第一郡 (已搬遷)

個番茄蟹羔麵好好味，好香好正，越南法包和撈矇都好好食，最後甜品無缘食到綠豆羔，下次要再去😋😋Ps.不得不讚下個服務：十分好，我去嘅時候較少人，到我食完嘅時候門口已經排哂隊爆哂場有一位哥哥見我哋叫左兩份甜品得一隻匙羹，佢主動問我洗唔洗要多一隻匙羹，我話好吖，心諗冇都算啦個場咁爆轉頭都未必記得。。唔會怪佢，但佢竟然最後係記得㗎😊真係加分👍👍👍…查看更多

第一郡 Q1是一家位於深水埗的越南菜餐廳，以其美味的菜式和性價比之高而受到食客的讚賞😛。👏🏻蟹膏番茄湯檬粉 HKD$60蟹膏番茄湯檬粉是第一郡 Q1的招牌菜之一，蟹膏番茄湯檬粉的材料鋪滿滿😛，包括蟹膏餅、豬紅、豆卜、扎肉、芽菜、生菜，整個蕃茄湯檬的構成非常豐富。當中蟹膏餅以豐富的蟹膏餡料為特色，成為了這道美食的亮點。蟹膏餅的特色在於其餡料中豐富的蟹膏😛，它帶來了濃郁的蟹味👏🏻，與其他配料的結合非常完美，每一口都能感受到蟹膏的鮮美😛。 ⚡️ 好味指數：🌕🌕🌕🌕🌕🧀️  約800-1000kcal 卡路里/份 (不喝湯之下)第一郡 Q1的菜式不僅美味，而且性價比之高，價格相對實惠。食客可以在這裡享受到高品質的越南菜，同時不會對自己的錢包造成太大的壓力。總之，第一郡 Q1是一家深水埗的越南菜餐廳，以其美味的菜式和性價比之高受到食客的好評。蟹膏餅是其招牌菜之一，以豐富的蟹膏餡料為特色，帶來濃郁的蟹味，成為美食的亮點。蟹膏蕃茄湯檬則以其材料豐富的構成受到讚賞，每一口都能品味到各種配料的風味。此外，第一郡 Q1的菜式價格相對實惠，讓食客可以以合理的價格品嚐到高品質的越南菜，絕對是一個值得一試的餐廳。📍 第一郡 - 深水埗荔枝角道315號地舖…查看更多

第一郡 Q1 Vietnamese Breads & Desserts 📍深水埗荔枝角道315號地舖朋友呢日請咗假陪我，佢朋友推介咗一間越南小店俾佢，佢想同我一齊試下用哋嘅法包，所以我哋就喺下午茶時段過咗去食。餐廳門面無咩特別嘅裝修，兩邊牆用白板筆寫滿菜式同價錢，仲有幾幅畫做裝飾。用餐位置係放滿摺檯同圓櫈，大約有8張檯，唔算特別多位，感覺亦比較地道。我哋喺近4點嘅時間去食嘅，估唔到入去嘅時候係得兩三位食客，到食飽走嘅時候已經有好幾組食客排緊隊等候入座，大部分都係附近嘅街坊或學生，感覺上好受歡迎。[價錢 Price] 💰$50越式法包 🥖我未去過越南，但有喺緬甸食過一次越式法包同河粉，我可以講呢度嘅法包有過之而無不及，佢真係好好食，好足料！我哋揀嘅係一個雜錦法包，裏面有腩肉、扎肉、肉鬆、酸菜、青瓜、芫荽、蔥同肝醬，每咬一啖都可能食到唔同食材嘅組合，每咬一啖都係唔同嘅滋味！青瓜、芫荽同蔥好新鮮，可以食到好清新嘅蔬菜味。三款嘅肉類各有特色，腩肉半肥瘦，望落白雪雪但醃料味好香；扎肉爽口彈牙，食落有淡淡肉香；肉鬆同一般食開嘅唔同，口感脆脆哋，三種之中我最鍾意佢！最後就係主角法包，大大嚿唔會過硬，外脆內軟，超級推介大家一試！[價錢 Price] 💰$22米紙蝦卷 🦐22蚊有兩條米紙蝦卷，每條入面都卷住檬粉、蝦、豬肉、香菜同生菜，配埋有少少似麻醬嘅homemade sauce，真係好清新呀！[價錢 Price] 💰$35芒果糯米卷 🥭芒果糯米糍就食得多，芒果糯米卷我就真係第一次啦。佢嘅糯米皮唔粉唔厚，非常煙韌軟Q，最重要係無麵粉味，令一向唔太鍾意食糯米類甜品嘅我都食得好滋味！一大塊嘅芒果非常香甜，既無渣又厚肉，對得住呢個價錢有突！…查看更多

