稻田食堂

營業中

休息中

我今日真係好開心，認識到葵芳有一間日式便當咁好食，非常高質素，以後去葵芳行街工作，都一定會去幫襯呢一間日式便當，因為佢哋嘅刺身壽司，同埋佢哋嘅鮮茄烏冬真係好好食，尤其是我叫咗個吉列豬扒星期烏冬，分量十足，非常豐富，佢哋嘅湯底蕃茄湯底真係好開胃，而且價錢經濟實惠，份量驚人，肉類有多，吉列豬扒即到即整，非常新鮮，所以我覺得呢度食飯真係好經濟實惠啊，出面市區都搵唔到，而且呢度嘅賣相食物非常美觀，而且便當佢哋都有分燒汁飯同埋咖喱飯，所以兩款都可以試吓呀，而且佢哋嘅豬軟骨拉麵都非常份量驚人，軟骨超級多，入口即溶，份量啱啱好，而且佢哋嘅鹿兒島便當，都有豬軟骨，吉列大蝦兩件，仲有螺肉，仲有配咗燒汁飯，佢哋個飯都非常特別，同埋佢哋值得一讚的是配埋刺身，所以顯得非常豐富

今日去咗葵芳同朋友行街，於是上網搵吓邊一間日式小店推介，因為我朋友好鍾意食日式便當，有唔同嘅壽司，仲有食拉麵，見到上網好多人推介呢一間葵芳非常高質素的日式便當，見到好多人到推介，非常高水準，於是入餐廳坐低時時，估唔到真係好有驚喜，全部嘅刺身都好新鮮，裏面有三文魚兩件，帶子兩件，有頭甜蝦一隻，仲有咖喱飯特別好食，鰻魚笑得好香，仲有脆骨雞肉院子石榴都非常取巧，非常有口感，而且性價比非常高，秋田便當非常豐富，價錢經濟實惠，一次過滿足晒想食嘅東西，而且呢度衛生程度好高，環境優美，非常寧靜，自然嘅服務都好好，好親切，非常主動服務客人，所以我覺得呢個食飯嘅環境真係好加分啊，而且呢度我都好推介佢哋嘅火炙壽司配迷你手打稻庭烏冬，仲有鮮茄烏冬都係非常推介，因為酸酸地好開胃

平時去葵芳都係行開葵廣同埋新都會，今次就決定探索吓新地方周圍覓食！行到盛芳街公園附近，有呢間充滿住日式風情嘅餐廳，主打日式便當、壽司、拉麵等等，價錢極之親民～大崎便當💰HK$87份量超豐盛‼️有脆香吉列雞扒、日本滋味牛肉薯餅、日式圓蔥魚餅、味付螺肉同埋咖哩飯！三款炸物都香脆可口，而咖喱就係日式咖喱，香甜美味～忌廉芝士蒲燒鰻魚反卷(4件)💰HK$48鰻魚肉質細嫩鮮甜同埋濃郁面滑嘅忌廉芝士，係一款層次豐富嘅卷物～汁燒金菇肥牛卷(4件)💰HK$45外焦內嫩嘅肥牛配搭爽口嘅金菇，口感豐富，表面嘅焦香餘韻更加令人覺得滋味無窮～溏心蛋(2件)💰HK$14蛋黃中心流心而濃郁，好入味～醬燒特長珍寶蟹棒壽司💰HK$24特長蟹棒吸收咗沙律醬嘅醇厚風味，再加埋火炙過嘅口感，整體呈現出一種獨特嘅鮮甜滋味～青柑桔可樂💰跟餐+HK$12估唔到青柑桔同可樂都幾夾～

