米子燒肉家

營業中

休息中

第一次一行十三人嚟試吓個燒肉放題先～ 刺身新鮮好食！三文魚、帶子、油甘魚同飽魚刺身特別出色👍🏻燒肉海鮮款式多，牛舌出色、魷魚好食！估佢唔到仲有鍋叫㖭😍！其他平均嚟講都係好食～ 絕對唔係Hea住交貨🤗食材新鮮好味！就連牛油、麻醬都有得Order！芝士雞肉大大兜芝士🧀呢度每一個職員都好友善、好細心！❤️最值得稱讚👏🏻 因為呢度職員既友善令我好想嚟呢度讚下佢哋🥰我哋一家人食得好開心❤️👍🏻會再嚟幫襯。

原來米子燒肉家除了燒肉外，還有我最愛吃的壽喜燒！友人點了米國盛知盒定食燒肉，我就點了牛五花壽喜燒150g~-一上桌，壽喜燒鍋滿滿的蔬菜🥬有冬菇、金菇、娃娃菜、豆腐，仲有一大個福袋，福袋份量十足，咬落去爆汁，好驚喜🥰豆腐入口嫩滑，壽喜燒配料食材新鮮-牛五花滿佈油脂，肉質鮮嫩，而壽喜燒為我最喜愛牛之食法，經由醬油、清酒、味醂三大壽喜鍋靈魂，以等比例混合調製而成，甜甜的湯汁鍋底加上牛五花係一流！-淥過牛肉既湯汁更為惹味，套餐附送烏冬～呢個時候落翻個烏冬係絕配🥰- 下次會再來encore壽喜燒鍋💕💕

近近地唔想搭車去太遠，原來屋企附近都有得燒肉雖然餐廳有任食menu,但今日唔算好餓，見到有定食就決定黎個燒肉定食🫶🏻-米國盛合定食有三款特選美國牛，套餐仲包和風湯，沙律或泡菜，冷麵或珍珠米選一款，今次點既係150g,大胃王既話可以揀300g-牛肉色澤鮮豔，鍾意食唔同口感既話3款牛肉都能滿足大家，有肉質嫩口油花滿佈，亦有稍為乾身但肉味香濃，輕易燒至網紋，份量岩岩好蕎麥面清爽，中和翻牛肉味剛剛好～～-最surprise係有甜品，仲有埋糖水食添！餐廳職員好nice, 感覺好有人情味下次黎試試佢既海鮮燒肉放題先😎

有烤肉套餐，份量足，又有多款焗飯，坐得舒服，職員服務態度好，又冇時限，大胃王又可以點烤肉放題，飲品種類多，啱一家人嚟食，小朋友可以自己慢慢燒，如果放題有多啲甜品選擇就更好啦！

📍大圍美田路30號美林邨熟食亭1-4號舖💰人均 300 HKD (晚市)大圍美林邨係上年開左間燒肉放題，咁啱屋企人又話想食燒肉🍖就約埋收工一齊去試下佢。店舖裝修簡約，選址於美林邨熟食檔。晚市燒肉放題套餐有三款可供選擇，分别係「梅」,「竹」,「松」，我地第一次來就揀左中間嘅「竹」試下，限時120分鐘。呢到嘅店員非常友善，原本book左8點鐘，我地早左十五分鐘到，店員都邀請我哋入去坐，並同我哋講會照提供八點後入座嘅優惠我哋🥰 ~「竹」放題套餐（8點後入座 HKD$328）食物方面，肉嘅選擇都幾多🥩🍗🐽仲有唔同嘅海鮮🦐🐂，熟食種類都豐富，另外仲有壽喜燒可以一路燒肉一路shabu shabu🍰甜品種類較少，鍾意食甜品嘅人就可能會有啲失望啦🥲🍖燒肉大部份都幾唔錯😋但可惜嘅係，有部份肉未解凍好就上枱🥹有啲扣分🦐海鮮款式雖然多，但係味道麻麻🥲無乜海鮮味～💵價錢合理🥩肉類唔錯，但如果全部都解凍好會好啲🍰希望多返啲甜品

