笑宴

最近工作上既忙碌終於暫告一段落😁同老公去搵好野食慶祝下❤️🍾見到灣仔利東街新開左間日式居酒屋就想試試🇯🇵裝修有日式居酒屋feel🏮以和風木色為主調，佈滿特色海報🧡加上燈光柔和，服務亦好殷勤，整體體驗唔錯💯居酒屋主打各種特色日式酒類及佐酒小食😙呢度既總廚係日藉+擁有35年經驗💗全新推出既菜式有廣島蠔松前燒、海鮮卷、手作北海道產吉列薯仔沙律、自家製芝士豆腐、香脆關東煮蘿蔔等～～全部都好想試呢❣️❥ 板前炙燒日本牛扒 $268勁打卡！！店員會席前用火焰燒牛扒🥩🔥（點呢道菜真係要準備定手機📱）牛扒勁高質🧡外焦內嫩，顏色粉嫩，炭燒味香濃，咬落口有滿滿既肉汁💦食完好滿足💕❥ 日本和牛温泉蛋凱撒沙律 $138份量好多🥰和牛好粉嫩，搭配滑嫩既温泉蛋😍加上清爽既沙律菜，同埋大量既芝士碎🥗成個配搭勁豐富❤️‍🔥❥ 沖繩AGU豬肉餃子 $68餃子皮薄餡多，粒粒都勁飽滿🥟豬肉鮮嫩，入口juicy！！搭配埋醬油好好食😋❥ 雞肉大葉串燒伴梅子醬 $68雞肉串燒香嫩，搭配酸酸甜甜既梅子醬！兩者平衡得好好，食落唔會太膩，又開胃💕❥ 輕燒日本和牛 $176賣相超靚！！薄切和牛輕輕一燒，肉質柔軟，油花十足！輕燒既方式令肉味更加突出🥩鍾意食和牛既人唔可以錯過🫶🏻❥ 日本和牛炒飯 $128炒飯份量比想像中多🫶🏼和牛入口軟嫩，油脂感重😚炒飯炒得乾身粒粒分明，伴上雞蛋同蔥花，口感味道都好唔錯🥰❥ 蕃薯大福配抹茶雪糕 $78結尾點呢個甜品真係岩岩好☺️大福口感軟糯Q彈，唔會太甜！裡面包住香甜既蕃薯餡🍠配上抹茶雪糕，味道清新💚❥ 四季柑汁 $48清新可口，果味濃郁，好解渴❤️❥ 菠蘿梳打 $48菠蘿味清新又香甜🍍飲落仲有啖啖果粒😙夏日必飲✨🌻…查看更多

呢晚喺利東街食咗呢間新開嘅日式居酒屋，主打各種特色日式酒類同佐酒小食，呢晚我都叫咗幾款嘆吓😎板前炙燒日本牛扒係一個幾有觀賞性嘅菜式，因為店員會席前用火焰燒牛扒😮 燒完嘅牛扒仲係好粉嫩，keep住有好多肉汁。側邊仲有茄子、本菇、西蘭花、薯仔同埋粟米做配菜。日本和牛溫泉蛋凱撒沙律沙律面頭有勁多芝士碎🥗 加埋鋪得靚靚嘅和牛片同埋溫泉蛋，整個配搭都好豐富🥩 雞肉大葉串燒伴梅子醬一份有兩串，雞肉燒得幾香口，配埋面頭有紫蘇葉同埋特製嘅梅子醬，食落口唔會太油膩🐥香蔥吞拿魚腩煙蘿蔔卷卷物嘅頂頭有好豐富嘅吞拿魚腩蓉，加上有醃蘿蔔粒，令到整個卷物嘅口感更有層次🐟輕燒日本和牛一片片排列整齊嘅日本和牛，經過炙燒之後，依然油花十足。肉質幾軟腍仲可以點埋隔離略帶酸味嘅醬汁一齊食😸日本和牛炒飯呢個炒飯用上日本嘅珍珠米，都整得幾精緻🍚 除咗面頭幾嫩口嘅和牛片之外，其他配料包括有蘿蔔粒、蛋絲、蔥花等 。是日雪葩呢日係蘋果雪葩，用上原個蘋果裝住幾香甜嘅雪葩🍎 味道幾清新。飲品我地嗌咗兩杯Suntory生啤，仲可以揀黑啤🍻 適合同朋友過嚟飲返杯。同店員傾開先知餐廳係由35年經驗嘅日籍總廚主理，唔怪得啲食物質素咁正啦🤩 大家想同朋友chill吓就要過嚟試吓啦😋…查看更多

