稻成 (屯門市廣場1期)

營業中

休息中

星期日，突然間諗起想食上海菜，見到呢間有lunch set, 所以就入去試一下，以前假日係無呢種午市套餐的，而家見佢星期日都有午市套餐，真好。最便宜的一人午市套餐，好似客飯咁樣，套餐係自選一款小菜，配一碗白飯。我揀左椰菜回鍋肉，夠火喉，即叫即炒，熱辣辣好正，重口味推介，辣味適中，没有麻的感覺，豬肉片切到好薄，唔會太老，肉片好滑好，有口感。另一味滑蛋蝦仁，師傅可能唔記得落鹽，完全無味，蝦仁好大隻，好爽口，但明顯係急凍蝦，完全無蝦味。自己問伙記攞咗d鹽， 加了後味道算是還好吧。可惜埋單都幾唔係想像中的價錢，2人茶錢加前菜已經超過$50，仲要加1服務費，食2個$88午餐，最後埋單$250左右，收費有點貴。

今日行過屯門市廣場2樓，見到一間裝修別致的餐廳，係門口見到價單都可以，就走入去試試。侍應安排了我地兩個人坐car座，可能平日晚客人不多，嘻嘻，兩人坐得很鬆動又舒服，侍應介紹了佢地招牌的酸菜鮮鱸魚，我地仲追加了炸油條，再叫多兩碟餸，金華火腿奶油津白及揚州炒飯。野食都好快上齊，第一口試下佢哋的招牌菜，魚都幾滑及鮮，再將脆卜卜油條浸在湯底，嘩，好好味，因為油條吸收了魚湯精華，酸酸脆脆，酸菜魚中的配料都好正，給讚呀！津白都幾好，唔會變了黃，夠𣺉又甜甜地中和一下個酸菜魚。揚州炒飯夠料夠鑊氣，第一次食都唔知每道菜份量甘大，好彩同男朋友來食。

同幾個friend响屯門行完山，返到屯門市廣場食晚飯。行完山攰攰地，所以想搵個地方坐得舒服d，慢慢食，最後揀咗稻成。叫咗幾道菜，個人最鍾意食就係水煮牛肉，同埋稻成牛肉炒飯。水煮牛肉辣得嚟又d芝麻香，牛肉算幾嫩，有牛味又唔會韌，蓮藕片食落嗦嗦聲，夠晒爽脆。至於稻成牛肉炒飯，飯粒夠分明，粒粒都沾滿咗醬油，入口鹹香有口感，牛肉粒份量亦合理，有嚼勁得嚟唔會韌，幾好味，yummy。消耗完又食返咁多野，白做運動了

Went for celebrating in-law’s birthday. Roasted Peking duck was very delicious 😋 and skin was crispy. Quite surprise with the standard since this is the first time we actually tried this restaurant. Heard from staff they renovated not too long ago. Seats were comfortable and staffs were friendly. They took the time to explain the dishes to us upon every serving. Next their lamb with cumin also tasted amazing. Meat was tender and flavours were balance with the cumin spice. Staff actually provided

第一次嚟屯門呢間稻成試，因為佢裝修得靚，間格分明，坐得寬敞開揚，撇除傳統京川菜餐廳樣子，有點文青風。1️⃣2️⃣3️⃣0️⃣ 午飯時間🫔 香菇素鵝腐皮卷雖然係素，但咬感一流；腐皮炸至金黃香，配素鵝同菇好食，最精粹係個汁調校得好，甜食好味！🍗 巴蜀口水雞 香辣，不過多油，份量雖細但雞件滑，香口醒胃。🥗 紫淮山素小炒紫色嘅淮山第一次食，賣相幾靚，同平時淮山都係一樣味嘅，佢配露荀同小粟米好夾，因為夠甜，變相唔會太清淡。🥟 稻成小籠包標準小籠包，皮薄都多汁，出嚟係熱辣辣：屬保持水準之作。🥟 瓦屋山龍抄手呢個即是紅油抄手，咬落啲肉汁同辣油味醒互相融合，皮好薄；都屬水準之作。🦆 稻成片皮鴨 呢個好食，鴨肉已分離；鴨皮薄同脆，佢嘅香鴨油咬出嚟好惹味，真心要叫；份量比所想像多，係食到近屁屁位都係有陣騷味難攪😌

兩人平人幫襯佢哋午市套餐。糖醋魚配白飯、小籠包加擔擔麵。先講糖醋魚。之前曾經有跟前菜，宜家要另加 $28。上枱就真係一碗幾片炸魚加少少洋蔥絲，有一細碗白飯，好失望。再論小籠包。一筴走就穿皮，明顯係過熟，咩汁都無哂，食落仲係無咩味，非常失望。最後擔擔麵。麵嘅質素係重點，一個字“差”！煮過龍太淋，完全無麵身應該有嘅彈性，好似公仔麵煮咗十幾分鐘咁淋。無計，中伏！比錢見到張單，仲要收每位$8菜錢，再total 加一服務費。平日午市total $200。質素之差完全只值 $80。依個價錢有更多，質素更好。永不食用！！！

10點關門，星期二晚我8:50幾分左右味到9點就話last order 左，唔比入，入面靜係坐左一半，唔存在煮唔切既問題，大部分10點關門既餐廳last order 9:15, 唔明點解佢地特別早，所以8點幾差唔多9點大家可以唔使行過去啦

