竹家莊

營業中

休息中

我第一次食竹家莊既時候，個腦已經係: 天呀! 好耐無食過咁好食既燒鴨配瀨粉啦! 而家食左十幾廿次之後既反應都仲係: 天呀! 真係好好食呀! 我無誇大， 我真心覺得呢一間餐廳既食物係好有誠意，對客人都好好。佢都真係唔會為左做生意，梗硬推介你食呢樣食個樣。個燒鴨瀨粉既燒鴨係完全無碎骨，只有啲大骨，啖啖肉，好滑！我係度食咁多次都真係無失望過，每次都讚佢好好食，連出名既燒味店都唔會夠佢好食。其實除左佢個招牌燒鴨之外，佢既炒蜆都好出色。佢豉椒炒大蜆超級鮮甜，隻隻粒粒都有豉椒味，超有鑊氣，真係唔好錯過❤️而且我發現，堂食係勁多韓國人黎食，有啲都幾好樣🤩 想𥄫仔既話，都可以過黎順便過下眼福，咁當然要滿足自己口福先啦。

👦🏻身為海鮮愛好者，尋覓好食海鮮係天生既使命，一直都好想尋找避風塘風味，今次係朋友既介紹下黎試依間上左岸既艇家🛶比一般既辣酒個汁為杰身，但味道唔算特別濃，食到花螺本身既鮮味，只係令汁更掛身，令本身唔算好濃既汁充分掛上花螺上，平衡汁同花螺兩者既味道。不過依個辣酒都幾辣下，係愈食愈辣果種，所以唔太食得辣就嗌最少辣啦。咁多樣野食入面，依個炒蜆比較麻麻地，汁既味道主要淨係食到辣味，層次唔太足夠，而且味道亦未完全入到蜆入面。蜆味亦唔夠鮮甜，食材本身係新鮮既，感覺係品種問題，以為最普通既菜式，但最後個風味就最唔夠。淨係睇個size已經相當滿意，成手臂咁大呀，不過瀨尿蝦大細都係其次，新鮮度好緊要，唔新鮮食落會有水水既質感。依隻一食，結實既質感好似食龍蝦咁，正！嗌左2隻，其中一隻仲有成條膏。炸既火候控制得好好，鎖住肉汁之餘，唔會太乾太熟。依道菜可以睇得出師傅既經驗同老練，相當出色。全晚最期待既菜式，係屋企真係好少會整到，唯有出街食，事實亦証明依個選擇十分正確。再一次體會到火候既控制，雖然避風塘依種料理方式相對重口味，但完全冇蓋過蟹既鮮味，咬落啖啖肉，肉汁噴出黎，肉質一梳梳，極新鮮。依種菜式先係令人懷念

今日同閨蜜行山，傾開話有間餐廳的瀨尿蝦好好食，正中我喜歡食物的頭4位，摘日不如撞日，一於今晚去試下餐廳環境好懷舊，大部分侍應是叔叔輩。但他們服務殷勤，主動多次斟茶，換碟。臨走還開門送客不過海鮮類多數是以時價計算，如要叫海鮮便要問侍應叔叔是日的海鮮價，介意者勿去!另有每人茶位$15及加一收費。我們叫了：蒜茸蒸聖子皇6條$468(時價) - 聖子大條好吸引洗得乾淨無沙，食落啖啖肉，好新鮮蒜茸同粉絲好惹味，不會一味死咸，超正辣酒煮花螺$148 - 個辣汁好香好惹味，花螺無沙，肉質彈牙椒鹽瀨尿蝦2隻$720(時價) - 瀨尿蝦秤完會比客人望下。未食已經超期待，果然無令人失望瀨尿蝦賣相非常吸引，夠大隻而且好香脆，連腳脆到都可以食得，肉質鮮甜，椒鹽非常惹味，食到好滿足蒜茸炒菜心$86 - 炒得有火喉，菜心甜

真係細細個已經聽過竹家莊嘅電台廣告，經過好多次，呢次終於有機會去試下。叫左燒鴨湯河，及第粥，油鹽水大蜆，椒鹽泥鯭，烚韭菜花。燒鴨河好似係必食，所以都叫左個試下，先飲啖湯，好香燒鴨味，再食一啖鴨，嘩！不得了，食個係鴨胸位，好軟腍，最重要係仲要好多肉汁，有啲驚為天人，最後食埋個河粉，切到好幼，又薄，連湯一齊食好正。及第粥，因為我食左個湯河先，所以食落無咁有味，但食埋啲粥料，都好香燒鴨味。油鹽水大蜆，相對最大嘅碟頭。但唔係咩大蜆，普通蜆，不過不失咁呢個椒鹽泥鯭，熱辣辣，好味😋呢碟韮菜花，好細碟，但就好嫩好甜，貴都底嘅。

