竺扶大班燒味

營業中

休息中

燒味對我黎講係平常食極都唔會厭既港人至愛食物, 依間位於灣仔燒味人氣店, 午市經常大排長龍, 深受附近上班一族歡迎, 係依區數一數二既高質燒味餐廳餐廳用左古井燒鵝, 用自家祕制陳皮醬醃制, 完美還原古早味道, 黎到又點可以唔叫佢地既原隻至尊古井燒鵝脾拼油雞飯呢賣相吸睛而又肥美既燒鵝脾, 未食都已經聞到香味, 燒鵝外皮非常薄脆, 油香突出, 脂肪比例適中, 唔會太瘦或太肥, 燒鵝肉咬落軟熟之餘, 味道濃郁, 配埋個燒味汁咁食味道更加香, 以對比知名既深井燒鵝某餐廳, 的確唔輸蝕! 值得再黎encore, 油雞比想像中入味, 雞皮薄嫩帶Q彈感, 肉質嫩滑, 配埋薑蓉同飯一齊食好好味!另一碟係黯然銷魂飯, 即係半肥瘦叉燒加煎雙蛋, 配左餐廳既大將燒肉汁, 叉燒肥瘦相當適中, 入口軟熟帶油香, 配埋煎蛋汁拌勻咁食真係停唔到口, 但如果要我揀邊款值得再翻頭食, 我一定會揀燒鵝!店員服務同速度都唔錯, 落單後到送野食黎只係10分鐘內, 算係幾快手!

有朋自遠方來，梗係要帶朋友去食富有香港特色嘅燒味飯啦！今次就來到灣仔呢間極具人氣嘅燒味餐廳！星期日未夠6pm餐廳已經全場滿座！雖然要排一陣隊，不過好快就安排到入座🙈 聽講餐廳連平日午市都經常大排長龍，睇來亦同樣深受附近上班一族嘅歡迎啊～豉油雞+燒腩仔飯💰HK$56豉油雞嫩滑惹味，配搭埋蔥油，撈飯一流！燒腩仔好有驚喜，外皮酥脆，肉嘅部份肥瘦均勻得來又肉汁豐富，點埋自家秘製嘅芥末醬，整體感覺更加油而不膩～燒鵝五寶飯💰HK$88呢個五寶飯超豐富！有至尊古井燒鵝、銷魂叉燒王、燒腩仔、玫瑰紅腸同埋半隻鹹蛋！原來餐廳對古井燒鵝都非常講究㗎！首先會嚴選 5 斤半嘅手比雌鵝，然後再用自家製嘅陳皮醬去醃制鵝嘅內籠，最後就將古早味道完美咁呈現出來！銷魂叉燒王色澤誘人，外層略帶焦香，而且肥瘦均勻，味道甜中帶咸，令人回味無窮～是日靚湯💰+HK$6今日係老黃瓜赤小豆煲豬骨湯！老火湯味道鮮甜，仲有好多湯料添，果然係真材實料啊～餐廳用心製作每一樣食物，價錢亦相當合理，睇來呢到真係來香港必食嘅高質燒味餐廳！下次有朋友再來香港玩，一定會再帶佢哋來食啊～

我係去開竺扶大班餐廳嘅常客，基本上每一至兩星期就會黎食一次，視乎餐廳繁忙時段，堂食同外賣都有食開。今日食完堂食係我食過最差嘅體驗，決定要寫食評同各位食客分享。以下係平時食開嘅D7叉燒燒鵝飯，$62。可見叉燒燒鵝有一定厚度，係竺扶大班平時正常發揮嘅半肥叉。平時食前都已經覺得好香，飯配肉汁真係好好味，唔鹹唔乾，普通男子都會食得飽同滿足。今日同家人三個人12點到餐廳，大概係繁忙時段嘅開始，等了5分鐘左右就可以入座。以下呢個係今日嘅D7叉燒燒鵝飯。落單後5分鐘之後就上碟。賣相/份量：有四塊叉燒同五塊燒鵝同一條菜心。上碟時我以為自己眼花，叉燒好薄，薄得離譜，唔講以為自己叫左鵝片飯咁薄。五塊燒鵝只有骨同鵝皮，只有中間有兩塊有啲肉。味道：叉燒唔硬但又薄又乾，實在食唔出平時有炭燒嘅味道，亦聞唔出平時熟悉嘅香味。五塊燒鵝入面兩塊有啲肉嘅燒鵝只是合格水平，剩餘三塊只得骨頭。白飯亦都配咗好少汁，唔夠平時咁熱。飲品叫左杯凍檸茶，正常普通。除左D7叉燒燒鵝飯，媽媽亦都叫左一個五寶飯$88，包括有叉燒、燒鵝、燒腩仔，同埋紅腸鹹蛋。忘記影相，但可惜叉燒燒鵝一樣薄，燒腩仔好肥，紅腸一般，鹹蛋份量一樣少。同員工作出即時

