竹虎京堂

邊食邊望溜冰場超chill！今次點咗三文魚帶子海膽丼，新鮮得爆棚，三文魚入口即化，帶子彈牙，海膽奶香濃郁，配飯一掃光，絕對係海鮮控天堂！比目魚湯烏冬清湯鮮美，魚肉嫩滑，烏冬Q彈吸滿湯汁，暖胃又養生。茶碗蒸雞扒蒸得軟綿綿，雞扒多汁入味，蛋羹滑溜，簡單卻回味無窮。小丸子涼粉清涼解暑，粉身爽口，配黑糖水甜而不膩，味道正宗竹筒飯～…查看更多

🐷阪謄豬扒+竹筒飯+味噌湯 $68😣 豬扒完全係中大伏！💥 塊皮好容易甩，肉質亦乾柴無汁，每口都係難吃既感覺😩 竹筒飯就普普通通，竹香味非常之淡🎋 唯一正常既係味噌湯，夠濃郁，有返日本風味~🐟原條鰻魚+冷烏冬+甜品 $79😐原條鰻魚醬汁甜中帶鹹、濃郁黏稠，但係鰻魚肉口感非常一般，肉質唔夠鮮嫩✖️ 冷烏冬冰冰涼涼🧊  麵條本身既香氣唔突出，同平時既烏冬冇分別😮🦑炸魷魚條 $28😥炸魷魚條帶有少少嚼勁🤏🏻 口感同魚蛋差唔多🍡 食唔出任何魷魚既味道，樓下 IKEA 既炸物都好食過佢，呢個價錢完全唔值🙅🏻‍♀️🍣三文魚 $25😋成餐唯一既亮點✨ 三文魚切得夠厚，口感細嫩、油脂豐富，食得出係新鮮貨👍🏻 正到爆呀！❤️ 結論：除左三文魚值得一試，其他主食真係令人大失所望😞 尤其個豬扒，難食到懷疑人生… 以lunch set黎講性價比唔高，仲有加一服務費🫩 食一次就夠啦~ …查看更多

套餐連埋 迷你丼飯& 主食自選（凍烏冬或者蕎麥麵 or 飯團 or 湯）都只係 $79 幾抵！三文魚帶子 ，左口魚火焰丼 已經飽咗一半 加埋凍烏冬超滿足 一個餐兩樣可以試晒啦另外另外有炸豬扒、炸蝦同埋熟食餐 例如松阪豬等定食＋主食自選（凍烏冬或者蕎麥麵 or飯團 or 湯）+前菜甜品 都只係$85。…查看更多

九龍灣想搵一間高質又低食既午餐，真係有難度，竟然係Mega box到搵到，一於就試下，踏踏點😆 最後叫左lunch set $79柚子蜜糖燒地雞+竹筒飯+茶碗蒸+味噌湯配甜品雞份量算ok，配柚子蜜糖夠晒特別，而竹筒飯份量比較少，食量大未必夠飽，最後揀左個朱古力軟雪糕，不過失色嘅地方係份量比較少同埋甜品選擇唔多，而整體嚟講味道一般，用竹筒做賣點，夠特別總括嚟講，環境好適合用嚟打卡，服務一般，勝在出餐服務夠快，適合上班一族lunch time 之選，平民價錢👍🏻 …查看更多

小朋友次次去mega box都一定會揀因為係有流水烏冬既兒童餐小朋友有得食又有得玩仲要佢本身食物選擇都多生同熟既選擇都有我自己就推介牛舌小朋友就比目魚好似合適啲一再回頭既餐廳…查看更多

成幢mega box入面不幸揀到呢間野，見賣相同價錢幾吸引，一食就出事。成餐勁難食，難食到唔寫出黎都對唔住自己。前菜，麵豉湯同甜品仲要另外加錢，好後悔，前菜個昆布好青，麵豉湯勁咸，甜品賣相已經唔吸引，食落似啫喱但唔會想食落去。汁煮牛舌係好韌，太厚根本唔適合煮，唔好食。無論凍熱嘅麵汁／湯都似普通豉油溝水，同個麵完全唔夾，直頭難食。比較放得落口嘅係豬頸肉，不過啲肉同明太子一樣好重燒焦燶味 （外表冇燶）。總之全部都伏，唔明點解有人排隊，仲要企門口個中年女士服務員西口西面，埋單比錢多謝都冇聲，永無下次（場內的後生店員服務都唔錯的）。…查看更多

