築地銀だこ (香港逸東酒店)

感覺充滿住要大快朵頤嘅氛圍。餐廳環境乾淨企理，裝修有啲文青風，地面嘅花紋地磚都幾有特色。 我叫咗份芝士明太子八爪魚燒，$48有8粒，價錢喺同類型美食廣場中算合理。呢個八爪魚燒一上枱，賣相就好吸引，表面淋滿咗粉紅色嘅醬汁，仲有芝士碎同明太子點綴。咬落去，外層煎得金黃酥脆，入面軟糯，八爪魚粒口感彈牙。芝士香濃，明太子咬落卜卜聲，增添咗唔少口感層次。同我之前喺日本街頭食嘅八爪魚燒相比，日本嗰啲多數只係簡單嘅醬汁同柴魚片，呢度嘅更有創意，味道更豐富。 不過，呢個八爪魚燒都有少少小缺點。就係食多幾粒會覺得有啲膩，可能因為醬汁同芝士嘅份量比較多。而且相比一啲專門做八爪魚燒嘅小店，佢個燒嘅火候可以再精準啲，有啲部分稍微有啲過火。 其實八爪魚燒呢種小食，一直都好受歡迎。細個去旅行嘅時候，每次喺街頭見到有賣八爪魚燒嘅，都一定會吵住要買。嗰陣食嘅可能只係好簡單嘅味道，但就係嗰種充滿住回憶嘅滋味，令我一直對八爪魚燒情有獨鍾。而今日食到呢個創意版嘅八爪魚燒，又為呢份情懷加添咗新嘅味道。 總體嚟講，呢度嘅芝士明太子八爪魚燒都值得一試，雖然有小瑕疵，但味道同創意都算唔錯啦。1…查看更多

今日發現eaton hotel food court內有築地銀章魚小丸子，很開心，一向都喜歡築地銀嘅小丸子，見到當然要買黎食。專登加錢加埋蛋沙律, 外賣返到屋企至發現漏咗無加蛋沙律，想打電話去反映，結果一個聯絡電話都搵唔到。小丸子連基本嘅章魚粒都唔係粒粒有，偷工減料，我似乎係買咗盒面粉返屋企食! 食物質素咁真係令人好失望! 當時下午5點左右，又唔係咩繁忙時間都整成咁.....間分店仲要開喺酒店入面，遊客食到咁嘅章魚小丸子真係浪費金錢。我食到都覺得好失望，唔會再幫襯呢間分店。…查看更多

呢日同朋友去佐敦覆診，喺逸東酒店地下嘅Eaton Food Hall見到有章魚小丸子買，聞到陣陣香味即刻忍唔住叫咗8粒。喺日本已經勁鐘意食呢間既章魚小丸子，我仲以為得銅鑼灣SOGO先有，估唔到呢到都有。我點咗原味章魚燒，本人唔鐘意食沙律醬，朋友被迫試無沙律醬版，但佢都話夠味同埋都好好食。咬落去外層香脆，內裡係熱辣辣，啲餡料仲會有少少流出嚟，章魚粒仲要大大粒，一直都覺得口感好好。不過食既時候真係要好小心，真係好易俾佢熱辣辣既餡焫親。相比起其實章魚小丸子我都係鐘意外脆內軟呢一隻，雖然我都知外皮軟身個隻其實都有特色。但係脆口野真係比較難以抗拒啲不過始終章魚小丸子只可以當小食就算一個人食晒八粒其實都唔係幾夠飽，我哋都要係Food Court 到再搵正餐嚟醫肚。加上Eaton Food Hall 既坐位都比較多同埋有唔同既餐廳可以揀，夾晒唔同餐廳坐係到食，可以一次過試晒幾間餐廳既美食。 重點呢到坐既環境都好有情調同舒服，洗手間都好乾淨…查看更多

