米線陣 (PopCorn 2)

喺今次嘅用餐體驗中，沙嗲牛肉即食麵餐係我最期待嘅選擇🥰米粉嘅口感滑嫩，搭配沙嗲醬嘅香濃，令整體風味更加豐富。餐中附上嘅丹麥多士，外脆內軟，搭配炒蛋，簡直係完美嘅早餐組合。餐肉嘅鹹香亦為呢道菜增添咗唔少層次，令人回味無窮。另一道仿鮑魚火腿通粉餐同樣令人驚喜，通粉嘅彈性適中，同醬汁嘅結合恰到好處。餐包嘅鮮香，加上炒蛋嘅嫩滑，令人有種溫暖嘅感覺。而加雪菜肉絲米粉嘅選擇則帶嚟咗唔同嘅風味，細米粉吸收咗肉絲同雪菜嘅鮮美，食上一口彷彿置身於家常菜嘅溫馨。最後，熱港式奶茶同凍港式奶茶嘅搭配，無論係熱騰騰定係冰涼，都係完美嘅解渴選擇。整體嚟講，呢餐唔單止味道出色，更係一場視覺同味覺嘅雙重盛宴！…查看更多

今晚外出晚餐。 看到這家米線陣有大量座位，所以係度癲拿。點了三款米線，再單點一份大汗豬扒。胡椒花甲豬肚雞肉米線圖片很吸引，所以點這款，但真身跟餐牌有區別。花甲真係有六隻，有雞肉和豬肚。可是真身跟餐牌對比，總覺得很大分別。花甲，沒有鮮味，大集團，心照。湯底胡椒味不太濃，沒有特別醒神，攻上個鼻的感覺。豬肚和雞肉軟綿綿容易咬，米線彈牙要咬多几下。大汗豬扒    此店名物，單點一塊廿五個大洋。豬扒呎寸跟套擔擔米線餐的豬扒一樣。  炸豬扒外脆內嫩，還灑滿辣椒乾及香料，味道好似卡樂B。 擔擔米線配大汗豬扒  小米喜歡辣，所以點這個。五十個大洋有二款，每款平均廿五蚊，計落更優惠。保證小米食飽飽。大大碗特盛米線 小米之父點的，大大碗，多多料，可解決選擇困難症。…查看更多

放工後真係諗唔到食咩，就隨便入咗米線陣。呢度選擇多，湯底同配料可以自由揀，價錢都算平，啱晒又想簡單又想食飽嘅日子。其實每次都會叫大汗豬扒擔擔湯底，貪佢湯底夠惹味，有少少花生味，好開胃。大汗豬扒辣辣地，香口得嚟又有啲肉汁，每啖都好滿足。不過每次食呢個都食到成身汗，佢真係無改錯個名，越食越大汗！😅環境方面，成間店乾淨企理，燈光夠柔和，坐得幾舒服，雖然高峰時段會多人，但上菜速度算快，唔會等太耐。最開心係職員都唔會趕人，食完仲可以慢慢坐陣先走，幾舒服。呢度真係適合返工後搵個地方放鬆，簡單食餐飯又唔使洗太多錢，唔知佢其他湯底係咪都咁出色呢！🍜🐷😊…查看更多

人地嗌微辣，一黎到辣到好似小辣中辣咁，唔緊要，同職員講，佢仲話呢隻湯係咁辣架喎！咁你分辣既程度黎把鬼？呀姐，我叫既係微辣，到底知唔知咩叫微辣？仲要勁多油，睇到都唔開胃，要我主動叫佢俾碗清湯加落去筆走啲辣油先勉強食到🤷🏻‍♀️🤷🏻‍♀️🤷🏻‍♀️…查看更多

今日放工去咗將軍澳米線陣食晚餐～今日係一日晚餐，所以只叫咗個大汗豬扒擔擔米線米線陣經常幫襯，但不得不提每次嗌大汗豬扒擔擔米線每一間分店嘅水準都係一樣冇參差。豬扒熱辣辣膽卜卜～好鍾意米線嗰個湯底，十分之濃郁，加埋榨菜好好味。不過榨菜多啲會好啲。另外本身嗌錯咗外賣之後轉堂食，同服務員講佢哋都即時準備返俾我，好細心服務一流地方舒服寬敞，環境衛生好乾淨，完全係值得一試仲有特色嘢飲，可以加。見到佢而家仲有個新出嘅米線，下次會再試…查看更多

我今早去將軍澳行將軍澳跨灣大橋慈善行，行完就和同事順路去位於唐俊街9號 Popcorn 2地下 G50B號舖的米線陣食米線。我點左A餐：豬骨濃湯炆冬菇魚塊米線$53，餐飲係熱咖啡；好友點左D餐：招牌番茄濃湯牛肉片芝士魚腐米線，餐飲係熱華田。魚塊、牛肉片和芝士魚腐好味又好食。米線滑溜彈牙，好食。…查看更多

原本對米線陣無咩興趣，但之前見朋友試過外賣都okay , 　所以俾次機會試下。平日下午茶時段，叫左仿蟹棒雞髀肉米線$47 轉左鮮茄湯底+$2 連熱飲一落單，一分鐘都唔夠就上菜，心知不妙。雞髀肉熟但凍既，滾返熱佢得唔得呀？ hea 到咁 👎🏻仿蟹棒 正常。 配菜：腐竹乾硬。鮮茄湯底 有幾塊+粒蕃茄，湯底無蕃茄味。米線 唔好食碗野真係食唔晒，因為太難食。衞生欠佳，枱面有食物漬。 未用過的筷子也是油淋淋。服務態度好差，唔係要五星級服務，但幾個staff 　都好黑面。連俾錢個收銀都要拍落我部電話（用電話比緊錢） ，一句唔好意思都冇。一定無下次！！…查看更多