九龍灣MegaBox溜冰場嗰層有一個少少food court咁嘅地方 經過見到有間日本菜嘅餐廳 有流水面機玩！覺得幾得意就入去試下！ 原來大人都可以玩流水面機佢有個大寶寶套餐($78) 分別幾件小食家用流水麵機裝住嘅烏冬 係幾得意嘅唯一就係份量有啲少！一個女仔嘅份量唔係好夠飽比目魚烏冬 ($78)個套餐入邊會包咗一個茶碗蒸，少少前菜同埋一個冰粉！ 其實味道唔錯，不過份量都係偏少呢個份量適合做下午茶 可以坐出去望住溜冰場，睇吓風景都係唔錯嘅選擇…查看更多

環境係megabox溜冰場一層，位置不算多，環境開放式，枱與枱之間好密，對話全聽到。食物明太子貝柱竹筒飯 $98幾有特色的竹筒飯，淡淡既竹味幾特別，貝柱好新鮮數量都多，以為好細碗，點知份量都足夠女生飽。炙燒松阪豬 (明太子) $85一開始吃不錯豬肉質厚實，少少肥位，但食多幾件就開始有點油膩，會越食越膩。全部餐都包蒸蛋+甜品+麵豉湯+前菜，滿足曬不同口味，性價比高，再加上有特色既竹筒飯。如果去megabox唸唔到食咩可以選依間。…查看更多

九展營運至6月尾，告別九展而去星影匯睇了場戲，然後就來MegaBox晚飯。是日九展剛好也有同人活動，所以這晚的MegaBox有些食肆都人頭滿滿。這次選了在竹虎京堂食晚飯， 是同事曾向我推介的一家餐廳。大岩蠔 ($29/隻)，生蠔大隻，蠔味不算好重，但佐以柚子酸汁，感覺清爽。竹筒飯定食有主食竹筒飯、前菜、茶碗蒸、味增湯及甜品，我選了三文魚籽貝柱竹筒飯。前菜是味付螺肉及中華沙律，味道正常。三文魚籽貝柱竹筒飯，飯面鋪滿了貝柱，三文魚籽份量不多。貝柱鮮甜度一般，一咬開三文魚籽就爆出魚油，而熱熱的竹筒飯太過濕潤，整體味道偏淡，不太喜歡。茶碗蒸有冬菇及蝦仁，夠香夠滑溜。味增湯的配料有蜆肉、昆布及櫻花蝦，帶微微鹹香。甜品是紅糖紅豆小芋圓，味道不會過甜，小芋圓尚算煙韌。另一份定食是原隻栗毛蟹配味增蟹籽竹筒飯，慢慢的拆出蟹肉，加入味增蟹籽竹筒飯中拌勻食用，帶點鹹香之餘，亦帶蟹肉鮮甜，完全拯救了那淡淡的竹筒飯！雖然店內滿座，店員人手不太充足，即使未能即時招呼客人，也會禮貌示意客人稍等，不會令客人有被忽視的感覺。…查看更多

阿女好鍾意食呢間流水麵😍我地都覺得好特別嘅兒童餐食過幾次都覺得食物質素ok重點係Staff好nice,見我地湊住阿女即刻安排梳化位仲問要唔要bb凳🥰我地嗌左三個晚餐…仲嗌左杯抹茶朱古力🍵🍫好特別愈飲愈上癮😂😂但唔記得影相🤣Daddy嗌左刺身set+左隻蠔佢第一次食呢間都覺得鮮甜肥美仲有兩個三文魚碎飯團🍙柚子雞set雞扒煎得幾香口配埋柚子醬好惹味，令人好易餸飯😋仲有茶碗蒸同甜品，覺得都唔馬虎好有心，而且甜品有芋圓有紅豆🫘雖然比較甜但都好食比目魚set兒童餐係流水麵嘅set好得意仲好好食🤤佢嘅小食係唔知咩肉條但彈牙🤣比目魚煎得香脆邊而且魚肉好嫩滑，一樣有茶碗蒸，有一包飲品但就冇甜品🍮…查看更多