喺佐敦嘅街頭，偶遇呢間超有氛圍嘅“築地銀”，瞬間比佢嘅招牌吸引！🌟揀咗原味章魚燒+大阪燒+抹茶牛奶，咁多嘢都係$50，簡直喺性價比之王！💰值得一提，章魚燒一啖咬落去，外皮咔嚓作響，酥脆得啱啱好，入面喺章魚Q彈同軟糯嘅完美結合，～🦑 每一啖都是滿滿嘅幸福感，香口不膩。店內環境都超有格調，簡約日風，令人一秒穿越到東京街頭！📸 無論係朋友小聚定一人食，呢度都喺絕佳選擇！唔好猶豫啦，快喲黎“築地銀”感受呢份純粹嘅“好味”啦！保證你食完仲想再黎！😋…查看更多

第一次去逸東酒店 food court，一入門口已經俾章魚燒吸引住。買完會有個電子牌，可以坐係位等，有得拎，個牌就會震。- 大阪燒雖然大阪燒係普通野，周圍都有得賣，不過真係見到就想食。依個大阪燒好有好準，表面燒到香脆，入面口感鬆軟，配合醬汁，沙律醬，海苔粉，柴魚片一齊食。- 章魚燒 (原味正宗)要咗8粒，好快食曬，只係留番 1 粒影相。章魚燒外形好圓，脹卜卜，好飽滿。外皮燒得香脆金黃，內裡有軟熟的口感，又有章魚粒。…查看更多

店名: 築地銀だこ地址: 佐敦彌敦道380號香港逸東酒店Eaton Food Hall LG樓9-10號舖佐敦站B1出口，行3分鐘環境: 4.5/5價錢:3/5味道: 3/5夜晚7點幾去，大阪燒同炒麵都賣哂，想買套餐都無得買芝士明太子章魚燒❤️❤️❤️$52章魚小丸子外皮香脆，食落仲好熱，食落唔知點解好重薑味😢略嫌入面嘅章魚🐙好細粒，而旺中嘅章魚無雙更章魚大粒，仲要價錢平啲，味道多啲揀不過呢個望落的確大粒啲，但入面就偏空心，拉均章魚無雙CP值更高，一次就夠😅…查看更多

午餐揀咗set A, 築地銀炒麵、原味八爪魚燒、抹茶牛奶。炒麵還可以，但八爪魚燒唔夠熱，可能預先整好，如果即叫即做會好啲，另外醬汁太多，最好味的是抹茶牛奶，抹茶味濃。…查看更多

某一日收工趕得切去慢慢地吃個晚飯～本打算去逸東下面Food Hall食個間越南野冇開，咁就係個場行一圈睇下食咩好！見到新開嘅築地銀だこ幾吸引，好！食佢一次回味下係日本食章魚燒、大阪燒、炒麵呢啲！叫左個C set$80だこ燒+玉子照燒醬+$2幾好食😋外面好脆、入面嘅章魚粒都算大！轉左玉子照燒醬都唔錯呀，同章魚丸好夾！大阪燒正正常常，熱辣辣就好吃的啦！燒きそば有少少豚肉片係炒麵入面！炒麵質感同味道都OK！原味抹茶比想像中好！而且我叫少甜，佢差不多比到冇晒甜我👍🏼堅😂…查看更多

平時係去SOGO店或者荃灣店食章魚燒, 今日喺奧運又唔想去咁遠，又好想食，所以就去咗佐敦Eaton Hotel 呢間買外賣，食完真係好後悔，仲要買咗兩盒十六粒一家人食，全家都覺得唔好食。比較Sogo 的銀だご，呢間店嘅章魚燒又細粒又燶，得個殼，空心。嗰個姐姐好似唔識整咁，煮一陣又加啲麵漿，煮一陣又加啲，加極到最後粒章魚燒都仲係好細粒，其實見到佢咁整，當刻已經諗住死緊，實係好難食。真係！食過咁多次都未食過咁難食。…查看更多