稻田食堂葵芳仁芳街2-14號美豐大廈地下6號舖呢間食堂好多組合款式選擇 四四方方 兩邊卡位 一眼望哂 簡單裝修 整齊企理便當用日本唔同地方名字命名 便當一大好處就係一個飯盒食到幾種食材 又可以食吓壽司飲杯青柑桔檸檬梳打解渴 大熱天時真係好辛苦唐揚魷魚鬚 夠脆細細份 辣辣地嘅沙律醬幾惹味名古屋便當蒲燒鯖魚 蒲燒鰻魚 挪威三文魚壽司2件配日式咖哩飯整體份量幾大份 鯖魚都算入味 倒上少量芝麻 鰻魚皮滑，油脂豐富 三文魚壽司🍣正常 紅蘿蔔薯仔粒日式咖喱汁佐飯食👍🏻

放工經過依間稻田食堂，d嘢食幾多選擇，同朋友見到有啲便當幾啱心水，就入咗去坐低食夜晚啦。朋友叫咗份迷你三色丼配麵豉湯，有一個魚生丼飯同一個鰻魚丼飯。整體都好食，鰻魚燒得好香口，肉質軟滑，冇乜骨，易入口。飯餸比例亦都合適，性價比好高。魚生好新鮮，份量足夠。我就叫咗鹿屋便當，見佢又有鰻魚又有鯖魚又有魚生，一次過滿足晒三個願望，另外仲有幾片豬頸肉。佢有得俾我揀咖喱汁或者燒汁，咁我就揀咗咖喱汁。便當另外有螺肉作為配菜。我哋另外都叫咗一份辣汁燒三文魚加州卷，幾惹味，燒三文魚好香，入口即溶，好食。整體嚟講，我覺得呢間稻田食堂嘅便當味道幾好，同埋有好多選擇，勁多款唔同便當，食物份量足夠又飽肚，性價比高。

出色便當 親民價錢！值得一試先叫三文魚味噌湯暖暖個胃 湯入面有肉質鮮嫩的三文魚與濃郁的味噌湯完美交織,極具鮮甜和滿足感。而青柑桔柚子梳打則是一款別出心裁的清涼飲品,酸甜交織,解膩順口。接著,人氣推介的蝦爺爺夠躧串是一道令人垂涎的小吃,香脆可口的炸蝦配上爽脆的蔬菜,滋味豐富而不膩人。主打秋田便當則是一個精緻的日式便當套餐,色香味俱佳,飽足又健康 入面有脆香吉列雞扒和煮豬軟骨搭配咖哩飯,是相當經典的日式主菜組合。雞扒外皮酥脆多汁,軟骨Q彈爽口,與咖哩飯的醇厚香氣完美融合。刺身則自帶新鮮優質的海鮮風味,三文魚和帶子鮮嫩可口,甜蝦肥美飽滿。這間餐廳的菜品質素高,口味出眾,定能滿足各類食客的需求。無論是想來一頓正式日式大餐,抑或尋找一些清新爽口的小吃,這裡絕對是不錯的選擇。

今日同朋友去咗葵芳行街 晏就已經係葵廣掃咗街 夜晚想食下其他野 上網見呢間日式小店都幾高評價咁又多選擇 除咗有唔同嘅便當 仲有刺身 壽司 揚物 串燒 燒肉 拉麵等等春田便當蒲燒鰻魚1客 照燒脆骨雞肉丸子1串 刺身三種 (三文魚2件 帶子2件 有頭甜蝦1隻) 咖喱飯 味附螺肉 鰻魚燒到好香 肉質幾厚實 脆骨雞肉丸子食落脆脆地好有口感 三款跟餐嘅刺身都好新鮮 咖喱飯同螺肉嘅份量好多 係日式咖喱嚟唔會太辣帶有少少甜味 總括嚟講呢個便當豐富得嚟性價比極高! 灸燒左口魚裙邊壽司 (2件)第一次食呢款壽司係有2片左口魚裙邊! 平時出去食親都淨係得1片 灸燒過嘅左口魚裙邊入口即溶 灸燒帶子壽司 (2件)帶子嘅肉質好飽滿 經過灸燒之後仲增添咗一種焦香味挪威三文魚腩壽司 (2件)三文魚腩入口軟腍 油脂豐富而均勻 山形松葉蟹膏蟹棒軍艦 (2件)啖啖肉嘅蟹棒再配埋濃濃嘅蟹膏 唔洗點豉油食已經好鮮甜

