稻成 (屯門市廣場1期)

營業中

休息中

真心！食物方面是很好的！已經不是第一次幫襯了⋯⋯現在香港飲食業真的已經很難做，願意留港消費的客人，如果遇上服務態度不好的員工？真係出名幾好食都冇用！ 今次午餐時段，你又唔係座無虛席？需要排隊等位？我們入來只是想要求一個舒適一點的位置⋯服務員都拒絕！！你安排什麼位置我也要坐嗎？客人都開口要求不想坐這個位置為什麼你寧願看着客人離開⋯⋯都唔想辦法解決？或者滿足客人需要呢？我們不是不講道理，當然是見到你有其他空位先至要求坐另一個位！！！這方面高層管理人員真係要留意一下，我哋就係晚上試過好多次來食晚餐，包房！覺得味道唔錯，所以中午都想來試一下，點知遇到這個對待，所以我們應該不會來了一位同事的錯誤就令到客人印象大打折扣了⋯

第一次同屋企人嘗試屯市呢間稻成中菜小館，入座時服務員們都好熱烈咁講歡迎光臨。首先點左個「龍皇泡飯」，見個名幾趣緻就想試下。入面有鱸魚、蝦仁、珠貝、泰國露筍、脆米、濃蝦湯。上菜係用石鍋形式，好夠熱，上枱時仲聽到「沙沙聲」。放入口第一淡，已經食到鮮味十足，蝦湯味又夠濃郁，鱸魚又夠滑，全部餸再配一淡飯，感覺超滿足👍🏻👍🏻👍🏻同場加映：稻成小籠包，皮薄多汁，一口一個，食完想再叫多籠😋👍🏻食到中途有個靚女經理姐姐仲推薦我地加入會員，入員食夠$300仲送一客小籠包。免費多一客小籠包屋企人食得好滿足👍🏻

今日啦到咗屯門啦行街見到佢門口有個輕鬆二人餐咁呀入嚟試吓啦咁呀有啲驚喜佢個酸菜魚二人份量，份量剛剛好仲有粗炒添，最有驚喜呢就係個楊枝甘露，驚喜係佢同出邊嘅楊枝甘露係唔同㗎，佢下低係奶凍底，實在好有驚喜，平時嚟到嘅時候我都會嗌個羊肚菌螺頭燉雞湯，今次跟餐都係加$58，超抵食，可能我係晏晝嚟啦，咁唔係好多人環境非常舒適服務態度真係好好，可能人唔係咁多啦，上菜速度極快，真心嗰句，我真係會帶多啲朋友過嚟試吓，香港真係好少餐廳有呢啲服務質素！

午餐點了黑醋汁松板肉，英文寫的是 Matsusaka pork，還期待可以吃到美味的有着极佳的雪花状脂肪分布的松板豬肉，但原來用的是豬頸肉，不喜歡豬頸肉的朋友，記得點前問清楚，以免中伏。

我係第二枱拎飛，前面拎張A01，我拎張A02，兩個相隔都無幾秒。然後陸陸續續見住啲人拎B01，B02咁樣。之後走左枱二人枱（卡位），佢叫左A01入去。然後再走左兩枱卡位（原本一張坐二人，一張住兩大一細。點知佢再叫飛個陣叫曬啲B枱入去，我去問個待應點樣分2人枱同4人枱，佢話跟拎飛時間😅 我同A01差幾秒拎飛，B枱全部都遲過我拎，敷衍客人都搵個好啲既藉口呀，不知所謂，求其敷衍客人，大家去食飯小心佢亂咁叫飛，無啦啦等多成粒鐘😅

三個人叫咗三個客加燉湯：招牌酸菜魚： 酸菜不太足夠魚的份量也不少好送飯黑醋汁松板肉： 冇諗過松阪豬肉炒得咁好味，一件一口食唔停口川味小炒牛肉： 牛肉好味，反而配菜尖椒都炒得好好味每人埋單100多啲，食到鋪住個肚走，喜歡

屯市食嘢好多選擇不過8點後就唔係咁多餐廳再接客去到稻成 好彩仲比入座見到酸菜魚係招牌菜不過唔算太餓怕食唔晒見有片皮鴨可以叫半隻就決定食佢坐底會有兜炸黃豆，好香口因為好鍾意食呢啲脆卜卜野所以都忍唔到口係咁夾🤣片皮鴨每片都好香脆又唔會勁肥勁油肉嘅部份都好嫩滑餅皮唔會過份厚😛小籠包皮薄多汁調味唔會過濃😋😋香蕉豆沙煎餅多餡到爆晒出嚟！香蕉同豆沙比例做得好好外皮好脆😚店員服務態度好友善座位舒服，超級推薦！👍🏻👍🏻

如果係香港食酸菜魚 我一定首選稻成坐得舒服 味道又唔差已經同朋友食過好多次每次食完都好想再食1️⃣招牌酸菜鮮鱸魚必叫嘅酸菜魚鱸魚份量十足！厚肉無骨唔會太辣 非常適合香港人嘅口味裡面有啲配菜同薯粉吸收晒酸菜魚嘅鮮味撈汁可以食多幾碗嘅白飯 2️⃣紫淮山素小炒健康之選食完重口味嘅酸菜魚當然要食啲蔬菜 中和一下紫淮山幾特別 炒得好有鑊氣3️⃣小籠包中規中矩皮薄湯汁多總結留港消費都有好多選擇想食好食酸菜魚 一定要試試呢間

