竺扶大班燒味

營業中

休息中

燒味對我黎講係平常食極都唔會厭既港人至愛食物, 依間位於灣仔燒味人氣店, 午市經常大排長龍, 深受附近上班一族歡迎, 係依區數一數二既高質燒味餐廳餐廳用左古井燒鵝, 用自家祕制陳皮醬醃制, 完美還原古早味道, 黎到又點可以唔叫佢地既原隻至尊古井燒鵝脾拼油雞飯呢賣相吸睛而又肥美既燒鵝脾, 未食都已經聞到香味, 燒鵝外皮非常薄脆, 油香突出, 脂肪比例適中, 唔會太瘦或太肥, 燒鵝肉咬落軟熟之餘, 味道濃郁, 配埋個燒味汁咁食味道更加香, 以對比知名既深井燒鵝某餐廳, 的確唔輸蝕! 值得再黎encore, 油雞比想像中入味, 雞皮薄嫩帶Q彈感, 肉質嫩滑, 配埋薑蓉同飯一齊食好好味!另一碟係黯然銷魂飯, 即係半肥瘦叉燒加煎雙蛋, 配左餐廳既大將燒肉汁, 叉燒肥瘦相當適中, 入口軟熟帶油香, 配埋煎蛋汁拌勻咁食真係停唔到口, 但如果要我揀邊款值得再翻頭食, 我一定會揀燒鵝!店員服務同速度都唔錯, 落單後到送野食黎只係10分鐘內, 算係幾快手!

有朋自遠方來，梗係要帶朋友去食富有香港特色嘅燒味飯啦！今次就來到灣仔呢間極具人氣嘅燒味餐廳！星期日未夠6pm餐廳已經全場滿座！雖然要排一陣隊，不過好快就安排到入座🙈 聽講餐廳連平日午市都經常大排長龍，睇來亦同樣深受附近上班一族嘅歡迎啊～豉油雞+燒腩仔飯💰HK$56豉油雞嫩滑惹味，配搭埋蔥油，撈飯一流！燒腩仔好有驚喜，外皮酥脆，肉嘅部份肥瘦均勻得來又肉汁豐富，點埋自家秘製嘅芥末醬，整體感覺更加油而不膩～燒鵝五寶飯💰HK$88呢個五寶飯超豐富！有至尊古井燒鵝、銷魂叉燒王、燒腩仔、玫瑰紅腸同埋半隻鹹蛋！原來餐廳對古井燒鵝都非常講究㗎！首先會嚴選 5 斤半嘅手比雌鵝，然後再用自家製嘅陳皮醬去醃制鵝嘅內籠，最後就將古早味道完美咁呈現出來！銷魂叉燒王色澤誘人，外層略帶焦香，而且肥瘦均勻，味道甜中帶咸，令人回味無窮～是日靚湯💰+HK$6今日係老黃瓜赤小豆煲豬骨湯！老火湯味道鮮甜，仲有好多湯料添，果然係真材實料啊～餐廳用心製作每一樣食物，價錢亦相當合理，睇來呢到真係來香港必食嘅高質燒味餐廳！下次有朋友再來香港玩，一定會再帶佢哋來食啊～

今日去再灣仔做野午餐時間想食燒味🔥見到一間叫竺扶大班燒味大排長龍，坐無虛席而且排隊嘅好多都係上班族，應該幾受歡迎👍🏻👍🏻就唯有唔食住，等我完成埋工作先再去食去到下午茶時間終於有位🥳可以入去試下✨至尊古井燒鵝 + 銷魂义燒皇🪿🍗燒鵝肉皮薄多肉，鵝皮亦烤到好香脆🔥餐廳採用5 斤半嘅䧳鵝再用埋自家陳皮醬醃過內籠所以先咁好食👍🏻完全還原古早味道义燒半肥瘦，燒到燶邊好香口🔥而且色澤紅潤，食落滿滿肉汁又唔硬💦✨豉油雞燒腩仔🐔🍖🔥要雞脾（+$15)🍗燒腩仔望落肥肉分明食落皮脆肉嫩豬肉亦醃得相當入味👍🏻👍🏻肉質鬆化又多汁雞脾啖啖肉👍🏻而且皮薄肉厚食落好香雞油味又掛汁💦✨蓮藕淡菜綠豆煲豬腱湯🐽🥩兩碗都好足料，唔會淨係得水🍲飲落唔鹹又唔淡唔會係溝水煲出來仲有好濃肉香👍🏻✨凍奶茶🥤🧊走甜好大杯，飲完都成肚水餐廳由藍帶廚師主理主打高質嘅燒味👍🏻以呢個價喺灣仔食到高質嘅燒味性價比高🥳🥳餐廳侍應態度親切內部整潔企理雖然係下午茶份量但都夠我哋兩個人食

