米炊

第一次幫襯，平日時間夜晚7:00，地方闊落，坐位舒適，適合聚會聊天，食物價錢150-250，有套餐同單點選擇，主要食滑旦飯配餸，飯底有日本米同日本穀米同蔬菜底選擇。牛腰柳同漢堡扒過熟，有嚼口。牛脷算是當中比較好。…查看更多

12點45分午飯時間，前面兩對 2 人，跟住係我同同事3人。一開始餐廳入面明顯有一張 4人檯已經空置。前面兩對用 15 分鐘先後入座，嗰張4人檯依然空置，唔知以為係under reservation。我前面嗰pair 二人入座 5 分鐘後，終於到我入座，但竟然係安排坐嗰張空置咗 20 分鐘以上嘅檯。真係令人無語😒點解唔一早就安排我地入座，明明前面都無 3 or 4 人嘅情況下？我無辦法理解呢間餐廳嘅喺繁忙時間嘅安排。…查看更多

📍 今次嚟到人氣米飯專門店「米炊」，主打自家製漢堡扒配日式咖哩～雖然餐廳環境舒適，但服務略顯慢熱，叫人有啲小等候。不過食物質素真心唔錯，完全補返分數！✨⸻🍛 自家製日式咖哩飯用上 雪梨、蘋果、洋蔥、番茄、芹菜、甘筍、薯仔等蔬果 加印度香料慢煮，入口係經典日式咖哩嘅甘甜濃郁風味，完全唔辣，小朋友都啱食！同綿滑嘅米飯 + 流心蛋一齊食簡直係完美配搭🥹💛⸻🥩 特上烤牛腰柳牛腰柳偏瘦但出奇地唔柴，肉味濃郁，熟度啱啱好～如果可以揀五成熟或生食版本應該會更juicy，啱晒鍾意牛味重嘅你！🦆 慢煮香烤鴨腿今餐最大驚喜！低溫慢煮令鴨腿內裏保持嫩滑，外皮微脆帶點油香，肉汁爆滿、肥美juicy，絕對唔輸俾法式鴨腿🧡！⸻👀 雖然餐點出色，但人手安排明顯唔足夠，叫人時常等好耐，有時好似「無視模式」開咗咁，希望日後可提升下服務質素！…查看更多

諗住同朋友坐得舒服啲，就揀呢間餐廳。點知。。。。。入到去食物系凍嘅，除咗汁係暖嘅。我相信一般煎雞扒同牛扒都要10-15分鐘先會上, 但係我係驚喜到5分鐘有嘢食，其實真係質量。 仲差過一般連鎖嘅快餐店。到塊炸蓮藕簿片心諗應該喺脆卜卜熱辣辣，點知系諗過啲過期薯條。 叫咗一條魷魚鬚， 好明顯系翻叮，韌嗰條橡筋。 我應該唔會再返嚟，亦都見到呢個品牌唔會再考慮。非常極之失望。…查看更多

今日同女朋友去食中午飯。因為因為放假去街，所以冇乜所謂。平時唔會食咁貴，去到附近見到佢有春季套餐、牛小排蛋包飯、咁就入去食。因為未食過，所以問侍應幾個問題例如個餐點樣計？餐飲係啲乜嘢？負責嗰位小姐回答得唔係好耐煩、語氣態度都幾差。啲嘢食嚟到嘅時候又多油。其實個味道唔錯嘅，不過太肥膩。埋單嘅時候就咁攞張單過嚟又冇個盤、找錢嘅時候又就咁拎咗啲錢過嚟。我睇過成間餐廳大部份嘅侍應都好後生而且表現出嚟一啲都唔專業、態度又差。真係唔值得$200一個餐。一定唔會再幫襯。…查看更多