篤篤船麵 (V Walk)

營業中

休息中

weekend行過V walk 見到呢間唔算好貴，就入去試吓 Weekend得午市 冇下午茶餐而且餐廳都唔算多人叫咗個蝦仁炒金邊粉 同埋海南雞飯兩樣都係大約$70到 唔使加一首先講個蝦仁炒金邊粉 隻色好橙😅識落都比較酸 好似食緊茄汁咁 蝦仁就冇蝦味 但係面嘅份量就好多 都會食到好飽 但係都未去到難食嘅個海南雞飯啲雞比較似滑d既白切雞 不過個辣汁都算好食 飯就係普通白飯唔係雞油飯或者黃薑飯 總括嚟講，我覺得呢間餐廳食物質素普通 都未算難食 份量就好多嘅會食得飽

之前係新蒲崗既小店食過海南雞配湯麵一直都念念不忘呢個配搭估唔到呢間餐廳意外見到呢樣野 $70 海南雞船湯河海南雞係另上, 份量有成7大舊, 起曬骨, 可以啖啖肉,質地好淋好香, 而雞皮就爽, 醬汁出色, 雞皮下面明顯有層啫喱因為好奇, 返去搵下雞皮下面層啫喱係乜嚟,  原來係膠原蛋白呀!將隻雞浸熱後, 馬上浸冰水先可以做到呢個效果, 雞皮下面會有層啫喱狀的物體，大多在海南雞身上找到！上網睇片個過程都唔容易, 即時加分, 欣賞呢間餐廳!船湯河份量亦好多, 係蘿蔔硬左少少, 未浸夠淋,下次黎要試下海南雞加豬頸肉飯先

路過見餐牌OK，選擇算多，價錢都可以，就點個外賣，見外賣自取有85折，翻屋企一食，哇～好唔掂，難食，超市啲熟食海南雞同豬手都好食過佢，收銀態度又唔好，相比呢個價錢原來係貴既。

南昌 VWalk 篤篤船麵成個商場少數價位較低既選擇明點解個個都話平價 抵食了🥲但真係好咸 而唔係濃味 咸蓋過晒啲味要係咁飲水 食返連鎖店米線好過唔會再食🥲回頭指數: 0️⃣#南昌 #深水埗 #船麵

南昌V Walk呢間泰國餐廳都幾多選擇，飯/麵餐幾抵食，所以我同朋友去咗試⭐泰式海南雞拼豬頸肉飯見有個餐牌介紹呢個，張相又影得幾靚，所以就叫嚟試下海南雞算瘦，肉質嫩滑，再加上冇煮到過熟，所以食落特別滑。豬頸肉烤得幾惹味，個外邊烤得幾香，而肉汁仲keep到 ⭐什錦船湯金邊粉呢碗船麵有好多配料，有滑牛肉、炸豬皮、貢丸、魚蛋、通菜，滑牛整得幾好，醃到淋得黎仲有少少咬口，而湯底都唔差，幾香濃，但比較偏甜 ⭐泰式蝦餅叫主食可以加錢要個小食，呢個蝦餅口感好彈牙，外皮炸得好脆，幾香口 ⭐凍泰式奶茶同平時飲開嘅差唔多，唔會太甜 ⭐青檸梳打用凍杯上，特別冰涼，味道酸酸甜甜，幾解膩

泰式豬扒蛋飯：豬扒煎得香脆多汁，原本應該配上煎蛋，應該非常惹味，可是職員忘記我配上煎蛋。雖然如此，泰式豬扒煎得十分香口，配以泰式辣醬完全將豬扒的野味發揮出來，若不是趕時間希望配返一顆完美的煎蛋，提升食物的口感和視覺效果。芒果椰汁飯斑斕飯：芒果的甜美和椰汁的濃厚香氣相互融合，令飯菜色彩繽紛，味道濃郁，如果份量再豐盛一些，將更加美味，作為一位大食的女生，想多一點份量。泰式船麵：這道船麵的味道濃郁，帶有濃烈的泰式風味，特別突出的烹調技巧讓麵條更加彈牙，非常道地的泰式美食，令人回想起以往在泰國旅行時點叫的船麵。