餐廳雖然離葵芳廣場有點遠，不過這裡附近其實也有很多餐廳，也是挺方便的，而且算是挺用心的日式小店，質素都挺高！還有性價比更高的外賣餐單！秋田便當（９２元）便當真的很豐富，一次過滿足到你所有想吃的東西，有大大塊炸得外脆內嫩的雞扒，燉煮得軟爛的豬軟骨，開胃的辣味螺肉，還配有咖哩飯，不過被我轉了做燒汁飯，最重要還是包括了三款刺身，而且質素都挺不錯！鮮選火炙壽司配迷你手打稻庭烏冬（８８元）一共有六款不同的壽司，有蝦，牛肉，三文魚，鰻魚，左口魚邊和玉子，也挺豐富的搭配，隨便單點１件都可能十多元或以上了，這一次就能吃到，而且質素都挺高，即叫即整，火炙香味香濃！稻庭烏冬亦很嫩滑又有彈性。唐揚魷魚鬚（午餐加配２４元）性價比挺高的，份量比想像中高，炸得香脆爽滑。日式蜜糖烤雞翼（午餐加配１５元）味道很香甜，蜜糖味濃，肉質嫩滑。

丫媽今晚做無飯主婦, 叫我收工買埋外賣返屋企開餐。係仁芳街附近行咗個round, 見到呢間日式餐廳供應多款便當配搭, 於是就入去點咗兩個便當外賣。 所供應嘅便當每款都好吸引同豐富, default為咖哩飯, 亦可加錢轉湯烏冬/芝士咖哩撈烏冬。 沖繩便當:包括有三款刺身 (三文魚2件、帶子2件、甜蝦), 雖算不上厚切, 但每款都很鮮, 仲有螺肉做前菜小食, 可算過下口癮。便當外賣盒都放得整齊, 吉列千層芝心豬扒內嘅芝士餡料溶化, 外脆內軟嫩;汁燒金菇牛肉卷, 金菇牛肉卷吸了鹹甜汁燒醬, 美味又有層次, 所配搭嘅咖哩飯有甜甜咖哩香, 咖哩汁中有少少好林嘅蘿蔔同薯粒。 鹿兒島便當:同樣有刺身三款 (三文魚2件、帶子2件、甜蝦) 、螺肉呢款便當我仲加咗$12將飯轉芝士咖哩撈烏冬, 整片芝士佈上面層再火灸, 食之前撈埋一齊食, 芝士令烏冬更為creamy。便當配搭4件汁煮豬軟骨, 肉林得可以梳梳撕開, 軟骨好林, 不是爽脆口感果種, 另有兩隻吉列大蝦, 不過吉列皮稍為厚咗d。 另外單點咗----辣油油燒三文魚加州卷飯卷包住了青瓜、蛋、蟹柳, 食落好有層次。面層佈上火灸三文魚片, 不但滲出了魚油,

小店裝修整齊，木系傢俬，牆身掛左好多日本漫畫，充滿日本居酒屋特色。 餐牌提供一系列特色便當，仲有各款刺身丼定食、一品料理、特色卷物、刺身系列、壽司系列、冷盤、田園系列、海鮮系列、滋味系列、飲品和甜品。 大分便當: 七味燒豬頸肉5件、蒜香牛油燒帆立貝2件、味付螺肉、刺身3款包括三文魚2件、帶子2件、有頭甜蝦1隻，飯可以揀咖哩飯或和風燒汁飯，份量十足。豬頸肉燒得好香，肉質嫩滑；帆立貝煎到金黃色，非常惹味；味付螺肉口感爽脆；和風燒汁味道甜甜地，撈飯一流；刺身新鮮又肥美，每款2件啱啱好。 安格斯牛肩胛溫泉玉子飯: 安格斯牛佈滿大理石花紋，油花豐富，肉質細膩柔軟；溫泉玉子蛋黃部份半熟，蛋白部份呈半凝固狀態，非常嫩滑；加上香口蔥花，大滿足。 櫻花蝦日式炒雜菜: 椰菜絲、紅蘿蔔絲，加上櫻花蝦，好夠香氣滿滿，好滋味。 總結，小店食物份量大、出餐快、價錢合理，店員服務態度好，無論堂食和外賣都人流不絕。

