稻庭養助

營業中

休息中

食物有驚喜，刺身要等一段時間，因日本師傅整，慢功出細貨。烏冬好得，炸雞非常juicy。生蠔好用心準備，唔係就咁開完就俾客人，仲配上洋蔥，醬油, 檸檬，好好味！咖啡烏冬味道好平均，烏冬質素👍👍但不幸某女服務員態度真係好需要改進，係連基本禮貌都冇🙅，一直黑面🤦，係普通茶餐廳呀姐都好結賬，俾單人客完全唔望，係側起嗰身望第二度🤷。師傅啲野食幾好都俾啲冇禮貌嘅服務員扣哂分😡。

由於啱啱過完年，腸胃麻麻，但難得老朋友由外國返黎，點都要食餐開年飯～　咁作為紅磡地膽ＧＥ我就約左朋友去紅磡食堂，日本人開ＧＥ正宗烏冬店－－－稻庭養助。。。（平日下晝去成日遇到地道日本人幫襯，感覺更有信心Ｄ XD)今晚去到八點半左右，已經座無虛席，我地等左十分鐘左右，就有位啦～我叫左我至愛「蕃茄湯豚肉烏冬」，老友就叫左「天婦羅蝦烏冬」～　我ＧＥ蕃茄濃湯依舊好飲唔油膩，仲有蕃茄粒（可惜有ＤＤ凍）、洋葱、溫室菜同椰菜，加上店舖自家製扁平幼烏冬，又彈牙、滑溜，一路食一路飲湯好開心、暖粒粒～　老友個天婦羅蝦烏冬都揀左湯烏冬，個天婦羅蝦炸得好爽脆，一滴油都無，好乾身我地仲叫左個秋葵，不過唔記得影相添～　都唔錯，好新鮮爽口～

次次book位都book唔到，唯有次次早到walk in！今次好好彩等左半個鐘就有位，個咖喱湯烏冬真係好好食，味道可以媲美上次我係日本食個碗！兩個人share一條燒鯖魚，真係太好食條鯖魚！

最喜歡食lunch, 因為配搭夠多，價錢優惠食到高質素的set lunch !Menu 已轉，仍然有我最愛細碗吞拿魚腩飯加炸蠔烏冬！還有另一配搭可以自行選擇！烏冬好食又唔使講，個湯都好鬼死好飲！豆腐蟹肉湯，真係好正！雖然得2雙蟹腳！不過整體係好食到停唔到口，佢地配菜都好好味架！Lunch 時間最好訂定台，一係你要1點前來拿位喇！唔係要等第一輪食完先到你。今日有機會坐bar 台，其實舒服過出面的台仲可以睇到佢地即整的食物，有時又聽到老闆幾句日本，感覺有少少去左日本吧！

日本出名稻庭烏冬店，其實佢嘅其他食物都好有水準。此店由日本人所開，大部分食材是日本新鮮運來的。今次午市來，有定食，可以試多幾種食物。稻庭養助便當（上），用傳統日式便當盒，分開三格放有烤豬肉、烤魚或炸雞都會有、天婦羅。另有芝麻醬沙律菜、前菜、正宗日本米飯、稻庭烏冬（可選冷或熱），仲有飲品送（冷熱均可）。只百多元，我就覺很抵。 烤豬肉附上浸過醋的蘿白蓉，底下有生菜絲，三種食材混合一起吃，即一塊烤豬肉，加少許蘿白蓉，夾埋生菜絲一起吃，醋蘿白蓉完全減除了五花肉的肥膩感，再加新鮮趣趣的生菜絲一齊吃，豬肉味濃，夾埋食極清新，食到停唔到口。天婦羅有魚塊、蝦、豆角，炸得趣唔油膩，很香口。烤鯖魚就相比之下較失色了，但都不柴乾。稻庭烏冬是幼扁型的，不同粗條型咁彈牙有咬口，但相反是滑爽。 稻庭養助便當（特上）有四段，包括有時令刺身、天婦羅、烤牛肉、烤鯖魚。份量都很大，烤牛肉唔靱，有肉味，但個人仍覺烤豬肉較出色。刺身是時令的，如吞拿魚都食過。今次是秋刀魚，秋冬以它最新鮮肥美，可作刺身用，吃下一點腥味都無。烤牛舌定食，牛舌雖厚切但鬆軟，份量也不少，不過就沒有稻庭烏冬吃。鰻魚蛋卷，蛋鬆軟滑溜，鰻魚不小，蛋軟承受不

大家好，今日2個人係貴店食晚餐⋯呢到食材真係好新,,,係服務生略嫌不足夠⋯應該要請多幾位員工先夠，仲有員工態度有禮⋯以及食物好好吃啊，值得推介，一定有下次啊!!

