秘 (偉晴街)

營業中

休息中

今次同朋友嚟試咗呢間食吉列牛燒肉嘅餐廳。本身一直都想食吉列牛，而呢間秘除咗有義氣之外，價錢仲好親民！我地總共試咗三樣，第一樣當然係主打嘅吉列牛脆皮唔厚粉、薄薄地，炸個方面係啱啱好，係切片切得太薄身，差少少咬口。第二個就板燒安格斯牛。呢款塊牛切得薄薄地咁燒就啱啱好！勁有牛味。第三個就係個牛肉鍋湯底出色，牛腩夠淋身唔會好難咬，食得出煲咗好耐，好入面，仲要好足料，呢個真係十分推介！店員都好和藹可親，好主動咁幫我地加燃料。加油👍🏽👍🏽👍🏽

9月中同朋友黎左食，之前係中環食過一間比較貴，但一般般既吉列牛，所以今次黎到想試下食唔食得到符合期望既吉列牛。加上我本身都幾鐘意食燒肉定食，因為可以自己控制要幾熟，又有得玩！本身係想加錢叫金魚湯，但係已經賣哂，唯有改為有朵花飄下飄下既昆布湯。幾好飲，唔算太咸。不過始終都係想試金魚因為吉列牛同黑松露吉列牛價錢唔係相差太遠，所以叫左黑松露黎試。見到佢外表咁黑，以為會好濃味，但其實只有淡淡既黑松露味，呢樣需要改善下。而且牛肉雖然質地夠軟，但牛肉味唔算太濃郁。呢款安格斯牛超推，價錢唔算貴，牛肉質素高，自己控制火候，燒到自己想要既程度，無得彈！最後我地叫左炸軟殼蟹，佢既調味好香口，不過有啲淋左，可能係我地放耐左先食既關係，不過問題唔大，佢依然咁好食。

食過荃灣嗰間之後一直念念不忘😋不過由於好多人等位，導致等位時間較長，所以今次同朋友試下黎佐敦分店用餐🍴非常好彩，一去到就有位，唔洗等✌🏻以前系日本食過吉列牛之後，雖然係好好味，但係始終覺得太油膩，唔係太岩自己口味，所以今次點左板燒安格斯牛($108)🥩加配金魚湯定食($58)唔喜歡食吉列野既朋友點呢個就岩晒喇😍點完餐好快就上菜，非常高效率🙌🏻櫻花金魚湯賣相吸引，味道不錯👍🏻安格斯牛肉質非常好，肥瘦適中👍🏻配埋秘之飯素同好正既楓糖溏心蛋，份量岩岩好！真係食到lam lam脷😋😋

近排簡餐廳都要好小心，要支持與香港人同路小店，大大力懲罰！之前已經聽過呢間餐廳，但一直都無機會去。自今年6月之後，都無咩點出街搵好西。直至有朋友仔整左餐廳list,先決心要每日懲罰黃店！上網睇，餐廳好多人排隊，簡左星期六中午黎，擔心要等，仲訂左位。中午黎到，門外就無人龍，但入面基本都滿座。2個人黎食，叫左最多人推薦既吉列牛同鰻魚飯，配飯素。吉列牛定食（$128）配溫泉蛋加飯素（不包飲品），牛肉係美國牛，以呢個價錢黎講，牛肉品質相當唔錯，都有少少雪花，雖然唔算入口即溶，但唔會好銀，都好淋，絕對對得起個價錢有餘。比起吉列牛忌廉烏冬個間好味好好好多！加上仲要平啲，超高cp值。鰻魚飯午市$58加$20配飯素、溫泉蛋加飲品，加埋都係$78，鰻魚仲要好長，真係超超超值！！！鰻魚飯味道都十分正常，無其他食評人講列咁喊（好似係，可能我比較重口味）2人一共食左$206，唔洗加一，以呢個價錢加上食品品質，無得彈，絕對會再次幫襯，極力推介