同一大班朋友睇完戲肚餓搵宵嘢食，朋友介紹佐敦一間食中菜的，我未食過一於試吓，門口有不少泊車錶位，自己揸車嚟都幾方便，店舖尚算大，除咗正常三四人枱之外，有一兩張大枱可以容納一group人黎食。一坐低直接嗌左六小福前菜，分別係白灼豬脷、白灼海蜇、白灼大魷魚、白灼豬肚、白灼韭菜花、白灼粉腸。全部都好好食，本人尤其喜歡白灼海蜇，非常爽口，因為白灼嘅關係保留晒佢原有嘅鮮味，沾上佢附帶嘅海鮮醬同辣椒醬，十級推薦。之後再叫咗白灼花螺，啲螺非常甜有鮮味，唔算細隻。進入主菜部份，分別叫咗清蒸泥鯭同避風塘炒蟹，先講泥鯭先，相信唔係太多餐廳有得食，我都係第一次食，原來條魚咁細但係都好多肉，不過比較多骨食嘅時候要小心，但係啲果皮未入晒魚肉裏面，非常唔錯。個避風塘炒蟹都係好出色，佢雖然味道好濃烈，但係仍然可以保留蟹既鮮甜味，肉質非常鮮嫩，配埋避風塘又香又辣嘅味道，無懈可擊。當然價錢唔算平，但係一分錢一分貨，鍾意食海鮮嘅朋友唔可以放過。

今日約咗幾個好朋友一齊去食宵夜，入到去環境都OK，我哋一坐低就嗌左四隻聖子王，一碟炒蜆，蒜蓉開邊蝦，一條清蒸石斑仔，燒鴨瀨粉同埋艇仔粥。炒蜆雖然唔係特別肥美，不過都幾惹味，係鹹咗少少，如果冇咁鹹嘅話都有80分聖子皇（$78/1隻）10分新鮮肥美，略貴出面少少，但食材同味道補救！蒜蓉開邊蝦直頭係我嘅至愛，啲蝦十分之新鮮同埋都好彈牙，雖然吾系特別大隻，但都90分！清蒸石斑仔都值得一讚蒸嘅時間啱啱好啲魚肉又實又滑又新鮮！吾會好似其他地方蒸到又老又乾！而粥粉麵飯方面就不過不失！店員都細心，做野快手，有禮貌，經常幫我地換碟，抵讚

這間餐廳就是那一種有實力但是很低調老實說在這條街道而言價錢不算平，而且他沒有什麼套餐，不過食完之後就知道是物超所值.而且走的時候店員會主動開門之後鞠躬，感覺就似老牌高級中餐廳的感覺.叫了一個小煲的例湯，忘記是什麼材料了，不過把精華都熬了出來，特別厚醇溫暖，而且黑色的。.鮑魚及石斑仔主的時間比我想像中還要久，不過真的很新鮮鮑魚超級彈牙，我估可能是有活生生的海鮮主城的。.值得一題這裏主要是食海鮮，較少有其他肉類或主食。

韓國朋友帶我去食海鮮餐，原來他們好喜歡吃這間餐廳，因為可以食到好辣的地道海鮮美食。餐廳很乾淨，招呼亦都很好，侍應會不停為你碗碟清潔。 由於他們招呼很多遊客的關係，他們都會略懂一點點韓文，更說起韓文來招呼我們，好搞笑！我韓國明友介紹了她至愛的避風塘炒蝦，點了中辣，好彩不是很辣，好好味。還有點了大辣的豉椒炒蜆，好有風味。我試了他們的招牌燒鴨瀨粉，好喜歡。然後更點了蒜蓉蒸扇貝，韭菜花及粉腸小吃，兩個人飽到不得了。

[🇭🇰香港- 佐敦].🔻未坐定都已經可以落單,一定係一人一碗燒鴨瀨/河, 個人通常揀瀨粉,一份細細碗,唔駛驚太飽,夠味又嫩嘅鴨肉都幾多,重點係燒到個皮夠脆,湯底有陣陣鴨味,唔會話好鹹,就咁飲都好味! 另外必食嘅係韭菜花,超嫩!係油咗少少姐;鋪頭開到凌晨三點,絕對係高質宵夜之選!.🔻🍽 竹家莊📌地址: 佐敦廟街265-267號地下.#tummysready #tummysreadytoeat #tummysreadyinhongkong #tummysreadyatjordan #tummysreadyforchinese #tummysreadyforhongkongstyle

朋友生日想食燒鴨, 揀左呢間, 不過原來佢自己都未食過餐廳閒日晚市爆滿，不過大部份都係遊客, 可能有旅遊書介紹過睇食評呢度燒鴨河正, 但見是晚每枱都有避風塘炒蟹, 我諗其實主力係賣海鮮四個人叫左半隻鴨, 上枱時不是熱辣辣, 同枱部份朋友因此不喜歡我個人唔介意食凍野, 甚至係鍾意食放涼左嘅野，所以覺得都幾好食，皮都幾鬆脆甘香，肉質正常不過, 埋單先知呢半隻鴨要$248，以這個價錢來說，又確實另人有啲失望，性價比不高豉椒炒大蜆, $148, 蜆都幾大粒飽滿, 味濃, 個汁最正, 唔俾佢收走, 用來撈飯辣酒煮東風螺, $138, 東風螺都好大粒, 又係味濃, 個汁又係要留低 白灼海哲, 好厚身, 好爽脆, 不是平時食開果啲CHEAP野只拌以麻油, 有點淡, 點埋個豉汁就啱啱好不過有點細碟, $50一碟另外仲叫左個蒜蓉菜芯, 同埋楊州炒飯炒飯大碟有鑊氣，用嘅叉燒同蝦都係新鮮料, 不是茶餐廳果啲雪藏野，反而覺得抵食又好食加埋幾罐汽水，5個人$900埋單，因為冇叫蟹同其他貴價海鮮，整體係好食、食得開心嘅店中大部份係極資深待應, 有返咁上下年資, 但都好友善, 不溫不火, 不會過份熱情又不會太冷漠,