来香港怎么能错过烧鹅叉烧呢？我有试过好几家博主推的网红店，我个人觉得远不如这家。他家虽然也是在推荐的必吃榜上，但是真的是名副其实的好吃‼️✔️😃黯然销魂饭 大力推荐‼️非常值得‼️里面有两颗太阳蛋，(想要煎熟一点可以跟老板说),烧鹅跟蜜汁叉烧的味道咸甜口，而且肉质超嫩，搭配上调制的特色酱汁裹在米饭上，不知不觉一碗见空。我们八个人都不约而同的夸赞，太好吃了。✔️😃烧鹅五宝饭 招牌单品之一 内容齐全 可以一次吃到烤乳猪 烧鹅 叉烧 红肠 等等 里面还很稀罕配了半只咸鸭蛋 每一样都很不错 。✔️😃 例汤 超高性价比 好像只要多加10港币吧 相对于动辄100港币的饭来说 真的很平 而且里面肉块还蛮多的 汤也很浓郁 挺好喝的 很像家里煲的骨头汤。✔️😃冻鸳鸯 超级好喝，记得一定要点！注意⚠️不要选成热的，那会是两个完全不同的品种 。

朋友知道我食過發達叉燒，堅持要帶我食吓呢間佢覺得更加好味嘅叉燒。叉燒油雞米叉燒真係好柔嫩，肉味夠香油份又適中，蜜味剛好就係少咗啲焦香味，不過都算係出色嘅叉燒。至於油雞肉質唔算好腍，雞味一般。燒鵝叉燒鵝汁撈粗燒鵝幾香，肉質都唔柴皮。用鵝汁撈粗又真係幾惹味。如果直接比較叉燒我覺得呢間都算係非常好，同發達叉燒不相伯仲。至於環境方面呢度地方淺窄，食嘢都係要搭枱。不過整體感覺輕鬆啲，食得比較自在，冇發達叉燒食得咁緊張。

中午黎到時，已經見到唔少打工仔排隊，大部分都係後生，於是本人就決定外賣。迫唔到埋去睇個餐牌，我就上網睇下啦，最後要了D2叉油雞飯，外賣碗加多兩蚊就$56。殊不知等咗兩分鐘就拎到外賣，勁。D2叉油雞飯 $56個雞冇乜特別，但啲叉燒就幾香幾好味，邊邊好似有啲炭燒嘅味道～叉燒同雞都各五件，另外搭多條菜～本身個飯睇落比想像中細，但食落係剛剛好。不過就略嫌飯唔夠熱。外賣比多咗兩蚊都係包餐具嘅。反正外賣都係加兩蚊，下次應該會轉瀨粉～

這家灣仔的人氣燒味店在午市時段大排長龍，偶然吸引了我的注意，馬上進去試試！這裡的燒味非常好吃，一試馬上就喜歡！🥳燒鵝叉燒雙拼上湯瀨粉🍜燒鵝🦆外皮香脆，肉質鮮嫩多汁，搭配特製醬汁，每一口都是極致的享受，讓人回味無窮！叉燒的甜美搭配滑嫩的瀨粉，讓人忍不住一口接一口地吃！金牌銷魂叉燒皇飯 🍚本想點黯然銷魂飯，奈何早上已經吃過很多雞蛋，所以就只點了這個單拼飯！叉燒色澤誘人，驟眼看不算太半肥瘦，不過吃起來的口感竟然是肥瘦相間，配上香噴噴的米飯，絕對是燒味愛好者的最愛！鵝汁菜心 🥬新鮮清脆的菜心吸收了鵝汁的精華，滋味可口。老火靚湯🍲是日的靚湯是蓮藕淡菜綠豆煲豬展湯，放了很多湯料，喝得出沒有味精，讓人感受到滋補的溫暖，特別適合在忙碌的工作日享用。凍羅漢果茶 🍹夏天超級需要冰涼清爽的飲品，羅漢果茶甜而不膩，是健康解渴的最佳選擇！

