秘 (偉晴街)

營業中

休息中

位於佐敦的一間主打吉列牛的小店，「牛魔王」的我又上身，立即call 老公去食！門口採用好神「秘」光顏色，但大大隻「秘」字就令人一眼已望到！係柯士甸站出行吾駛5分鐘就到，幾方便！吉列牛以高溫油炸外皮鎖住肉汁，吃下齒頰留香，呢度嘅黑松露吉列牛用法國新鮮黑松露加上日本麵包糠，秘制出一種獨特的炸漿，酥脆外層之外更有松露特有的氣味，性價比高！ 燒黑松露吉列牛加配定食，吉列牛用一塊熱石板及一粒牛脂塗抹，按自己喜好燒到幾多成熟便可，食客參與度高。浦燒鰻魚飯鰻魚原條上，肥美，醬汁可以送成個飯，滿足之選。金魚湯好睇又好飲!

之前已經想食好耐秘 今次係佐敦新開左分店 於是就決定黎試試佢～我地叫左兩個吉列牛set 同一個小食小食叫左個軟殼蟹 非常juicy 估唔到一碟有兩隻原隻既軟殼蟹 好抵食！吉列牛set有一個前糖心蛋一碗湯同一碗飯 飯上有拌飯粉 飯量黎講都算幾多～我地分別叫左黑松露吉列牛同安格斯牛 黑松露吉列牛係每塊牛出面都包左一陣既黑松露 雖然好有黑松露味 但略嫌蓋過左本身既牛味 反而安格斯牛既牛味較出 本身自己都鐘意食黑松露 但都覺得普通既安格斯牛會更勝一籌 整體黎講牛肉都非常嫩滑 而且份量都算幾多下 係會唔夠送飯食 性價比好高會再黎食！

食物質素 9/10OpenRice有優惠，中午去用$70就食到蒲燒原條饅魚飯，好吸引！蒲燒原條饅魚飯定食飯既份量好大，饅魚都好大條，食到最尾飽到想放棄。饅魚上面唔係剩係得饅魚汁，仲會鋪滿木魚絲同飯素，令個飯更上一層樓！另外，定食仲會包埋野食同糖心蛋，糖心蛋略嫌熟多左少少，如果再流心啲就無得頂！野飲就包一罐汽水，都算係咁尼個優惠由3月1號去到4月30號，我諗我都會再去encore多次！咁既價錢係香港食到咁既質素既饅魚飯，無理由唔去多次環境衛生 8/10環境都算大，不過中午食飯時段都有好多人，要等一陣位服務質素 8/10中午時間比較多人，落單同上菜都要等一陣，不過可以接受！

唔好以為九龍區得旺角 太子先多美食其實位於尖沙咀 同 油麻地中間既「佐敦」都好多隱世餐廳👍🏻今次特登約埋男朋友去朝聖💑餐廳門面 好有日本簡約風格 亦相當有神秘感😍餐廳內部裝修都維持簡約風 枱 椅子都主要木材料為主 好自然既感覺🥰餐廳主要賣點食材係牛肉 有好多以不同種類既牛 所烹煮既菜式但唔食牛既朋友 都唔需要擔心 都有好多牛肉外既選擇😄齋睇menu都巳經流哂口水🤤 見到店九成人都點燒板燒吉列牛或安格斯牛，但就算嫌板燒牛熱氣都可原條饅魚飯、牛肉野菜。今次專程黎到就係為左食板燒牛，所以放棄左點其他主菜，不過見到鄰座客人點的原條鰻魚飯貌相非常吸引，原條鰻魚蓋左飯根本就係魚多過飯，下次一定要試下！ 今次就點左板燒黑松露吉列牛同埋板燒安格斯牛另外再配定食，吉列牛好香黑松露味加上吉列皮極脆，食起上來都不會覺得油膩，而且牛肉size切得啱啱好一口一塊，配埋秘之飯素簡直係完美配合🍚 板燒安格斯牛以鹽調味突顯出牛肉鮮味，薄切肉片非常嫩滑，我個人就鍾意板燒安格斯牛多點，食到牛肉原汁原味。客人可以自己控制牛肉既生熟程度 自己DIY 食呢餐飯時更加投入火喉要控制得好 牛肉就會岩岩好😍附上既牛脂肪 令增添更多牛