🥩 板前炙燒日本牛扒 HK$268・味道：好少可日本牛係既有牛脂香又有好重肉味🤌，入口既有半融嫩滑脂肪，又有牛肉肉香，加埋外皮燒到微微焦脆，出色！蔬菜都係鮮甜🥬，一啲都唔hea。加上個微甜嘅燒焦汁，中和咗牛脂嘅膩口，掂👍🏻！・口感：切到2-3cm幾夠咬口，有拉扯感但唔韌，每啖都咬到肉香加牛脂嘅香味，出色嘅。🦪 廣島蠔松前燒 HK$138・味道：清新帶甜嘅廣島蠔，冇腥味少少甘香，偏清爽唔係濃郁系。配檸檬汁＋明太子醬＋柚子醬，更fresh！又吊到蠔嘅海鮮鹹香🌊，正！・口感：肉質飽滿，好滑溜～🐙 牛油果八爪魚拌山葵醬油 HK$108・味道：呢個好surprise，好新鮮彈牙嘅八爪魚片加好綿密嘅牛油果🥑，加埋唔攻鼻嘅山葵醬油，夏天食好開胃，淡淡山葵香氣但唔辣係幾正的。・口感：一個清新一個濃厚嘅口感，好大對比但好夾。🍢 雞肉大葉串燒伴梅子醬（2串） HK$68・味道：雞皮幾脆口嘅，係雞扒啖啖肉幾juicy，靠梅子醬同紫蘇葉係幾香嘅，但份量可以多啲因為唔夠送咁大嚿雞XD・口感：雖然juicy，但又唔係嫩口㗎喎，有啲黑人問號，不過起碼唔柴😂～🍣 香蔥吞拿魚腩煙蘿蔔卷 HK$78・味道：吞拿魚腩新鮮嘅，冇筋純腩位，但可以揀啲更肥美嘅位會更滿足XD・口感：打到好蓉，但如果留返小小吞拿魚粒，有啲咬口更好！🍛 日本和牛炒飯 HK$128・味道：飯粒飽滿分明，炒得乾身，個人口味覺得再乾身少少，焦香味更重會再香口啲！和牛都係牛扒嗰款🥩，肉香脂香都有齊，加埋蒜片好香🧄，個口食到好臭好喜歡XDXD・口感：蒜片烘得唔夠乾身唔夠脆，所以少少痴牙，但整體good嘅！🍨 海鹽雪糕拼炸沖繩紅芋球 HK$68・味道：入口都幾重鹹香，甜味慢慢出返嚟，唔算好重奶香，真係海鹽味冇fake臭XD！反而個炸沖繩紅芋球🍠，炸得乾身脆口，上枱出晒煙，食落似實心煎堆，內餡紅芋球係好香甜綿密嘅芋香，但個甜味係清甜，冇加奶，食返原本芋香嘅清甜，加雪糕好正😋！・口感：雪糕綿密，唔會好重冰感，唔是雪葩質地，但入口又唔會好似好勁奶香嘅雪糕咁，係清爽的！🍋‍🟩 青檸泡盛 HK$52・味道：lime cocktail🍸，作為一飲酒就紅到關公咁嘅肚波，覺得都幾易入口，唔會好重酒精味，同時青檸味幾香，微甜，不錯喝！