築地銀だこ (海之戀商場)

行經Donki有啲餓見到築地銀だこ好耐無食過咁啱又岀香港限定版新味就試吓先香蔥辛辣八爪魚燒 $28/4粒個賣相都唔錯即叫即整熱辣辣除咗有香蔥之外仲有炸蒜粒配上辛辣粉，個人覺得都真係辣因為粒小丸子已經好熱，面頭又好多辣粉吧外面皮燒得香脆，裏面軟綿綿八爪魚都大粒唔韌係幾滋味嘅#築地銀だこ #香港 #香港美食 #荃灣 #海之戀廣場 #donki #日本 #日式章魚燒 #香港限定 #hk #hkfoodie #foods #japanese #japanesefood #tsuenwan #yummy #snack #CHUZZZTASTYJOURNEY #gracechuma …查看更多

🐙章魚燒😋整體來講因為即叫即整，新鮮出爐粒粒熱辣辣而且外層香脆，內面粉漿唔多，而且料都唔少，基本既元素都有。原味沙律醬好食 好還原到日本章魚燒經典的味道，明太子就還好，不過有少少辛口，感覺好似冇咁膩。…查看更多

買份章魚燒外賣，收錢位男店員攞起一份章魚燒，一邊搽醬汁，一邊同店內一女一男店員大聲講大聲笑。店員冇帶口罩，見住佢口水橫飛，我份章魚燒亦沾上呢位男店員既口水。而佢身邊燒章魚燒/大板燒既女店員亦冇帶口罩，高談闊論，所以顧客要預左食佢地口水，唔係講笑我非常好奇，作為一向重視食物衞生既日式連鎖食店，點解可以縱容處理食物既員工唔帶口罩？係管理制度出現漏洞還是員工漠視公司要求？其實呢間食店已經冇服務態度可言(睇其他食評都知)，但如果連最基本既食物安全/衞生都唔達標，咁真係好難吸引人幫襯嘛！…查看更多

1. 份量不足:餐點份量偏小,無法達到預期。連女生也不會覺得飽。2. 飲品口味淡:飲品口味不夠濃郁,抹茶牛奶像水一般淡。3. 服務態度惡劣:服務人員的態度冷淡,餐牌用盤子遮蓋住，在下單時無法查看。這對顧客體驗影響很大，影響下單過程。這些問題都直接影響了餐廳的食品和服務質量,十分差評的主要原因。希望餐廳方應該認真對待顧客反饋,及時改進這些問題,提升整體服務水平。只有提供令顧客滿意的菜品和服務,餐廳才能得到更好的口碑和評價。…查看更多

1）套餐B:原味正式小丸子+大阪燒+抹茶牛奶價錢: 55元a)原味正式小丸子 3⭐⭐⭐外脆內軟 燒汁酸酸咸咸好香同好好味😋勁正😚b)大阪燒 2星⭐⭐冇味 一般c)抹茶牛奶 2星⭐⭐不過不失2)Donki 熟食a)鲷鱼烧 10元 1⭐唔知係咪叮乾左 紅豆餡一般般冇咩驚喜b)水餃炒面餐 49元 2⭐⭐好滯 如果有章魚燒既燒汁就好食之前食過築地銀だこ既炒麵就好正c)粟子千層蛋榚 29元 2⭐⭐ok既 不過偏乾 少cream 冇我整既好食🤤…查看更多

55蚊套餐有四粒，小丸子及拉麵，再加杯飲品，選擇抹茶牛奶，可以走甜，不錯雖然落單店員全程西面，賣相差，但整體來說食物味道OK，食得飽，性價比來說不錯小丸子入面粒章魚大粒，好食…查看更多

今日經過荃灣Donki，見到有章魚燒，小朋友想食，諗住買來試，去到收銀台，叫咗幾次店員，應都唔應下，有個女店員最近收銀台，望都唔望下，木口木面，之後有個男店員行過來整餐，先幫我落單，如果唔係小朋友想食，真喺寧願唔食。其次喺食物，章魚燒啱啱整好仲熱還可以，但大阪燒好唔掂，中間凍咗，好難食。態度唔好先令人卻步，趕客！！！…查看更多

繼上次發現海之戀Donki出口旁原來有個小型美食廣場後，今次又去試另一間。銀だこSet A（$55）原味正宗章魚小丸子（四粒），雖然唔係即整，都算熱的，外層微脆，裡面微熱，章魚腿大粒有咬口。沙律醬、照燒醬味道正常。築地銀炒麵，即炒夠熱，份量唔算好多，除咗幾條椰菜絲就無咩配料。麵條可以，唔糊口有些少口感。味道唔太濃。飲品，除咗汽水，還可以選原味抺茶及抺茶牛奶。…查看更多