真係勁耐冇食過燒味飯啦😂 呢日勁想食啲高質素嘅叉燒，見到呢間人氣滿滿嘅燒味店，就排埋一份入去食返個靚飯🙂‍↔️黯然銷魂鴛鴦飯呢個名真係勁有氣勢，有三個選擇，每款都係人氣之選😮 我哋揀嘅呢個鴛鴦飯有齊半肥瘦叉燒同埋餐廳其中一樣招牌菜冰燒鳳凰雞🐥 冰燒鳳凰雞係冇骨㗎，啱晒我呢啲唔鍾意吮骨嘅人🦴 另外叉燒用上嘅大醬燒肉汁，送飯一流🐷 仲有煎雙蛋，不過我略嫌佢熟咗少少，如果係太陽蛋就更加啱我喇，個人真係好鍾意用蛋汁撈飯🍳燒鵝五寶飯呢個五寶飯排得勁靚，每款配料都有五件以上，都幾抵食👍🏻 勁推介大家食佢嘅至尊古井燒鵝，鵝皮嘅油份同埋實淨嘅鵝肉係超夾🪿 五寶仲包括咗銷魂叉燒皇、燒腩仔、玫瑰紅腸同埋鹹蛋半隻😋 真係夠晒豐富，燒腩仔嘅外皮，雖然有啲邪惡，但係我都忍唔住食晒😆老黃瓜赤小豆煲豬骨湯每日有一款例湯，今日呢個豬骨湯都幾啱我口味，有清熱嘅老黃瓜😗飲品♦️熱奶茶呢度雖然唔係港式嗰種絲襪奶茶，但係個紅茶都幾香。♦️凍檸茶味道唔會好甜，茶底都幾濃郁🍋果然真係超級有人氣，食完離開餐廳嘅時候出邊仍然大排長龍，如果想食嘅朋友記住早啲開餐🥢

灣仔一日遊接近尾聲，想去利東街睇聖誕佈置前食d野，咁就食個早少少嘅晚飯，見到間鋪頭排曬長龍，就梗係要睇下食乜咁厲害la，原來係賣燒味，招牌仲要係燒鵝添，咁就排下隊挑戰下港島區"竺扶大班燒味" 嘅燒鵝先⭐️黯然銷魂鴛鴦飯半肥瘦叉燒+冰燒鳳凰雞+煎雙蛋，大將燒肉汁+鳳凰辣汁叉燒半肥瘦，甜度啱啱好，味道好平均，冰燒鳳凰雞食落個皮甜甜地，雞肉食落唔un，個雞肉跟埋個獨特嘅醬汁，令雞肉食落與眾不同，又有另一番風味，煎雙蛋係流心嫁😍撈飯一流⭐️至尊古井燒鵝+燒腩仔佢嘅梅醬似係自家制，酸味重d，好啱我口味，酸d又可以解燒鵝嘅膩；腩仔嘅皮香脆鬆化，同埋佢個芥末同平時食落嘅味有d唔同，好食。另外，li度有瀨粉，轉黎試下先，個湯好熟悉，男朋友話係雲吞麵嘅湯底⭐️老火靚湯青紅蘿蔔豬骨湯，好足料，個湯好入味，飲落好清甜，飲到尾仲飲到陳皮味，好特別，好好飲😋⭐玫瑰豉油皇乳鴿燒乳鴿就食得多，豉油皇乳鴿真係第一次食，好入味，好鐘意li個口感同味道嘅乳鴿😍

竺扶大班燒味灣仔燒味人氣店，午市經常大排長龍！黯然銷魂飯（半肥瘦叉燒煎雙蛋飯）此飯的特色在於其半肥瘦叉燒，經過精心調味與慢火煎烤，外皮微脆內裡多汁，與煎至恰到好處的雙蛋相得益彰，口感豐富，令人回味無窮。上湯浸菜心這道菜雖看似簡單，卻極其考驗廚師的火候掌握。菜心鮮嫩綠色，上湯滾燙卻不滾燙，恰到好處地將菜心的鮮甜襯托出來，湯汁滲入菜心內部，每一口都充滿著鮮美的滋味。眉豆花生雞腳湯此湯的製作費時費力，卻能帶給食客極致的享受。眉豆與花生經過長時間的熬煮，軟綿入口即化，雞腳則保持適度的嚼勁，整道湯品滋味醇厚而不膩，營養豐富，是冬季進補的不二之選。香港必試的高質燒味餐廳！