這家燒臘店 - 竺扶大班燒味，於2020年1月於灣仔三角街開業，希望為灣仔街坊帶來非一般的港式燒味。 ​. 餐廳由28歲已任紅磡海灣酒店有史以來最年輕的總廚、2012年更獲頒法國藍帶📸。🔸 叉燒燒鵝賴粉 (💰HKD 68)⚡️ 好味指數：★★★☆☆ (3.5/5)👉 叉燒半肥瘦梅頭肉，炭香濃郁🔥，可惜蜜汁過甜，吃多易膩🍯。叉燒燒鵝雙拼鋪滿飯面，琥珀色蜜汁閃亮✨👉 燒鵝：鵝皮滑溜如絲綢，肉質嫩滑但偏淡，需蘸蔥油提味🧅。🥬 蔬菜配角僅兩條青江菜，擺盤略顯單薄。👉 賴粉：最大敗筆！煮得過軟🍚，失去賴粉「口感」的精髓。👉 回憶殺：讓我想起小學放學後，阿爺帶我去街市斬料加餸的時光——那時的叉燒，連飯焦都是香的🏡。🌟 總評 (65/100)✅ 優點：炭燒風味地道，肉質水準之上❌ 缺點：賴粉失準，性價比普通📝 實用資訊：環境：舊式卡座，冷氣不足🌡️服務：阿姐手腳快但沒笑容😐

📍竺扶大班燒味 CHUKFO Taipan Restaurant 灣仔三角街2-3號華欣閣地下3號舖調職前，一於抓緊尾巴，食盡灣仔名物。今次嘅名物，係竺扶嘅銷魂叉燒皇！雖然已經提前排隊，但最終仍然等咗近半個鐘先有得入座，真係唔可以睇小灣仔嘅lunch hour！其實我大約半年前有食過佢嘅外賣，不過當時唔知佢咁高評價，而且外賣始終唔夠溫度，又焗咗倒汗水，參考價值低，於是我決定即場食一次，睇睇佢係龍定鳳！ 💰$54叉燒燒腩仔飯 🍛要竺扶最出名嘅，一定係佢嘅銷魂叉燒皇！今次拼埋燒腩仔，一碗食晒兩大必食燒味。可能係我期望過高，叉燒的確唔差，不過未去到好好食，講緊我坐落已經係剛剛出爐，但不論口感定味道都只係中規中矩，唔會太燶、太肥、太瘦咁。相反燒腩仔仲好啲，皮真係脆卜卜，鹹遮適中，略嫌脂肪位做唔到入口即化嘅效果，但仍然靠碟芥末拉高咗少少分！飯底都不過不失，唔會太硬或太爛，叉燒汁都幾下飯嘅，但經過今次之後，相信都未必會山場水又遠俾50幾蚊食呢度嘅燒味飯啦

竺扶大班燒味灣仔燒味人氣店，午市經常大排長龍！黯然銷魂飯（半肥瘦叉燒煎雙蛋飯）此飯的特色在於其半肥瘦叉燒，經過精心調味與慢火煎烤，外皮微脆內裡多汁，與煎至恰到好處的雙蛋相得益彰，口感豐富，令人回味無窮。上湯浸菜心這道菜雖看似簡單，卻極其考驗廚師的火候掌握。菜心鮮嫩綠色，上湯滾燙卻不滾燙，恰到好處地將菜心的鮮甜襯托出來，湯汁滲入菜心內部，每一口都充滿著鮮美的滋味。眉豆花生雞腳湯此湯的製作費時費力，卻能帶給食客極致的享受。眉豆與花生經過長時間的熬煮，軟綿入口即化，雞腳則保持適度的嚼勁，整道湯品滋味醇厚而不膩，營養豐富，是冬季進補的不二之選。香港必試的高質燒味餐廳！

