秘 (偉晴街)

營業中

休息中

板燒吉列牛吉列牛嘅本身係炸過再切開上菜，可以放上爐上燒，自己決定想食幾熟。蒲燒原條鰻魚飯原條鰻魚實在係非常吸引，而且鰻魚肉質鮮嫩，醬汁又夠鮮味。白飯上面加咗紫菜同埋木魚，既有日式風味，又同鰻魚飯好配合。

之前係荃灣分店吃過一次🙈覺得味道不錯👍🏻所以今次帶朋友來試試💕點了這個黑松露牛排🥩份量也挺多的，糖心蛋也好好吃😋😋😋😋每個人可以自己燒😍🙈好好玩，自己可以控制食幾成熟，我覺得這個很好👌👍🏻👍🏻👍🏻👍🏻試了他們的金魚湯🥣外型的確挺特別，很像真的金魚🐠無論顏色外型大小，個人覺得打卡10分呃like，不過味道方面不喜愛，外皮硬硬的，不過湯挺好飲的！清清的😋😋😋

我地三個分開公司後好耐冇一齊聚下所以咁啱我今天唔駛OT 就約會見一見兩位食家都贊成食呢間雖然未試過不過據聞幾好食我地分別每人叫一個主食可能太早食晚餐嘅關係，我地只係加一個$28多一個蛋同一碗湯來share 試下味因為每個主食都已經有白飯一碗👍🏻講番個主食，黑松露吉列牛感覺幾得意有一粒粒係牛肉面包圍住不過我同富貴同事都覺得安格斯牛好味D食神同事就覺得一粒粒好食D而個鰻魚飯睇相都覺得好正真身一樣咁正，好大塊👍🏻👍🏻而且價錢來講又唔算好貴值得推介

呢間餐廳係佐敦偉晴街附近，日頭舖面唔係好eye catching, 所以就算經過都未必留意到。夜晚有lighting會易搵d。呢度既原條饅魚好厚身，饅魚醬汁好濃味，加埋飯素撈飯真係不得了，會唔覺意一啖接一啖食哂成盒飯😝。其實飯量好多，就算男仔食都一定飽。另外升級套餐仲會有櫻花昆布湯，加湯好清甜，飯前飯後飲都好合適！另外流心糖心蛋有會有一絲絲甜味散發出黎，幾特別。🤗⚠️但略嫌骨比較多，同埋饅魚唔係一口就咬得開，比較韌，口感有d怪。唔知係咪燒得未夠熟定係因為本身食材唔夠新鮮？🤔🤔🤔始終午市唔升級都只係$58。下次嚟希望試下個燒黑松露吉列牛定食！見隔離枱食都好想食，好似幾足料幾大份。#秘 #foodiehk #hkfoods #hkfoodshare #hkfoodblogger #hkfoodieblogger #hongkongfoodie #hkfoodlover #topcitybiteshk #hkeats #食好西 #食評 #hkrestaurant #hkfoodblog #相機食先 #吃貨

Lunch 同事介紹去食日式食物，話呢到午餐抵食，所以嚟試下，叫左個午市推介，“浦燒原條鰻魚飯”，午餐特價$58，只限佐敦店。原條燒鰻魚，大大條，個鰻魚汁好好味，分量足夠，呢個價錢，無得輸啦

好掛住吉列和牛，聽聞呢間鋪頭嘅吉列和牛唔錯，而且性價比高，特登黎試吓。好重石油氣味， $148真係好好J，雖然唔係最頂級既和牛 ，試咗少見嘅黑松露吉列牛， 有成16小塊，量算係坊間之冠，幾chewy而且無筋，紋路都幾靚仔，我又好想再食啦 🤤

黎到秘，就緊係要試下招牌吉列牛，牛肉份量足夠，肉質鮮美，有層層既脂肪，燒完食落好香油脂味，層吉列炸粉做得好好，之前食過有d吉列牛層炸粉會燒燒下甩左，但呢間既炸粉就牢牢痴實，而且炸粉唔會過厚，軟綿綿既牛肉配上脆脆既吉列外層，口感一流，無得頂！