之前在荃灣已經見過這家餐廳，但由於不能訂座，當天要等一個小時，所以便沒有食，有朋友告訴我，佐敦這一家分店等候時間比較短，所以今天約了一個很久沒有見的朋友食這家餐廳！去到餐廳門口，非常多人！不過最後我們只等了大概30分鐘左右！另外，走的時候發現門口有一個牌子寫着可以訂座😰我和朋友各自點了一個不同種類的套餐打算可以開心share ! 由於第一次食這間餐廳，我和朋友加了$58轉成套餐 (包括: 飯素，流心蛋，櫻花金魚湯)板燒吉列牛套餐 - 非常原始的吉列牛，牛肉非常好味，並非便宜貨，剛燒起的吉列牛非常脆！燒黑松露吉列牛 - 這個吉列牛和板燒吉列牛其實是一樣的牛，所以牛肉亦是非常好味，燒起的黑松露吉列牛，非常香！另一番風味！櫻花金魚湯 - 本身對這個湯非常有期望，金魚其實有點像蝦餃，皮很厚，湯很淡無味！總括吉列牛非常好食，但可以只加$38的套餐便可，櫻花咁魚湯不值得試 ！

呢間吉列牛都食過幾次晚市，地點都好就腳，係柯士甸一出就係。今次晏就去，加$20有飯同流心蛋，咁都已經好夠，因為晚市個湯我覺得還好。午市仲有野飲送添。吉列牛照舊有水準，肥瘦均勻，睇樣都已經令人好有食慾，份量亦夠多。個表面幾脆，厚度適中，燒到5至6成就食得，不用點個醬都夠味。個飯就加左飯素同紫菜，同埋甜甜地既醬，好開胃，流心蛋都好好食。店員會周不時留意下個火，不用自己出聲店員都會幫手換，服務方面都不錯。

今日本身諗住係佐敦食壽司，但實在太多人，所以決定放棄食其他野。係佐敦就第一時間諗起秘呢間餐廳，因為自己都好喜愛食吉列牛。今次就叫左個板燒吉列牛$108，而午市定食就加$20會有一個秘之飯素，楓糖流心蛋同一罐汽水。我個人就覺得都幾抵食。亦都加左個手羽先，$48有4隻。吉列牛外層都幾脆而內裡既牛幾有口感亦有牛味，本人就唔喜歡太熟，怕太熟會失去嫩滑口感。個飯個人都幾喜歡，因為將佢攪勻會有少少甜味，加埋個吉列牛口感非常滿足。手羽先外脆內嫩，外皮唔係炸得好厚，唔會有好多粉既感覺。

🔹吉列安格斯牛 $108 (+38 轉定食 包秘之飯素 流心蛋 昆布湯)🔹蒲燒原條鰻魚飯 $78 (+38 轉定食 包秘之飯素 流心蛋 昆布湯) .$78蚊嘅鰻魚飯 真係抵到傻！🤯🤯🤯🤯超厚超大條SIZE！自己去AEON買都差唔多要呢個價啦！😳骨有小小但唔算多！個醬稍鹹但係可接受～一啖鰻魚，一啖醬汁、木魚紫菜撈飯，正到爆喇！😍 先用肥膏起爐，再用真-牛油煎香吉烈牛！外表炸得好脆，油脂豐富、入口即溶牛味亦相當濃！呢度嘅溏心蛋帶醬油香，夠流心幾唔錯！

依間命名為”秘”嘅牛專門店，一定有佢秘密嘅獨門秘方如果唔係我都唔會食咁多次從未食過咁好味嘅板燒吉列牛，雖然有啲貴，要$108一客，份量唔多，但係間唔中食一次係ok嘅！講番啲牛先掂唔會比一細舊肥膏你放喺爐上面燒，然後就係用嗰啲油黎煎塊吉列牛午市加配定食($20)有秘之飯素同埋流心蛋。餐配有一個魚湯，其實無乜特別，飲過幾次都係唔熱，不過暖既，唔知係唔係佢嘅特色可能係我唔識野🙈午市仲有性價比高既鰻魚飯，$58，勝在平靚正！

有食過秘既烤肉都會覺得好味🤤而且回頭率都高👍🏻質素同價錢都合理唔知依家仲係唔係不過都照講比大家知早排佐敦呢間秘仲做埋優惠🔥 平日晏就先有呢個優惠！就係✨$58 原條饅魚飯✨如果大家真係想試，去之前不妨打個電話去問下仲有無呢個優惠😆千奇唔好白行一趟丫🤪🙈🙈呢個優惠真係非常抵食☺️同原價果個size一樣👍🏻無因為平左而縮細左！抵讚！雖然味道唔係超好食🤔不過咁既價錢食到咁既貨...正丫👅 🔥