店舖都唔細，座位坐得幾舒服，佈置用了好多泰國圖畫🖼️和用品做裝飾，好有泰國feel。👍位於大商場的舖位內價錢一D都唔貴，餐類選擇多，有散餐也有二人套餐，加錢更加可配小食，十分抵食。👍💯我們選擇了一個泰滋味二人套餐$258單骨雞翼即是開咗半邊的雞翼🍗，表面夠乾身，吃落雞肉仍然嫩滑，吃得很方便。👍😋酸辣鳳爪沙律🥗份量唔細大約有十舊無骨鳳爪，配料有生洋蔥🧅、蕃茄仔🍅、紅蘿蔔絲🥕和西芹絲，食落口感唔錯，調味酸酸辣辣但不是太辣，恰到好處，作為前菜很適合。🫶👍😍🤤泰式肉碎煎蛋飯選了半肥瘦嘅免治豬肉🐷，肉碎炒得好香好有鑊氣帶有少少辣🌶️，送飯和伴河粉一齊吃一流。👍😋豬頸肉🐷船湯河豬頸肉🐷肥瘦適中，表面燒得微微焦香肉質嫩滑。😋湯河份量大，湯底味濃不用加其他調味料一齊食都好好味。👍🫶白蘿蔔吸收了湯汁特別鮮甜。豬紅很滑沒有腥味。👍💯泰國椰汁糕拼千層糕各三件表層椰汁味濃，下層有西米和粟米粒，味道正常。千層糕軟腍腍，吃落煙煙韌韌都幾好食。👍飲品我們揀了兩杯🥤🥤熱柚子茶，甜到適中。👌

住喺港島嘅我好日都唔會去南昌站，一去竟然都俾我試到間幾好味嘅泰國菜🤤！去得大商場，都預咗會食貴少少🤏🏻，佢對比商場入邊其他餐廳，都算好合理了🥹！餐廳裝修企理，落咗單唔使好耐就有嘢食👍🏻～去到成夜晚8:30，商場都冇乜人嘅時候，餐廳都仲有6、7枱客食嘢，證明佢哋質素應該都有啲保證🤣，我更加放心入去一試喇😗～（唔知大家會唔會好似我咁🙈，如果餐廳入邊冇人，就唔會入去食呢😂？）✨泰式海南雞拼燒豬頸肉雙拼飯 $81上碟賣相唔錯，啲海南雞望落勁滑，已經令人急不及待想開動啦🤤～始終係雞髀，食落口感好滑，都有啲雞味嘅😳～而豬頸肉個皮燒得都香口，有少少暖暖哋😉！我覺得都算係咁，因為唔少餐廳一早整定晒，serve得黎都凍晒啦🥲～整體都唔錯，對得住個價錢！不過個飯唔係油飯就爭啲喇😕，即時睇返個餐牌，以為加錢先有油飯，但都唔見有呢個option，我估應該係餐廳冇提供油飯喇🥹⋯如果有埋就Perfect喇🫶🏻✨酸辣鳳爪沙律🥗（跟餐另加$24）鳳爪唔會好酸或者好辣，調味恰到好處😍，跟餐$24嚟講都幾大份，有成大約10舊鳳爪，配搭埋生洋蔥🧅食口感仲正，好推介大家試下🤤！✨海南雞湯金邊粉（轉冬陰功湯+$10） $78冬

餐廳主打多款泰國美食，包括船麵、金邊粉、海南雞飯、泰式青、黃咖喱、泰式小食及沙律。蒜蓉包：烘得香脆，搽滿蒜蓉醬，好食到停唔到口。泰式蝦餅：外層炸到金黃鬆脆，蝦肉Q彈，配泰式甜酸醬，滋味在心頭。酸辣鳳爪沙律：鳳爪去晒骨啖啖肉，配酸酸辣辣醬汁，多重口感刺激味蕾。豬頸肉撈金邊粉：豬頸肉帶微微焦香既味道，肉質軟嫩；金邊粉炒得好夠鑊氣，加左酸蕎頭，非常開胃。泰式豬手飯：泰式豬手炆得好軟腍，帶少許豬皮，充滿骨膠原，配秘製酸汁、酸菜、滷水蛋，實在太豐富。芒果糯米飯：糯米飯軟糯，配香甜芒果和濃郁椰漿，咸咸甜甜既口感，讓人一試難忘。凍泰式奶茶：沖泡比例剛剛好，茶味香濃。青檸梳打：泰式梳打水，帶來涼快口感。總結，食物好出色，好有地道泰國風味，店員有禮貌，價錢親民，翻桌率高。

海南雞船湯湯底金邊粉深色湯底既鮮濃秘訣係加入左豬/牛既血, 最後煮出黎既湯底係唔會有任何血腥味湯底跟左鴨紅同蘿蔔, 吸左味既蘿蔔特別甜海南雞位置雖然係有部份係雞胸,但唔鞋口, 近番翼位係滑嫩雞味豐富, 配上酸辣既醬汁更加正青咖哩牛肉飯青咖哩有濃郁既香料味無咩辣度, 拌飯一流除左牛肉仲有茄子, 豆角等蔬菜香茅雞翼表面夠乾身, 肉質依然有水份開左半既雞翼好方便食泰式蝦餅外表炸得超鬆脆有蝦既鮮香青檸梳打有原支既勝獅梳打水, 泰國既梳打水特別夠氣羅勒籽芒果味第一次飲, 唔會太甜芒果味正常,唔化學期待下次試埋荔枝味