一星期內第二次幫襯喇~ 好鍾意呢度嘅烏冬幼滑爽彈,食完唔會有陣酸酸麵粉味. 第一次嚟見到menu覺得價錢偏貴,環境一般(枱與枱距離好近),但食完就覺得物有所值無論星期二夜晚丶星期日下晝,都好多人幫襯(尤其日本人).星期日午餐係定食附餐茶,晚餐可以另外點小食(炸物丶魚生丶冷豆腐). 今日食蕃茄豚肉烏冬定食,朋友點咗炸蝦餅野菜烏冬.蕃茄湯鹹甜度適中,帶點忌廉湯味,蕃茄粒無煮淋,保留新鮮口感,好味到我成碗飲晒!!! 薄切豚肉香甜爽口,唔會好似本地或大陸豬咁一陣腥臭豬味. 上次我食咗雞肉湯烏冬,比較下呢個蕃茄湯好味好多.朋友話個野菜蝦餅就一般,比較油同多炸粉,但個木魚湯烏冬就好正! 我哋都好鍾意個腐皮飯團,日式甜甜腐皮包住紫色飯. 呢度嘅烏冬真係好出色唔知同人手製作有無關係呢. 還是因為有日本師傅坐陣,所以食物質素有保證呢. 自家烏冬仲有盒裝出售,一盒三份$300,都係直接嚟食開心啲~

一直想嚐嚐這間據聞常有日本食客的稻庭養助, 此店位於黃埔地鐵站旁, 只需步行 3 mins 即達.  那天是預先 book 位, 所以無需等位已可入座, 3 倨人各點了一道菜, 然後 share 一起吃:豚肉野菜鍋定食:  豚肉肉質鮮嫩, 野菜爽口, 湯汁味濃, 是日不錯之選美國肉眼網燒 3 色汁定食:  其實原本這個網燒味道是不錯, 可惜敗筆之處是放涼了才上桌, 不是熱哄哄的感覺使其性價比降低了很多三式燒魚定食: 3 種魚包括鯖魚, 秋刀魚及另一條不知名的小魚, 3 尾魚都略嫌多骨, 味道及賣相均只是一般因為之前看其食評甚佳才來幫襯, 可能希望太大, 所以有點覺得其名過於實!

[ #海鮮勁足料😻| #不斷回頭的餐廳 ]••呢間餐廳已經幫襯過6-7次，最出名係稻庭烏冬🍜但食過咁多次，都未試過佢既蕃茄湯，點知原咁正😱-🔹海鮮蕃茄湯烏冬($138)⭐️8.5/10入面有有啲蕃茄粒🍅好多好多隻蜆、蝦、仲有2粒大大隻帆立貝🐚重點係個湯💥真係好好味，唔係死死茄味，係有海鮮既鮮味，我連湯都差唔多飲哂🤤佢既稻庭烏冬係偏幼扁，食落亦偏稔~🔹特大鰻魚飯🍱($168)⭐️8/10哇！真係特大鰻魚😱三大塊，燒得好香，味道好好👍🏻入面有小小幼骨仔，男朋友話可以照食，但係我好驚唔敢再食😭但都食左一塊😆🔹大池魚刺身🍣($250)⭐️9/10由於我係望住佢原條魚開始，慢慢切成一片片刺身😯即刻感覺勁新鮮，當然食落都好鮮👅🔹迷你葱呑拿魚腩飯🐟($68)⭐️8/10其實一啲都唔迷你🍱都好大份，飯多呑拿魚都多，仲有麻醬沙拉係側邊🥗呢個飯係我最愛，每次都必點❤️🔹厚切極上鹽燒牛舌👅($98)⭐️9/10🔹極上豚腩🐷($98)⭐️7/10牛舌都係我每次都必點💥真係好正，好爽口一啲都唔會un🤤有鹽燒同味噌燒2款，我就鍾意鹽燒，用黎送酒一流🍶燒豚腩都ok👌🏻另外燒和牛燒雞扒都好正ga😻-🔺店舖大但都要等位，早啲6點半到

又係食lunch ! 因為lunch 好抵食，有個飯又有烏冬！$90今次試下魚生飯加烏冬，不過魚生一般，價錢$120，這個價錢可以食其他定食！這店算有超多lunch set 選擇，下次會再試下其他set 另外再叫左炸雞飯加烏冬，今次炸雞好味過上次很多！這個set $90 ，用質素黎講，佢真係算抵。再後加一個燒肉迷你飯，好明顯熟食炸物是比較出色！明明趕頭趕命的妹妹話9成包，後加飯都係咁食因為lunch 時間，大家都好趕，最好訂位先，否則要排隊了。至於人數不夠，可能要比點耐性啊！

