籠太子點心專門店

營業中

休息中

今日難得放假同老公去左lee間米芝連介紹既點心店。一早去到巳經好多人排隊。可能因為我地得兩個，所以好快就可以入到去。門口裝橫綠色普普通通。入面天花就掛左好多白色雀籠。感覺同一般茶樓唔同有點fushion味道。坐位唔太迫但又不能講得上係寬敞。點心紙得一面，但好多野都想試。4件既海皇芝士千絲卷-外脆內暖。入面仲有鮮蝦同芝士。係必食之選。皮蛋义燒腸粉勝在夠特別！皮都好薄！叫到成枱都係！ 我地仲叫左蝦餃,藥膳雞腳，棉花雞同奶皇流沙飽。蝦餃同藥膳雞腳一般。有點失望是蝦餃皮有點厚，但蝦是有鮮味的。藥膳雞腳就唔夠味。同埋好油！雖然我知雞腳加湯會油，但好似又過份左。另外叫左下面個不得不提既原隻鮑魚燒賣。Lee 個係食完都回味（好似好誇張）?都唔誇，因為隻鮑魚一食係超有鮑魚味，本人都去過唔少其他酒樓食過所謂既原隻鮑魚燒賣，但係無味。$27兩隻真係超抵食！記得去到要點呀！下面個奶黃流沙飽都係必叫之選。奶黃多到流出黎！唔係好似有d酒樓入面係乾左既奶黃，亦非常有蛋黃味。最後食飽又好想試下佢地既甜品。叫左椰汁桂花糕同茫果布甸。椰汁桂花糕賣相就好味，但其實無乜桂花味，整體係非常淡。至於茫果布甸就好入味，重茫果味之

一來到門口看到很多人在排隊，馬上有點卻步，但反正朋友遲到，便順道等一等吧。一等便在馬路邊等了四十五分鐘，有點熱。茶水是玄米茶！蠻特別，蠻香。等到肚子很餓，立即點了一堆點心。蝦餃$24/4粒：很足料！大大粒蝦肉！但皮略韌。小籠包$18/4粒：好吃但沒驚喜。鮮蝦燒賣$24/4粒：普通，正常水準。煎蘿蔔薄撐$20/8片：非常好吃！！煎得很香，像薄和煙韌版的蘿蔔糕，配辣醬更惹味。而且有八片！抵食！芒果沙律盞$18/3件：失望，只是加了少許芒果醬的蘋果沙律。紅油抄手$20/6粒：很一般，不夠香。雞扎$24/2件：沒特別。流沙奶黃包$20/3個：非常流沙！！很香蛋黃味！如果餡料再多一點更好。叉燒腸粉$20：味道不錯，但皮厚了點。總括來說大部分水準正常，偶有佳作。三個人點了九款點心，每人才$66，蠻便宜。至於值不值得在炎炎夏日等候四十五分鐘便見仁見智了。 

同個好中意食包點既朋友黎試點心，點知坐得五舒服之餘，無服務，食品都不似預期好。無試到腸粉同茄子等既必食，不過其他食品質素都麻麻。食點心除左食物要好味，配搭要有心思，另一重點係配靚茶。尼度達五到要求之餘，座位設計逼夾，毫無舊區既風土人情。

星期六約朋友行街，見好耐無食點心，就同朋友去太子這間店鋪，兩個人叫左7個點心，30幾度嘅天氣，重加左一罐凍可樂。這間店鋪的蝦餃和燒賣係可以叫2粒或4粒，岩晒我地依d想試多d點心嘅人。蝦餃皇：餃皮睇落晶瑩剔透，食落唔厚皮，蝦仁餡料爽口。鮑魚燒賣：鮑魚唔韌，咬落很彈牙很有口感。燒賣的餡都好足，唔似出面d酒樓成粒都係肥豬肉。金錢肚：金錢肚又淋又入味，入口軟腍，黑椒汁味道剛好。瑤柱湯餃：湯底味道清甜，而且餡料十足，有鮮蝦、豬肉同蟹柳，重有原粒瑤柱。小籠包：皮夠薄，但唔夠實淨，大力少少夾就流左d湯汁出黎，不過肉質香甜，又夠熱。蝦膠釀茄子：茄子煎得外脆內軟，蝦膠無"粉多過蝦"嘅鬆散情況，夠彈牙爽口，好好味流沙奶黃包：包身鬆軟，食一啖已經見到軟滑嘅流沙奶黃，重有鹹蛋黃碎，甜中帶著鹹香。