一直都有聽聞過 秘 呢間餐廳 係荃灣好出名 想試好耐架啦 點知原來佢係佐敦開左分店 即刻拉埋阿妹去試下先位置係佐敦偉晴街 呢度人流比較少加上呢個門面 真係俾到人一個好神秘既感覺😂好想打開個門簾入去食牛啊🤤呢度除左普通既吉列牛 仲有高級版既黑松露吉列牛 另外仲有普通既燒牛 牛鍋 同鰻魚飯 仲有幾款小食雖然鰻魚飯個樣睇相都好吸引但係最後我地都係揀左招牌既吉列牛同埋黑松露吉列牛板燒吉列牛 定食吉列牛一上枱我地已經流晒口水 吉列牛整齊排開 牛既油脂分佈均勻圍住牛既係一層薄薄既麵包糠牛本來係未熟既 可以放上鐵板度燒到自己鍾意既生熟度 燒完之後食落口牛既味道更加香更加出🤤定食會有櫻花昆布湯 秘之飯素 仲有楓糖流心蛋 飯素平時好少機會食到 好特別 流心蛋既熟度岩岩好 用蛋黃汁撈飯都好正秘燒黑松露吉列牛 定食呢個黑松露吉列牛個賣相真係好吸引佢同頭先個吉列牛既不同之處 就係圍住牛肉既係一層有黑松露既麵包糠 食落去非常脆口之餘 個黑松露味係勁突出 勁重黑松露味一d都無偷工減料 但同時亦都唔會遮蓋左牛既味 牛味都係好濃 油脂都係好香 真心好正值得一讚既係店員既服務 當佢地見到鐵板底下既燃料就黎用完 就會反應

-自從上次食完石燒吉列牛🐂之後就愛上咗， 間唔使又心思思想食下其他舖頭嘅吉列牛🤗🤗。 經過呢間舖頭，㊙️banner見到吉列牛🐮個樣，點可以唔試下呢😁。板燒吉列牛🐂（$108）加$38：味之素飯🍚、楓糖流心蛋🥚、櫻花🌸昆布湯。今次係用真正牛嘅油脂嚟做牛油，用嚟燒吉列牛🐂更加帶出牛嘅香味。 流心蛋🥚好正！！可以當餐前嘅小食。蒲燒原條鰻魚🐟飯🍚（$78）加$58：味之素飯🍚、 楓糖流心蛋🥚、櫻花🌸金魚湯。個金魚原來係蝦餃嚟嘅，好有心思👍。真係靚到唔捨得食吖。鰻魚又長又大條， 燒到好香口👃。坐位舒服，環境幾輕鬆， 仲有大量嘅廣東歌聽🎶， 有 古巨基、鄭伊健、謝霆鋒、許廷鏗、JW......==========㊙️地址：佐敦偉晴街11號地下

呢間餐廳距離地鐵站好近，大概行咗4分鐘就到。一場嚟到梗係要試吓佢個吉列牛。吉列牛份量都幾多，超過15塊肉。同其他餐廳唔同嘅係呢度嘅比較細塊，容易啲咬，同埋快啲有得食。牛肉油脂分布均勻，喺石板上面燒咗10幾秒就可以食。而糖心蛋係同出面嘅唔同，呢個係用楓糖整。除咗食物質素高之外，佢擺碟方面都好用心，將牛同蛋拼成一個哈哈笑。另外點左個鰻魚飯，上菜果下真係嚇親，估唔到真係原條鰻魚上。鰻魚配埋醬汁食，好夾，唔會話好重腥味。個飯80有找，幾抵食！午市去嘅話仲有特價，好似係$58咋！佢除咗吉列牛之外仲有安格斯牛，黑松露吉列牛揀。下次就會想食下黑松露吉列牛同埋芝士吉列豬扒飯。佢仲要全日免加一，日本餐廳來講都算好抵！