聞說要搬址去油麻地，所以決定今日去試埋個蔬菜燉牛腩先！$60 配法包，可以加錢配餐飲，我冇叫。紅蘿蔔🥕薯仔🥔各兩嚿，好鍾意個汁😂好似羅宋湯但好多牛腩碎同埋濃稠好多，一睇個色水就知係我鍾意既味道！不過牛腩就唔夠稔，份量都算多啦，雖然個碗唔係深，薯仔唔係粉狀，我冇食，紅蘿蔔都入味，法包鬆軟即烘新鮮！如果可以，我想要個🥕🍅汁配法包🥖老公就再食蟹膏蕃茄湯河，今日落黃雨唔洗等位仲比佢試到班蘭綠豆糕！面層太煙韌，中間夾綠豆，一致覺得其他糕點較好食😂跟咖啡$10☕️…查看更多

Enjoyed their crab cream tomato noodle soup and pandan dessert. Pretty good price for the noodles, avocado smoothie and pandan pudding.The photo for pandan pudding was a bit confusing as it showed $15 with 2 pandan cake on the photo but it’s actually $15 each which is fine, just confusing personally speaking. The avocado smoothie was good, very avocado-y, tasted goodbut I think my expectation was a bit too high for the smoothie but I think my expectation was a bit too high for the smoothie and the noodles because friends of mine hyped them up too much, nevertheless, I thoroughly enjoyed it…查看更多

難得出黎深水埗就係個頭食埋個lunch先走係ig見到其他人推薦一於試試佢平日中午1點半左右到鋪頭已經有6、7個人排緊隊應該係因為我一個人排 所以排左15分鐘都冇就入得去店鋪有啲淺窄 行入去個陣要小心啲🫣嗌左最多人推薦既蟹膏蕃茄湯檬 $60湯底飲落都好鮮甜既材料鋪滿晒係面有蟹膏餅、豬紅、豆卜、扎肉、芽菜、生菜、成個蕃茄、香菜個人覺得豬紅同蟹膏餅最出色👏🏻豬紅索晒啲湯汁，一咬有爆汁feel蟹膏餅夠厚夠大份 又鮮甜檬粉食落就唔太似平時食開個種感覺有啲似食緊幼身米線😅成碗其實都幾大份最後係食唔晒另外嗌左兩舊糕點芋頭味 ($7) 同榴槤味 ($9)中意食榴槤既話都值得一試👍🏻芋頭味中規中矩啦 🤔味道✨ 6.7/10 價錢✨ 6.8/10 服務✨7.5/10 環境✨6.5/10 回頭率 6/10…查看更多

平日好少去開深水埗，難得去一轉梗係要搵下有咩好嘢食啦🤤講下鋪面先，認真講 成間都係鋪仔，客人們都座得比較親密，枱就唔算好多，但上菜就好快，所以就算出面幾長龍都好都唔算等好耐。星期六哩啲忙碌嘅時間，我地2位都係等咗15分鐘左右就有位。嚟到一定要試下佢個蟹膏蕃茄湯檬粉，同埋蔬菜燉牛肉配法包，甜品就揀咗斑蘭綠豆糕。蟹膏蕃茄湯檬粉一上到就聞到勁大陣蟹膏味，配上原粒大蕃茄，食落個湯底非常鮮味，同食得出湯底嘅鮮甜，配上蟹膏餅一切都好夾，推薦🤩🤩🤩蔬菜燉牛肉配法包都係世一推薦，牛肉係牛肋條，燉得好淋又入味，但又唔會一夾就散。個湯底睇落好似好浠，但其實唔係，配上外脆內軟嘅法包非常夾，湯底仲食得出用好多蔬菜燉出嚟，鮮甜十足。斑蘭綠豆糕非常煙韌，綠豆餡軟滑香甜又唔流，食完兩個麵，如果仲有胃口就一定要嗌啦🤤🫶🏻…查看更多