這天中午參加朋友公司舉辦的夏日午宴:德國白酒配中式點心!而點心是從籠太子外賣而來的;之前未試過這家出品,剛好此次有機會了!是日試過很多款不同的點心與白葡萄酒配對,個人最有印象的是以下三款:鮑魚燒賣;整隻鮑魚覆蓋在燒賣上面,賣相頗為吸引;而味道方面,說真的,鮑魚只是一般,淨食較為乾身兼帶些鹼水味,應該是在用料方面取用罐頭鮑;反而是燒賣本身有相當質素,咬下去時,豬肉很爽滑彈牙,透出來的豬油襯托著中間的鮮甜蝦肉,鮮爽融為一體,多少也令鮑魚提了些味!配著一些中酸度的帶些許花香的白酒,更令味蕾受寵!北菇雞紥;雞肉也是很鮮嫩爽滑,豬皮透出的油與北茹的香味也是很融和,三種東西加在一起,令人越吃越滿足;配上礦物味重的白酒,更帶出了肉類的鮮味,也是連連讚好!全餐最愛的是這海皇千絲卷!外面的麵絲炸得甘脆可口,難得的是經過外賣也保持到脆口的質感!內裡的餡料是味道適中的芝士醬配著鮮甜大蝦,每吃一口都是先脆後鹹再鮮,有著不一樣的層次感,最是驚喜!而這個點心配著酸度高或微甜有花香的白酒皆得宜,可塑性甚高!總結此餐,多謝朋友的公司為我與其他朋友帶來了一次能夠在日後也能細細回味的美味體驗,也因此認識了籠太子出品的性價

創意點心一定要係睇得同時亦要食得，呢間細細地，竟然亦相當唔錯，推介食品海皇芝士千絲卷，不是炸両，煎蝦膠鑲茄子，香滑反斗糕，最特別係不是炸両，裡面係有西芹，脆皮，再用腸粉皮包住，食落好特別，外面軟滑，裡面脆，入面爽口，而味道相當正，不加味精，反斗糕就冇咩特別，只係樣好得意下，沒有涵料的，煎蝦膠釀茄子亦ok,新鮮打既蝦膠，夠爽口彈牙，有鮮蝦味，而茄子亦蒸到剛好，不太淋或硬，可以推介

想食點心但又唔想去中式酒樓, 就去一間西式點心店啦！內部裝修好有英式cafe 我3感覺, 好似應該係配返一份High Tea Set咁, 但偏偏反傳統, 配以中式點心為題先說說點心, 其實都好新穎嫁! 先說反斗糕, 名好特別, 圖片又覺得好精緻, 食落先知原來姐係馬拉糕, 奶皇馬拉糕, 不過其實就無乜味, 好似普通蛋糕仔咁另外又有帶子腸粉, 通常傳統都只會有叉燒, 蝦等, 但呢度就有蒸帶子, 感覺係好清甜而且好滑, 個腸粉皮真係好薄, 而帶子雖然係蒸過, 但都好甜好正還有釀茄子, 一般只會諗到係鯪魚釀, 而佢地就用左鮮蝦, 鮮蝦味度好鮮, 但茄除就好油, 所以食落有點怪