今日出左去玩彈床，玩完肚餓去左朋友家附近既一間餐廳，6個人walkin入，唔洗等太耐，好快入得。朋友介紹吉列牛同饅魚飯，叫左5個牛，1個鏝魚。之前記得係日本食過一次，個陣排左1小時先食到，估唔到原來香港都有得食，好驚喜😳👇🏻板燒吉列牛$108❤️，晚餐限制一定揀加湯個兩個餐。整埋個笑哈哈樣，食落去心情都愉快d🤣素飯上面d料咸咸地脆脆地，淨係食個飯都好正😍有個肥豬肉比你搽下你鐵板面，冇咁容易痴底。朋友加左條金魚，聽講係餃子，同埋要襯熱食。味道佢地話幾好食。👇🏻饅魚飯，味道都唔錯。但比我揀會再揀返吉列牛，因為有得玩同可以慢慢食，感覺仲好似大份d。另外加左3樣小食，但唔記得影相😥芝士薯條好正！😍總括黎講呢間餐廳唔錯，價錢食呢個質素既野我覺得係抵，可以當去左一轉日本旅行😆會再encore!

秘•黑松露吉列牛🐂今日下晝同朋友喺佐敦食咗間叫「秘」嘅餐廳，餐廳望落去真係有種神秘嘅感覺，入到去果然無令我哋失望，之前喺名古屋食過吉列牛估吾到今次可以喺香港食番，仲要有驚喜，係黑松露吉列牛，雖然要成百五蚊左右，但係幾有特色，可以話係回味無窮，而且配埋佢個特製醬料真係無得彈。黑松露吉列牛同一般吉列牛最大分別就係外面多咗層脆皮嘅黑松露，食落去外脆內軟，另外抵讚嘅係一流嘅服務，雖然比平時食lunch食貴咗少少，但間吾中一餐半餐都係值得！😇

第一次食秘係荃灣分店，果陣仲戰戰兢兢晚上6點即刻去食，因為都唔少人排隊。睇OpenRice知道原來佢有分店係佐敦就馬上去試下。店舖唔算太大，入坐率大概八成，而我地當日有訂位所以都唔使等。雖然menu都有唔少選擇，但都係鍾意食佢皇牌既燒吉列牛。我地亦叫左饅魚饅同野菜鍋（無影相）。吉列牛依舊好食，但本人最滿意係秘既飯素飯，佢應該係加左秘制醬汁，係出面食唔到既味道。 饅魚飯同野菜鍋都幾出色饅魚夠大條，野菜鍋落左清酒去煮都幾香。

今日經過佐敦去買頭髮產品, 一到偉晴街, 原來好多食肆, 就去咗嗰間好多人排隊嘅, 就一於去試下啦好多日式食品, 主要都係以板燒為主, 點選左安格斯牛, 需108蚊就已經食得啦, 非常之抵食! 加38蚊仲可以配個湯, 再加流心蛋, 再加個飯 安格斯油花非常之細緻, 見到都已經流曬口水, 用板燒方法唔算好煙, 比較容易控制, 唔會燒燶, 安格斯牛入口非常之滑, 好JUICY, 流心蛋,金黃色嘅流心蛋黃, 非常之吸引, 香滑嘅蛋香, 滋味, 另外佢嘅櫻花蝦湯非常鮮甜, 佢嘅飯配咗芝麻, 再加紫菜喺做topping, 多重口感, 再加埋飯香, 嫩牛再加白飯, 簡直一流嘅配搭

食過好幾次秘 記得頭兩三次都係係荃灣食 次次都撞正食飯時間 排都排咗好耐 味道唔錯 可惜等候時間都偏長而且無得訂座 即使好想食都會有少少卻步 後尾睇YouTube 見有人介紹秘係佐敦與柯士甸交界開咗間分店 而且有得訂座 一於同家姐一齊去食☺️
分店比荃灣既略大 座位與座位之間亦相對闊落 坐得會幾舒服 亦唔會話太嘈 不過地點都係地鐵🚇/西鐵站之間 行大概7-8分鐘 唔算好近 但就算易搵 一條直路 過幾個街口右轉➡就會見到
吉列牛係香港🇭🇰我食過三間餐廳 秘係我食得最多次既 CP值係最高既 價錢唔貴之餘都有服務 而且免加一 
板燒吉列牛🐮 次次都係我必點既 賣相同味道都係成正比 雖然價錢唔係高 但餐廳都唔係隨便交「行貨」 我覺得就絕對對得住個價錢 吉列牛外層既炸粉唔會話好厚身 而且係夠脆身 我記得朋友教過我 好食既吉列牛炸粉係好重要 如果口感好似麥樂雞咁就係唔多好食 哩度既係 薄薄一層而且係夠脆身 燒完之後 口感除咗脆 入面仲有肉汁 有牛味 雖然唔係好濃 但牛肉算係容易咬開 唔算韌 燒落亦有陣陣牛香 提供既醬汁味道岩岩好 有提味既作用 甜甜地 整體係唔錯既選擇 算係中和咗吉列牛既油膩感😋一黎