megabox十樓有很多特色餐廳，特別多日式似的，今天試吃第3間日式料理，叫竹虎京堂，店員在門外推介招了我入去的，我在店外看了看menu，見是自選套餐自由配的形式，就點了一個竹筒套餐，$98 包味噌湯、茶碗蒸和糖水，包味噌湯很足料，內有幾粒蠔，芥末是另上，不像一般外賣壽司店的包裝芥末，似自磨那款，茶碗蒸沒感想，用竹筒present似頗有趣，而元貝鋪滿飯面也像很足料，可惜吃下去有點淡而無味，食到一半飯左右更覺只有飯味，當食剩一碗甜品時，匆忙店員的店員來問我可否收走我的餐盤，我表示我未食完，店員立即西了臉就走了。剩下的是一碗黑糖寒天和式丸子糖水，賣相很有和式風味，粉紅、綠和白色的小丸子沒有味，也許是配菜來吧?寒天是冰凍的也是沒有什麼味，唯一比較濃味是表面的黑糖液，整碗糖水的整體感覺是清新的。…查看更多

$118三文魚籽貝柱- 茶碗蒸- 甜品（紅糖芋圓白涼粉）- 竹筒飯- 麵豉湯 先唔好講服務,淨係嘢食都全部好難食😌：1.茶碗蒸凍嘅2.刺身有浸宿味3.麵豉湯好咸4.竹筒飯裏面啲飯好難食 服務態度仲要極差,送餐嗰時仲要叫我個friend縮開阻住佢擺餐,話阻住佢喎🤌 Anyway,我就覺得呢間餐廳好唔值,不過相信總有人會鍾意日本嘢,呢間嘢啲嘢其實都算平,只不過係態度差咗D😮‍💨 你哋問我會唔會再嚟,我係唔會再嚟,即使你哋sponsor或者請我嚟,我都唔會嚟,你哋啲嘢食真係好難食,同埋你哋嘅服務態度真係好差,返去廟堂學吓…查看更多

今日去開九龍灣附近做嘢，順便睇吓有咩餐廳試吓，見到呢間bookmark左好耐，記得想試試佢個竹筒飯，今日lunch 就試試價錢都算合理，我想食豐富少少，所以揀左A, B, C，有湯有前菜有甜品有蒸蛋，唐掦炸雞配竹筒飯竹筒飯，入面有淡淡的竹味，都算幾特別，炸雞嘅份量，坦白講有點少，因為每件都比較細，前菜和蒸蛋，正正常常。麵豉湯入面有蜆肉，感覺幾豐富。甜品應該係類似冰粉，夏天都幾適合食👍整體而言，呢個價錢都算中規中矩…查看更多

同朋友傾嘢諗唔到食咩就入咗去食....D 嘢食feel 到係零心機...求其到一個點...服務係ok, that's all. 炙燒雞係用水煮熟, 噴槍燒幾下,加D開過下ge燒汁,就上俾你食....基本上9成都係超級市場買到Ge 嘢煮2 嘢就俾你食...               …查看更多

中午去食lunch，看見counter展示出來嘅比目魚賣相唔錯，就點了比目魚（要加10蚊）配鮭魚飯團堂食。之後來了那碟比目魚是兩條魚尾，size唔大條同冇乜肉，跟展示出來嘅係魚的中間部位唔同，覺得失望，而且碟魚落了很多黑色嘅醬汁/豉油，浸住咗啲魚，食落覺得好咸，食完覺得好口渴，要飲好多水。另外鮭魚飯團有兩個，份量足夠，個樣都幾ok，啲飯粒比較乾同少少硬。茶水供應是自助形式，也算方便。店員服務ok。…查看更多