・口感：酒類飲品嚟講佢個份量幾佛心，算大杯的。🍊 四季柑汁 HK$48・味道：出色！個甜味exact7ly係食柑蕊位最甜最甜嘅位，未到澀但就係最甜嘅位，好天然嘅柑香，正🍹！・口感：同時又唔會甜到好漏喎，正！・・・・・・・・・・・・・・・・・・・・🤰性價比：高～🤰9衝度：9衝～🤰結論：平時好少食居酒屋，因為覺得唔抵食，但呢個份量味道都做足畀你，食完係會滿足，覺得食到好西，quota冇嘥到🥰！仲係喺灣仔黃金地段，會再encore！…查看更多

星期六晚同老婆去咗灣仔「笑宴」，間舖頭藏喺橫街，門口掛住盞紙燈籠🎏，幾有東瀛feel。入到去燈光偏暗，枱與枱之間有竹簾間隔，私隱度夠，唔會聽到隔籬枱講股票經👨💻。播住輕輕嘅三味線音樂，整體氣氛幾放鬆，適合兩個人慢慢傾偈💑。侍應介紹菜式好細心，仲主動推薦當日新鮮食材，加分！厚炸沖繩島豆腐 🌟🌟🌟🌟外皮炸得超薄脆，一咬開入面嘅豆腐滑到似燉奶🤤！豆味濃得嚟帶淡淡甜味，點埋旁邊嘅鰹魚醬汁更提鮮。唯一挑剔係炸粉有少少甩，但無損整體滿足感～日本和牛溫泉蛋凱撒沙律 🌟🌟🌟🌟✨和牛片粉嫩油花勻稱，咬落去有淡淡奶香🥩，溫泉蛋漿撈勻新鮮羅馬生菜，加埋脆麵包粒同鹹香芝士碎，口感層次好豐富。如果沙律醬再多啲就更perfect！香蔥吞拿魚腩煙蘿蔔卷 🌟🌟🌟吞拿魚腩蓉夠肥美，但煙蘿蔔片嘅酸味有啲搶🫢，蓋過魚油香。口感上蘿蔔爽脆係有趣，但感覺兩樣食材各自修行，未算好夾。自家製汁燒日本雞軟骨肉餅 🌟🌟🌟✨雞軟骨粒脆卜卜混喺肉餅裏面，咬落有驚喜咔哧聲👂！醬汁甜中帶微辣，不過肉質有少少乾，如果多返啲肉汁就正喇～苦瓜炒豬肉 🌟🌟🌟🌟估唔到苦瓜處理得咁好，苦味溫和仲帶回甘👏，豬肉片嫩滑，加埋蒜片同豆豉爆炒，鑊氣十足！送飯一流，老婆唔食苦瓜都夾咗兩箸～沖繩四季柑汁 🌟🌟🌟🌟酸甜清新！柑汁天然果香突出🍊，帶點酸點口感，冰涼解膩，飲到尾仲有少少果肉纖維，誠意十足。青檸泡盛 🌟🌟🌟沖繩特色燒酒+青檸汁，酒體清爽但後勁有啲烈🍶，酸味幾醒神，不過怕酸嘅人可能會皺眉頭。食材配搭玩到傳統中帶新意🎎，尤其係豆腐同和牛沙律令人印象深刻。環境唔逼仄，服務又貼心，兩個人埋單千零蚊，算係合理。如果經過灣仔想食啲日式fusion菜，呢度係個穩陣選擇～…查看更多