星期六晏晝3點幾食，本身諗住食燒肉，不過諗諗都係食焗飯，同女朋友叫左個t01（鮮茄大胃焗飯（腸仔/雞扒/豬扒/漢堡扒））飲熱朱古力$53，再加t03（牛摩皇芝士焗飯（牛扒/一口牛肉粒））飲凍奶茶$55+2。焗飯要等耐少少就緊，鮮茄焗飯到先，女朋友一食，只可以講啲飯同汁係暖，我試左一啖飯，啲汁都係茶記嘅茄汁底，唉算啦日式燒肉店唔係食汁呢，可能啲牛好好食，之後見到個伙記揸住碟焗嘢行左一圈，去左另一將枱準備放低，果枱客已經話食緊，不過嚟錯左，佢地係叫左個t01食意粉，個伙記又揸住碟嘢去check單，發現兩碟野掉轉咗，跟住行嚟我嗰邊，問我介唔介意食意粉？我梗係唔得啦，天氣咁凍想食飯，之後就同我講要等5分鐘整返個焗飯俾我，等咗5分鐘之後最後嚟咗個T01焗飯，我望一望點解我嗰T03會有鮮茄汁，望真啲都係嚟錯左，等咗咁耐換咗一次都係錯，所以我就硬食左。

嚟食咗5次，啲丼飯太鹹，送嗰杯冷泡茶唔知乜茶嚟，味道好怪。但價錢就中規中矩。環境係坐得舒服嘅。次次都送漏嘢，啲烏冬同燒肉時不時有啲黑色一點點，好唔衞生。收節日費又唔講明收幾多，手機落單同實體menu價錢又唔同。唔會再食。

5號見KKday有快閃優惠半價咁就試下個任食120分鐘澳洲和牛放題送蟹腳,宮崎和牛,生蠔，到左琴晚去食，卜左6點去到得1-2枱客，冇耐就full晒坐低同職員講係KKday買左飛，佢就問我買左咩餐,幾錢由於星期五,六,日需要加$20,係KKday揀日期果時已經計埋，去到只需要俾正價加一，但啲職員全部都唔知，話要加$20重已經加左係單度，唔理佢住喇埋單再講，俾左個code我地落單但入到去係白畫面load唔倒，之後幫我換過張（張單顯示正價5百幾/位）應該係佢電腦出唔倒優惠個code，有啲亂擾攘一輪終於落到單，送既盤：宮崎和牛真係好好食，生蠔都有啲蠔味，鮑魚係熟既冇乜味，元貝都大隻，蟹腳一般，魚好滑，自己落單既：一口牛唔錯，蝦得個身急凍既，醬油漬魷魚鬚幾彈牙但好咸，芝士雞唔錯，其他就一般般，總括黎講如果正價我唔會去食

今日去友人屋企，留到晚上帶我們到附近搵食，天氣凍凍地自然就會想食暖笠笠嘅嘢，於是搵左近近地既燒肉餐廳，就係美食亭，友人食過都話唔錯！其實裝修真係好新淨，因為又想食燒肉，但係唔想食到好飽，燒肉放題都好吸引，價錢都好相宜，姐姐力 sell 我地試放題話好抵食，雀仔胃既我地燒肉定食套餐就啱晒！我地叫咗兩個套餐，米國盛盒定食300g $198 &澳洲盛盒定食300g $146，包左湯，沙律/泡菜，+$6 有紫菜飯同埋飲品任飲，甜品任食! 勁正，燒肉套餐同時可以享受放題嘅甜品飲品自由，啱晒我哋呢啲女仔食！澳洲和美國牛肉牛肉上碟已經覺得啲紋理清晰，肉質和濃郁的牛肉味，因為share 食覺得2者都好唔錯喎難分高下，澳洲比較濃味d，色澤鮮豔，自己燒既肉就特別好味，嫩滑多汁。紫菜飯 +$6飯嘅份量好多，加咗紫菜飯同埋燒汁，盤買牛肉一齊食 ，一大碗飯都可以清哂！配埋沙律 同麵豉湯 一齊食 真係超級滿足！好夠飽！飲品汽水，紙包飲品，茶就有菊花普洱同埋鳳梨，啤酒都有，選擇非常多，原來仲有生菜可以夾肉食添呀！甜品最開心既時間，因為有唔同味道既啫喱，芒果布甸，西米露同埋紫米露，完全係符合我哋嘅口味， 芒果啫喱係滿