幫朋友慶祝生日佢選了秘！但最不好意思是令壽星女受了一肚氣！點餐來了一個面黑黑超級厭世的女店員，我們點雞翼沒雞翼，點這個荷葉盛載的牛肉，店員又說超級難燒及味道比較濃，但係壽星女還是想試，所以照點！跟餐想要魚湯，沒金魚！其實現在只是晚上八點，為何叫乜冇乜？個Set黎左！賣相都不差，但的確難以控制及混亂！肉堆到滿滿，但我石頭燒又勁細，根本翻唔到，混埋一齊後賣相就真係幾核突下，食落味道勁鹹又奇奇怪怪甘！其實唔想比人點，點解唔直接取消呢個Set? 其他食物就一般般啦...不過個女店員態度真心極差！食店趕翻枱所以使出趕客態度，但想坐耐一d千其唔好揀呢度！呢度只是一間高級一點的快餐店黎！

試左牛肉鍋，好勁味精，愈食愈口渴，冇第二次。個櫻花昆布湯果然古怪，冇櫻花應該會好啲朋友食吉烈牛，佢話不過不失，睇在價錢分上都算係抵食既小食薯條要讚！新鮮炸起唔乾身大大舊，加埋芝士醬一流！

係佐敦附近返工 到左食晏時間搭lift撞到同事推介話呢間唔錯 咁就過左黎食Lunchset價錢100上下 同同事share板燒牛同鰻魚飯 兩樣都好好好好食😋😋😋😋😋😋以咁既價錢 水準算係好高 個牛一啲都唔u你調味都唔錯 賣相又靚 真係有得食又有得睇😆😆😆😆而鰻魚（冇影到相）唔洗100蚊有好大條 抵食！不調兩個女仔黎講飯量多左啲 建議可以嗌少飯什至俾少碗飯～～而且坐得舒服所以會再encore🥰🥰🥰

呢間餐廳係佐敦偉晴街附近，日頭舖面唔係好eye catching, 所以就算經過都未必留意到。夜晚有lighting會易搵d。呢度既原條饅魚好厚身，饅魚醬汁好濃味，加埋飯素撈飯真係不得了，會唔覺意一啖接一啖食哂成盒飯😝。其實飯量好多，就算男仔食都一定飽。 另外升級套餐仲會有櫻花昆布湯，加湯好清甜，飯前飯後飲都好合適！另外流心糖心蛋有會有一絲絲甜味散發出黎，幾特別。但略嫌骨比較多，同埋饅魚唔係一口就咬得開，比較韌，口感有d怪。唔知係咪燒得未夠熟定係因為本身食材唔夠新鮮？始終午市唔升級都只係$58。 下次嚟希望試下個燒黑松露吉列牛定食！見隔離枱食都好想食，好似幾足料幾大份。 

係奶奶屋企附近開左間日式餐廳奶奶話板燒唔錯，但要早d去咪好爆場，6點就一齊去試下。清酒煮活托托蜆托托蜆，真係好大隻，鮮甜又厚肉冇沙，同埋放左蒜同豆腐粒添，清酒味唔算好濃，但帶出到蜆既鮮味。秘風塘軟殻蟹一見到就覺得好熱氣😆😆😆😆。一碟有2隻原隻蟹，真係炸得鬆脆食落juicy 。蒲燒原隻鰻魚鰻魚都幾大條，仲好肥厚，但比較淋身。鰻魚面有紫菜同木魚，而鰻魚汁濃偏甜，同埋唔多夠汁。板燒安格斯牛$108 +$58轉定食以$108價錢黎講，有驚喜。安格斯牛鮮嫩，係薄切，落左黑胡椒醃過，有入口即溶感覺。轉定食：櫻花金魚湯+楓糖流心蛋+飯素紫菜飯金魚湯：，金魚幾靚。但味道一般。秘製牛肉鍋賣相一般，但材料好豐富好足料，應該炆了好耐，連南瓜都溶哂，感覺似媽媽餸。