本來打算光顧元氣，不過等候1小時便要放棄，選擇了附近太子熱評的籠太子點心。點心很快全部上檯，座位近冷氣機位，點心上檯後很快便涼了。鳳爪 $18 算是大隻，醬汁不會太鹹，不錯。叉燒包 $16 皮軟餡香，不過真的要趁熱食，不然俾冷氣吹得涼了。至於小籠包 $19皮有點厚，內裡有肉汁不會乾，肉質味道有點怪，點心當中這個評分最低。蝦餃 $13，在我眼中是蝦餃皇，外皮夠薄，內裡蝦肉彈牙，真材實料，不多肥豬肉。煎蝦膠釀茄子 $17，喜歡的茄子加入蝦膠比魚肉更為彈牙，而且剛製好上檯很熱，而且醬汁很配襯，像小時候吃的味道。鮮蝦腸 $23，又是蝦，腸粉皮較厚，不過質感很滑，所以補救到前者的問題，因為皮厚相對地蝦肉較少，而整體味道是不錯！很久前也光顧過一次，今次再來水準依然沒變，沒有加一收費，每位茶錢$3，價錢經濟實惠，是飲茶的好選擇。。

10.5.2016這夜, 與好姊妹來吃點心聚一聚, 想不到她藉此機會, 告訴我她懷孕的喜訊哩.交了點心紙之後, 不消五分鐘, 食物就陸續到來. 率先送來的, 就是我最喜歡的雪山叉燒包. 喜歡吃這款包, 源於愛吃墨西哥包和叉燒包. 兩者的結合, 便令我對雪山叉燒包情有獨鍾. 眼前的雪山叉燒包, 也沒有令我失望. 白色的雪山皮弄得酥脆, 內裡的蜜汁叉燒餡雖然不太多, 但甜甜的, 又不太多肥肉, 好吃哦.老黃瓜湯是老火湯的味道, 無味精, 亦不太鹹, 知道好姊妹很少飲湯, 於是迫她飲多啲.牛肉腸粉是切件的, 一字排開. 腸粉皮未能有晶瑩通透的效果, 然而, 它帶有米香, 質地尚算爽滑, 所包著的牛肉餡也很軟嫩.鮮蝦菜苗餃一籠三件, 每件都大大隻的. 餃皮薄而黏, 讓人很容易看到裡面的白色大蝦和青綠菜苗. 蝦肉彈牙, 菜苗超爽口, 不錯吧.又是一籠三件的流沙奶黃包, 口感很鬆軟哦. 一口咬下去, 奶黃餡並不是澎湃的湧出, 倒是慢慢地流出來, 也算是流心的效果吧. 奶黃餡甜度適中, 吃完也不會滯, 正.這晚的油菜是菜心, 翠綠又鮮嫩, 不加任何調味已經好吃. 最後來到的, 是熱辣辣的原隻鮑魚燒賣

今日朋友帶左我黎呢間比較偏僻既地方食晚飯, 唔講唔知原來呢邊都幾多野食, 兩人食左7款點心:燒賣可以叫兩粒或四粒, 咁就叫一人一粒試試先, 都幾大粒, 味道不錯不過冇乜驚喜, 可試可不試.蝦餃好味!!! 皮薄, 入面隻蝦幾爽口又大粒, 有驚喜, 如果唔係咁飽 一定會追加!煎蘿白糕煎得好香, 唔錯, 我幾喜歡呢種質地, 食到入面蘿白絲都足料, 正.鮮蝦腸粉另一驚喜! 腸粉皮滑又薄, 仲要每一舊腸粉入面都有一粒大大的蝦, 感覺都幾新鮮, 爽口. 必吃!海鮮蘿白絲煎薄礃這個其實味道不錯, 薄礃邊位煎得脆脆的, 但略嫌佢有少少太厚身, 如果可以再薄D會煎得仲香. 多汁小籠包不錯! 估唔到在這些點心店都食到咁薄皮的小籠包. 入面真係"包如其名"幾多湯汁的. 幾好味!鮮竹卷呢個就冇乜特別, 剩係記得食落口超熱, 差D辣親. 但都係好味既.順帶一提, 舖面都幾大間, 裝飾都幾靚, 印象中有D新派雀籠裝飾. 服務可以.下次都會再去食.