這間餐廳啲肉太難食，很硬，咬不開，我好懷疑以上的食評是假服務員對自家餐廳的食物缺乏知識，其中一款牛肉套餐，餐牌只寫包含三款牛肉，但沒有註明是那個部位，如是者，詢問服務員，竟然她會這樣回答：「咪就係牛肉囉，點知邊個位喎？比到你邊個位咪邊個位囉！」如果你係客人你聽到你會點諗？你當我傻㗎你比咩我就食咩呀？直情無藥可救，不知所謂，不會有下次！

我哋嗌咗澳洲盛盒定食（300g：$198）同埋米國黑毛和牛定食（200g：$218）咁首先講咗澳洲盛盒定食先啦（佢就有三款澳洲特選牛肉）三款牛肉食落去其實都幾滑嫩🥰🥰而且食落去都好多肉汁口感食落去都幾唔錯唔會太乾🤩🤩 我就揀咗要加$6要紫菜飯嘅🤣🤣所以配埋一齊食就會更加入味之後就講吓嗰個米國黑毛和牛啦我覺得呢款牛肉食落去比較有口感油脂分泌好均勻😘😘食落去亦都唔會覺得好Heavy同埋我真心幾鍾意呢個網😙😙因為燒落去牛肉會有嗰個坑紋好靚（而且都唔會好容易燶）最後就講埋我哋嘅嘢飲同埋甜品啦（甜品係可以任食嘅‼️‼️）我揀咗要巨峰乳酸梳打（$24）呢杯飲落去味道幾酸酸甜甜而我朋友就揀將要百香果梳打（$24）甜品方面主要有紫米露、西米露、啫喱同埋雪糕😝😝我自己就幾鍾意咁佢哋嗰個西米露因為飲落去味道真係幾濃郁👍👍雪糕方面我就比較鍾意榴槤雪糕食落去榴槤香味真係好重值得一提嘅係其實佢哋都有做燒肉放題⭐️⭐️如果有興趣嘅話都不妨可以試吓

早在 米子燒肉家 粉嶺開業時已經很想試不過新舖開張實在有很多人排隊 所以放棄估唔到大圍最近都開左新舖 決定同表妹去試試難得是開心星期五 於是決定叫個任食燒肉放題我地揀左A4日本和牛套餐和牛新鮮嫩滑 雖然未至於入口即溶不過油脂分佈得均勻 輕輕一燒已經出油燒得外層輕微香脆 食落口感紮實 牛味濃厚而且帶牛香肉質軟滑 整體都尚算不錯套餐唔單止得和牛一款 還有好幾款可以挑個人感覺CP值還算不錯 絕對可以一試個人好喜歡厚切牛舌 燒後爽口帶脆唔會韌除左和牛仲有豚肉雞肉 豚肉選擇都不算少簡單不需要太多調味既豚肉燒後已經非常鮮味味鮮爽口滿有驚喜的肉類以外亦有海鮮 魚類帆立貝生蠔甲羅燒用來拌飯實在一流少不了仲有羊架 入口香酥肉質細嫩 連日式餐廳既串燒前菜味淋魚干都有套餐除左包主食 仲有埋沙律熟食野菜炸物同甜品炸物種類都唔少 多春魚、大蝦生蠔...全部新鮮即炸 上枱仲熱烘烘香酥可口 而且味道都唔錯燒肉熟食過後 仲有日式喜壽燒 雖然只是小小一窩但內容非常豐富仲有雪花肥牛隨煲一併上枱肥牛油脂雪花分佈平均 入口油香味濃 質素不俗除左套餐任食 飲品都係任飲架除左有罐裝/紙包飲品仲有啲特色冷泡茶飲好似菊花普洱、洛神花