早幾日「香港航空」出啲零票價機票，諗住短短哋走一轉日本，可惜都喺唔夠人搶。橫掂今晚兩公婆都唔想煮，做一晚無飯夫婦，就過到嚟家住葵芳嘅老友所推介嘅「稻田食堂」，食返個日式便當，因為佢話店家嘅便當款式多，而且配搭豐富，食咗就當去過！拉門內進，裝修喺好日式食堂嘅感覺，全木系傢俬，一邊牆上掛咗好多推介嘅食物相，另一邊就有好多日本動漫照片。 餐具簡單嘅調味料就放晌枱側，要落單採用二維碼，今次就無影餐牌俾大家參考， 因為選擇實在太多，所以，只喺截圖番有啲咩大類別；而飲品方面，叫咗主食，跟餐嘅話有平$6嘅優惠。另外近門口亦都掛咗一張螢光餐牌，一邊喺創意刺身壽司，另一邊喺人氣推介，如果太多選擇唔知揀咩好，不妨喺呢個位度著手！安格斯牛肩胛蕃茄濃湯烏冬 $80一打開個點餐程式，就見到一款全新爆茄蕃茄稻庭烏冬系列，唔使多講老婆一定晌呢個系列埋手，但佢平時好少食牛，估唔到佢會揀牛肩胛，原來佢之前食過一次牛面頰肉，覺得好正，今次揀牛肩胛其實喺記錯錯咗喺牛面頰肉，哈哈！不過，佢都話啲牛肩胛肉好嫩滑、好好食，但喺最得佢歡心嘅喺個爆茄濃湯，酸香濃郁，蕃茄味鮮活，打個滿分俾個湯；另外，佢都大讚啲稻庭烏冬入口滑漏，有煙韌

今日去咗葵芳一間日式料理店食午餐野食味道好正👍🏼🤤🤤飲品我就揀咗荔枝椰果梳打主食我揀一個便當--福岡便當👍🏼小食我揀咗北海道紅豆鯛魚燒、一口小甜薯、濃厚朱古力蛋糕餐廳環境幾舒服 會播日文歌做背景音樂首先上枱嘅係飲品荔枝椰果梳打👍🏻梳打嘅味道酸酸地再配上甜甜嘅椰果係炎熱嘅天氣下最好嘅飲品跟住上嘅係便當便當好豐富 有好多唔同嘅配料有吉列豬扒、豬軟骨、日式圓蔥魚餅、螺肉同埋咖哩飯🤤咖哩係日式咖哩 唔辣甜甜地配上飯好好味🤤豬軟骨好入味魚餅都好好食 好彈牙螺肉嘅味道好新鮮👍🏻之後上嘅係兩樣小食甜薯嘅味道唔錯紅豆鯛魚燒餡料充足🤤🤤 鯛魚燒嘅形狀細細粒 好得意 上一次食已經係去日本旅行嘅時候再次食返都係覺得好正👍🏻最後嘅甜品係香濃朱古力蛋糕朱古力嘅味道好濃鬱而且細細件 好啱做飯後甜品呢個午餐味道真係好正就算得一個人 都係忍唔住食曬🫶🏻

