筷子記

營業中

休息中

「筷子記」呢間小店雖然細細，但係中環區罕有嘅平價撈粗店！最吸引係三餸撈麵都係$36，等你飽飽食返個餐！必食推介：1️⃣ 澳門撈粗配料- 澳門魚羹：似魚滑- 腩肉：肥瘦適中- 鷄翼：入味唔乾- 魷魚：水準之選2️⃣ 醬汁特色- 沙嗲醬：夠晒入味- 咖喱：味道清淡啲3️⃣ 飲品- 凍檸茶- 凍奶茶🌟🌟🌟🌟🌟🌟🌟🌟🌟🌟🌟🌟打卡貼士：❤️店鋪細，要搭枱💚建議避開午市時間💛收費方式可能有啲混亂Rating：懶惰鼠😻😻😻😻懶惰虎🤩🤩🤩🤩人均消費：$36

有時候晚飯時間都好想食下午茶，咁嚟呢一間就啱晒，奶茶係非常好飲，有質素，撈麵沙嗲汁都係非常濃郁，值得推介！ 餸就推介魷魚冬菇同埋魚蛋！唯獨一次食個雞蛋三文治佢塊蛋好薄就覺得性價比較低

其實幫襯咗呢間嘢接近5次, 平時態度都好一般，但係嘢食幾抵食. 尤其是喺中環呢個價錢，同埋有啲澳門嘢食都幾得意。 但係今日午餐過嚟食完全發咗癲咁，😂其實我只係坐低食咗20分鐘左右，有人打俾我聽咗個電話，攞咗張銀紙500蚊出嚟都未話要俾錢，跟住佢攞咗我張銀紙嚟找，然後就係咁拍我走，放人入黎，冬天着緊件外套，好似厭我着得慢。跟住我個可樂未飲完又想收咗我。惡死 + 半串嘴口吻同我講byebye.. 好癲⋯⋯ 唔會再去，好受氣！如果老闆有自己仔女睇到呢個評語，真係要檢討吓你哋餐廳嘅服務，其實本身食40幾蚊嘢就冇諗過要服務，但起碼唔使言語發癲襲擊人掛。

我從來未試過幫襯一間咁混亂嘅舖頭。落錯單計錯數甩單樣樣齊。 我第一次去係堂食加埋我淨係有四個客個老闆都會計錯數同埋落錯單，打算比多第二次機會就外賣，點知就甩單其實當其時唔超過10個人堂食加埋三個至四個外賣。所以係一間超級神奇嘅小店廚房有三個姐姐做緊嘢都非常混亂然之後有一個超級慢嘅姐姐做打包都係好慢個老闆就真係唔知自己做緊啲乜？真係一定冇下次。

午餐想食車仔麵，同事推介我食筷子記，是我食過最最最差一間餐廳，想像不到的難食車仔麵，環境污糟又簡陋又逼夾。粉麵好重鹼水味臭難以入口，一碗麵完全食不下，怎樣可以在中環旺區生存。

環境：擠逼衞生：一般，可以乾淨整齊d更好服務：媲美九記、澳牛（呢d地方唔好計較）是但啦！價錢：屬抵食嘅，咁唔好計較咁多囉！食慣港式車仔麵，相比呢度車仔麵可以㨂的餸唔多，佢話澳門特式，㨂得落手好像得一兩款，店員說最少要㨂兩款。結果餸點了：咖喱豬皮蘿蔔(辣)：蘿蔔入味馬交魚羹：似魚滑，味道質感ok澳門包心卷（魚肉包豬肉）：以魚片多餸份量唔多油麵：麵ok 湯底：Ok la，佢介紹湯底係澳門特式醬油湯底，可以啦。奶茶就一般

星期六經過中環做嘢突然間想食車仔麵，search到附近有間澳門車仔麵，見幾特別就試吓。叫咗個三餸車仔麵外賣 沙茶醬魷魚、咖喱豬皮蘿蔔 和金菇 米線 ($63)基本上成碗嘢除咗小辣之外，所有配料都淡而無味🥲 魷魚爽口但冇味 蘿蔔都夠淋生嘅，湯底唔見得好出色。總括而言，係一間極普通嘅車仔麵。

去完一次唔會再去今日食咗一碗2餸咖喱車仔麵，碗麵係完全冇咖喱味，淨係食到辣。之後，我食完1分鐘左右有一個阿姨即刻收走哂我啲嘢，直接計埋條數就叫我俾錢。望一望個埸，只係有一兩個客等緊。我拎銀包出嚟，阿姨再返轉頭再問我得未呀，趕客走咁。

係中環CP值勁高既澳門撈粗🤤有幾何可以係中環用三十幾蚊可以食個餐有野食仲要可以叫凍飲講真又真係唔多地方有撈粗食雖然鋪仔細細但重點係野食夠好味最重要有得簡醬去撈最多可以簡2種🥰沙嗲拼沙茶 夠哂野味另一款簡左招牌豉油 甜甜地難得黎到就緊係簡平時香港少食既餸啦路環香腐角(豆腐) 澳門包心卷(魚肉包豬肉)澳門魚片頭青春魚肉腐皮卷(炸春卷) 澳門魚腐都係不過不失但三十幾蚊就唔好有咩要求啦～筷子記中環威靈頓街85-89號群英商業大廈地下A1號舖#Foodie_aki #yum_yum #foodie_aki中環#中環美食 #澳門撈粗 #筷子記美食#筷子記 #撈粗 #撈麵

