稻香 (蔚景園)

營業中

休息中

去到稻香酒家的飲茶，令人感到身心放鬆。佢地既點心做工精細，特別推薦他們的蘿蔔糕，口感細膩，味道鮮美。蝦餃也是一道必點，蝦仁鮮嫩，皮薄餡多，蒸熟後更是香氣四溢，讓人垂涎欲滴。茶品也是一大特色，種類繁多，香氣撲鼻，口感醇厚。最後，不要忘了試試他們的糯米雞，口感Q彈，內餡豐富，味道非常棒。總之，稻香酒家的飲茶是一個讓人感到放鬆和愉悅的用餐體驗，非常值得推薦！

午飯揀酒樓飲茶，呢間稻香位於沙田商場入面，位置唔算唔難搵。如果唔係等下午茶都好快有位。入邊有自助式煲水系統，方便易用。茶係用茶包，不過不失。環境尚算企理。食物方面味道正常。叫左幾樣常叫點心，有幾碟稍嫌油膩，隔一隔油會更好。一家大細相聚呢道係一個選擇。人均$120左右。

稻香轉咗用自助水機好耐，一直都唔喜歡，d機唔好用，經常上唔到水，又唔就手🤨點心質素一般，粉果皮厚，腸粉啲皮仲厚❌煎魚餅過火，偏油燒賣、蝦餃都正常🈴肉絲炒麵超多茨汁❌️七味豆腐反而有驚喜👍外脆內滑

平是好去沙田， 來到搵位泊車 由於格離個商場有位泊，就腳就來左食 等位等左20 分鐘左右自助QR Code 點餐 ， 帶位時比左一包茶葉，格離有部機自己煲茶點左餐8 分鐘左右就即刻上鮮蝦腐皮卷 ，效率都幾高下個腐皮卷就油左d， 食完隻碟有好多油 三寶燒賣 ， 係餐牌上優惠點心 $15.8 三粒 個樣奇奇怪怪食落正常啦應該蒸太耐，蝦餃皮爛咗 個排骨就真係好耐，未試過食咁多骨嘅排骨。 無咩肉。 環境輕輕有小小舊既， 不過不失啦，還可以接受。 食物同以前稻香比質素差咗服務員態度一般，叫送菜果個收碟，幾唔耐煩。

～歡聚盆菜一年吃一次的盆菜在兔年又出現了！盆菜的材料極為豐富，計有八頭鮑魚、海參、瑤柱、花膠、蠔豉、大蝦和大花菇。除此之外，盆內還有滷水鴨、貴妃雞、鴨掌、炆豬手、貢丸、蛋餃；當然還有吸收了精華汁你豬皮、枝竹、芋頭、木耳和大大件的蓮藕。盆菜材料極多元化，各適其適，任君選擇。～黃金百花蟹鉗百花蟹鉗炸得恰到好處，顏色不俗，入口爽脆彈牙。沾上配備之醬汁，味道更佳。～鴻圖乳鴿小乳鴿肉質嫩滑，連骨也不會硬的。乳鴿亦炸得恰到好處，不會過火。個人覺得不用點任何椒鹽或紅醋，味道已足夠了！

今日一行十人諗住做節，開開心心想食好啲，叫咗隻皇帝蟹，年近歲晚冇特價，大概千七蚊，朋友仲好有心機咁去揀，30分鐘後隻蟹出嚟，我哋兩位好朋友仲好溫馨咁幫我哋拆蟹腳，點知隻蟹腳係唔熱㗎！！即係蒸定，下單才返蒸，非常之唔誠實。間店唔係好爆，但係啲員工好多都唔知頭唔知路，朋友問佢攞個大啲嘅碗放醬料，竟然俾員工問要咁大個碗做乜，呢間野真係唔係好掂👎🏻最後埋單$37xx，一啲都唔平，兩隻象拔蚌還可以，打邊爐嘅食品都OK，只係唔好食蟹。

難得我同月巴女馬都放假🏖 月巴女馬提議出沙田兜個圈👩‍👧瞓醒🥱就起行啦月巴女馬點名話要飲茶🫖醒起同事話稻香有特價點心好平 咁就揀左呢間以前呢個位係企滿🚶🏻‍♀️🚶🏻🚶🏻‍♀️🚶🏿‍♂️🚶🏻‍♀️ 等位等唔知要幾多年📅📅📅今日竟然可以直入🫣🫣星期六中午十二點零 仲有好多吉位😮😮😮全場都係自己掃QR code🎛️落單 對於年輕人黎講 係方便左既👍🏻但月巴女馬表示：如果自己黎飲會唔識落單🙃XO醬蟹籽燒賣 $15.8好細粒 賣相唔太討好價錢⛔️左半 誠意同份量都⛔️左半川香抄手菜苗 $15.8🌶️🥟啲醬超稀 水流流咁 抄手又掛唔到汁星洲炒米粉 $78🍜唔夠鑊氣 份量唔算好多 一個人食應該都要加籠點心先夠飽奶黃馬拉卷 小點$21🍰蒸過左籠...淋左啲...不過唔會太甜 可以做個飯後甜品填滿個肚係OK ge 但如果對食物有要求就可以試第二間🫣

今日叫左一隻三斤嘅阿拉斯加蟹，清蒸好味，稻香燒鵝皇，一隻，味道不錯，一碟金沙脆蝦球，可以，一碟豉味蒸鱔球，好味不過系片唔係球，一人一碗養生鮑魚氣鍋湯（五指毛桃），好好味同埋一個蒜蓉炒豆苗，3個人叫得太多