午市揾食見到幾多正評,入去試下,點左雪山叉燒包,個包暖暖地就知瀨咗嘢,要食凍包,論味道雪山皮唔夠牛油香,叉燒饀太淡。皮蛋牛肉腸都係預製件,難得可以做到厚底,好差手藝吓,論味道係冇皮蛋味蝦餃就係叮熱嘅,外暖内熱,蝦餃差D咬唔開,論味道蝦幾爽口,但味淡又太乾雖然是午市客人流量少,都要即點即蒸係點心專門店嘅經營方式。

今次叫咗雪山义燒飽，海皇芝士千絲卷，不是腸粉，蝦餃，煎蝦膠讓茄子。 第一樣上檯點心是雪山义燒飽，一口咬落，感覺是凍的！唔掂！ 第二樣上檯是海皇芝士千絲卷，感覺好油膩，再睇隻碟，亦有油蹟，還有好大油"益"味，我睇係無換炸油的問題。只於其他點心，一般啦！

對於一個地圖白痴來說，搵錯路的機會多的是，所以明明3分鐘的路程卻用了十多分鐘才找到。呃。。是個人問題，其實間店真的不難找。店子的裝飾是一個個鳥籠，很貼合店名，而且頗為光亮。4一5個店員負責端送點心招呼客人，都不見慌忙。肚子餓急忙拎張點心紙睇下有咩食先~一般茶樓點心都有，而且仲有其特色的小食，都算有上創意。蝦膠釀茄子：茄子外表煎得金香，軟腍多汁,蝦膠彈牙爽口，茨汁調較得不會搶了兩者的鮮味，甜味增加了食物的層次，估唔到兩者是咁配搭，是睇得又好味的1個點心。黑椒金錢肚：平時食金錢肚都覺得唔夠入味，但呢度就整得好正!首先係好好味的茨汁醃到金錢肚好夠味，啲味由內滲出來，唔會太濃，都唔會過口即散，好易趙，唯一係無咩黑椒味，但都唔影響我對佢的喜愛。意外是有烏冬鋪底，啲烏冬索左啲汁都好好味，食到唔想停。叉燒腸粉：熱騰騰剛蒸好，雖然未到皮薄晶瑩，但叉燒的份量都幾多，當然仲有我好喜愛的芫茜，實在太棒了!而且腸粉唔削，已經收貨啦老細。香滑反斗糕：名字總是取巧的，可以唔試就唔好試，因為有點失望。不夠香滑，味道只是普通的奶黃味蒸糕。原粒瑤柱子灌湯餃：兩粒瑤柱都是真材，上湯鹹多過鮮咩，灌湯餃靠湯嚟調味但sorry

太子新開了很多食店，今天想飲茶，食評不错便試试！有些侍應招呼不錯，有些没禮貌坐下没問客人，便放低了香片，以為一種茶，後来聴到有人要普洱我才換了。有個小姐問職員，洗手間在那？職員答：牆有字，如果她吾識字？

係openrice搜點心見到呢間店評價唔錯，於是就來試下。十一點半左右到店，霖住落雨唔會好多人，點知都坐滿左，要等位，等左大概10分鐘啦。按住open rice推薦既點左幾樣野，因為兩個人食唔到太多，有D都無試！ 我最鍾意係反斗糕，個樣好可愛，口感鬆軟濕潤，奶香味好濃，細細個好方便食！燒賣同糯米雞味道都唔錯！ 而之前好期待既海皇芝士千絲卷就一般般啦，炸得好香脆，D麵好食，但芝士好少。 最唔推薦就係芒果沙律盞！其實就係蘋果上面有D芒果醬，好酸！唔好食！