之前食過米線陣，覺得好普通，今次隔左好多年再黎試下，估唔到印象可以改觀我地叫左1️⃣自選米線💰63肥牛、豬大腸、豬軟骨、麻辣蕃茄湯米線好鍾意佢個湯底，麻辣蕃茄湯又酸又辣，好惹味，米線煮得啱啱好，唔會太軟身。肥牛豬大腸豬軟骨都好食，略嫌份量比較少。🫣2️⃣自選米線💰58牛肉、韭菜、潮州白魚蛋、重慶酸辣湯烏冬麵男朋友鍾意重慶酸辣湯底，冇蕃茄麻辣湯底嘅鮮甜，會偏酸辣，米線轉左烏冬麵，烏冬係扁烏冬，食落滑溜，我覺得加錢轉咗都幾抵。牛肉片、韭菜同潮州白魚蛋冇乜特別，正常水準。😚3️⃣大汗雞翼💰35雞翼係小辣，面層好多蒜蓉辣椒粉，好似沙漠嘅沙咁，雞翼炸完加埋呢啲粉，外脆內嫩，好惹味😋消費價錢：2人💰156，人均💰78結論：（10分為滿分）味道：7/10性價比：7/10回頭指數：7/10餐廳名稱：米線陣餐廳地址：將軍澳唐俊街9號PopCorn 2地下G50B號舖…查看更多

其實都唔算新，不過見佢寫期間限定，推薦湯底，於是試吓—— 辛辣魚湯米線，我唔知係本來係咁難吃定係只係呢間咁難食，個湯底超咸又辣，啲米線淋到爛，一夾就散，得個幾塊魚片，食完好吃吃咗空氣咁🥹😫😩 總之整體感覺係好差…查看更多

好耐無食過呢類主打米線嘅餐廳，有時諗唔到食咩間唔中食下都唔錯。揀嘢食基本上都唔使點諗，就算好多嘅日子等位都快，簡單，方便。小食：黑醋豬軟骨，酸酸哋一啲都唔漏，炆得好淋，幾好。日式溏心蛋，個蛋黃半生熟好吸引。香菜豬骨濃湯：特盛米線(+$3轉配薯粉)，大大碗，每款餸都有啲，咩都想試嘅就啱喇。鮮嫩魚塊，滑牛肉片，(+$2轉招牌蕃茄湯)米線，魚肉應該係凍肉舖鯰魚，牛肉唔韌，不過湯就淡咗少少，整體都唔錯嘅。…查看更多

有時輕輕鬆鬆食個早餐也不錯我今日我叫了蕃茄牛肉通粉，最喜歡這間茶餐的的湯底不會太鹹。蕃茄湯沒有太酸，通粉煮得剛好, 不會過冧，浸在蕃茄湯中幾好吃。牛肉份量算不少，做得不錯。我其中一個原因為何到這餐廳是因為大部分茶餐廳都是沙嗲牛肉，我覺得不健康，但這間餐廳有蕃茄牛肉通粉。雪菜肉絲米粉，也正正常常起碼不會像一些快餐店般油膩。兩個早餐都可以自選配料，有雞蛋、火腿，午餐肉、香腸等等。奉送的不是一般白麵包，而是餐包。這間餐廳的餐包是軟綿綿的，而且暖暖地值得一讚的是這間餐廳的員工非常有禮貌，而且上菜速度快，但熱辣辣！…查看更多

若果喜歡吃米線的你，可以選擇米線陣，他與有名氣的米線店都不相伯仲啊，而且有很多小食可以提供，選擇非常多元化，可以一試！❤️❤️❤️每次點米線，我都喜歡點酸辣湯，或者麻辣燙，他的麵線比較有咬口，而且餸菜選擇多，食材都是非常新鮮，因此湯底很重要，襯托着整碗米線！😋😋😋他的小吃都很特別，我們最喜歡點的是麻辣雞翼，有很多香料在上面，非常惹味，喜歡吃辣的話不妨一試！至於環境方面，他的位置很方便，一入商場門口便是，而且位置很多不用排隊！…查看更多

得閒就會黎米線陣食佢個魚腐肥牛麻辣、轉薯粉仲好食😋溏心蛋同大汗雞翼都是至愛，蛋配個個針甜甜地都好食，炸雞翼出面脆脆但入面雞肉好嫩滑，多汁，呢隻雞翼超好食👍🏻必點～…查看更多

坐咗入去10分鐘，舉手大聲，叫咗四次，啲職員隻眼識飄，個個當人透明就算要走都唔會問咩原因，非常失望，如果係非常忙，絕對會體諒，但係如果職員本來就唔忙，喺度行嚟行去咁得閒，正常都會睇吓啲啱啱坐低嘅客幾時要落單…查看更多

從來無諗過自己會為左一碗麵去寫食評我原本係譚仔酸辣湯底既愛好者要另外加皮蛋再將皮蛋既辣油加埋落酸辣湯底一齊食！先至最好食！但今日意外地去左米線陣試左佢個重慶酸辣真係返唔到轉頭！我叫左少辣，對我黎講辣度剛剛好好香！因為有好多配料！有酸菜，芫茜，仲有我最愛既花生！我無食米線，+$3 轉左薯粉，有好咬口我呢個仲要係午餐，包熱飲叫左熱咖啡，竟然真係即磨！好飲過Ｍ記即磨咖啡！我相信我今次食過之後，我會上癮…佢個重慶酸辣真係好惹味！！…查看更多