這間燒味店星期日的兩點仍然大排長龍，好彩翻枱速度都幾快。餐廳地方細細，需要夾枱坐，都比較迫。門口掛住的燒味十分吸引，當中燒鵝及叉燒比較出名。燒鵝比較出名，所以點了兩份至尊古井燒鵝雙併，一份燒鵝併銷魂叉燒，一份燒鵝併燒肉。兩份都賣相吸引，價錢合理。燒鵝暖身，斬得每件均勻，油香肉嫩，鵝肉香濃。銷魂叉燒厚身而燶邊，肥瘦層層相間，怕肥的朋友提議點瘦叉。燒肉則皮脆肉嫩。他們每日有不同的老火湯，跟餐只加$6, 十分足料。

朋友上班在灣仔，相約午市食飯來到他說香港必試的燒味店， 來到果然要拿飛排隊，幸好一陣入得啦！原隻至尊古井燒鵝脾皇牌推薦原隻至尊古井燒鵝脾 果然吸引，鵝皮脆而肉嫩，油脂剛好，在口慢慢品嚐鵝肉香氣回味無窮！豉油雞燒腩仔飯燒腩仔做到脆皮嫩肉完美比例，而雞肉嫩滑再配埋老火靚湯豬骨湯，真材實料雖然小店位置確實不大， 但店員安排約好， 人情味濃厚， 我覺得呢間絕對值得幫襯呀！地址: 香港灣仔三角街2-3號華欣閣地下3號舖

在灣仔除了甘記和榕哥，這是另一間多人等位的燒味店，其中有不少是來自大陸或歐美的旅客。星期日的下午，等了廿五分鐘才有位。义燒和燒鵝都算幾好食，义燒肥美香嫰，加上自加制豉油汁，真的幾好食，食物級數與灣仔榕哥差不多，至於杯奶茶就尚算合格。服務就真係冇，可能真係太多人輪候，職員冇法應付！另一小插曲， 伙記落錯單，收銀亞姐改單後過來話我沒有講清楚，幸好落單姐姐過來向收銀亞姐承認落錯單！不過無啦啦比收銀亞姐話完，真是有點比錢買難受的感覺。 只想講這兒是合適講求味道的人，想要求服務就真的不合適來這裡！！！

沖到灣仔這家燒味店，果然又排長龍！附近西裝友、OL都在等，看來是上班族的秘密飯堂沒錯～ ▫️燒鵝x燒腩仔雙拼 ($98) 鵝皮脆到會唱歌！油脂在嘴里化開那瞬間，終於明白點解大家甘願排隊。燒腩仔的"三層妖術"更絕——脆皮、肥膏、嫩肉完美比例，連平時不吃肥肉的朋友都搶著夾😂▫️黯然銷魂鴛鴦飯 ($68) 叉燒蜜汁夠入味，雞肉嫩滑，明明說要減肥，結果不知不覺清盤... ▫️老火靚湯今日是豬骨湯，真材實料。隔壁桌的熟客阿叔一啖飲曬，就知道來對地方了！ 💡 本地人小貼士： 1️⃣ 下午茶5點半前排隊人較少 2️⃣ 凍飲推薦羅漢果茶，清甜解膩 3️⃣ 可以外帶燒味拼盤回家加餸 這家絕對是來香港必試的燒味店，吃完終於懂為什麽能長期霸占灣仔人氣榜了！建議避開高峰時段，不然要像我們一樣站著等啦～

連外國人都要排隊食嘅燒味專門店，真係好多人排隊！🍖叉燒油雞飯🍚叉燒色澤紅艷，肉質軟嫩，咬落去有一陣甜味，仲帶啲煙燻香。油雞就更加滋味，雞肉滑溜，搭配上香噴噴嘅白飯，真係好食食到停唔到口。🪿燒鵝瀨粉🍜燒鵝皮脆肉嫩，每一啖就有啲油脂流出，味道豐富可口，鍾意食燒鵝嘅不能錯過。瀨粉每條都充滿湯汁嘅香味，湯汁濃郁可口，同燒鵝簡直係絕配！🐤豉油王乳鴿乳鴿肉質鮮嫩，豉油味香而不膩，可口美味，食落去仲有一種特別嘅香氣，認真滿足。🥤飲品☕️熱檸茶 & 🧊凍奶茶😋總括來講，呢間燒味專門店絕對值得一試！無論係味道定係價錢，都係超值