來到佐敦的主打吉列牛的小店 - 秘，店內看起來十分簡約。板燒吉列牛 （$108 + $38 轉定食）板燒吉列牛的外層是金黃吉列脆皮，不過內裡仍是微暖及半生狀態，放上小鐵板約10秒就燙至七成熟。首先要把油脂塗著面板上。晚市時段+ $38 可轉定食，定食除了吉列牛外，還包括秘之飯素、楓糖流心蛋及櫻花昆布湯。飯素及昆布湯的味道都比較清淡。美國安格斯牛肉肉質嫩滑，配上沾上麵包糠的外層，口感又是另一番風味。蒲燒原條鰻魚飯 （$78 + $38 轉定食）鰻魚嫩滑肥美，醬汁鮮甜入味。油脂感不錯。總括而言，秘是一家比較經濟實惠的選擇。可惜店內抽風設備一般，枱與枱的距離也比較近。

平時都比較少嚟柯士甸食嘢，但係呢一間吉列牛餐廳就一早聽過啦。因為荃灣都有一間，一直都好想試，今日經過終於可以試吓啦雖然餐牌款式唔多，但係嚟呢度都係衝着燒牛肉而黎一打開餐牌就見到大大版寫住板燒安格斯牛同埋秘燒黑松露吉列牛，好吸引！於是我同朋友就各嗌一個。價錢都唔貴喎！因為佢一個套餐非常豐富，仲有昆布湯，糖心蛋同埋飯素飯！一定夠飽。板燒安格斯牛定食安格斯牛非常新鮮，而且肉同脂肪嘅比例都非常好，見到啲花紋都覺得好正。牛肉切得到比較薄，所以放落鐵板上一陣就可以食，肉汁豐富，入口即溶！黑松露吉列牛定食期待已久嘅黑松露吉列牛！之前都冇食過有黑松露嘅吉列牛，好特別，聽落已經好吸引。吉列牛相對來講比較厚身，所以有口感啲。用黑松露整嘅吉列皮都非常香脆，而且充滿松露味，同牛肉都幾夾。一樣起板上面燒一陣，根據個人喜愛嘅熟度，肉汁一樣係好豐富，配埋酥脆嘅吉列皮，外脆內軟，多一個層次嘅口感配菜一樣唔錯，流心嘅糖心蛋仲有加上飯素嘅飯更加香口。環境唔算大但係坐得都舒服。不過最緊要係嘢食好好食，高質嘅燒牛肉！見到其他post都有推介鰻魚飯，下次一定要來再試下。

話說老公10年難得一見話帶我去食好味野問佢食咩？又話秘......密~去到之後就知點解原來餐廳名叫做“秘”，位置係佐敦同柯士甸站之間，餐廳位置唔難搵，就係正街頭，門口感覺都幾神秘，暫時係我食過最最最好味既吉列牛餐廳唔太大，想食好野就最好book 定1人叫左1個set，加配左定食 （秘之飯素 + 楓糖流心蛋 + 櫻花昆布湯），成個setting到好靚，好吸引！秘之飯素~白飯加左大量飯素，基本用飯素撈至少可以食2碗楓糖流心蛋~流心蛋本來就已經好味，再加少少楓糖醬，味道更上一層櫻花昆布湯~碗入面真係有朵花架，昆布湯味道好清，岩晒配上吉列牛板燒安格斯牛~安格斯牛外層少左吉列炸粉，除左相對無咁熱氣外，我覺得牛味更加出 ，食得出係靚牛板燒吉列牛~吉列牛就先做左加工，師傅會先配上炸粉炸，上台之後基本上燒10~15秒就可以食，相對安格斯牛就會香口d其實2款都好好食，最好2人同行，咁就可以試唔同既野最好，服務都係唔錯既，staff會好細心留意每台燒既程況，必要時就會主動換炭精