這間是紅磡很開的日本餐廳，下午時間已經要排隊，最好先預訂台。有多種lunch set 選擇，很岩香港人的style! 而且配搭都很多元化，一定可以食到你想食，最怕吃唔晒我們三人選擇了 ： 炸豆腐柚子湯烏冬，炸雞定食，天婦羅定食。最有驚喜是個烏冬，個炸豆腐是近期食日本野最引象深刻，在其他日本店一定吃不到！至於另外2個sets, 都不錯！不過建議第一次食，可以先試烏冬！最後，我買了一盒烏冬回家，附湯包！這間小編同朋友都會再次光顧啊！

第一次光顧，吃後覺得食物很有驚喜，我們坐在吧枱，對著前方那位日本老闆吃料理，份外有日本風味。點了：北海道帆立貝（配梅酒），非常新鮮甜美，配以海帶伴碟，無論賣相、口味也是稱心如意，價錢合理。明太子蛋卷，蛋是日本產地，份外原汁原味，捧上餐枱上蛋卷仍然熱騰騰，口感很好，與明太子配合得很融洽。下次，會試吓芝士蛋卷，期待～鏗魚醬油茶漬飯，喺香港比較少餐廳有及正宗，有日本人坐陣，我很有信心～ 雖然，不是十分非常好味，但勝在傳統口味，價錢商宜。大蝦天婦羅稻庭烏冬，大熱天時吃冷烏冬份外透心涼，天婦羅炸得剛剛好，無論是烏冬及天婦羅，都非常好味，勝價比很高。餐廳，還有喜之次可以點，三百多，也是合理價錢。我覺得，餐廳能做到日本正宗口味（雖非好味到跳起），但以一般人可負擔的價格經營，真的良心出品，而且，是日本人主理，我吃得很放心。然後，店內有位女侍應，黑口黑面，確有點趕客～

味道雖好，但店員態度差到一個極點，我地訂左檯，我朋友先到拎左張檯，店員見10分鐘未齊人，走去同佢講5分鐘內再唔齊人就趕人走⋯⋯⋯⋯之後齊人d店員都好似針對我地張檯咁，成日釘住我地幾時走，serve客態度極差，我情願佢一開波就同人講聲90分鐘用鐘，夠鐘走我地真係ok...但佢地呢間野選擇用對眼同做好多小動作來趕人走⋯⋯今時今日咁既服務態度 再好食都冇用

同朋友相聚，都想搵個好地方，既可以傾計，又可以食餐好嘅。呢度嘅選擇好多，今次兩個女仔黎，想試多d野，就放棄澱粉質，唔叫佢哋出名嘅烏冬喇。首先黎個帆立貝刺身，切得幾厚身，但唔算好鮮甜，有d失望。跟住黎嘅鰹魚沙律好大份，鋪滿左魚片，魚肉燒到半生熟，好鮮，拌住好多蔥、蒜、洋蔥、生菜同酸汁，醒胃又好味！細心嘅老闆俾個夾我地分黎食。夏天食感覺清爽，唔怕有口氣嘅話要試下 😄味噌燒蟹羔蟹肉滿滿一個，蟹羔好香，拌住絲絲鮮甜嘅蟹肉，用隻小匙羹分黎食，好快就食到乾乾淨淨。野菜炒魷魚，好似已經變左我每次黎必食嘅菜式，爽甜嘅炒椰菜同柔軟嘅魷魚真係好夾，對於我黎講，佢就好似廣東小炒嘅小炒王，夠晒惹味。我係個魚痴，見到燒魚一定會嗌，今次就試左燒赤魚，份量好大，店家已經切好，方便分黎食。魚肉好厚身，好實淨，擠d檸檬汁，點d蘿蔔蓉同酸汁，好香好好食呀！呢度嘅食物質素高，價格合理，希望keep住水準!P.S.呢度星期五好爆，記住訂位呀！

Happy Friday 來是要等位的, 場內位不多, 所以等了35分鐘才有位。一來就Order 了 牛扒飯, 牛味算重, 吃得出不是便宜貨, 唯一不喜歡碗內伴菜 (沙律菜 + 沙律汁)與牛扒一點也不配，怪怪的。另外是天婦羅冷烏冬, 烏冬夠黏韌, 天婦羅皮夠薄, 沒有太厚的粉來炸, 感覺不太油膩。啤酒貨色, 試了...........沒下次啦!!!!Menu 還有好多款式可選擇, 賣相算吸引, 原本order了鹽炒芽菜豬肉, 但已賣完, 留待下次再來吃, 如果想來試記得預早些等位。