米籽 (Park Circle峻巒)

營業中

休息中

第一次食花甲米線，睇圖片幾吸引，所以就叫來試吓，份量都0 K,可惜味精好重，食完勁口喝，應該都係大陸集團店，國內店都好喜歡食味精👎朋友就話佢個海鮮泡飯好好食，咁我就唔知啦，因為對佢冇乜期望都係怕佢啲味精好重

叫左兩碗金湯花甲盛宴米線🤓金湯好開胃～酸酸辣辣，好啱我胃口。👍🏻👍🏻超多花甲，1.1磅好似食極都有～一個人一碗一定夠哂。花甲粒粒飽滿鮮甜，無沙但有啲殼碎仔。冇額外加餸，金針菇本身跟埋已有。凍檸茶啲檸檬係冷壓檸檬👍🏻對食物荒島park yoho嚟講我比5星好評👍🏻👍🏻👍🏻下次再試下金湯酸菜魚或者烤魚食物種類可以再多啲～～加油👍🏻希望幫到平反評價🤣🤣唔會至於一粒都冇嘅！

諗住有新鮮感有新餐廳，抱住期待去食，點知個重慶酸辣湯底鹹到黐線，都算，着黑衫T恤戴眼鏡，4-50歲嗰個經理，同佢反映咗之後，毫無反應，更露出一副不屑樣子，差評！最後頂唔順，拎咗返屋企轉湯底。

期望變失望😭💔Park YOHO 餐廳唔係好多選擇～ 終於等到新餐廳開張啦，同隔離牛奶冰室好似係同一集團！店面裝修都幾靚，好光猛，睇餐牌個時店員有衝出黎熱情推介，餐牌D相都好吸引，最後叫左碗外賣重慶酸辣花甲米線$76，號稱每碗有1.1磅花甲～！但係…食落之後就有D失望，首先米線就係一早整定淋哂個D💔 我最怕就係食到呢D，此外花甲唔算好鮮味，食到幾隻成口沙… 最後，食哂成碗米線，仲係好肚餓😭 💔💔💔佢仲有好多野食既，但下次如果仲會幫襯就一定唔會再叫花甲米線😭🏠店名：米籽 (Park Circle峻巒)🚘地址：元朗青山公路 - 潭尾段18號Park Circle峻巒地下117號舖

今午幫襯咗元朗ParkYoho內ParkCircle商場新開的"米籽"，點咗佢哋嘅招牌米線。我將米線底改咗做薯粉，料頭豐富，有魚蛋、金菇、豬腩片、雞絲、響鈴、生菜、芝士腸、豬肉丸、滑牛肉丸同埋素鵝卷，真係十分豐富，絕對冇得輸。不過湯底就令人有啲失望，感覺加咗好多味精，食完口乾舌燥。配菜方面，油菜新鮮爽口，幾好食。最後仲叫咗杯鴛鴦，味道中規中矩。整體嚟講，米籽嘅招牌米線料足味豐，但湯底可以再改善。如果你想搵個飽肚嘅選擇，呢度都算係一個唔錯嘅選擇。不過如果你對湯底要求高嘅話，可能要三思。