雖說在附近上班，但比較少到偉晴街吃飯。有次跟同事路過這裡，才發現有家別緻的日本餐廳。我們亦被$58鰻魚飯的優惠吸引了。每到中午時段真的很難排隊，有時太遲來就客滿了。終於有一次算好了時間，才可以一試這家神秘之店。大家都點了鰻魚飯，第一個反應皆是覺得鰻魚很大條。個人覺得醬汁很濃，味道偏咸，蓋過了甜味。鰻魚份量令人滿意，沒有骨容易入口；不過口感一般，淋得沒有咬勁，而且燒得不夠香。但$58的確是抵食。

食過荃灣西嗰間分店覺得幾好食，出開旺角又見到佐敦有新分店，緊係去試下。點知d牛嘅質素同荃灣西分店差好遠，又un又多根，一份牛有大半都係咁。。所以唔會再去呢間分店了！

因為公司在油麻地同佐敦附近，所以下午飯自然都會在附近食~有一日同事介紹左我哩間日式的餐廳'秘"他真的好神秘，因為店舖面唔多起眼，平時經開都真的唔會見到的感覺，同事說哩度的燒牛肉都唔錯，所以就有日就同同事一同去到哩間秘食飯了~不過真的要BOOKING，因為下午都好爆，坐下時，見到有板燒牛定食，另加$20~會UPGRADE秘之飯素，楓糖流心蛋 及湯。同事就UPGRADE左，我就無~上到來，附上板燒，有一塊牛膏給你去搽一搽燒肉用的，板燒真的好熱~食時真的要小心，同事的UPGRADE版，真的好多野食，我的普通版都唔錯~~他的牛肉真的油花好多，燒下時加埋飯一齊食，真的好滿足，燒下食下真的好過癮~另外套餐都會有埋汽水，愛食牛的人真的會好愛上~~下午飯來說，都是值得一試的，另外見到有人都點左鰻魚飯，鰻魚飯見到都好長，有機會真的再來試一下他們的鰻魚飯。

今日心血來潮想食燒肉，同細佬去完佐敦文字樓買完嘢，就去咗附近嘅偉晴街食，呢條街雖然係舊樓多，但係都有好幾間CP值高嘅餐廳，酒吧，價錢又唔貴，值得去架！今日去呢間燒肉店叫”秘”， 唔通係意味住有秘密😂？真係要問下腦細先知。。。我地入座時係7點半左右，餐廳還是十分平靜。。。但到離開時。。已經坐滿等位的人😱食燒肉唔食牛。。。係罪大惡極🤣鰻魚都好抵食，咁大條都係$78， 下次再來，必試！晚市定食加$38，就有流心蛋，櫻花昆布湯，同飯好低呀真係。。。燒黑松露吉列牛定食 $148 + $38每邊燒一燒10-15秒就搞掂，好有濃濃嘅黑松露味道， 肉質鮮美，又切得薄，超正！板燒安格斯牛定食 $108 + $38佢嘅雪花分布非常平均，肉質非常嫩滑。。。加上又切得好薄，非常美味秘之素飯美味又滿足的一餐💕 物超所值！

這間店的位置在佐敦近柯士甸站，要找亦不難。 店子少少，大概坐到20多人吧。餐牌有不同選擇， 由於我們是衝着吉列牛的，所以就點了吉列牛和板燒牛套餐。當吉列牛來的時間感覺到佢興奮因為他不像其他店的做法，他的外皮用了新鮮黑松露加麵包糠做的，所以呈現黑色的。這個和我們之前在日本鹿兒島一間有名的吉列豬店吃的一模一樣只要放它放在板上燒一燒，便立刻忍不住吃。果然有那一種非常酥脆感覺就算在板上燒一陣子都不易會淋配埋加配飯素一齊食，實在是超有驚喜之作另外的板燒牛亦同樣出色，牛肉亦是鮮嫩多汁的雖然沒有吉列牛有驚喜，但是在店家自己作的醬汁一起吃的情況下，好快就淸碟了暫時在香港尚未找到比這個更好的吉列牛，性價比高，一定要再回來吃多一次。