環境乾淨  燈光充足  就試下新野- 稻成門口有餐牌 ，今日去食午餐前菜係炸黃豆$28，其實係冇可能食得多，超熱氣叫左個點心飯麵自由配搭 （A+B) 呢籠就係A既小籠包 ，皮簿但唔夠滑，入面多湯。呢碗就係B既紅燒牛肉麵，麵煮得太淋，兩舊牛都要用多d牙力先咬得開，湯底就落得豉油太多，咸味重，唔太知自己食緊咩另外叫左個午市套餐，宮保雞丁配白飯，唔記得影相。宮保雞丁係餐牌到有個辣字，碟餸上面都有幾條辣椒，但係就食唔到佢有幾辣，淨係食到濃濃嘅蜜糖味，每舊細細的雞粒都比蜜糖包住。我同朋友平均分左d食物，兩個女仔都話唔夠，要再出去揾野食。

之前係其他地方食過酸菜魚，都係感覺麻麻地，吾好食！今次同朋友慶祝生日，選擇黎稻成試下！入到去，店員十分之有禮貌，同我地講歡迎光臨👍🏻，環境好舒適，園林設計，有別於其他店舖裝修！掂👍🏻👍🏻👍🏻今次食豪D，選擇左二人豐盛宴！套餐有酸菜魚選擇🤣！前菜選擇左香菇素鵝腐皮卷，入口算ok因朋友吾想食太多肉，小食轉換左蘿蔔絲酥餅，原來套餐食物係可以更改，讚👍🏻外型炸到金黃色，十分搶眼，食落去一D都吾油膩主菜當然係揀酸菜魚，個盆仲要寫稻成，好食不止酸菜魚，魚肉雪白，食落嫩滑，酸菜嘅酸度足，湯底用上多種具麻同辣嘅椒類，花椒、指天椒、等等，食落又辣又麻👍🏻👍🏻仲有蠟燭爐架，保溫👍🏻👍🏻整體感覺環境舒適，服務良好，食物有水準，下一次可以在黎

經過見到裝修幾靚，睇完戲見到有卡位，即刻同女朋友入去坐低，第一感覺好舒服！餐牌種類都算多，本身散叫左三款單點菜式，但職員提議午市二人套餐，因為入面套餐嘢食可以轉，又ok wo🤣 仲包甜品，就試試啦雞絲粉皮個麻醬好香，食曬先記得未影😂紫淮山素小炒，夠健康但味道淡左少少🤏主菜我哋轉左片皮鴨，正老上海燻比目魚，食落去好脆，醬汁甜甜地😊值得讚下d職員服務好好，落單前都有了解我哋嘅需要，呢個位值得加分👏🏻

同阿媽兩個人黎食野。 依間換左新裝修，好似連價錢都貴左。夫妻肺片 $98本身我好鍾意食辣野，d肉片都入味，但係唔食得辣既話同咪唔鍾意食內藏就未必會鍾意，而且有d細碟。窩貼 $58個皮一橙都唔脆，而且個皮好厚，好似唔係咁熟，粉粉地既感覺，嚿肉就普通同平時d上海店一樣。豆腐魚羹一睇就知料唔太多，大部分都係生粉水，魚就真係唔係好見到，冇咩鮮味。酒釀桂花小丸子 $48冇咩酒釀味，少少桂花香，又係水就好多，但香味唔夠，小丸子唔算多，但韌度都唔錯。

年初二食開年飯一行九人一枱茶壼及3分之一的餐具黏了食物殘渣茶水不滾一鍋炒飯只得三碗份量揚州炒飯冇叉燒，只得五粒蝦仁成為128元全隻片皮鴨，亦只得三分之二上菜阿姐仲強調咗兩次：係全隻！全隻！但接近五百大元。。。

店內比較多卡位和軟皮櫈，冷氣亦好夠，衛生環境OK叫咗小籠包 & 紅燒牛肉麵，麵湯色濃，但豉油味過重，相信調色時太重手其實好嘅湯底唔會主力用豉油調色，麵份量太少而且沒有麵粉香，而且煮得過淋，牛肉都係得兩條，加兩條青菜乜都冇，食完都唔得鮑。小籠包個皮偏厚，餡料味道有啲似公仔點心小籠包，但肉嘅份量就大粒啲囉。不過都有少少優點，就係包內都算多湯汁，上枱時都夠熱。茶位收$12，不過冇問你飲咩茶，求其俾咗無味嘅茶。屯門有咁多好嘢食，以咁嘅品質都唔會有下次了。

之前食過堂食覺得幾好食，今次叫咗外賣試下水準😋Total食咗$628，少貴🤏🏻，但係都唔錯，個人覺得堂食會好食啲最推介：酸菜魚，「例」係細份啲嘅，2-3人適合，都可以多人食叫多幾個餸，係一個唔錯嘅選擇！

好友約會，食午餐，開開心心，說說笑笑屯門巿廣場 周圍逛逛，咦 .. 稻成小館 變了稻成 dap-pa modern Chinese cuisine 全新裝修，非常不錯，綠色 園林 feel ，坐得舒服先睇吓餐牌，午市套餐點心、麵飯（選一）或 小菜配飯上海排骨湯麵 兩條菜心，蔥花, 清淡湯個人覺得麵太淋，排骨賣相一般，噢 😯肉質…炸得太乾了，「頂胃」😀稻成小籠包（二件）熱辣辣，一啖食晒，湯汁不油膩，肉汁飛濺😋滋味呀，皮尚算薄二人只點了一個套餐，當然唔夠飽啦，加個甜品，高力豆沙 $58有四件，朋友話 「太油膩」我呢😂厚厚麵粉，除了甜甜豆沙冇乜味喎⋯⋯總結：埋單 $161 ，食物質素 有待改善，ok la