稻香特價優惠8:30 前 - $88 片皮鴨 8:30 後$1 羊腩煲，特價象拔蚌。⭐️⭐️⭐️⭐️⭐️🐑羊腩煲$1 真係超抵，羊腩有5大舊，有落支竹馬蹄 ，一D都唔是但，羊肉要再煲一下先夠淋，等嘅時候，可以用個羊腩煲一邊打住邊爐等。🐽🐮🐔🐑豬牛羊雞，🥬🌽蔬菜，🦑🦐🐠海鮮樣樣齊。👍🏻👍🏻⭐️⭐️⭐️⭐️⭐️特價像拔蚌 $16x新鮮👍🏻⭐️⭐️⭐️⭐️⭐️啤酒都有特價，都係$1x 一支👍🏻

唔抱著希望～何謂失望地方老友訂😔服務員工不夠地方算大～很難提供正常服務😅員工只能見到有乜做乜😅例如收食物碟一般都唔會有得閒時間仲要上菜好多幾次搞錯😩講返隻片皮鴨～皮一D都唔脆😫肉好韌😒好難先可以咬得到😞一定唔會再來

從來很少去稻香食晚飯飲茶間中都會去，睇見報紙片皮鴨$88隻，打電話問過假期都有優惠就去試試～電話中問需要訂枱？女店員話可以唔洗訂，有位，都係安全D訂咗先～去到人很多箅坐滿～問題開始：家姐先到話比我聽坐低左係202枱，問店員話响房入面，入到去唔見😓出去再問另一位店員202枱响邊度？一樣答案房入面😓再入去剛好見到房中房有人開門先搵到😅家姐點左幾樣野～上菜非常亂：白灼蝦無叫上左枱😓蒜蓉粉絲蒸元貝都係無叫又上黎😓有個女店員又送咗8個白飯黎😓全部都係隔離枱😓講返片皮鴨：皮唔脆鴨肉好韌配料千𡷊醬、紫薑、菠蘿最好味😋比其他店有點不同，可能適合我個人口味沙薑雞滑肉質亦有口感～沙薑味入味合格～其他小菜上菜有點慢，服務眼見周邊=0食曬大大細細碟係唔會有人收不會再去

今天有事做入了沙田，順便和朋友相約在沙田晚飯， 因之前稻香之在做一蚊鴿的特價宣傳，因為朋友未吃過，所以我提議去試一吓。酒樓面積都不算少，而且往往食客都是很多。但今晚來到見到已把之前的一蚊鴿改了九蚊九一隻;而且還要兩人才能共享一隻。 今晚我們點了一個蜜桃香骨、一個雜菜煲和一隻鴿。今次鸽先上枱，只見個頭明顯比以往吃的小了些，不過外皮賣相亦算金黄，咬落鴿肉亦還嫰有點肉汁，不會有過乾口感。只是不似之前可以一人吃一隻有點失望…… 蜜桃香骨的賣相亦很吸晴，嫩滑惹味的排骨配上了蜜桃的水果香味， 入口香甜中帶點微酸，頓時提升了食慾。 再到很大的一鍋雜菜粉絲煲上場， 幾種蔬菜配上菇類、粉絲，分量充足但賣相一般，粉絲煲的上湯還算鮮美，; 只是個人感覺有蔬菜如菜心可能煮得過久而太腍，欠缺了蔬菜應有的咬口感。總的來說今次都算有一般的水準，但相對價錢亦很經濟，都是可以值得一試的食肆。

自從放寬限聚令，餐廳嘅糖食人數明顯多咗好多加上呢個星期母親節嘅關係，特別多人.一蚊乳鴿既價惠的確好吸引，可以按人頭落單，總共叫左5隻（不過要留意呢個唔可以拎走，記得要食曬先好叫） 新鮮炸起，香脆可口 龍躉炒蔬菜波士頓龍蝦伊麵正常發揮，都叫啖啖肉豉椒炒蟶子有少少硬身，唔算好新鮮，但係炒得好香！鮑魚汽鍋湯 一碗都係28 有肉、有雞腳，有鮑魚、有螺肉，呢個價錢其實都算好抵是日時蔬.賣單都係人均$200，性價比算高

去稻香欽茶，坐咗埋位，嗰女服務員(waitress)好落力咁介紹我食「上湯棕皇蟹伊麵」，佢話今日賣咗好多，最後一份，賣晒就冇架啦，比佢咁落力推銷，就用咗$272.8 （$248再加一)叫咗一份嚟試吓，點知完全唔係「上湯」，啲蟹包住厚炸粉黎炸啲殻，啲殻多過肉，唔新鮮嘅蟹先做炸，同樓面啲waitress投訴，居然夠膽指住啲「槳糊芡」話係「上湯」，真係擘大眼講大話，以後都無幫襯。我相信佢已經犯咗商品說明條例，價錢又唔係平，味道一般，真係搵笨。因為要4星以上先可以upload 相片，中伏都無辨法啦，祇可以劣評「沙田稻香」。

晨早流流諗住去飲個茶，但係諗兩諗附近冇咩好食嘅餐廳😮‍💨，又唔想食茶餐廳喎咁就揀咗同屋企人去飲茶啦🤣諗咗兩諗好耐都冇食過稻香一直覺得佢係一間好舊嘅茶樓。今日去咗覺得十分之抵，飲早茶竟然有七折！我同屋企人食咗大大話話都有至少10樣嘢，早市飲茶選擇多。價錢係你想像唔到嘅咁低。入邊啲姐姐係我食過咁多間酒樓服務最好之一，佢啲茶葉竟然係獨立包裝，十分之衛生。上嘢食嘅速度十分之快七點入席八點已經食完。以後都會揀去稻香飲茶。👍🏿👍🏿👍🏿