秦

營業中

休息中

今晚放工去左試食新野，樓面服務態度非常好，由於第一次幫襯，就叫左招牌菜「雲吞雞🐔」，流沙黃金蝦🍤，紅汁燴牛尾🐮。每一個小菜可以加錢換飲品🥤價錢比一般茶餐廳貴少少，但食物好好味（貴少少都抵食，一分錢一分貨😋）餐牌見到食滿$300就送椒鹽迷你雞翼一客，原來一客有8隻架，好足料我再睇返餐牌，原來一客$58（例）下次會再黎幫襯

好日唔評論一次！呢次真系超級嬲！我地提前一日同老細講第二日中午過來點餸食飯。去到之後，服務一般，都唔緊要。我地點曬所有招牌菜，牛柳粒牛肉都好鹹，酸菜魚都唔知食左d咩，唔好味。然後一個女服務員不停推介個牛烤骨話好好味，我地就話咁試下啦，點知上到來，牛烤骨變牛腩，唔知邊度黎既骨頭係d肉隔離！味道真系唔得！呢個價錢貴得黎真系唔好食。本身諗住，算數了，中伏都係一次！最嬲係，我地俾完錢出到黎，發現其他顧客lunch set得酸菜魚同我地食果煲一模一樣仲有碗飯有野飲，睇下menu 發現先68蚊。但係我地食例牌，係酸菜魚98，一碗白飯15蚊，仲要收+1服務費！即係我地用左兩個set lunch 的價錢食左一個set餐！真系好嬲！絕對以後都唔會再黎！太差了

是日，經過粉嶺，見唔使等位，午餐有合心水菜式，即同老婆去試食。環境似高級西式或者係高級酒樓格局。玻璃開陽，坐得舒服。點左二款午餐，選左一個跟飯，一個跟面先送來二碗例湯佛掌瓜煲豬排肉，够味。（老板話日日會轉-即新鮮）酸菜魚，魚肉厚身，滑，無泥味！湯底同酸菜唔太酸，算剛剛好。麻辣味好香！（太好味，唔記得photo！）蟲草花蒸雞等左十分鐘先上菜，好明顯係剛剛蒸好拿出來，好熱。湯好清，好香。用來撈飯一流！雞入味，滑口。跟餐點左奶茶，涷檸茶，都有水準。CP值高！有機會再來試小菜。

公司附近開咗間中式餐廳，餐廳應為減省成本，一概保留前身西餐廳嘅裝修及配套，感覺有啲格格不入🤔.👨🏻‍🍳砂鍋乾炒牛河（$68）同一般嘅乾炒牛河唔覺有分別，但味道係OK嘅，唯獨河粉較碎濕濕！👨🏻‍🍳石鍋揚州炒飯（$68）石鍋真係超熱，真係要小心焫到手！味道屬正常發揮，最驚喜係有飯焦，多咗一份香脆口感，幾有特色嘅揚州炒飯！👨🏻‍🍳油菜（套餐跟配）賣相比較一般，而且只係普通嘅烚菜，冇乜特別！👨🏻‍🍳凍檸茶（套餐+$3）👨🏻‍🍳凍奶茶（套餐+$3）飲品都係正常發揮，但比一般茶餐廳大杯👍🏻依家試業期間仲有85折優惠，都幾抵食！