經過見佢裝修企理，客疏，諗住靜靜局同屋企人食餐飯。 早一日電話訂位已經感受到嗰份燥烈，講多句要求可以嘅話俾張corner 枱，未講完立刻落閘，轉頭cut埋線… 今時今日…真係唔敢..亦唔需要幫襯。

整體用餐環境舒適，食物味道唔錯，特別要讚那個紫淮山素小炒，我們還點了老上海燻比目魚，上桌時跟餐牌賣相有出入，食落囗都ok 啦。因為係同媽媽慶生，老人家喜歡中菜，平時去開傳統酒樓，於是試下這家中菜。唯美中不足的是它們要收取$1 0 0 切餅費算貴，所以冇切生日蛋糕。

屋企人生日，見佢地都係鐘意食中菜，近佢地所以揀左去屯市食。呢間開左咁耐都未試過😂，喺openrice book到枱都方便～環境都ok，staff幾nice～但去到俾左卡位我地坐，幾個大人坐逼左啲…最尾俾我地換張圓枱就好好多😌🔅招牌酸菜鱸魚(辣) ($258)鱸魚唔夠滑，好多金菇😂，唔會好辣好麻🔅稻成片皮鴨(半隻) ($268)片皮鴨連埋個櫃上幾靚😂，仲有埋濕紙巾，隻鴨片完有肉有皮唔錯～🔅黃金蝦球配南瓜露筍 ($158)蝦球🦐唔係好多粒，不過幾多鹹蛋黃，南瓜同露筍都炸得幾香🔅稻成小籠包(4件) ($52)正常無咩特別，不過不失🔅川揚鮮肉煎鍋貼(4件) ($52)鍋貼🥟皮偏厚，唔太多汁，普通🔅老上海牛肉餅(4件) ($58)好爆汁好juicy，牛味幾濃🥙🔅砂鍋華亭餛飩雞(半隻) ($248)🍲幾濃味，不過媽咪話鹹😂～雲吞都ok🔅瑤柱蛋白炒飯 ($118)炒飯雖然用砂鍋上不過都唔係好保到溫，一般🫣🔅老上海燻比目魚 ($88)有少少骨，酸酸地幾脆💬整體都無咩特別，性價比唔高，野食拎出黎都唔係熱辣辣🤨，下次應該食返翡翠拉麵小籠包算😂

午市自由配搭套餐$8️⃣8️⃣另加一午市時段免收茶芥🥢酒槽醉雞（細）🐔酒味香醇，細份有4件冇骨雞，啖啖肉，不過醉雞肉肉質有D鞋🥢稻成紅燒牛肉麵🐮4舊牛腩，都算大嚿，炆得幾腍，但睇menu幅相係牛𦟌😐照騙🍜湯頭清甜幾好味環境相當唔錯，地方很大，但係午市都係得三、四枱客，相當冷清，我唯有繼續本地消費，撐起經濟😆💰是日消費$9️⃣7️⃣已加一#食在屯門 #屯門巿廣場 #tuenmunfood #hkfood #lunch #牛肉麵 #beefnoodles #醉雞 #drunkchicken #香港美食 #相機食先 #hkfoodie #heleninocean

屯門哩間稻成我都食過好多次！今次同已往一樣食物水準都係好好！但服務員就有所唔同！不得不讚～～香港好在有妳👍🏻盈盈！她服務態度非常好又熱誠親切又專業！希望香港多啲地方能請到D咁好質素嘅員工！

經過見到話用恆生信用卡埋單就送小籠包，就走入去試下，個小籠包一籠四隻，皮薄多汁，幾好食，另外叫左孜然手抓骨同片皮鴨半隻，手抓骨略為唔夠孜然味，不過都炸得幾酥脆既，味道冇乜驚喜；片皮鴨等左差唔多半個鐘，店員話即叫即整所以慢啲，上到黎伴隨有青瓜，京蔥絲，甜醬，十塊餅皮，味道不過不失，不過呢度半隻片皮鴨$268姐係將近成三舊水，都偏貴。整體黎講食物味道唔差，價錢稍貴，呢個價位黎講食物質素未夠驚喜；環境方面都OK，坐得舒服，店員有積極跟進食客需求。

很滿意的一頓丰富晚餐太想食酸菜魚和片皮鴨看了食評揀了這家店一試要四人套餐才同時有此兩款主食唯有點二人餐另加半只片皮鴨份量是多了點但因美味也幾乎無剩食只是本來會送的小籠包就放棄不要了食物質素和味道 份量都好滿意服務質素更是有點意外員工態度很好特別點贊👍 為我地落單的女侍應恰到好處的禮貌和真誠的服務態度 令我多望了她名牌幾次😁也對此店留下一個好印象另一少年服務生也是很好的整體都令我和先生食得開心滿意我也期待下次再光顧