好食既野就係值得排隊❤️平時都覺得越南湯河冇咩特別，直到遇到第一郡，真愛無誤❤️-蟹膏蕃茄湯檬($60)好岩香港人口味既越南野。雖然佢係蕃茄湯檬，但湯底唔算酸酸地 ，重有一大粒蕃落上碟，鍾意食蕃茄嘅人一定會中意❤️不過佢重點係大大塊蟹膏餅，每一啖都係好濃既蟹膏味，蟹膏仲要吸晒啲湯，正呀。加$20可以要多一塊！配料都幾多，有2舊豬紅、2塊扎肉同豆腐卜。九層塔都好正好香。-斑斕綠豆糕 （＄15）🌟必食推介🌟有咬口既班蘭夾住一層綿綿既綠豆蓉，口咬已經好好。加上食到淡淡嘅斑斕香之餘仲有一絲絲綠豆蓉味，味精一流❤️-牛油果沙冰（$30）好清新好好味，成杯飲落去竟然一粒冰都冇，牛油果味好濃，成杯都超smooth🥰飲完好飽…查看更多

位於荔枝角道既Q1第一郡絕對係每次去深水埗必食嘅餐廳🤣👍🏻舖頭唔算大，每次一到lunch time就排晒長龍！但食物質素絕對值得你排隊🤩極度推介蟹膏蕃茄湯檬🍅入面有成大嚿蟹膏，諗起都流口😋如果唔鍾意食香菜同埋豬紅嘅話，記得落單嘅時候同佢講走咗佢，因為香菜浸味唔係人人頂得順🫢嘢飲方面，牛油果沙冰同埋芒果沙冰都值得一試，入面嘅水果好濃郁🤤如果你食完都仲有肚嘅話，都可以試埋佢舖頭嘅甜品糕點哈哈！…查看更多

 -自從比米紙報過之後就好多人去排，我地都排左半個鐘先入到去食🍜 【蟹膏番茄湯檬粉】 $60 (7.8/10)有半個蕃茄、蟹膏餅、豬紅、扎肉同埋豆卜，個湯我飲到唔係好多嘅蟹味、係好飲嘅，但蕃茄味會佔得多啲，檬粉比好多，個樣好似米粉，蟹膏餅好好食，勁鮮甜🍝【烤豬肉撈檬】 $60 (7.8/10)花生豬肉好食，檬粉好大份，比左好多金不換，好香好好食，夏天食一流，本身以為佢會比魚露我地自己落，點知係冇嘅😕☕️【凍咖啡】走甜 $10 (7.5/10)苦苦地，普通啦，佢有賣越南滴漏咖啡，不過要成$35，所以冇叫🧋【凍奶茶】少甜少冰 $7 (7.5/10)係茶記奶茶少奶版😌，飲落順口嘅，唔會好甜 -📍【第一郡 Q1】深水埗荔枝角道315號地舖🕑Tue to Sun 11:00~21:00                    …查看更多

朋友食過「第一郡」感滿意而大力推薦我去試，今次同朋友一齊去試下小店環境走平民路線，座位不多，當日非繁忙時間依然要等位，可證其食物有一定保證餐牌只有一張，有檬粉、越式法包/軟包、飲品及甜品；專注做好幾款食物，而且定價非常親民==========🔹蟹膏蕃茄湯檬 $60蟹膏餅，番茄，扎肉，豬紅，香菜，芽菜、生菜，檬粉再加幾件豆卜，材料豐富而份量滿滿先嚐一口蟹膏番茄湯，鮮美香甜，足料美味蟹膏餅鮮甜軟彈，扎肉豬香突出而口感緊實，豆卜吸湯後超好味，薄荷葉非常清新；其他配料皆新鮮，令整體味道多層次檬粉煮的時間剛好，麵質不過於軟腍推介指數：10/10==========🔹越式法包 $50腩肉、扎肉、肉鬆、酸菜、青瓜、芫荽、蔥及肝醬仲加入紅蘿蔔絲，份量充足豐富第一口咬落去聽到鏗鏘的「咔嚓」聲，法包即使放咗一段時間仍然保持香脆，包心纖維不粗內餡食材非常新鮮，選料上乘，芫荽香尤其突出無論味道及口感層次皆豐富冇特別加調味料，最食到食物的原味道，健康又美味，大滿足推介指數：10/10==========🔹牛油果沙冰 $35容量不少，牛油果沙冰打得非常軟滑，稀稠度適中，冰比例不高飲到清香的牛油果原味道，只以微糖調味，感覺清新健康推介指數：10/10==========🔹芋頭糕 $7芋香味未算突出，甜度不高，口感非個人喜歡的，感覺粉比例較高推介指數：6.5/10🔹榴槤糕 $9食到少量榴槤肉，榴槤味道較淡薄，口感同上推介指數：6.5/10==========免加一服務費整體用餐體驗滿意，尤以主食及飲品均做得非常出色，小店用心做好食物，食材新鮮，定價親民，一定會再幫襯…查看更多