今日放工，早前刷到在中環這間車仔麵評分很高，都是網紅餐廳，於是來試下。店裏面的環境很窄，要拼桌，坐得不太舒服。點了一份招牌醬油撈粗麵，完全沒有味道，沒味道的招牌醬油。咖喱豬皮羅卜，羅卜還可以，但豬皮及春卷都不好吃，一陣油溢味道。而且店員的服務有點差，說話大聲，送菜沒貨就自動幫客人轉其他送菜，漏單等了很久然後再重新點。整體來說，相比連鎖式的南記，還是南記的春卷及湯底好吃(●°u°●)​ 」。不會有下次。

喺中環返工一排，未試過食晚飯，睇見之前三色台介紹過，膽粗粗入嚟試吓，點知一試難忘，第一，啲餸少得可憐，可能因為價錢平，將貨就價，叫咗魷魚，好似得兩片，幾粒魚肉好似我啲貓啲貓糧咁細粒，味道嚟講算係一般，最得人驚係老闆娘啲態度，當時夜晚6:00 ，得兩成人，因為佢張點心紙太多選擇，真係要啲時間去對細讀，點知老闆娘過嚟一手搶我張紙，問我食乜好粗魯咁搶咗佢幫我填晒，感覺似係老闆催我交功課一樣，唯一唔同嘅係老闆會出糧俾我，真係試過一次就算，周圍仲有好多食店好似好佢好多

服務態度真係喺香港由細到大食嘅餐廳入面最差嘅。首先服務員叫我入餐廳啦，見到我開始入緊嚟之後就唔理我啦。由於嗰陣時餐廳幾乎坐滿，所以我以為佢會為咗餐廳坐多啲人，會要求我去坐特定嘅位置。咁我就問吓佢我可以坐邊度。佢就唔耐煩咁覆返我話：「咪坐嗰度囉，仲可以坐邊度啫？」。咁我就坐低。啱啱坐低，佢就喺隔離催我：「寫未啊？寫完就快啲俾我啦。」等到我寫完張紙之後俾返佢佢就係我背面嘅位置連續大聲不停問：「湯定撈麵？湯定撈麵？湯定撈麵？」我回答問題之後，佢仲要鬧返轉頭話：「問你你唔睬我。」大佬啊，你都要俾我時間答㗎？你連珠炮咁，我點攝入去？對待大陸遊客就柔聲細語，唔見你咁？食物方面湯底冇咩味。腩肉好乾好硬。其他正常。

呢間野我由大學生食到而家工作多年變中女都有食，大概一年食數次吧！估唔到今日真大開眼界！weekday 下雨天，11點半到左，唔算多人。本就唔肚餓，志在食下情懷！落左個兩餸noodle 加飲品，老闆話三餸抵d. 冇多諗自動加多一餸。老闆態度ok 的。三餸加埋唔夠8舊，真係好少。也冇什麼味道，靠晒個satay 汁吊味！不過全程食得極大壓力，老闆娘成日過來拿起我個汽水睇下飲晒未，一飲晒就收。個noodle 我只係停左一下冇食住，佢又即刻收起！而出面係冇人等位架，我只係食左大概十幾分鐘！比澳牛還要澳牛！聽到佢點對店員，外賣員就知咩事！都係快d 埋單免受氣！

喺中環返工想搵啲平既下午茶 見到門口餐牌既價錢算喺中環叫平但入去就睇唔到下午茶貼喺牆既餐牌，所以喺記憶中憑感覺喺張落單紙到揀兩餸。但其實都唔知道有咩野飲可以揀，個老闆娘話揀好先叫佢。黎到碟野以$35蚊下午茶有野飲覺得可以接受，因為其實餸既話係非常少，魚片頭有3舊，有幾舊魷魚，但麵既份量都算咁上下。但最注意既係筷子就喺中環已經好多年，但個老闆娘既態度真係要改善下，唔知佢係咪做到無感覺，黎呢到返一日工想食個下午茶個感覺好似要聽佢話咁，其他員工其實好好，希望佢可以改善，至少遊客唔會令到佢地有差既感受。

如果提起中環平價食店 筷子記🥢一定係其中一間 12點入去 大慨一半座位有人坐 有中環嘅打工仔 亦有慕名而來嘅遊客嗌左澳門包心卷+路環香腐角+魚片頭 撈麵配沙茶醬 凍飲嗌左凍檸茶 埋單$39 四十蚊都唔使 早餐都未必做到 仲要係中環呢個地段上菜速度快 轉個頭撈麵同埋野飲就到齊 份量唔大 男士們未必夠飽 餸每樣只有3件 沙茶醬亦偏向淡味 但一諗到呢餐只係$39 就覺得食物質素同份量都對得住價錢嘅😌餐廳環境係真正嘅懷舊 睇得出歲月痕跡牆壁上貼住嘅報導 有啲報紙都已經無做啦🥺老闆娘動作快講野又快 對客人對其他樓面都一樣 初頭聽覺得有啲無禮貌同嘈 但後尾見到佢都係咁對啲員工 我諗呢種溝通方式已經成為佢性格嘅一種 唔係人人頂得順🧐如果追求乾淨企理有禮貌 呢間的確唔係首選 但如果只係想食個又快又平嘅中午飯 呢間都算係中環地段買少見少嘅其中一間🤔