這間燒味店星期日的兩點仍然大排長龍，好彩翻枱速度都幾快。餐廳地方細細，需要夾枱坐，都比較迫。門口掛住的燒味十分吸引，當中燒鵝及叉燒比較出名。燒鵝比較出名，所以點了兩份至尊古井燒鵝雙併，一份燒鵝併銷魂叉燒，一份燒鵝併燒肉。兩份都賣相吸引，價錢合理。燒鵝暖身，斬得每件均勻，油香肉嫩，鵝肉香濃。銷魂叉燒厚身而燶邊，肥瘦層層相間，怕肥的朋友提議點瘦叉。燒肉則皮脆肉嫩。他們每日有不同的老火湯，跟餐只加$6, 十分足料。

朋友上班在灣仔，相約午市食飯來到他說香港必試的燒味店， 來到果然要拿飛排隊，幸好一陣入得啦！原隻至尊古井燒鵝脾皇牌推薦原隻至尊古井燒鵝脾 果然吸引，鵝皮脆而肉嫩，油脂剛好，在口慢慢品嚐鵝肉香氣回味無窮！豉油雞燒腩仔飯燒腩仔做到脆皮嫩肉完美比例，而雞肉嫩滑再配埋老火靚湯豬骨湯，真材實料雖然小店位置確實不大， 但店員安排約好， 人情味濃厚， 我覺得呢間絕對值得幫襯呀！地址: 香港灣仔三角街2-3號華欣閣地下3號舖

在灣仔除了甘記和榕哥，這是另一間多人等位的燒味店，其中有不少是來自大陸或歐美的旅客。星期日的下午，等了廿五分鐘才有位。义燒和燒鵝都算幾好食，义燒肥美香嫰，加上自加制豉油汁，真的幾好食，食物級數與灣仔榕哥差不多，至於杯奶茶就尚算合格。服務就真係冇，可能真係太多人輪候，職員冇法應付！另一小插曲， 伙記落錯單，收銀亞姐改單後過來話我沒有講清楚，幸好落單姐姐過來向收銀亞姐承認落錯單！不過無啦啦比收銀亞姐話完，真是有點比錢買難受的感覺。 只想講這兒是合適講求味道的人，想要求服務就真的不合適來這裡！！！

沖到灣仔這家燒味店，果然又排長龍！附近西裝友、OL都在等，看來是上班族的秘密飯堂沒錯～ ▫️燒鵝x燒腩仔雙拼 ($98) 鵝皮脆到會唱歌！油脂在嘴里化開那瞬間，終於明白點解大家甘願排隊。燒腩仔的"三層妖術"更絕——脆皮、肥膏、嫩肉完美比例，連平時不吃肥肉的朋友都搶著夾😂▫️黯然銷魂鴛鴦飯 ($68) 叉燒蜜汁夠入味，雞肉嫩滑，明明說要減肥，結果不知不覺清盤... ▫️老火靚湯今日是豬骨湯，真材實料。隔壁桌的熟客阿叔一啖飲曬，就知道來對地方了！ 💡 本地人小貼士： 1️⃣ 下午茶5點半前排隊人較少 2️⃣ 凍飲推薦羅漢果茶，清甜解膩 3️⃣ 可以外帶燒味拼盤回家加餸 這家絕對是來香港必試的燒味店，吃完終於懂為什麽能長期霸占灣仔人氣榜了！建議避開高峰時段，不然要像我們一樣站著等啦～

連外國人都要排隊食嘅燒味專門店，真係好多人排隊！🍖叉燒油雞飯🍚叉燒色澤紅艷，肉質軟嫩，咬落去有一陣甜味，仲帶啲煙燻香。油雞就更加滋味，雞肉滑溜，搭配上香噴噴嘅白飯，真係好食食到停唔到口。🪿燒鵝瀨粉🍜燒鵝皮脆肉嫩，每一啖就有啲油脂流出，味道豐富可口，鍾意食燒鵝嘅不能錯過。瀨粉每條都充滿湯汁嘅香味，湯汁濃郁可口，同燒鵝簡直係絕配！🐤豉油王乳鴿乳鴿肉質鮮嫩，豉油味香而不膩，可口美味，食落去仲有一種特別嘅香氣，認真滿足。🥤飲品☕️熱檸茶 & 🧊凍奶茶😋總括來講，呢間燒味專門店絕對值得一試！無論係味道定係價錢，都係超值