今日去朋友屋企housewarming，喺佢屋企附近搵到呢間餐廳，集合咗日本好多個地區嘅便當，睇到都令人回憶起去日本旅行嘅美好時光叫咗京都便當，和歌山便當再要咗個豬軟骨拉麵同灸燒芝士大蝦反卷上到朋友屋企一打開已經覺得非常吸引，賣上美觀，而且佢嘅份量都好多我哋嘅便當分別揀咗配燒汁同埋咖哩汁，兩款都試下。豬軟骨拉麵嘅份量多得驚人，豬軟骨遮左一半外賣碗表面，而且食落非常入味同埋啱火喉，豬軟骨咬落去爽口，豬肉嫩滑，唔會鞋口，仲配有粟米粒，溏心蛋同昆布，拉麵彈牙唔會太淋，好食！個反卷同樣好味道，平時食反卷，入面嘅炸蝦個皮通常都會淋曬又幾厚粉，但係佢呢個食落去竟然仲係脆口，真係高質素，一客8件，有蟹籽同沙律醬鋪面，飯同食材比例都好好，口感一流，正。京都便當包括有日式炸雞，福岡流心芝士漢堡，日式圓蔥魚餅，味付螺肉同燒汁飯，價錢先五十幾蚊真係抵到呢。而且味道真係非常唔錯，炸雞又夠嫩，漢堡有流心芝士當然係邪惡，不過好味道。至於和歌山便當，仲有跟埋蟹籽粟米沙律，汁煮豬軟骨，鹽燒鯖魚，味付螺肉同咖喱飯。都個便當一個人都食唔晒，鯖魚大大條，輕輕燒過嘅外皮加埋甜甜地嘅魚肉；汁煮豬軟骨真係好食，沙律好新鮮！朋友真

｛食盡葵芳之日式 — 稻田食堂 ｝————————————————呢幾日 日日都落雨天☔️ 收工之後個個都去商場等位食野勁迫，我就一於叫個外賣番屋企，舒舒服服咁食啦🥸 平時外賣都好驚啲質素會同堂食爭好遠，但今次呢間又幾好wo! 🔸 鹿兒島便當 $98 便當包含汁煮豬軟骨四件， 吉列大蝦兩件，味付螺肉， 配咗咖哩飯👍 佢個飯有得揀普通飯咖哩飯或者照燒汁飯，幾特別，值得一讚係佢仲跟埋刺身一份， 分別有三文魚 帶子 同甜蝦，每款四個都好鮮甜！👍 仲好貼心咁因為係外賣所以加咗個冰落去， 就算返到屋企食都係夠曬凍❣️ 🔸 宮崎便當 $84 便當包含照燒雞扒一件， 七味燒豬頸肉三件， 再加照燒茄子，味付螺肉同埋咖哩飯🧐 佢個照燒茄子整得幾淋幾好食，而豬頸肉都燒得夠味 🔸 鹽燒三文魚頭 $60 佢嘅外賣都有好多小食可以選擇， 呢個鹽燒三文魚頭肉都幾多，而且個皮燒得夠脆口，正！😋 不過如果返到屋企覺得有少少攤凍咗，個人建議微波爐叮熱返會更加好食呀！ Overall comment: 便當組合選擇多，外賣可以用KeeTa一早落定先，咁就唔洗慢慢等即刻有得拎👍

如果你係同我一樣 對食嘢非常貪心,樣樣都想食,呢間餐廳就真係好適合 便當選擇好多,而且每一個選擇都有好多唔同嘅配搭,一個人都可以食到好多款食物唔使驚一個人就淨係食到個飯咁齋一個便當有齊四餸一飯沖繩便當成盤好吸精打卡一流千層吉列豬心豬扒夠特別, 層層芝士包住豬肉芝士好香,夾埋豬扒又唔會覺得好漏沖繩便當跟一份刺身有三文魚蝦同埋帶子,覺得都好滿足了仲配咗幾件金菇肥牛卷福岡便當福岡便當有吉列豬扒，汁煮豬軟骨同埋魚餅吉列豬扒非常脆口 ,仲有肉汁唔會好乾， 同埋都好厚切食落好有日式厚切炸豬扒嘅感覺魚餅食落都有少少彈牙感，幾好食宮崎便當呢個便當就冇炸物 有照燒雞肉, 燒茄子,豬頸肉朋友唔想食炸物就揀咗呢個, 朋友揀咗要燒汁飯一個餐盒有四個餸,食完都幾滿足