卡，但由於號碼不同，結果你還是要拿妻子用來支付的電話去，才能夠退款。這間米線陣店子不大，其實內裏位置都挺多，不過就較為擠迫，而且需要搭枱。米線份量的確好像比起譚仔多少少，碗子都可能大少少， 以往 覺得譚仔份量已經很多，不過現在竟然是連鎖式的米線陣比它還要多；擔擔醬的花生味道不算太濃，