以前啱啱開食我每次入港島都會食晚市🥢果時已經覺得好好味🤤今次喺灣仔接左個job就試吓午市睇下水準keep吾keep到！中午12:30左右到已經有好多附近既打工仔排緊隊，外賣單又係超多，我等咗5分鐘就入到去，一黎到當然要叫翻例牌既燒鵝拼叉燒飯！至尊古井燒鵝 x 銷魂叉燒皇雙拼飯（$62）燒鵝真係keep到皮脆肉嫩，個味食到好明顯同其他燒味店吾同，見到話係用左特別既陳皮醬料去醃制內籠，吾怪得之咁入味～份量咁多食食下再沾冰梅醬完全吾會膩，重點係連個白飯都好好食，因為d鵝油滲透左落啲飯度，完勝豬油撈飯🥹叉燒又係燒得超好，最中意食表面燒焦果個位，半肥瘦叉燒入口即溶，完全有誇張啲叉燒真係好淋！最後仲搭條介蘭伴碟，覺得健康平衡咗，冇甘罪惡！倒湯（+$6）是日例湯係冬瓜薏米湯，好清甜又足料，飲落吾係味精湯，清熱解暑，飲完湯仲可以食埋冬瓜粒！

灣仔竺扶大班燒味不嬲都受灣仔街坊、打工仔、區外客同遊客嘅歡迎，今日下午茶時段嚟到都好多人，好彩排咗一陣就入得😉 我揀咗招牌古井燒鵝拼叉燒飯，搭配一碗老火湯，tea time真係好抵食😎🌟古井燒鵝不愧係店內招牌，嚴選五斤半雌鵝，外皮金黃油亮，我怕肥所以同姐姐講俾啲瘦嘅我🤣 估唔到瘦鵝肉依然保持鮮嫩多汁，肉質細膩，一啲都唔會乾柴。搭配秘製酸梅醬，酸甜適中，真心好好食🥰 叉燒肥瘦相間，表現同樣出色😍 外層焦香，內裡軟嫩腍滑，唔錯唔錯👍🌟老火靚湯每日都唔同，真材實料，火候十足。味道清甜。仲俾咗好多湯渣我，送燒鵝飯真係好正好舒服😌午市時段人潮較多，預咗要排吓隊，下午茶時段都keep住有人流，不過等一陣就入得都算快👍 鍾意食燒味嘅朋友唔好錯過，值得一試👍

灣仔依間高質燒味人氣店，午市經常有好多上班族大排長龍，所以今次假期我特登去試吓佢有咩好食。首先我梗係要一份黯然銷魂鴛鴦飯，佢嘅叉燒好結實入味，而鳳凰雞會配上獨特醬汁，菠蘿、紅黃椒、青檸、蒜蓉等，特別好味，有少少泰式嘅感覺，仲會有兩個煎蛋添！我另外仲叫咗燒鵝切雞上湯瀨粉，鵝肉同雞肉恰到好處，口感鮮嫩多汁，鵝肉選用左 5 斤半比雌鵝，再加上用祕制陳皮醬醃制內籠，而瀨粉煮得Q彈有嚼勁，配上濃郁嘅上湯。另外，我叫左咗上湯浸菜心，菜心鮮脆嫩滑，上湯清甜。雖然佢哋係一間燒味舖，但佢哋有自家製嘅羅漢果茶，清甜好飲

經過灣仔，記得上次去過竺扶大班燒味啲燒味好正，高質👍🏼價錢又抵食🤤一於去吃吃！聽講午市成日大排長龍，我去嗰時係下午茶時間～都好滿座💗見到好多街坊幫襯，又有好多係附近上班一族，仲有啲食客係專程嚟，果然係灣仔燒味人氣店。入面坐得都好好舒服。我就點咗至尊古井燒鵝拼燒腩仔配瀨粉👍🏼（ $62；下午茶時段＄49）。燒鵝嚴選 5 斤半嘅雌鵝～用自家秘制陳皮醬去醃製內籠，好有古早風味！鵝味香濃，外皮又燒得靚～而燒腩仔都正！肥瘦均勻外皮香脆入口有油脂甘香。仲有老火靚湯（+$6）必點啊～當日粉葛湯，濃郁鮮香好足料。