炸豬皮 - 船麵未黎之前卜卜脆當零食都幾好。木瓜沙律配泰式燒腩仔 沙律清爽冇咩調味，燒腩皮脆但肉質偏乾泰式牛魔王船麵一碗有好多餸，牛丸 、牛柏葉 、肥牛 、蘿蔔 ，湯底亦都好飲 ，價錢亦合理

今日行開v walk ，竟然見到呢一間性價比好平嘅泰國菜 (PS: 免加一) ❤️❤️諗都冇諗就入左去🤣海南雞金邊粉 冬陰湯+$10大大份海南雞，肉質幾林唔柴口，又唔會好肥膩。 個醬汁就100分 💯 酸酸辣辣同雞好夾！ 加咗個冬陰功湯，覺得佢冬陰功湯都幾有誠意。 食到一啲新鮮嘅蕃茄同埋湯裏面見到有啲香茅。 唔似普通溝粉開嘅湯！ 湯底偏辣，又酸又辣好惹味！ 泰式蝦餅蝦餅彈牙，而且好香蝦味！ 不過得三舊，直頭想嗌多碟。 🤣泰式香葉肉碎煎蛋飯肉碎好香口有鑊氣，辣度適中，仲有小小豬油香，應該揀咗半肥瘦嘅免治豬肉，送飯一流！ 個蛋燶邊脆口加分👍🏻👍🏻 酸辣鳳爪沙律鳳爪都幾辣，不過好開胃，所以忍唔住食一舊又一舊，鼻水都流曬岀呢🤣酸酸辣辣嘅醬汁，配合一啲西芹青檸蕃茄洋蔥紅蔥頭做個沙律，係又酸又辣幾過癮！ 凍泰式奶茶解辣滿分！ 同出邊嘅泰式奶茶好唔同，佢啲杯唔會超級甜，有奶香茶底都香。 我覺得幾啱香港人口味！ 整體而言商場小店埋單一個人唔使$100 ，又小食又正餐又有野飲！ 性價比💯🙌🏻

今日同老婆去食篤篤船麵，9點截單，8點55分叫我埋單！真好笑，入到去話仲有15分鐘無飯5分鐘無麵，話幫你落單但連餐牌都無得睇！嘩…好笑到呢，食到一半9點鐘係咁叫你埋單！我真心想爆粗！9點截單，我飯都未食完埋乜Q單呀！你截單時我埋單係人情！我可以唔埋係道理！食到火都黎…真心唔會有下次！班友收枱仲快過澳牛啲人，食完即問仲要唔要？如果大家有興趣想受氣俾人吹埋單既就可以黎試吓！

今日响V Walk行街，順道食埋晚飯先返屋企，同朋友都心血來潮想食泰菜，見有間 未試過，就入去試下啦😊！泰式豬手飯 $68.-豬手炆得軟腍入味，豬皮部份軟滑彈牙，是滿滿的骨膠原😍，味道甜甜香香的，加配潮州甜酸菜，餸飯一流。泰式魚餅 跟餐加$22.-魚餅炸得香口，有淡淡檸檬葉香氣及啖啖的魚香。泰式豬頸肉河粉 $68.-湯底味道清甜，河粉滑溜，豬頸肉大大片，燒得焦香，口感軟腍油潤帶肉香味🥰。香茅雞翼 跟餐加$22.-單骨雞翼食時零舍方便☺️，雞翼炸得乾身香口，内層肉質軟嫩多汁，又帶陣陣香茅味，好味😋。泰式炸蝦餅 $58.-一口一粒方便易食，炸得香脆，口感彈牙。椰汁西米糕 $28.-一碟有3件，表層椰汁糕香滑柔軟，下層'西米味道清甜，食埋甜品，真係好滿足😍。可樂 跟餐及青檸梳打 跟餐加$12.-食泰菜飲碳酸飲品，就最當搭檔🤩。

朋友敘舊，到了V Walk 的 篤篤船麵。我們點了泰式豬頸肉冬陰功湯河，這道湯河非常美味。豬頸肉肥瘦相間，入口即化，搭配湯河的鮮香湯汁，讓人回味無窮。湯汁的辣度適中，帶有酸辣的味道，非常開胃。又嚐了泰式魚餅，這道菜色香味俱佳。魚餅外皮煎得金黃酥脆，內裡魚肉鮮嫩，口感細軟。搭配酸甜的泰式醬汁，增添了一份清新的風味。泰北紅咖喱牛腩飯，牛腩燉得極為軟嫩，入口即化，搭配濃郁的泰式紅咖喱醬汁，口感豐富，香辣可口。搭配飯食用更是美味。泰式蝦餅，這道菜外皮酥脆，內裡鮮嫩多汁，蝦味濃郁。蝦餅的炸製技巧恰到好處，既保持了蝦肉的鮮味，又帶來了香脆口感，非常下飯。我們選了凍奶茶和零係可樂作為飲品。凍奶茶濃郁香醇，奶茶味道濃郁，口感滑順，非常解渴。零係可樂則帶有微微的氣泡，爽口可口。