吉列牛瘋摩全港，而我作為牛魔王，亦係當中嘅粉絲之一，友人話佐敦有間日本菜想試，而且主打吉列牛，所以就同佢衝左去試此店用‘秘’一字命名，而且門牌頗有神秘感，有濃厚的隱世feel但入到去光線充足，坐位闊落，牆上掛畫很有日本feel睇左餐牌，發現嚟度有個很特別的吉列牛-秘．燒黑松露吉到牛，當然有叫秘．燒黑松露吉到牛-外皮全是黑色俾人感覺成件牛柳都佔滿黑松露雖然外皮只是脆漿混雜了一些黑松露，但仍然好香，好重黑松露味，燒起上嚟更香，好似有罐gas喺我哋面前漏氣咁本身件牛肉已經超靚，超肥美，用牛脂肪佔滿牛油在鐵板後手煎一煎牛肉兩邊，香口撲臭，入口即溶，而且外皮又脆，口感超好佢隻糖心蛋同外面有點不同帶點清甜，可能因為用了楓糖醃製的關係，我很喜歡蒲燒原條鰻魚飯-真的用了一整條鰻魚，很大條，而且很肥美，再配合好似有生物不停郁的木魚乾，更好食，另外配以有秘之飯素的飯食，更香更有口感另外，朋友見這店嘅金魚餃出名，所以叫了一客櫻花金魚湯試下，像真度極高，好靚，配埋櫻花昆布湯，彷如水中的活金魚，朋友一口咬掉了一半，之後話味道不錯總結，其實論環境加食物質素，這店都算抵食，而且食品款式有些頗有創意

係佐敦想搵一間靜靜地既餐廳2個人慢慢食，竟然俾小妹搵到～門口沒有什麼裝潢，只係得一個字 “秘”門口望仲以為會係好貴既日式餐廳，但門口睇下個人menu發現原來價錢唔算貴仲要好吸引，所以咩都唔使講就沖入去閒日來講都算多人，睇完menu 就一人叫一個餐板燒吉列牛配定食 ＄146提供煎爐俾各位按自己喜歡的熟成度去燒，吉列牛有預先炸過但中心仲係好生，需要自己再煎，即使煎完有吉列既邊位都仍然好脆，一口接一口好快食哂話明定食當然有配料及湯，首先個飯加入了飯素，所以好容易食哂碗飯。仲有流心蛋及櫻花昆布湯，流心蛋唔算好濃醬油味但櫻花昆布湯好清，飲落好舒服浦燒原條鰻魚飯配定食 ＄116鰻魚最緊要係肥美，呢到既鰻魚肥美之餘，仲燒到好入味，旁邊位置仲帶點脆口，加埋飯素，食落係3重享受，正定食仲有包埋流心蛋及櫻花昆布湯，所以食到好飽啊總括，小妹覺得現場環境同野食都好好，用餐時係一個享受，不過美中不足係餐廳抽他唔太好，食完會有一陣油煙味，可能個個黎到都係食有煎爐既套餐

平時食開荃灣店，但朋友嫁左去太古，去荃灣太遠😭唯有近啲去佐敦店，原來佢去佐敦都好快🚅-🔹板燒吉列牛我轉左定食(+$38)，有碗飯素飯、一隻溏心蛋、櫻花昆布湯🌸吉列牛排得好靚，用牛脂肪當油燒一燒先開始🔥有成14-15塊，吉列皮痴得好穩固，燒完都唔會分離，而且牛肉質素都唔錯🐮我最喜歡係飯素好多，一啲都唔吝嗇😚食哂成份都夠飽，價錢唔算貴，性價比高！-🔹原條蒲燒鰻魚飯朋友超鍾意食鰻魚，見到就即刻叫😂一上枱真係嘩一聲，好大份好大條😱佢分左啲比我，鰻魚無骨，都燒得幾香，好夠味👍🏻飯都有鰻魚汁，所以朋友可以食哂啲飯，最後再慢慢品嚐佢最愛的鰻魚😂-🔺呢間好似有得訂座