上個禮拜同男朋友慶祝生日🎂，揀咗灣仔呢間樓上日本餐廳「笑宴」。佢個門口唔算好起眼，要行樓梯上去，有啲似去緊朋友屋企咁。入到去地方唔算好大，但坐得幾舒服，主要係木系裝修，燈光用咗啲暖色調，黃黃地咁，感覺幾溫馨。成個場都幾靜，唔會好嘈吵，好啱兩個人坐低慢慢食飯傾偈，慶祝特別日子都幾唔錯。🥳手作北海道產吉列薯仔沙律 ⭐️⭐️⭐️⭐️呢個沙律嘅呈現方式幾得意，凍嘅薯仔沙律上面，放咗一舊熱辣辣即炸嘅吉列薯餅。外層炸粉好薄好香脆，一咬開「咔」一聲，入面嘅薯蓉又熱又軟綿，混埋底下爽口嘅青瓜絲同沙律醬一齊食，冷熱交替，口感好豐富，作為頭盤係一個好好嘅開始。🥔日本和牛温泉蛋凱撒沙律 ⭐️⭐️⭐️⭐️⭐️呢個沙律係成晚其中一個焦點。和牛份量比想像中多，表面輕輕燒過，帶有焦香，但內裏依然保持住好軟嫩嘅肉質，牛味都幾突出。最正是篤穿隻溫泉蛋，睇住啲蛋黃漿慢慢流出嚟，撈勻啲新鮮羅馬生菜同凱撒醬汁，每一啖都食到和牛嘅油香、蛋黃嘅濃滑同蔬菜嘅爽脆，味道層次好分明。🥗苦瓜炒豬肉 ⭐️⭐️⭐️呢道菜就相對比較家常啲。苦瓜處理得唔錯，唔會苦到令人難以入口，仲保留到少少甘甘地嘅味道。豬肉片都炒得幾嫩滑，不過整體嚟講就冇前面幾道菜式咁有記憶點，算係一道穩陣、唔會出錯嘅熱食選擇。🍳水雲醋物 ⭐️⭐️⭐️食完幾道比較濃味嘅菜式，食一客水雲醋物就啱啱好。水雲滑潺潺嘅口感唔係個個都鍾意，不過我就覺得OK。個醋汁酸度調校得唔錯，唔會太嗆喉，酸咪咪咁好開胃，可以有效咁清新一下個口腔，準備食下一道菜。👍自家製汁燒日本雞軟骨肉餅 ⭐️⭐️⭐️⭐️見到「自家製」三個字就覺得要試下。個肉餅燒得好靚，外層有層甜甜地嘅燒汁，好惹味。肉餅本身好厚實，最特別嘅地方係入面加咗好多雞軟骨粒，所以食落去唔會成舊都係死實實嘅肉碎，而係每啖都會有啲爽脆嘅口感，咬落去咯咯聲，幾過癮。🍡自家製芝士豆腐(芥辣醬油） ⭐️⭐️⭐️⭐️⭐️呢個真係好有特色！賣相好似一磚普通豆腐，但一入口完全係兩回事。佢嘅口感極度幼滑，似panna cotta同cream cheese嘅混合體，入口即溶。本身有好香濃嘅芝士味，點少少跟埋嚟嘅芥辣醬油，鹹鹹地再帶啲微微攻鼻嘅刺激感，估唔到個配搭咁夾，鹹甜交錯，味道好新鮮。🧀三得利頂級生啤 ⭐️⭐️⭐️⭐️⭐️食日本嘢點可以冇啤酒！呢杯生啤啲泡打得好綿密，入口好順滑，麥味夠香，飲落去個種清爽感真係一流。無論係配沙律定係之後嘅熱食都好夾，飲完一杯忍唔住要再添。🍺日式Mojito ⭐️⭐️⭐️⭐️見到個名覺得幾有趣就叫嚟試下。佢唔係平時飲開嘅薄荷味，而係用咗紫蘇葉同柚子去調製。飲落去酸酸甜甜，帶有好清新獨特嘅紫蘇香氣，酒味唔會太重，好易入口，感覺好清新，好適合女仔飲。🍹呢餐生日飯食得好開心🥰。笑宴嘅食物整體水準都唔錯，用料幾實在，特別係幾款自家製嘅菜式都睇得出有花心思。環境氣氛好適合靜靜地食飯，同朋友或者伴侶嚟慶祝都係一個唔錯嘅選擇。店員服務態度都好友善，由帶位到上菜都好順暢，係一間會令人食得舒服、坐得自在嘅餐廳。👍…查看更多