竹地市場

營業中

休息中

平時都好少特登留言，但係依間真係太好食，而且feel到啲食物質素好好，好有保證，啲壽司好高質，而且啲魚生好新鮮，自從第一次食完佢個三文魚刺身之後就keep住買呢間嘢，之後試埋其他款式都冇試過失望。食完一次就停唔到，買壽司一定係買佢，試完佢個炸蝦壽司之後返唔到轉頭，而且佢啲卷襪例如牛油果同芒果三文魚壽司都幾好食，呢個價錢呢個質素好好抵食，仲開到夜晚11點，推介各位藍田街坊晚餐想食壽司，唔使揀壽司郎，買呢間好過

[👍🏻焦糖鵝肝$35/件]推！鵝肝件件都好大塊，但配焦糖好甜，試過一次後就變走焦糖，就好好食。[👍🏻拖羅蓉青瓜卷四件 $32]拖羅蓉份量多，卷物大大件，內有青瓜卷。[👍🏻帆立貝壽司 $12/件]同圖片一樣，大塊新鮮，先12蚊好抵食。[👍🏻白子壽司 $48/2件]期間限定唔係成日有，白子份量很多，可以一試。[👌🏻吉列豬扒飯]中規中矩，不算好好吃[👎🏻赤貝壽司 $7/件]試過一次赤貝有少少黑色，不新鮮。

藍田呢間壽司店已經食超過20次，佢哋第一家係黃大仙，系藍田開咗呢一年入邊佢哋嘅，食材都穩定，味道都穩定我唔係住呢區都會過嚟外賣自取，可以提前落單，預返時間嚟到就可以攞，每次過嚟攞外賣都會見到有人喺度排隊等，喺藍田都幾受歡迎嘅今次叫咗呢一盒壽司，刺身大大隻好新鮮吉列炸蠔，即叫即炸好好食脆卜卜，入邊真係好juicy ，老闆娘推介俾我食既。雞扒定食好大份，個價錢真係好抵食，如果細食嘅話呢一盒都夠兩個人😂

CP值非常高嘅外賣壽司店當然，佢除咗壽司仲有其他食物，例如炸物、沙律、日式飯等。要睇一間日式外賣店好唔好，真係要試佢哋嘅魚生同壽司。而竹地嘅壽司真係大件抵食亦非常新鮮，仲有 Omakase。今日心血來潮想食壽司又唔想排隊，即刻諗起竹地。最方便係除咗可以親身去買，仲可以打電話或上網落單，咁就唔使企喺條街度等咁耐。食物方面真係好多唔同選擇，而且味道新鮮好味，價錢亦都好合理。職員服務態度亦都好好，又會介紹當日新鮮魚生，有咩推介。誠意推介：海膽、吉列蠔、中拖羅絕對有高級餐廳質素👍🏻👍🏻

今日lunch試咗外賣便當叫咗吉列豬扒便當+南瓜餅+意粉沙律+太卷味道唔錯，豬扒炸得好香好脆，配埋芝麻醬好好食南瓜餅好脆口係飯硬咗少少但性價比好高，好大份食物擺位又靚👍🏻Lunch又多一個選擇😆

以前喺黃大仙都買過，第一次幫襯都有六七年前，當時已經覺得好好食，佢喺藍田啟田開咗😍 開張到依家幫襯超過10次佢哋有網站可以落單，過去之前落咗單先去到有得拎，比以前更加方便 👍👍佢既炸物都係新鮮滾熱辣，即叫即炸 🈵刺身食過 ⋯⋯ 三文魚，帶子蝦，八爪魚 海膽，全部都好新鮮！如果一個便當夜晚都係大概$50一個人，真係好底食又好味，食得飽除咗刺身之外，最鍾意吉列炸蠔，餃子，番薯餅，另外連沙律菜都係新鮮嘅👍 佢哋嘅師傅煮得好

星期六多數都唔會煮飯，今日見到啟田商場有一間還在試業中的竹地市場，係食日本壽司，魚生，便當的。只有外賣。店舖雖小，但食物種類都多。（問過老闆話8月16日才正式開業）今日我買了精選便當套餐汁燒三文魚飯+豆腐沙律+太卷2件+厚燒玉子2件 $55汁燒三文魚飯，好大盒。三文魚薄切有6片，三文魚好滑。厚燒玉子真係好厚，有半隻食指咁厚。整個餐超級抵食。角切魚生飯$62色彩繽紛的魚生舖滿盒面。有三文魚，吞拿魚，八爪魚，油甘魚，希靈魚，玉子，青瓜，海藻，子姜。材料豊富。魚生新鮮我原來想加多6-8件壽司，但老闆問我幾多人食。我話2人。他即刻話2份餐都已經夠食了。但我好想試壽司，所以最後叫了2款壽司。但食埋這2款壽司真係超級飽。所以最後2份餐的飯都食淨了。灸燒左口魚2件$24赤貝壽司2件$14。赤貝超級好食，好厚肉。