米子燒肉家 - 大圍今次去到大圍美林邨，見到一間叫左米子燒肉家既餐廳，非常吸引。餐廳以木色同粉紅色為主調，牆上仲有貓貓同櫻花的圖畫，令整個環境感覺更加帶出和風感覺。餐廳隔離就係一個巴士站，非常方便。而且就算響大圍站行過去大約都係10分鐘左右今次就叫左「松之燒肉」米子燒肉放題。就咁睇個Menu都覺得好吸引，120分鐘任叫日本和牛、豚、雞、海鮮、炸物，仲有啤酒任飲。牛方面又有宮崎A4和牛赤身又有日本A4和牛肉眼又有宮崎A4和牛壽喜燒，海鮮方面仲有銀鱈魚扒又有甲羅燒。真係相當吸引。前菜方面，有蟹柳青瓜絲同煙三文魚沙律，食燒肉前有啲沙律菜食下，非常開胃清新。肉方面，先講牛肉，就咁睇牛肉的色澤同紋理已經非常吸引。每舊牛食落既口感同油脂感都很香很嫩滑。羊架很大舊很足料，不會很重羊臊味，肉質都厚實，味道不錯豬肉方面，豬頸肉肉質彈牙爽口，而且厚實，值得一試海洋方面，都非常新鮮香甜，生蠔及帶子的海鮮味都非常特出，由如在口腔內暢游一般，值得一試。牛油三文魚同甲羅燒配上米飯真係非常非常吸引，特別甲羅燒都叫左幾轉，真係白飯小偷。除左燒肉外，仲有一個鍋物-和牛壽喜燒，可以一邊燒肉一邊食牛肉壽喜燒，非常特別。壽喜

一行四人平日夜晚8:00後入座，叫左松set，勁多野食，職員服務勁好！時不時會問你洗唔洗換網，又會主動幫手收走無用既碟。唔好以為仼食就無靚野，宮崎A4和牛赤身，日本A4和牛肉眼，仲有美國黑毛和牛三角，勁好食！油花分布平均，末去到入口即化但都真係好好食！食肉食膩有得食下沙律，又可以食下菜同炸物。好驚喜既係佢仲有得燒肉格黎加個壽喜燒焗，仲要個壽喜燒一啲都唔hea ，唔會太甜，又可以食下菜，又可能淥下A4和牛。最開心係佢既海鮮，甲羅燒真係不得了，食得出唔係凍肉店cheap cheap甲羅燒，上面仲有蛋黃同蟹子，OMG！燒完熱辣辣，再叫左個紫菜飯，佢係白飯小偷。燒生蠔都正，唔算勁大糖，但一啲都唔細，燒完落反小小檸檬，正！佢仲有得燒扇貝，燒蜆，雞泡魚干！燒尤魚，鮑魚！三文魚，燒菠蘿，杏包菇姨都都有！太多，不能盡錄。甜品同飲品係出面自助仼拎，食完真係勁飽勁滿足。總結:雖然佢唔係好平既仼食，但佢食物既質素對得住佢既價錢，仼飲飲品都唔係普通飲品，有椰子水，柚子有氣水，啤酒果啲都係仼飲。食肉食到膩又食下沙律/菜，燒住海鮮再食下壽喜燒，成餐飯個口同對手都無停過🤪絕對有下次。

之前食開間雞煲轉左做燒肉店之後，第一次黎幫襯選擇都幾多，有定食，放題，丼飯價錢豐儉由人我地就揀左燒肉餐食定食仲包括和風湯，飯/冷麵，泡菜/沙律，飲品最開心有甜品任食有唔同口味嘅布甸同啫喱，仲有西米露，紫米露肉無醃過原汁原味枱上有鹽、七味粉、燒肉汁、蒜蓉汁、韓辣醬可按自己口味添加米國黑毛和牛定食 218/200g 油脂分布平均，牛肉味濃200g真係份量超多，食得好满足澳洲盛合燒肉定食 $198 /200g有三款部位，肉質鮮嫩多汁配埋啲醬汁，泡菜，唔錯喎估唔到幾有質素，抽風都做得幾好食完都唔會有油煙味