oh, many fighter said this one good. i dont believe it.thats why im here to taste. money cannot bribe me, im the honest writer unless u hv enough money.location is far from mtr. i need walk 10mins.shop is small, about 30 people sit in narrow seats.at the door u can smell crab soup strongly.we ordered a 60$ viet crab noodle.u can see it hugh bowl. half tomato1 big crab egg cakemany green3 thick slick 札肉 hamsoup slight sour, full of crab shimp taste, very nice.crab egg is egg mix crab and steam, a bit normal.i dont like tomato but still eated it.✅✅✅✅✅i ordered a avocando milk ice shake, very good and make me very full after, no add sugar, very raw and good taste yummy✅✅✅✅✅love it will come back.…查看更多

.總括來說……我會再來這是一間，我常常會幫襯的越南餐去這間越南餐廳，次次都是食相同的食物！法國麵包🥖餡料豐富，麵包質地也很好蟹肉檬粉這個面，基本上台台都會叫……有很多餸，又有濃郁的蕃茄味鮮味和份量都十足如果你好彩，仲可以叫到斑蘭糕佢好快就會賣晒另外，佢嘅牛油果奶昔都很好值得一試.🔻.#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant…查看更多

發覺次次特登食間餐廳，第一次都係失敗😇呢間越南嘢都喺區內頗有名氣第一次嚟到，蟹糕湯檬賣哂😇第二次直情冇開😇第三次終於嚟到🥹證明呢個粉真係不得了地出名‼️❣️蟹膏蕃茄湯檬($60)碗麵非常大碗同足料😱眼見有豆卜、蕃茄、好多豬紅、好多扎肉、生菜，主角好大舊嘅蟹糕餅😍偶爾仲會見到蟹腳😂首先個湯好濃，蟹膏味同蕃茄味都食到🤩酸酸地又鮮味真係超開胃😘餸嚟講，豆卜索湯，扎肉彈牙，豬紅爽滑👍最出色要講個蟹糕餅💖💖個口感係我冇試過嘅😂冧冧地又粉粉地我講唔出佢似咩🤣🤣味道係濃濃嘅蟹膏鮮味😋😋真係好好食‼️我同朋友咬完第一啖都即刻望住對方😂😂😂呢碗野$60真係超值因為真係好多餸！🤤不過，本人勁唔鐘意食香菜嗰陣味所以強烈解議走左佢‼️‼️‼️‼️朋友嗰碗走左我就覺得好味啲😂餐廳環境比較逼，人多嗰陣可能坐得冇咁舒服但野食好味就得啦😜其實餐廳仲有法包同牛油果沙冰好出名，但我竟然冇試到😭😭下次記得要留個肚食多啲野☹️回頭率：4.5/5…查看更多

小店唔大，要排隊但比我想像中快，星期五7點去到都係等20分鐘。扎肉法包$47：我對法包既印象就係硬過我條命，都係朋友想食咪試下。Q1既法包唔太硬都唔太軟，又多料，係個難得我可以食哂半個既法包同埋要讚下個包裝，唔會食到天一半地一半，仲要可以啖啖都食到包同料烤豬肉湯河$62:豬肉同湯河分上，唔會影響個湯底味道唔好睇個碗細細，豬肉份量多同埋肉質滑，豬肉醬汁多帶點甜糕點（馬豆、紅豆）$7 一件：唔知馬豆係咩就叫黎試下，上網搵原來係乾左而成熟既荷蘭豆～含手豐富蛋白質及水溶性纖維食落味道清甜，椰奶比例岩岩好，有淡淡椰香又唔會搶走馬豆既清甜紅豆都唔錯，但我個人偏好黃豆叫埋個椰皇（跟餐+$28）人均$80 有主菜甜品飲品～…查看更多