小公主入院期間，每日最期待每晚肥仔帶Vienn出去呼吸新鮮空氣🌬 同埋食好西😭😭琴晚12點凌晨「竹家莊」個「燒鴨肉瀨」🍜好坦白講冇想像中貢好味，味唔夠濃，鴨肉normal ⋯⋯有d失望😞白灼粉腸冇異味、夠粉，真心講真係繼好食，點埋個辣椒🌶️豉油👍🏽👍🏽👍🏽👍🏽韭菜花🥦 冇渣、夠嫩，做得出色Overall 小菜嚟講真不錯🥰🥰竹家莊 (佐敦)地址：佐敦廟街265-267號地下✨✨✨✨✨✨✨✨✨✨✨✨✨✨✨✨#肥dodo食記 #TR90達人#小病是福

今晚 嚟到佐敦 ，突然想去很久沒有去過的竹家莊吃飯， 對上一次 去食已經係 十年前。今餐晚飯我哋一共三個大人一個小朋友共四人，點了 兩碗燒鴨河～ 韭菜～ 蒜蓉蒸開邊蝦～ 避風塘炒蟹！首先講一講呢個燒鴨河， 份量唔算太多 十分適中 ，因為唔會食得太飽！ 味道十分好吃！ 個河粉係幼河粉！韭菜， 幾鮮嫩！避風塘炒蟹， 未到喎我十年前吃嘅時候 沒有太大差別 ，十分好吃！ 但略嫌隻蟹冇乜 膏！豉汁蒸魚雲， 個人覺得一般 有少少 腥味蒜蓉粉絲蒸開邊蝦～ 啲蝦 好新鮮 唔算太細隻 蝦肉十分彈牙

其實幫襯左竹家莊已經好耐每一次嚟到都必定要食鴨絲湯河非常之惹味，河粉超級滑，湯底非常之好味，有一陣陣燒鵝嘅味道每一次我都會飲清晒佢！肉質方面比較林身，如果鍾意食骨嘅話可以叫佢哋燒鵝河粉！燒鵝河粉就即係有骨，而鴨絲湯河就係佢切好晒一條條絲咁俾你，個人來講鴨絲比較好啲，但係有啲人鍾意有骨，因為比較入味。另外第二樣會點嘅就係韭菜花每一次食都好新鮮，好清脆嘅韭菜花加埋少少豉油黎食絕對可以一個人叫一碟另外湯今次冇點到但係呢度嘅湯都非常之足料值得推介！

First things first:* 燒鴨背河必點竹家莊既燒鴨背河非常出名，終於有機會嚟朝聖。當晚接近十點，唔係好多食肆仲開緊，我哋嚟到佐敦就想黎試下個鴨背河，順便叫啲海鮮食～一定要叫呢碗鴨背河，佢嘅好粉好細條呈透明狀，唔係普遍粗同白色嗰隻，依家香港唔係有好多地方會賣呢種河粉。鴨既油香浸晒係個湯到，非常出色，難得食到，真係一碗都唔夠喉。我哋仲叫咗兩隻蒜蓉粉絲蒸蟶子。佢嘅粉絲蒸得好林好易入口，d 粉絲直程係滑係喉嚨甘濟，唔似得屋企整時，火喉控制得唔好好易會整到啲粉絲乾晒。呢個蟶子好味！椒鹽泥鯭，香口、魚肉厚實，我哋仲要用手拎起黎食，滋味！我哋仲叫咗一份白灼花螺，大大隻好肥，點豉油好味～ 揚州炒飯炒得好有鑊氣，叉燒香，飯粒粒分明。同場加映：員工開飯食嘅蒸魚，好大條好香，忍唔住行過去問可唔可以影張相，仲令到我下次嚟都想叫魚食! 見有其他食客叫蟹，睇落都唔錯，下次都想試下! 兩個人埋單$600左右，Okay! 😋

舅父心血來潮請食飯，強烈推薦竹家莊，咁一定要黎試啦，點知一試愛上！一行六個人試左好多野！重點推介：燒鴨河呢碗係我食過最好味既燒鴨河，真係一食難忘！河粉好滑好薄，啲鴨肉好軟有鴨味，食完成餐飯都忍唔住要encore多一碗其他食物分別有：蒜蓉粉絲蒸蟶子、椒鹽賴尿蝦、白灼豬脷海蜇豬肚、油鹽水浸花甲、楊州炒飯....等等整體水準都好高，個個都食唔停口！really had a great greaattt GREAT night here