行行下街有啲肚餓，又唔想食咁多，整幾粒章魚燒就啱啱好。叫左個原味同一個明太子味，每樣4粒啱啱好夠食。2隻都外皮都好脆，有少少乾，好彩啲牆夠多，咁先易啲入口。原味配沙律醬同柴魚碎，正常發揮，無乜特別，個明太子醬就少少辣幾惹味，不過都係太乾，醫肚都還好。…查看更多

已經唔記得呢個食物叫咩名🙃🥲就係有流心蛋，再加章魚燒啲材料放落麵上～佢係撈麵黎嘅😗😗個人覺得呢個章魚燒同麵唔係好夾，好彩呢碟麵有蛋嘅存在，如果唔係 會越食越唔想食，感覺好單調😂…查看更多

今日8號風球去到呢個日式超市food court，無咩人。就到這間築地買個章魚丸子燒的小型套餐。大阪燒唔錯，味道同份量幾好，不過唔係好夠熱，可能打風小人幫襯。章魚燒真係存乜特別，章魚比較細粒。但$55元包埋飲品，都算唔錯。…查看更多

之前book咗24-6-2023(Sat)去神石燒食晚飯,我同老公傍晚就去行吓街先,我哋行完Donki後經過food court,佢又話想食啲嘢,我哋咁啱行到嚟呢間前面嘅枱坐,老公見到呢喥有鯛魚燒賣,於是就用$20.00買一件吉士味嘅.竟然係即刻有,拎到嚟後打開睇,外形同我哋食開嘅唔同,唔係似用班戟粉整嗰種,而條魚係扁平,而且係壓咗魚嘅形狀落長方形嘅鯛魚燒上.食落,佢係酥皮嗰種,佢係脆口同甜,吉士餡嘅份量同甜度都適中,成個幾好食,不過真係估唔到佢嘅鯛魚燒唔同啲啫.味道係4.5:分   抵食係2.7分…查看更多

時日下午茶，叫咗一個set c，有大阪燒，日式炒麵，同埋4粒章魚小丸子。再加咗8粒有2種口味嘅小丸孑佢呢度採用自助式取餐，叫餐速度非常之快，取餐亦都係一樣咁快🤣，講返d食物，個炒麵炒得非常之好味，食落有咬口，入面嘅材料亦都非常之多，，個大阪燒亦都一樣，最值得一提嘅就係….. 個小丸子，佢整得超級脆口.. 小朋友好鍾意食，入面粒章魚都好大粒，食落有口感。唔似坊間喺出面買到嗰啲粉多個餡＇能夠做到咁出色嘅小丸子，呢個師傅一定唔簡單…查看更多

**章魚小丸子 4粒**新鮮出爐，見到員工都好忙，不停咁整，每粒都整到外皮脆卜卜，內裡又軟淋淋。平時食的章魚小丸子偏向麵粉較多，他們家的章魚小丸子咬落去就好有章魚肉，沒有粉多口感，再加上燒汁，紫菜碎同蛋黃醬，非常夠味，超滿足。 **日式炒麵**味道可以，炒麵醬酸甜味濃，但麵同配料的份量偏少，有待改進。**抹茶鮮奶**抹茶鮮奶，抹茶味濃而偏苦，奶味偏淡，整體味道普通。 套餐價︰$50…查看更多

有次趁着嬰兒睡眠，我們本身已經在荃灣吃了泰式東西，然之後他醒來，行完Donki超級市場，又生怕他肚餓，於是來看看不知版這邊的美食廣場，但發覺北之板已經圍板裝修定還是結業，於是就到了旁邊這間築地買個章魚丸子燒的小型套餐。由於我之前已經食咗咖喱飯等等正餐，因此見到章魚丸子以及炒麵，胃口都不算太好，因此沒有動筷子，不過和大埔一田那間，看來都非常相似，味道應該會太差。反而我吃了這個三角形的所謂鯛魚燒，就像是外邊酥皮，內裏帶點:)吉士的甜點，外邊又有酥皮，少許糖粒，內裏吉士不會太甜，但令到牛角酥有點餡料，味道相當怡人，作為下午茶還好。另外旁邊還有一杯抹茶鮮奶，和北之板版那種熱抹茶味道相當不同，這種抹茶鮮奶，抹茶味道欠奉，奶味都相當淡，冰粒太多，因此成為了沒有什麼茶味的飲料，欠佳…查看更多